Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Кетонал 100 мг № 12 суппозит. ректал.

2405
Қолжетімділігі
Сатылымда бар
Үлгі
8699516893293
Елі
Турция
Өндіруші
Сандоз Фармасьютикалс
  • Сипаттама
  • Дәріханалар

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Кетонал®

Халықаралық патенттелмеген атауы

Кетопрофен

Дәрілік түрі, дозасы

100 мг суппозиторийлер

Фармакотерапиялық тобы

Фармакотерапиялық тобы: Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Пропион қышқылы туындылары. Кетопрофен.

АТХ коды: М01АЕ03

Қолданылуы

Препарат ересектер мен 15 жастан асқан балаларда қолдануға арналған.

Ұзақ мерзімді симптоматикалық емдеу:

- созылмалы ревматизм, атап айтқанда ревматоидты артрит, реактивті артрит, шорбуынданатын спондилоартрит (немесе Фиссингер-Леруа-Рейтер синдромы және псориаздық ревматоидты артрит сияқты ұқсас синдромдары бар)

остеоартриттің кейбір ауыр түрлері

Қысқа мерзімді симптоматикалық емдеу:

- буыннан тыс ревматизмде (тендинит, бурсит, иық буыны капсулиті)

- микрокристалды артрит

- остеоартритте

- остеоартроз

- жарақаттан кейінгі ауырсыну синдромы

- операциядан кейінгі ауырсыну синдромы

- радикулалгия

- белдің ауруы

- альгодисменорея

- онкологиялық аурулары бар пациенттердегі сүйек метастаздары кезіндегі ауыру

- подаграда, жалған подаграда

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- кетопрофенге немесе препараттың кез келген қосымша компонентіне жекелей жоғары сезімталдық

- кетопрофенді немесе басқа стероидты емес қабынуға қарсы препараттар немесе салицилаттар (мысалы, ацетилсалицил қышқылы) сияқты ұқсас әсер етуші заттарды қабылдаудан туындаған ринит, бронх түйілуі, демікпе, аллергиялық бөртпе немесе аллергиялық реакциялар тарихы бар пациенттерге

- жүректің ауыр жеткіліксіздігі

- асқыну фазасындағы асқазан-ішек жолының аурулары (гастрит, асқазан және он екі елі ішектің ойық жаралы ауруы, анамнезінде асқазан-ішек қан кетулерін, ойық жаралардың пайда болуын немесе тесілуін көрсету)

- қан кетулер (асқазан-ішек, цереброваскулярлық немесе басқа да белсенді қан кетулер)

- қан кетуге бейімділік

- бауыр немесе бүйрек функциясының айқын бұзылулары

- қан тарапынан бұзылулар (лейкопения, тромбоцитопения, гемокоагуляцияның бұзылулары)

- проктит немесе тік ішектің шырышты қабығының қабынуының басқа түрлері

- анамнезінде жақында болған ректальді немесе анальді қан кетуді көрсету

- аортокоронарлық шунттауды болжайтын хирургиялық араласу аясында ауырсыну синдромдарын емдеуде

- анамнездегі созылмалы ас қорыту бұзылысы

- анамнездегі проктит немесе прокторрагия

- жүктіліктің үшінші триместрі және лактация кезеңі

- 15 жасқа дейінгі балалар мен жасөспірімдер

Қолданған кездегі қажетті сақтандыру шаралары

Кетопрофенді басқа да ҚҚСП, оның ішінде ЦОГ-2 селективті тежегіштерімен қоса, бір мезгілде қабылдауға болмайды.

Демікпе, созылмалы ринит, созылмалы синусит және/немесе мұрын полипозы бар пациенттерде аллергиялық реакциялар басқа пациенттерге қарағанда жиі пайда болуы мүмкін.

Егде жастағы пациенттер

Анемнездегі асқазан-ішек жолдарының аурулары бар пациенттергекетопрофендіерекше сақтықпен тағайындау керек (қан кету және перфорация алдыңғы симптомдарсыз кенеттен дамуы мүмкін).

ҚҚСП емінің ұзақ курстары, соның ішінде кетопрофенмен, гематологиялық көрсеткіштерді, бауыр және бүйрек функциясының көрсеткіштерін, әсіресе егде жастағы пациенттерде, мониторинг жүргізу қажет етеді.

Асқазан-ішектік қан кету, ойық жаралардыңтүзілулері мен тесілулері

Ойық жара немесе қан кету қаупін жоғарылататын пероральді қабылданатын кортикостероидтар, антикоагулянттар (мысалы варфарин), серотонинді кері қармау селективті тежегіштері немесе антиагреганттық дәрілер (оның ішінде ацетилсалицил қышқылы) сияқтыларды қабылдайтын пациенттерде сақтық шараларын сақтау керек. ҚҚСП (пероральді кортикостероидтар), депрессияны емдеуге арналған препараттар (серотонинді кері қармау селективті тежегіштері тобынан) дозасы жоғарылауымен асқазан-ішек қан кетулері, ойық жараның пайда болуы немесе тесілу қатері жоғарылайды. Мұндай жағдайларда асқазан-ішек жолдарына протективті әсер ететін препараттармен біріктірілген емді (мысалы, мизопростол немесе протонды помпа тежегіштері) қарастырған жөн.

Асқазан-ішек жолдары аурулары бар пациенттер (әсіресе егде жастағы адамдар) кез келген абдоминальді білінулерді емдеуші дәрігерге хабарлауы тиіс.

Асқазан-ішек қан кетулері немесе асқазан-ішек жолдарының ойық жарасы туындаған жағдайда емді шұғыл тоқтату керек.

ҚҚСП-ны аурудың асқыну қаупіне байланысты анамнезінде асқазан-ішек аурулары (ойық жаралы колит, Крон ауруы) бар пациенттерге сақтықпен және мұқият қадағалаумен тағайындау керек.

Жүрек-қантамыр және цереброваскулярлық бұзылулар

ҚҚСП-пен ем кезінде организмде сұйықтық іркілуі дамуы немесе күшеюі туралы хабарламалар болуына байланысты, артериялық гипертензия және/немесе іркілген жүрек жеткіліксіздігі бар пациенттерді мұқият қадағалау керек.

Кетопрофенмен ем кезінде, әсіресе жүрек­-қантамыр ауруы бар пациенттерде артериялық қысым мониторингі ұсынылады.

Бақыланбайтын артериялық гипертензиясы, жедел және жүректің ауыр созылмалы жеткіліксіздігі, жүректің ишемиялық ауруы бар, шеткері артерия және/немесе цереброваскулярлы аурулармен ауыратын пациенттерге кетопрофенмен ем абайлап жүргізілуі тиіс.

Осындай бақылауды жүрек-қантамыр ауруларының (мысалы, артериялық гипертензия, гиперлипидемия, қант диабеті немесе темекі шегу) қауіп факторлары бар пациенттерді ұзақ емдеуді бастар алдында жүргізу қажет. Кейбір ҚҚСП қолдану артериялық тромбоздар (миокард инфаркті, инсульт) қатері дамуына байланысты болуы мүмкін. Кетопрофен үшін бұл қатерді жоққа шығаратын деректер жеткіліксіз.

Сондай-ақ гемостаздың бұзылулары, гемофилия, Виллебранд – Юргенс ауруы, ауыр тромбоцитопения, бүйрек немесе бауыр жеткіліксіздігі бар пациенттерде және антикоагулянттар (кумарин және гепарин туындыларын, бәрінен бұрын молекулярлық салмағы төмен гепариндер) қабылдайтын пациенттерде де сақтық шараларын сақтау керек.

Тері реакциялары

ҚҚСП қолданумен байланысты эксфолиативтік дерматитті, Стивенс-Джонсон синдромын және Лайел синдромын (уытты эпидермалық некролиз) қоса алғанда, терінің ауыр реакцияларының (олардың кейбіреулері өліммен аяқталатын) дамуы туралы өте сирек хабарланған.

Бұл жағдайлардың дамуының ең үлкен қаупі емдеудің басталуына келеді, көп жағдайда олар емдеудің бірінші айында дамиды. Кетопрофенді қолдануды тері бөртпесі, шырышты қабықтардың ойық жаралануы немесе аса жоғары сезімталдықтың кез келген басқа белгілері алғаш пайда болған кезде тоқтату керек.

Функционалдық бүйрек және бауыр жеткіліксіздігі

Емдеудің басында жүрек жеткіліксіздігі бар, цирроз және нефрозбен ауыратын пациенттерде, диуретиктер қабылдайтын пациенттерде, бүйректің созылмалы жеткіліксіздігі бар пациенттерде, әсіресе егде жастағы пациентте, бүйрек функциясына мұқият мониторинг жүргізу керек. Мұндай пациенттерде кетопрофенді қабылдау простагландиннің тежелуі нәтижесінде бүйрек қан ағыны төмендеуін туындатып, бүйректің декомпенсациясына алып келуі мүмкін.

Сұйықтықтың іркілісі

Ісіну, гипертония немесе артериялық гипертензияның жоғарылауы, жүрек жеткіліксіздігінің өршуі мүмкін сұйықтықтың іркілісі. Артериялық гипертензия немесе жүрек жеткіліксіздігі жағдайында емдеудің басынан бастап клиникалық мониторинг қажет. Гипотензиялық препараттардың әсері төмендеуі мүмкін.

Гиперкалиемия

Гиперкалиемия, әсіресе қант диабеті, бүйрек жеткіліксіздігі бар пациенттерде және/немесе калий жинақтайтын препараттармен бірге қолданғанда дамуы мүмкін. Мұндай пациенттерде калий деңгейін мұқият бақылау керек.

Бұл дәрілерді бүйрек жеткіліксіздігі төмен немесе орташа және төмендегілердің кез-келгенін қабылдайтын пациенттерде қолданудан аулақ болу керек: басқа стероидты емес қабынуға қарсы препаратты, пероральді антикоагулянтты, литийді, аспиринді ауыруды басатын, ыстықты түсіретін немесе қабынуға қарсы дозаларында, метотрексатты апта сайын төмен молекулалы гепариндермен және тектес заттармен, фракцияланбаған гепариндермен аптасына 20 мг-ден асатын дозада.

Көру қабілетінің бұзылулары

Егер емдеу кезінде көру бұзылулары байқалса, емдеуді тоқтату керек.

Хирургиялық араласымдар

Радикальді хирургиялық араласулар алдында кетопрофенмен емді тоқтату керек.

Жасырын инфекциялар симптомдарын жасыру

Кетонал® қызба және ауырсыну сияқты инфекция белгілерін жасыруы мүмкін. Сондықтан Кетонал® инфекцияның тиісті емін кейінге қалдыруы мүмкін, бұл асқыну қаупінің артуына әкелуі мүмкін. Бұл бактериялар мен желшешекке байланысты бактериялық тері инфекцияларынан туындаған пневмонияда байқалды. Егер сіз Кетонал® дәрілік препаратын инфекция кезінде қабылдасаңыз және сіздің қызба және ауыру сияқты инфекция симптомдарыңыз сақталса немесе нашарласа, дереу дәрігерге қаралу ұсынылады.

Басқа дәрілік препараттармен өзара әрекеттесуі

Гиперкалиемиямен байланысты қауіп

Кейбір дәрілік препараттар немесе емдік кластар гиперкалиемияның дамуына ықпал етуі мүмкін: калий тұздары, калий жинақтайтындиуретиктер, АӨФ тежегіштері, ангиотензин II антагонистері, стероидты емес қабынуға қарсы препараттар, гепариндер (төмен молекулалы немесе фракцияланбаған), циклоспорин немесе такролимус, триметоприм сияқты иммунодепрессанттар.

Осы препараттардың біріктірілімі гиперкалиемия қаупін арттырады. Бұл қауіп әсіресе калий жинақтайтын диуретиктерді қолданғанда, әсіресе бір-бірімен немесе калий тұздарымен үйлескенде зор, ал мысалы, АӨФ және ҚҚСП тежегішінің біріктірілімі ұсынылған сақтық шараларын сақтаған кезде аз қауіп тудырады.

Гиперкалиемиялық препараттарға тән қауіптер мен шектеулер деңгейін білу үшін әр затқа тән өзара әрекеттесуге жүгіну керек.

Алайда, триметоприм сияқты кейбір заттар бұл қауіпке қатысты айрықша өзара әрекеттесудің мәні болып табылмайды. Сонымен де, олар жоғарыда аталған сияқты басқа препараттармен бірге триггер факторлары ретінде әрекет ете алады.

Препараттардың ұсынылмайтын біріктірілімдері:

Басқа ҚҚСП (оның ішінде жоғары дозадағы аспирин)

Ойық жара және асқазан-ішектен қан кету қаупінің жоғарылауы(қосымша синергизм).

Ацетилсалицил қышқылына келетін болсақ, бұл қабынуға қарсы дозалар (дозасына ≥ 1 г және / немесе күніне ≥ 3 г) және анальгетиктер немесе ыстық түсіретін дозалар (дозасына ≥ 500 мг және / немесе күніне < 3 г) туралы айтылады.

Антикоагулянттар (гепарин және варфарин) және (апиксабан, ривароксабан, эдоксабан)

Асқазан-ішектен қан кету және ойық жаралардың түзілу қаупінің жоғарылауына байланысты антикоагулянттары немесе кортикостероидтары бар Кетонал® қабылдайтын пациенттер тұрақты мониторинг жүргізуді қажет етеді.

Антикоагулянттар (гепарин және варфарин), серотонинді қайта қармаудың селективті тежегіштері және тромбоциттер агрегациясының тежегіштері (яғни тиклопидин, клопидогрель) қан кетудің пайда болу қаупін арттырады.

Литий

Литий мен кетопрофенді бір мезгілде қолдану бүйректегі литий секрециясының төмендеуіне және кейіннен қан сарысуындағы литий деңгейінің уытты деңгейге дейін жоғарылауына әкелуі мүмкін. Қандағы литий концентрациясын мұқият бақылап, ҚҚСД емдеу кезінде және одан кейін литий препараттарының дозасын уақтылы түзету керек.

Метотрексат аптасына 20 мг астам дозаларда

Метотрексаттың гематологиялық уыттылығы, әсіресе оны жоғары дозаларда (аптасына 15 мг-ден астам) қолдану кезінде артады, бұл метотрексаттың плазма ақуыздарымен қосылыстардан ығысуына және метотрексаттың бүйрек экструзиясының азаюына байланысты болуы мүмкін.

Кетопрофенмен емдеудің аяқталуы немесе басталуы мен метотрексатты қабылдау арасында кемінде 12 сағат өтуі тиіс.

Пеметрексед (бүйрек функциясы төмен және орташа пациенттер, креатинин клиренсі 45 мл / мин бастап 80 мл / мин дейін)

Пеметрекседтің уыттылығының жоғарылау қаупі (ҚҚСП әсерінен пеметрекседтің бүйрек клиренсінің төмендеуі).

Сақтықты қажет ететін біріктірілімдер:

Диуретиктер

Диуретиктер қабылдайтын пациенттерде, әсіресе дегидратациясы (сусыздануы) бар пациенттерде простагландиннің тежелуі салдарынан бүйрек арқылы қан ағымының төмендеуіне байланысты бүйрек жеткіліксіздігінің жоғары қаупі бар. Мұндай пациенттерге емдеу басталғанға дейін бүйрек функциясын түзету үшін екі-үш дәрілік затты бір мезгілде қолданар алдында регидратация жүргізу керек.

АКФ тежегіштері және ангиотензин II рецепторларының антагонистері

Кетопрофенді АКФ тежегіштерімен, ангиотензин II рецепторларының антагонистерімен және бүйрек функциясы бұзылған пациенттерде (мысалы, сусызданған пациенттерде немесе егде пациенттерде) циклооксигеназа-2 тежегіштерімен бір мезгілде қолдану бүйрек функциясының одан әрі нашарлауына, соның ішінде бүйректің жедел жеткіліксіздігінің дамуына әкелуі мүмкін.

Метотрексат аптасына 20 мг кем дозаларда

Кетопрофен мен метотрексатты бір мезгілде қолданудың алғашқы апталары ішінде аптасына бір рет толық қан талдауын жүргізу қажет. Егде жастағы пациенттерде немесе пациенттерде бүйрек функциясының бұзылуының қандай да бір белгілері пайда болған кезде жалпы қан талдауын жиі жүргізу талап етіледі.

Пеметрексед (бүйрек функциясы қалыпты пациенттер)

Пеметрекседтің уыттылығының жоғарылау қаупі (ҚҚСП әсерінен пеметрекседтің бүйрек клиренсінің төмендеуі).

Циклоспорин және такролимус

Нефроуытты жанама әсерлердің жоғарылау қаупі, әсіресе егде жастағы адамдарда.

Тенофовир, дизопроксил

Тенофовирдің нефроуыттылығының жоғарылау қаупі, әсіресе қабынуға қарсы дәрінің жоғары дозаларында немесе бүйрек жеткіліксіздігінің қауіп факторлары болған кезде.

Жүрек гликозидтері

Кетопрофен мен дигоксин арасындағы фармакокинетикалық өзара әрекеттесу байқалған жоқ. Алайда, әсіресе бүйрек жеткіліксіздігі бар пациенттерде сақ болу керек, өйткені ҚҚСП бүйрек қызметін бұзып, жүрек гликозидтерінің бүйрек клиренсін төмендетуі мүмкін.

Кортикостероидтар

Кортикостероидтармен, депрессияны емдеуге арналған препараттармен бірге қолданған кезде ойық жаралар мен асқазан-ішектен қан кету қаупі артады.

Деферасирокс

Ойық жаралар және асқазан-ішектен қан кету қаупінің жоғарлауы.

Пентоксифиллин

Кетопрофенмен бір мезгілде қолдану қан кетудің пайда болу қаупін арттыруы мүмкін. Жиі клиникалық мониторинг және қан кету уақытын жиі бақылау қажет.

Гипертензияға қарсы препараттар (бета-блокаторлар, АӨФ тежегіштері және диуретиктер)

Кетопрофенмен бір мезгілде қолдану осы дәрілік заттардың гипертензияға қарсы әсерін төмендетуі мүмкін (өйткені ҚҚСД простагландиндердің тамыр кеңейтетін белсенділігін тежейді).

Пробенецид

Кетопрофенді пробенецидпен бір мезгілде қолдану қан плазмасынан кетопрофеннің экструзиясын едәуір төмендетуі мүмкін.

Никорандил

Никорандил және ҚҚСП қабылдайтын пациенттерде асқазан-ішек жолының ойық жарасының пайда болуы, перфорация және қан кету сияқты елеулі асқынулардың жоғары қаупі бар.

Фенитоин

Кетонал® пероральді қантты төмендететін препараттар мен кейбір құрысуға қарсы дәрілердің әсерін күшейтеді.

Арнайы ескертулер

Жүктілік

Кетонал® суппозиторийлері препаратын жүктіліктің үшінші триместрінде қолдануға болмайды. Кетонал® суппозиторийлері препараты, егер анаға және/немесе балаға төнетін қаупінен күтілетін емдік әсері пайдасының асып түсетін жағдайда ғана жүктіліктің бірінші-екінші триместрінде тағайындалуы мүмкін.

Егер кетопрофен жүктіліктің бірінші және екінші триместрінде пайдаланған жағдайда доза ең аз шамадажәне емдеу ұзақтығы неғұрлым қысқа болуы тиіс.

Лактация кезеңі

Кетопрофеннің емшек сүтіне енуі туралы деректер жоқ, сондықтан Кетонал® препаратын лактация кезеңінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бас айналу, кеңістіктегі бағдарсыздық, ұйқышылдық, жинақтап көре алмау немесе құрысулар туындаған жағдайда көлік жүргізуге және қауіптілігі зор механизмдерді басқаруға болмайды.

Қолдану жөніндегі нұсқаулар

Дозалау режимі

Ересектер мен 15 жастан асқан балаларға: тәулігіне 1-2 рет 1 суппозиторийден (100 мг) тағайындайды.

Қажет болған жағдайда ем Кетонал® препаратының пероральді түрде пайдаланумен толықтырылуы мүмкін, мысалы, төмендегі сызба бойынша:

- пациент 50 мг Кетонал препаратын 1 капсуладан таңертең және түсте қабылдайды, ал кешке Кетонал® 1 суппозиторийін ректальді түрде енгізеді; немесе

- пациент 100 мг Кетонал Форте препаратын 1 таблеткадан таңертең қабылдайды, және кешке Кетонал® 1 суппозиторийін (100 мг) ректальді түрде енгізеді.

Кетопрофеннің ең жоғары тәуліктік дозасы 200 мг аспауы тиіс.

200 мг ең жоғары тәуліктік дозамен емдеуді бастар алдында пайда / қауіп арақатынасын мұқият бағалау керек, бұл ретте неғұрлым жоғары дозаларды пайдалану ұсынылмайды

Пациенттердің ерекше топтары

Балалар

Препаратты 15 жасқа дейінгі балаларға қолдануға болмайды.

Егде жастағы пациенттер

Егде жастағы пациенттерде жағымсыз әсерлердің күрделі салдарыныңқаупі жоғары болады. Егер қабынуға қарсы стероидты емес препараттармен (ҚҚСП) емдеу қажетті деп саналса, ең аз дозасын қолдану керек және асқазан-ішектен қан кетуді анықтауға байланысты ҚҚСП қолданатын емдеу басталғаннан кейін пациент төрт апта бойы әрдайым бақылауда болуы тиіс.

Бүйрек жеткіліксіздігі

ҚҚСП бүйректік простагландиндердің вазодилатациялайтын әсерін басып, шумақтық сүзілудің төмендеуі есебінен функционалдық бүйрек жеткіліксіздігін тудыруы мүмкін. Бұл жағымсыз реакция дозаға байланысты.

Емнің басында немесе дозасының ұлғаюынан кейін мынадай қауіп факторлары бар пациенттерге диурез бен бүйрек функциясының мониторингі ұсынылады: егде жас, ілеспе дәрілік заттар, мысалы: АӨФ тежегіштері, БРА, диуретиктер, себептеріне қарамастан гиповолемия, жүрек жеткіліксіздігі, созылмалы бүйрек жеткіліксіздігі, нефрит синдромы,жегілік нефрит, бауыр циррозы.

Енгізу әдісі мен жолы

Кетонал® суппозиторийлері тік ішекке енгізіледі.

Емдеу ұзақтығы

Ең төмен тиімді доза симптомдарды жеңілдету үшін қажетті ең қысқа уақыт кезеңі ішінде пайдаланылуы тиіс. Егер сізде инфекция болса және қызба және ауырсыну сияқты инфекция белгілері сақталса немесе нашарласа, дереу дәрігерге барған жөн.

Артық дозаланған жағдайда қабылдануы тиіс шаралар

Артық дозалану жағдайлары кетопрофеннің 2,5 г дейінгі дозаларында байқалған.

Симптомдары: бас ауруы, бас айналу, ұйқышылдық, жүрек айну, құсу, диарея, іштің ауыруы. Ауыр уыттану жағдайында: қан құсу, нәжістің қараюы, сананың бұзылуы, тыныс алудың нашарлауы, гипотензия, құрысу, бүйрек функциясының бұзылуы және бүйрек жеткіліксіздігі.

Емі: симптоматикалық және демеуші ем, сусызданудың орнын толтыру үшін несеппен шығарылуды бақылау және бар болған кезде ацидозды түзету, арнайы антидоты жоқ. Бүйрек жеткіліксіздігі болғанда қаннан айналымдағы дәрілік заттың шығарылуы үшін гемодиализ пайдалы болуы мүмкін.

Ауыр артық дозалануға күдіктенген жағдайда асқазанды шаю ұсынылады.

Дәрілік препараттың қолдану тәсілін түсіндіру үшін медициналық қызметкерге кеңес алу үшін хабарласу ұсынылады

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден <1/10-ға дейін), жиі емес (≥ 1/1000-нан <1/100-ге дейін), сирек (≥ 1/10 000-нан <1/1000-ға дейін), өте сирек (<1/10 000), жиілігі белгісіз (қолда бар деректер негізінде бағалау мүмкін емес).

Жиі

- диспепсиялық құбылыстар, тәбеттің төмендеуі, жүрек айнуы, құсу, абдоминальді ауыру

Жиі емес

- бас ауыруы, бас айналуы, ұйқышылдық

- ісіну

- диарея, гастрит, асқазанның бұзылысы, метеоризм, іш қату

- тері бөртпесі, қышыну

Сирек

- геморрагиялық анемия

- анафилаксиялық реакциялар (анафилаксиялық шокты қоса алғанда), ангионевроздық ісіну

- депрессия, ұйқысыздық, парестезия

- көрудің нашарлауы

- құлақтағы шуыл, тиннитус

- бронх демікпесінің ұстамасы

- стоматит, асқазан және он екі елі ішектің ойық жарасы, колит

- гепатит, трансаминазалар мен билирубин деңгейінің жоғарылауы

- шаршау

- дене салмағының артуы

- күйдіру сезімі, тенезм және нәжістің сұйылуы

Өте сирек

- агранулоцитоз, тромбоцитопения, сүйек кемігі қызметінің бәсеңдеуі, лейкопения

- құрысулар, дисгевзия, асептикалық менингит, көңіл-күйдің өзгеруі, күйгелектік

- жүрек жеткіліксіздігі

- артериялық гипертензия, вазодилятация, васкулит

- ринит, бронх түйілуі (әсіресе ацетилсалицил қышқылына және басқа ҚҚСД-ға аса жоғары сезімталдығы бар пациенттерде

- колит пен Крон ауруының асқынуы, асқазан-ішектен қан кету, перфорация, панкреатит

- бауыр функциясының бұзылуы

- фотосенсибилизация, Квинке ісінуі, алопеция, есекжем, буллезді бөртпе, қышыну, Стивенс-Джонсон синдромын қоса, уытты эпидермалық некролиз

- бүйректің жедел жеткіліксіздігі, тубулоинтерстициальді нефрит, нефрит синдромы

- гипернатриемия, гиперкалиемия

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz.

Қосымша мәліметтер

Дәрілік препараттың құрамы

Бір суппозиторий құрамында:

белсенді зат – 100 мг кетопрофен,

қосымша заттар: қатты май, орташа ұзындықты тізбегімен триглицеридтер.

Сыртқы түрінің, иісінің, дәмінің сипаттамасы

Ақ гомогенді біртекті суппозиторийлер.

Шығарылу түрі және қаптамасы

6 суппозиторийден алюминий фольгадан жасалған пішінді ұяшықты қаптамаға салынған.

2 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Дәріханалар

Тауар артығымен бар
Тауар аз қалды
Аптека № 256, Кызылорда (Жана базар)
г. Кызылорда, ул. Коркыт Ата, 84 А
Круглосуточно
Аптека №299
ул. Толыбекова 14 А
09:00-22:00
Аптека №293
ул. Саламатова 16А
Круглосуточно
Аптека № 254, Кызылорда (ТД Сырдария)
г.Кызылорда ул.Журба 65 рядом ТЦ Сырдарья
Круглосуточно
Аптека № 246, Кызылорда (мкр. Шугыла)
Кызылординска Область. Г. Кызылорда ,м/а шугыла д 53
Круглосуточно
Аптека № 245, Кызылорда (ул.Желтоксан д.8А)
г. Кызылорда, ул. Желтоксан, д.8А
Круглосуточно
Аптека №130
г.Кызылорда, ул.Абая 28а
Круглосуточно
Аптека № 12 ПТ Кызылорда (Арай Молл)
г. Кызылорда, ул. Жибек жолы, 13А
Круглосуточно