Гастал №60, табл.
Тауарлардың көрінісі фотосуретте көрсетілгеннен өзгеше болуы мүмкін

Гастал №60, табл.

Қолжетімділігі
Тауар қолда жоқ
Үлгі
5900160300291
Елі
Израиль
Өндіруші
Teva Pharmaceuticals s.r.
  • Сипаттама

Сипаттама

Дәрілік затты медициналық қолдану жөніндегі нұсқаулық

Гастал

Саудалық атауы

Гастал

Халықаралық патенттелмеген атауы

Жоқ

Дәрілік түрі

Соруға арналған таблеткалар

Құрамы

Бір таблетканың құрамында

белсенді заттар: алюминий гидроксиді - магний карбонаты гелі -450 мг,

магний гидроксиді - 300 мг,

қосымша заттар: маннитол (Е421), сорбитол (Е420), лактоза моногидраты, жүгері крахмалы, натрий цикломаты, сахарин натрий, тальк, магний стеараты, пеперминт-хош иістендіргіші.

Сипаттамасы

Дөңгелек пішінді, тегіс беткейлі, шеттері кертілген, ақтан крем түске дейінгі таблеткалар

Фармакотерапиялық тобы

Ас қорыту жолы және зат алмасу. Қышқылдығы бұзылуымен байланысты ауруларды емдеуге арналған препараттар. Антацидтер. Алюминий, кальций және магний препараттарының біріктірілімі.

АТХ коды А02AD

Фармакологиялық қасиеттері

Гастал - ішуге арналған біріктірілген антацидтік препарат. Гастал бос хлорсутек қышқылын бейтараптандырады, бұл асқазан сөлінің пептикалық белсенділігінің азаюына және диспепсиялық бұзылулардың жойылуына алып келеді. Гастал өзінің құрамына кіретін теңдестірілген екі белсенді компоненті арқасында препараттың жылдам және ұзақ (2 сағат бойы) әсер етуіне ықпал етеді. Екіншілік аса жоғарысөліністі туғызбайды. Асқазанның шырышты қабығына зақымдаушы фактордың әсерін азайта отырып, сіңіретін және бүркемелеуші әсер береді.

Қолданылуы

  • өршу сатысындағы жедел және созылмалы гастритте
  • жедел гастродуоденитте
  • өршу сатысындағы асқазан мен 12 елі ішектің ойық жара ауруында
  • диафрагманың өңеш қуысы жарығында
  • рефлюкс-эзофагитте
  • препарат компоненттеріне аса жоғары сезімталдық
  • бүйрек функциясының айқын бұзылулары
  • Альцгеймер ауруы
  • гипофосфатемия
  • 6 жасқа дейінгі балалар
  • жүктілік
  • фруктоза, галактоза жақпаушылығы, лактаза тапшылығы немесе глюкоза және галактоза мальабсорбциясы

Қолдану тәсілі және дозалары

Таблетканы біртіндеп (бүтіндей жұтпастан) сорған жөн.

Ересектерге тамақтанудан кейін 1 сағаттан соң кешке ұйықтар алдында 2 таблеткадан күніне 3-5 рет қабылдау ұсынылады, тәуліктік дозасы 8 таблеткадан аспауы керек.

Емдеу ұзақтығы 2 аптадан аспауы тиіс, дәрігердің кеңесімен дозалаудың басқаша режимі тағайындалуы мүмкін!

Қыжыл кезінде тамақтануға байланыссыз осыған ұқсас дозалары ұсынылады.

6-дан 12 жасқа дейінгі балалар – ересектерге арналған дозаның жартысын қабылдаулары керек.

Жағымсыз әсерлері

Метаболизм және тамақтану бұзылыстары

Өте сирек

- гипермагниемия (кейіннен гипотония болатын). Магний гидроксидін бүйрек жеткіліксіздігі бар пациенттерге ұзақ енгізуден кейін байқалады

Белгісіз

-гипофосфатемия

Сүйек-бұлшықет және дәнекер тіннің бұзылулары

Белгісіз

- остеомаляция

Асқазан-ішек бұзылыстары

Белгісіз

- жүрек айну, диарея, іш қату, іштің ауыруы

Иммун жүйесінің бұзылулары

Өте сирек

- аллергиялық реакциялар

Қолдануға болмайтын жағдайлар

Дәрілермен өзара әрекеттесуі

Гастал индометацин, салицилаттар, аминазин, фенитоин, Н2-гистамин рецепторлары тежегіштері, дигоксин, бета-адреноблокаторлар, дифлунизал, изониазид, тетрациклиндік және фторхинолондық қатардағы антибиотиктер, тікелей емес антикоагулянттар, темір препараттары, барбитураттар, майда еритін дәрумендердің (оларды Гастал қабылдауға дейін 1 сағат бұрын немесе 2 сағаттан соң қабылдау қажет) сіңуін төмендетеді және баяулатады.

М-холиноблокаторлар асқазанның босауын баяулата отырып, Гасталдың әсерін күшейтеді және ұзартады. Гастал леводопа мен налидикс қышқылының әсерін күшейтеді.

Гастал (магний гидроксиді) салицилаттар бөлінуін ұлғайтуы мүмкін.

Айрықша нұсқаулар

Бүйрек функциясы бұзылған пациенттерде препаратты ұзақ қабылдағанда гипермагниемия болуы мүмкін.

Кішкентай балаларда магний гидроксидін қолдану, әсіресе бүйрек жеткіліксіздігі немесе сусыздану болған кездегипермагниемия туындатуы мүмкін.

Дене салмағы төмендеген науқастарға, бала емізетін аналар мен балаларға (6 жастан үлкен) ұзақ қолдануға болмайды. Препаратты қант диабетіжәне лактаза жеткіліксіздігі бар науқастарға, 12 жасқа дейінгі және дене салмағы 50 кг кем балаларға, егде жаста сақтықпен тағайындау керек.

Препаратты дәрігердің тағайындауынсыз екі аптадан астам пайдалануға болмайды. Ұзақ уақыт қолданғанда фосфордың тамақпен жеткілікті түсуін қамтамасыз ету керек.

Лактация кезеңі

Лактация кезеңінде препаратты ұзақ қолдану ұсынылмайды.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Жедел артық дозалану симптомдары тіркелмеген.

Алайда препаратты нұсқаулықта көрсетілгеннен едәуір жоғары дозада қабылдау, препараттың жағымсыз әсерлерін күшейтеді.

Емі: препаратты тоқтату, симптоматикалық ем жүргізу.

Шығарылу түрі және қаптамасы

6 таблеткадан алюминий фольгадан және поливинилхлоридті үлбірден жасалған пішінді ұяшықты қаптамада.

2, 5 немесе 10 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Сақтау шарттары

Құрғақ жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші

Тeva Operations Poland Sp.z.o.o., Краков, Польша

Тіркеу куәлігінің иесі

«Теva Pharmaceutical Polska Sp.z.o.o.», Варшава, Польша

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ. 17/1, Нұрлы-Тау БО, 5Б, 6 қабат. Телефон: (727)3251615; е-mail: safety.kazakhstan@tevapharm.com; веб сайт: www.teva.kz