Ибуфен бэби 60 мг №5, супп
Тауарлардың көрінісі фотосуретте көрсетілгеннен өзгеше болуы мүмкін

Ибуфен бэби 60 мг №5, супп

Қолжетімділігі
Тауар қолда жоқ
Үлгі
5903060611573
Елі
Польша
Өндіруші
ООО"Апипол Фарма"
  • Сипаттама

Сипаттама

Дәрі-дәрмектің мәртебесі:
OTC
Атауы:
ИБУФЕН Бэби (Ибупрофен) 60 мг №5 ректальді суппозиторийлер
Саудалық атауы:
Ибуфен Бэби
Халықаралық патенттелмеген атауы:
Ибупрофен
Дәрілік түрі, дозалануы:
Ректальді суппозиторийлер 60 мг
Ректальді суппозиторийлер 125 мг
Фармакотерапиялық тобы:
Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Пропион қышқылының туындылары. Ибупрофен. АТХ коды M01AE01
Қолданылуы:
- температураны төмендету үшін
- тіс жару, тіс ауыруы, бас ауыруы, созылулар мен шығып кетулер кезіндегі жеңіл және орташа ауыруды, баспа мен құлақ ауыруы кезіндегі ауыруды жеңілдету үшін
- суық тиюмен және тұмаумен байланысты ауыру мен қызбаны жеңілдету үшін.
Препарат 60 мг дозасында 3 айдан 2 жасқа дейінгі балаларда қолдануға арналған.
Препарат 125 мг дозасында 2 жастан 6 жасқа дейінгі балаларда қолдануға арналған.
Қолданудың басталуына дейінгі қажетті мәліметтер тізбесі:
Қолдануға болмайтын жағдайлар
- ибупрофенге немесе препарат құрамындағы қосымша заттарға аса жоғары сезімталдық
- салицилаттарға немесе қабынуға қарсы басқа стероидты емес препараттарға (ҚҚСП) аса жоғары сезімталдық. Аталған дәрілердің кез келгенін қолданғаннан кейін бронх түйілуі, Квинке ісінуі, есекжем немесе ринит туындаған пациенттерде, аталған препараттарға айқаспалы сезімталдыққа байланысты аллергиялық реакцияның пайда болу қаупі бар
- анамнезінде ҚҚСП тобының препараттарымен емдеу нәтижесінде асқазан-ішек жолынан қан кетудің немесе тесілуінің болуы
- асқазанның белсенді ойықжарасы немесе қан кету, немесе асқазанның қайталанған ойықжарасы/ анамнезінде қан кету (ойықжара немесе қан кетудің, немесе асқазан-ішектің басқа бұзылыстарының құжат жүзінде тіркелген кемінде екі жағдайы)
- жүрек функциясының ауыр жеткіліксіздігі
- бауыр/бүйрек функциясының ауыр жеткіліксіздігі
- жүктіліктің III триместрі
- геморрагиялық диатез
- дене салмағы 6 кг-дан аз, 3 айға толмаған, емшектегі балалар (60 мг дозасы үшін)
- дене салмағы 12,5 кг дейінгі балалар (125 мг дозасы үшін).

Қолдану кезіндегі қажетті сақтандыру шаралары
Ең төменгі тиімді дозаларын мүмкіндігінше ең аз уақыт мерзімі ішінде қолданғанда, жағымсыз әсерлерді азайтуға болады.
Қан кетулер, ас қорыту жүйесінің ойықжаралары мен тесілулері қабынуға қарсы стероидты емес дәрілерді қолданғанда кез келген уақытта, ескертпе симптомдарымен немесе оларсыз, анамнезіндегі деректерге байланыссыз туындауы мүмкін (олардың кейбіреулері өлімге әкеп соқтыруы мүмкін), бұл ҚҚСП тобының барлық препараттары үшін дәлелденген.
Анамнезінде ойықжара болғаны көрсетілген пациенттердегі қан кетулер, ас қорыту жүйесінің ойықжаралары мен тесілулерінің қаупі, қабынуға қарсы стероидты емес препараттардың дозасын арттырған кезде жоғарылай түседі. Ондай пациенттерге емдеуді мүмкіндігінше ең төменгі дозасынан бастау ұсынылады. Ондай пациенттер үшін, сондай-ақ, ацетилсалицил қышқылының төмен дозасын немесе ас қорыту жүйесінде жағымсыз әсерлердің пайда болу қаупін арттыруы мүмкін басқа препараттарды қолданып ем жүргізу қажет пациенттер үшін, қорғағыш препараттарды (мысалы, протондық сорғы тежегіштерін) қолданып біріктіріп емдеу нұсқасын қарастыру қажет.
Препаратты ойықжараның немесе қан кетудің пайда болу қаупін арттыруы мүмкін пероральді кортикостероидтар, антикоагулянттар (мысалы, варфарин), серотонинді кері қармаудың селективті тежегіштері тромбозға қарсы дәрілер (мысалы, ацетилсалицил қышқылы) сияқты басқа препараттарды бір мезгілде қолданып жүрген пациенттерде қолданғанда сақтық таныту қажет. Ибупрофенді циклооксигеназа-2 селективті тежегіштерін қоса, басқа да қабынуға қарсы стероидты емес препараттармен бір мезгілде қолданбау қажет.
Препаратты анамнезінде ас қорыту жүйесінің аурулары (ойықжаралы колит, Крон ауруы) болғаны көрсетілген пациенттерде қолданғанда сақтық қажет өйткені, аурулары өршуі мүмкін.
Анамнезінде препараттардың ас қорыту жүйесіне уытты әсерін көрсететін деректер бар пациенттерге, әсіресе, емдеудің басында, кез келген аномальді абдоминальді симптомның пайда болғаны (әсіресе, ас қорыту жүйесінен қан кету) туралы дәрігерге айтуы қажеттігін ескерту керек.
Егер ибупрофенді қолдану кезінде асқазан-ішек жолынан қан кету немесе ойықжара анықталса, препаратты қолдануды бірден тоқтату қажет.
Ибупрофен сияқты қабынуға қарсы/ауырсынуды басатын дәрілік заттарды қабылдау, әсіресе жоғары дозаларда қабылдағанда, жүрек ұстамасы немесе инсульт даму қаупінің елеусіз артуымен қатар жүруі мүмкін. Ұсынылған дозадан және емдеу ұзақтығын асырмау керек. Егер пациентте келесілер болса, Ибуфен Бэби препаратын қабылдау алдында емдеуді дәрігермен немесе фармацевтпен талқылау керек:
- жүрек аурулары, оның ішінде жүрек функциясының жеткіліксіздігі (NYHAII-III класы), стенокардия (кеуденің ауыруы ), сондай-ақ егер пациент бұрын жүрек ұстамасын өткерсе, коронарлық қантамырларға операция жасалса, кез келген түрдегі инсульт (оның ішінде«мини-инсульт» немесе транзиторлы ишемиялық шабуыл «ТИШ») немесе пациентте шеткері артерия аурулары (артерияның тарылуынан немесе артерияның бітелуі салдарынан табандағы қанайналымының нашарлауы) болуы анықталса;
- артериялық қысымның бақыланбайтын жоғарылауы, қант диабеті, қандағы холестериннің жоғары деңгейі, жүрек аурулары немесе отбасы мүшелеріндегі инсульт немесе егер пациент шылым шегетін болса.
Препаратты бауыр функциясының жеткіліксіздігі бар, сондай-ақ, бүйрек функциясы бұзылған пациенттерде қолданғанда сақтық таныту қажет, өйткені ол бүйрек функциясының ары қарай нашарлауына алып келуі мүмкін. Ондай пациенттерді емдегенде препараттың мүмкіндігінше ең төменгі дозасын қолдану және бүйрек функциясын жүйелі түрде бақылап отыру керек.
Ибупрофенді қолдану демікпесі бар пациенттерде, әсіресе, бұрын, қабынуға қарсы стероидты емес препараттардың қандай-да біреуін қолданғаннан кейін бронх түйілуі, Квинке ісінуі, есекжем немесе ринит (айқаспалы аса жоғары сезімталдық) туындаған пациенттерде демікпе ұстамасын туындатуы мүмкін.
Жүйелі қызылжегісі немесе дәнекер тіндердің басқа аурулары бар пациенттер сақтық танытуы керек.
Эксфолиативтік дерматитті, Стивенс-Джонсон синдромын және уытты эпидермалық некролизді қоса, кейбіреулері өліммен аяқталатын терінің ауыр реакциялары ҚҚСП пайдалануға байланысты сирек хабарланады. Пациенттер емнің бастапқы сатыларында көп жағдайларда емдеудің алғашқы айы ішінде туындайтын аталған реакциялардың қаупіне көбірек ұшырайды. Құрамында ибупрофен бар препараттарға қатысты, жедел жайылған экзантематозды пустулез (AGEP) туралы хабарланған. Тері бөртпесі, шырышты қабықтың зақымданулары немесе аса жоғары сезімталдықтың кез келген басқа белгілері сияқты терінің ауыр реакцияларының белгілері мен симптомдары алғаш пайда болған жағдайда, Ибупрофенді тоқтату керек.

Басқа дәрілік препараттармен өзара әрекеттесуі
Ибупрофенді келесілермен бірге қолданбау қажет:
- ацетилсалицил қышқылы дәрігердің нұсқауы бойынша азғантай (күніне 75 мг дейінгі) дозаларда қолданылатын жағдайлардан басқасында ацетилсалицил қышқылымен. Бір мезгілде қолдану жағымсыз реакциялар қаупін арттыруы мүмкін.
- циклооксигеназа-2 селективті тежегіштерін қоса, қабынуға қарсы стероидты емес препараттар тобына жататын басқа да дәрілермен. Жағымсыз реакциялар қаупі жоғарыламас үшін, қабынуға қарсы стероидты емес препараттардың екеуін немесе бірнешеуін бір мезгілде қолданбаған дұрыс.
Ибупрофен мен кейбір дәрілерді бір мезгілде қолдану келесі жағымсыз өзара әрекеттесулерге алып келуі мүмкін:
- кортикостероидтар - ас қорыту жүйесінің ойықжаралануы мен қан кету қаупі жоғарылайды
- антикоагулянттар - ҚҚСП антикоагулянттардың, мысалы, варфариннің әсерін күшейтуі мүмкін. Осы себепті, оларды бір мезгілде тек, дәрігердің бақылауымен ғана қолдануға болады.
- серотонинді кері қармаудың тромбоздық және селективті тежегіштері - ас қорыту жүйесінен қан кету қаупі жоғарылайды
- ангиотензин өзгертуші фермент (АӨФ) тежегіштері мен ангиотензин II антагонистері: ҚҚСП диуретиктік әсерін және гипертензияға қарсы басқа препараттардың әсерін төмендетуі мүмкін. Бүйрек функциясы бұзылған кейбір пациенттерде АӨФ тежегішін немесе ангиотензин II антагонисін және циклооксигеназаны тежейтін препараттарды бірге қолдану әдетте қайтымды болып келетін бүйрек функциясының жедел жеткіліксіздігі мүмкіндігін қоса, бүйрек функциясының ары қарай нашарлауына алып келуі мүмкін. Бұл өзара әрекеттесулерді, ибупрофенді АӨФ тежегіштерімен немесе ангиотензин II антагонистерімен бір мезгілде қабылдап жүрген пациенттерде ескеру керек. Осылайша, бір мезгілде қолдануды сақтықпен жүргізу керек. Пациенттер суды жеткілікті мөлшерде ішуі тиіс, қатарлас емді бастағаннан кейін және ары қарай жүйелі түрде, бүйрек функциясына мониторинг жүргізу қажет.
- жүрек гликозидтері - ҚҚСП жүрек функциясының жеткіліксіздігін ушықтыруы, шумақтық сүзілуді төмендетуі және жүрек гликозидтерінің плазмадағы деңгейін арттыруы мүмкін
- литий - литийдің шығарылуы нашарлайды
- метотрексат - метотрексаттың шығарылуы нашарлайды;
- циклоспорин - ҚҚСП нефроуыттылығының қаупі артады
- аминогликозидтер - сезімтал адамдарда бүйрек функциясы нашарлайды, аминогликозидтердің шығарылуы нашарлайды және олардың плазмадағы концентрациялары жоғарылайды
- пробенецид - ҚҚСП және олардың метаболиттері метаболизмінің баяулауы және шығарылуының нашарлауы
- диабетке қарсы препараттар - сульфонамидтің метаболизмі баяулайды, оның жартылай ыдырау мерзімі ұзарады және гипогликемия қаупі жоғарылайды
- зидовудин - гемофилиясы бар, зидовудинмен және ибупрофенмен бір мезгілде ем қабылдап жүрген АИТВ-оң пациенттерде гемартроз бен гематома қаупінің артқаны жөнінде деректер бар.

Арнайы сақтандырулар
Препаратты анус немесе тік ішек бұзылулары бар пациенттерде қолданғанда сақтық таныту қажет.
Инфекциялар
Ибуфен Бэби қызу және ауырсыну сияқты инфекциялардың белгілерін бүркемелей алады. Сондықтан Ибуфен Бэби инфекцияның тиісті емін кешіктіруі ықтимал, бұл асқыну қаупінің артуына әкелуі мүмкін. Бұл бактериялар туындатқан пневмонияда және желшешекке байланысты терінің бактериялық инфекцияларында байқалды. Егер сіз бұл дәріні инфекция кезінде қабылдасаңыз, ал инфекция симптомдары сақталса немесе нашарласа, дереу дәрігерге қаралыңыз.
Фертильділік
Циклооксигеназа/простагландин синтезін тежейтін препараттар әйелдерде ұрпақ өрбіту қабілетін төмендетуі және овуляцияға әсер етуі мүмкіндігін көрсететін деректер бар. Көрсетілген әсері қайтымды сипатта және емдеу тоқтатылғаннан кейін тыйылады.
Жүктілік және лактация кезеңі
Әдебиет деректері бойынша, ибупрофен жүктіліктің үшінші триместрінде қарсы көрсетілімді.
Шектеулі сынақтарда, ибупрофеннің ана сүтіне өте төмен концентрацияда бөлінетіндігі анықталды, сондықтан оның сәбилерге теріс әсер ету ықтималдығы өте аз.
Препараттың көлік құралын және қауіптілігі зор механизмдерді басқару қабілетіне әсер ету ерекшеліктері
Қысқа мерзімде қолданылғанда препарат автокөлік жүргізу, қозғалыстағы механизмдерді басқару қабілетіне әсер етпейді немесе оның әсері елеусіз.
Қолдану жөніндегі нұсқаулар:

Ректальді қолдануға арналған

Бір реттік дозасы дене салмағына 10 мг/кг аспауы тиіс.

Ибупрофеннің ең жоғарғы тәуліктік дозасы дене салмағына 20-30 мг/кг құрайды және бөлек-бөлек 3-4 дозаға бөлінуі тиіс.

60 мг дозасы үшін:

3 айға толмаған балаларда қолдануға болмайды.

Салмағы 6 кг аз балаларда қолдануға болмайды.

Әдетте қолданылатын дозалау режимі:

Жас шамасы (салмағы)

Бір реттік дозасы

Тәуліктік дозасы

3 айдан 9 айға дейін

(6-дан 8 кг-ға дейін)

1 суппозиторий

Тәулігіне 3 рет әр 6-8 сағат сайын. Тәулігіне 3 суппозиторийден артық қолдануға болмайды.

9 айдан 2 жасқа дейін

(8-ден 12 кг-ға дейін)

1 суппозиторий

Тәулігіне 4 рет әр 6 сағат сайын. Тәулігіне 4 суппозиторийден артық қолдануға болмайды.

6 айға толмаған балаларға препаратты дәрігермен кеңескеннен кейін ғана беруге болады.

125 мг дозасы үшін:

Салмағы 12,5 кг аз балаларға қолдануға болмайды.

Жас шамасы (салмағы)

Бір реттік дозасы

Тәуліктік дозасы

2 жастан 4 жасқа дейін

(12,5-тен 17 кг-ға дейін)

1 суппозиторий

Тәулігіне 3 рет әр 6-8 сағат сайын. Тәулігіне 3 суппозиторийден артық қолдануға болмайды.

4 жастан 6 жасқа дейін

(17-ден 20,5 кг-ға дейін)

1 суппозиторий

Тәулігіне 4 рет әр 6 сағат сайын. Тәулігіне 4 суппозиторийден артық қолдануға болмайды.

2 жасқа толмаған балаларға препаратты дәрігермен кеңескеннен кейін ғана тағайындауға болады.

Егер сізде инфекция болса, егер симптомдары ( қызба және ауыру сияқты) сақталса немесе нашарласа, дереу дәрігерге қаралыңыз («Арнайы сақтандырулар» бөлімін қараңыз).

Артық дозалану жағдайында қабылдау қажет болатын шаралар

Артық дозалану симптомдары жүрек айнуды, құсуды, іш ауыруын, сирегірек диареяны, бас ауыруды, бас айналуды, ұйқышылдықты, нистагм, бұлыңғыр көруді, құлақтың шыңылдауын және сирек жағдайда, гипотензия және асқазан-ішектен қан кетулерді қамтуы мүмкін. Ауырырақ уланулар жағдайында, уыттылығы орталық жүйке жүйесінде байқалып, бас айналумен, ұйқышылдықпен, кейде қозумен және бағдарсыздықпен немесе комамен көрініс береді. Кейде пациенттерде құрысулар, метаболизмдік ацидоз, бүйрек функциясының жеткіліксіздігі және естен тану дамиды.

200 мг/кг асатын дозада уыттылығының туындау қаупі бар. Бронх демікпесі бар пациенттерде аталған ауру өршуі мүмкін.

Спецификалық антидоты жоқ.

Пациенттерге қажеттілігіне қарай симптоматикалық ем жүргізу керек. Қажет болған жағдайда, демеуші ем ұсынылады.

Дәрілік препараттың бір немесе бірнеше дозасын өткізіп алу кезінде қажет болатын шаралар

Препараттың кезекті дозасын өткізіп алған кезде оны мүмкіндігінше тезірек қабылдау керек. Егер кезекті дозаны қабылдағанға дейін біраз уақыт қалса, оны жоспарланған уақытта қабылдау керек. Өткізіп алғанды толтыру үшін препараттың қосарлы дозасын қабылдамаған жөн.

Дәрілік препаратты қолданар алдында дәрігердің немесе фармацевттің кеңесіне жүгініңіз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар:
Ибупрофенмен емдеу кезінде туындауы мүмкін жағымсыз құбылыстар кездесу жиіліктеріне қарай келесі ретпен топтастырылған: өте жиі (≥ 1/10), жиі (≥ 1/100 - < 1/10 дейін), жиі емес (≥1/1000 - < 1/100 дейін), сирек (≥ 1/10000 - < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес)
Жиі емес
- іштің ауыруы, жүрек айну, диспепсия
- бас ауыруы
- тері бөртпесімен және қышынумен жүретін аса жоғары сезімталдық реакциялары.
Сирек
- диарея, метеоризм, іш қату, құсу.
Өте сирек
- мелена, қан құсу, ойықжаралы стоматит, колиттің және Крон ауруының өршуі, гастрит, асқазанның ойықжаралы ауруы, асқазан-ішектен қан кету немесе тесілуі, кейде өліммен аяқталатын
- бүйрек функциясының жедел жеткіліксіздігі, әсіресе, ұзақ уақыт емдегенде, қан сарысуындағы мочевинаның жоғарылауымен және ісінумен байланысты папиллярлық некроз
- гемопоэздік бұзылулар (анемия, лейкопения, тромбоцитопения, панцитопения, агранулоцитоз). Алғашқы белгілері: қызбаны, тамақтың ауыруын, ауыз қуысының беткейлік зақымдануларын, тұмау тәрізді симптомдарды, қатты шаршауды, мұрыннан қан кетулерді және тері немесе тері астындағы жұмсақ тіндердің қанталауын қамтуы мүмкін.
- ҚҚСП емімен біріктірген кезде ісінулер, қан қысымының жоғарылауы және жүрек функциясының жеткіліксіздігі туралы хабарламалар келіп түскен
- бауыр функциясының бұзылуы, әсіресе, ұзақ уақыт емдегенде, холестаз, сарғаю, гепатит, қан сарысуындағы ферменттер деңгейінің жоғарылауы
- полиморфты эритема, уытты эпидермалық некролиз, Стивенс-Джонсон синдромы сияқты тері реакцияларының ауыр түрлері
- аса жоғары сезімталдықтың ауыр жалпы реакциялары, олар беттің ісінуімен, тілдің ісінуімен, тамақтың ісінуімен көрініс беруі мүмкін, ентігу, тахикардия, гипотония (анафилаксия, ангиодистрофия немесе ауыр шок), демікпенің өршуі және бронх түйілуі. Бұрыннан аутоиммундық бұзылыстары (мысалы, жүйелі қызылжегі, дәнекер тіннің аралас ауруы) бар пациенттерде ибупрофенмен емделу кезінде желке бұлшықеттерінің сіресуі, бас ауыру, жүрек айну, құсу, құрысу және бағдарсыздық сияқты, асептикалық менингит симптомдарының бірен-саран жағдайлары байқалған
- демікпе, демікпенің өршуі, бронх түйілуі немесе диспноэ сияқты аса жоғары сезімталдық реакциялары.
Белгісіз
- DRESS синдром: эозинофилиямен және жүйелік симптомдармен байқалатын дәрілік реакция
- жедел жайылған экзантематозды пустулез (AGEP).
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер:
Дәрілік препараттың құрамы
Бір суппозиторийдің құрамында:
әсер етуші зат: 0,06 г немесе 0,125 г ибупрофен
қосымша заттар: қатты май (Витепсол Н15), қатты май (Витепсол W45)

Сыртқы түрінің, иісінің, дәмінің сипаттамасы
Ақ немесе ақ дерлік, торпедо тәрізді суппозиторийлер.
Шығарылу түрі және қаптамасы:
Полиэтиленмен ламинацияланған поливинилхлорид үлбірден жасалған пішінді ұяшықты қаптамаларда 5 суппозиторийден. 1 немесе 2 пішінді ұяшықты қаптамадан қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі:
2 жыл
Ашылған құтыны 6 ай ішінде пайдалану керек.
Жарамдылық мерзімі өткеннен кейін қолдануға болмайды!

Сақтау шарттары
Жарықтан қорғалған жерде, 25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары:
Рецептісіз
Өндіруші туралы мәліметтер:
«Фармина» ЖШҚ
Мысленица зауыты
Х. Цегельский к-сі 2, 32-400 Мысленице, Польша
Телефон нөмірі: +48 12 2909000
Электронды пошта: info@farmina.pl
Тіркеу куәлігінің ұстаушысы:
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі: +7 7252 (610151)
Автожауапбергіш нөмірі: +7 7252 (561342)
Электронды пошта: infomed@santo.kz
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, элект:
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі: +7 7252 (610151)
Автожауапбергіш нөмірі: +7 7252 (561342)
Электронды пошта: complaints@santo.kz; phv@santo.kz