Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Ликопид 10 мг № 10 табл

11552
Қолжетімділігі
Сатылымда бар
Үлгі
4603780000022
Елі
Россия
Өндіруші
Пептек ЗАО
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Ликопид®

Саудалық атауы

Ликопид®

Халықаралық патенттелмеген атауы

Жоқ

Дәрілік түрі

Таблеткалар 1 мг және 10 мг

Құрамы

Бір таблетканың құрамында

белсенді зат - глюкозаминилмурамилдипептид (ГМДП) 1,0 мг немесе 10,0 мг,

қосымша заттар: лактоза моногидраты, қант (сахароза), картоп крахмалы,метилцеллюлоза, кальций стеараты.

Сипаттамасы

Дөңгелек жалпақ цилиндр пішінді, ойығы бар ақ түсті таблеткалар(1 мг доза үшін). Дөңгелек жалпақ цилиндр пішінді, ойығы мен сызығы бар ақ түсті таблеткалар (10 мг доза үшін).

Фармакотерапиялық тобы

Ісікке қарсы препараттар және иммуномодуляторлар. Иммуномодуляторлар.Иммуностимуляторлар.

АТХ коды LО3А

Фармакологиялық қасиеттері

Фармакокинетикасы

Ішу арқылы қабылдаған кезде препараттың биожетімділігі 7-13% құрайды. Қан альбуминдерімен байланысу дәрежесі әлсіз. Ең жоғары концентрацияға жету уақыты (tmax) – препаратты қабылдағаннан кейін 1,5 сағат. Жартылай шығарылу кезеңі (t1/2)– 4,29 сағат. Белсенді метаболиттер түзбейді, негізінен өзгермеген күйінде бүйрек арқылы шығарылады.

Фармакодинамикасы

ЛикопидÒ таблеткасының әсер етуші заты – глюкозаминилмурамилдипептид (ГМДП) – бактериялық жасушалар (пептидогликан) қабығының құрылымдық фрагментінің синтетикалық аналогы. Глюкозаминилмурамилдипептид іштен туа біткен және жүре пайда болған иммунитеттің белсендіргіші болып табылады, организмді вирустық, бактериялық және зеңдік инфекциялардан қорғауды күшейтеді; иммунологиялық реакциялардың пайда болуында адъюванттық әсер береді.

Препараттың биологиялық белсенділігіглюкозаминилмурамилдипептидтің фагоциттер (нейтрофилдер, макрофагтар, дендриттік жасушалар) цитоплазмасында орналасқан жасушаішілік рецепторлық NOD2 ақуызымен байланысуы арқылы жүзеге асырылады. Препарат фагоциттер қызметінің (бактерицидтік, цитоуыттық) белсенділігін стимуляциялайды, олармен антигендердің презентациясын, Т- және В-лимфоциттердің пролиферациясын күшейтеді, арнайы антиденелердің синтезін арттырады, Th1/Th2-лимфоциттердің Th1 басым болу жағына қарай теңгерімінің қалыпқа келуіне мүмкіндік береді. Фармакологиялық әсері негізгі интерлейкиндердің (интерлейкин-1, интерлейкин-6, интерлейкин-12) ісік некрозы факторының, альфа, гамма-интерферонының, колонияны стимуляциялаушы факторлардың өндірілуінің күшеюі арқылы жүзеге асады. Препарат табиғи киллерлік жасушалардың белсенділігін арттырады.

ЛикопидÒ уыттылығы төмен (ЛД50 емдік дозаны 1 мг үшін 106 000 есе және одан астамға және 10 мг үшін 49 000 есеге және одан астамға арттырады). Экспериментте емдік дозадан 100 есе артық дозаларда ішу арқылы қабылдау тәсілінде препарат орталық жүйке жүйесіне және жүрек-қантамыр жүйесіне уытты әсер етпейді, ішкі ағзалар тарапынан патологиялық өзгерістерді тудырмайды. ЛикопидÒ эмбриоуыттық және тератогендік әсер бермейді, хромосомалық, гендік мутацияларды тудырмайды. Іn vivo жүргізілген эксперименттік зерттеулерде ЛикопидÒ препаратының (глюкозаминилмурамилдипептид) ісікке қарсы белсенді болатындығы жөнінде деректер алынды.

Қолданылуы

Препарат 3 жастан асқан балаларда және ересектерде иммунитеттің салдарлы тапшылығы жағдайы қатарласа жүретін ауруларда кешенді емде қолданылады.

1 мг доза үшін

3 жастан асқан балалар және ересектер:

  • жоғарғы және төменгі тыныс жолдарының созылмалы, қайталанатын инфекцияларының өршуі кезеңінде және ремиссия кезеңінде;
  • тері мен жұмсақ тіндердің жедел және созылмалы іріңді-қабыну ауруларында (пиодермия, фурункулез және басқалар);
  • герпестік инфекцияда.
  • маусымдық ЖРА аурушаңдығының және ЛОР ағзалар, жоғарғы және төменгі тыныс жолдары ауруларының өршу жиілігін төмендету немесе профилактикасында.

Профилактикалық қабылдау (ересектер)

10 мг доза үшін

Ересектер (18 жастан асқандар):

  • терінің және жұмсақ тіндердің жедел және созылмалы, ағымы ауыр іріңді-қабыну ауруларында, операциядан кейінгі іріңді-септикалық асқынуларды қоса;
  • жыныстық жолмен берілетін инфекцияларда (папилломавирустық инфекция, созылмалы трихомониаз);
  • герпестік инфекцияда (офтальмогерпесті қоса);
  • псориазда (псориаздық артритті қоса);
  • өкпе туберкулезінде
  • маусымдық ЖРА аурушаңдығының және ЛОР ағзалар, жоғарғы және төменгі тыныс жолдары ауруларының өршу жиілігін төмендету немесе профилактикасы үшін ЛикопидÒ препаратын тіл астына 10 күн бойы 1 мг тәулігіне 3 рет қабылдайды.
  • глюкозаминилмурамилдипептидке және препараттың басқа компоненттеріне жоғары сезімталдық
  • жүктілік және лактация
  • аутоиммунды тиреоидиттің асқыну сатысы
  • препаратты қабылдаған сәтте фебрильді температура (>38°С) қатарласатынжағдайлар
  • зат алмасудың сирек кездесетін іштен туа біткен бұзылулары:алактазия, галактоземия, лактаза тапшылығы, лактоза жақпаушылығы, сахараза/изомальтаза тапшылығы, фруктоза жақпаушылығы, глюкоза-галактоза мальабсорбциясы
  • аутоиммунды аурулар (клиникалық деректердің болмауы)
  • 3 жасқа дейінгі балалар

Қолдану тәсілі және дозалары

Ликопид® 1 мг дозасын ішке немесе ашқарынға сублингвальді түрде қолданады, ЛикопидÒ 10 мг дозасын тамақтанудан 30 минут бұрын ішке ашқарынға қолданады.

Препарат қабылдауды өткізіп алған жағдайда, егер жоспарланған уақыттан 12 сағат асып кетпесе, Сіз өткізіп алған дозаны қабылдай аласыз;егер жоспарланған уақыттан 12 сағат асып кетсе, сызба бойынша келесі дозаны ғана қабылдау керек және өткізіп алған дозаны қабылдауға болмайды.

Пациенттердің жекелеген топтарында дозаны түзету (егде жастағы адамдар, бауыр функциясы бұзылған пациенттер, бүйрек функциясы бұзылған пациенттер) қажет етілмейді.

3-тен 18 жасқа дейінгі балаларға Ликопид® 1 мг дозада ғана тағайындалады.

Ересектерге Ликопид® 1 мг және 10 мг дозада тағайындалады.

Егде жастағы пациенттер ЛикопидÒ препаратын 10 мг дозада қабылдаған кезде емдеуді жарты дозадан (емдік дозаның 1/2) бастау керек, жағымсыз әсерлері болмаған жағдайда препарат дозасын қажетті емдік дозаға дейін арттырады.

1 мг дозалар үшін:

Балалар (3 жастан бастап) және ересектер:

Тері мен жұмсақ тіндердің жедел және созылмалы іріңді-қабыну аурулары (пиодермия, фурункулез және басқалар):

балаларға тілдің астына 10 күн бойы 1 мг тәулігіне 1 рет;

ересектерге тілдің астына 10 күн бойы 2 мг тәулігіне 2-3 рет.

Жоғарғы және төменгі тыныс жолдарының созылмалы қайталанатын инфекциялары (өршу кезеңінде және ремиссия кезеңінде):

балаларға ЛикопидтіÒ тілдің астына 10 күн бойы 1 мг тәулігіне 1 рет 3 курсын тағайындайды, курс арасындағы үзіліс 20 күн;

ересектерге тілдің астына 10 күн бойы 2 мг тәулігіне 1 рет.

Герпестік инфекция:

балаларға ішке немесе тілдің астына 10 күн бойы 1 мг тәулігіне 3 рет; ересектерге ішке немесе тілдің астына 10 күн бойы 2 мг тәулігіне 3 рет.

Профилактика:

Ересектер (18 жастан асқан):

10 мг доза үшін:

Ересектер (18 жастан асқан):

Терінің және жұмсақ тіндердің жедел және созылмалы, ағымы ауыр іріңді-қабыну аурулары, операциядан кейінгі іріңді-септикалық асқынуларын қоса есептегенде: 10 күн бойы 10 мг тәулігіне 1 рет.

Герпестік инфекция (ағымы қайталанатын, ауыр түрлері): 6 күн бойы 10 мг тәулігіне 1 рет.

- офтальмогерпесте: 3 күн бойы 10 мг тәулігіне 2 рет. 3 күн үзілістен кейін емдеу курсын қайталайды.

Жыныстық жолмен берілетін инфекциялар (папилломавирустық инфекциялар, созылмалы трихомониаз): 10 күн бойы 10 мг тәулігіне 1 рет.

Псориаз: 10 күн бойы 10-20 мг тәулігіне 1 рет және әрі қарай бес рет күнара 10-20 мг тәулігіне 1 рет.

Псориаз ағымы ауыр болғанда және ауқымды зақымдануында (псориаздық артритті қоса есептегенде): 20 күн бойы 10 мг тәулігіне 2 рет.

Өкпе туберкулезі: 10 күн бойы 10 мг тәулігіне 1 рет.

Жағымсыз әсерлері

Жиі(1-10%)

1 мг және 10 мг дозалар үшін

- емнің бас кезінде дене температурасының субфебрильді мәнге дейін (37,9°С-ге дейін) қысқа мерзімге жоғарылауы білінуі мүмкін, бұл препаратты тоқтатуға көрсетілім болып табылмайды; бәрінен бұрын жоғарыда аталған жағымсыз әсері ЛикопидÒ таблеткасын жоғары дозаларда (20 мг) қабылдаған кезде байқалады.

10 мг дозалар үшін

- артралгиялар (буындардың ауыруы), миалгиялар (бұлшықеттердің ауыруы)

Сирек (0,01-0,1%)

1 мг және 10 мг дозалар үшін

дене температурасының фебрильді мәнге дейін (>38,0°С) қысқа мерзімге жоғарылауы. Дене температурасы38,0°С-ден астамға жоғарылаған кезде ыстықты түсіретін дәрілер қабылдануы мүмкін, ол ЛикопидÒ таблеткасының фармакологиялық әсерлерін төмендетпейді.

Өте сирек (0,01%-дан аз)

1 мг және 10 мг дозалар үшін

– диарея

Егер нұсқаулықта көрсетілген жағымсыз әсерлері ушығып кететін болса, не сіз нұсқаулықта көрсетілмеген кез келген басқа жағымсыз әсерлерді байқасаңыз, бұл жайлы емдеуші дәрігерге хабарлаңыз.

Қолдануға болмайтын жағдайлар

Дәрілермен өзара әрекеттесуі

Препарат микробтарға қарсы препараттардың тиімділігін арттырады, вирусқа қарсы және зеңге қарсы препараттарға қатысты синергизм байқалады.Антацидтер және сорбенттер препараттың биожетімділігін едәуір төмендетеді. Глюкокортикостероидтар ЛикопидÒ биологиялық әсерін төмендетеді.

Айрықша нұсқаулар

Ликопид® препаратының әрбір 1 мг және 10 мг таблеткасында сәйкесінше 0,00042 н.б. және 0,001 н.б. (нан бірлігі) мөлшерінде сахароза бар, мұны қант диабеті бар пациенттер ескергені жөн.

Ликопид® әрбір 1 мг және 10 мг таблеткасында сәйкесінше 0,074 грамм және 0,184 грамм лактоза бар, мұны гиполактазиясы бар (лактозаны көтере алмаушылығы, мұнда организмде лактозаның қорытылуы үшін қажетті фермент – лактаза деңгейінің төмендегені байқалады) науқастар ескергені жөн.

10 мг ЛикопидÒ қабылдаудың бас кезінде препараттың негізгі фармакологиялық әсерлерімен байланысты созылмалы және жасырын өтетін аурулардың симптомдары өршуі мүмкін.

10 мг ЛикопидÒ егде жастағы адамдарға, дәрігердің қатаң түрде бақылауымен, сақтықпен қолданылады. Егде жастағы пациенттерге емдеуді жарты дозадан (емдік дозаның 1/2) бастау керек, жағымсыз әсерлері жоқ болған кезде препарат дозасын қажетті емдік дозаға дейін арттырады.

«Псориаз» және «подагра» диагноздары қосылған пациенттерге Ликопид® таблеткалар 10 мг препаратын тағайындау туралы подагралық артрит пен буын ісінуі өршуінің ықтимал қаупі болуының салдарынан қауіп/пайда арақатынасын бағалаған кезде дәрігер қабылдауы тиіс. «Псориаз» және «подагра» диагноздары қоса жүрген пациенттерге дәрігер Ликопид® таблеткалар 10 мг тағайындау туралы шешім қабылдаған жағдайда емдеуді төменгі дозалардан бастау керек, жағымсыз әсерлері болмағанда, емдік дозаға дейін арттырады.

Көлік құралдарын, механизмдерді басқару қабілетіне әсері

Автомобильді және күрделі механизмдерді басқару қабілетіне әсер етпейді.

Артық дозалануы

Симптомдары: препараттың артық дозалану жағдайлары белгісіз.Дәрілік препараттың фармакологиялық қасиеттеріне сүйенсек, ол артық дозаланған жағдайда дене температурасының субфебрильді (37,9°С-ге дейін)мәнге дейін көтерілуі байқалуы мүмкін.

Емі: қажет болған кезде симптоматикалық ем жүргізіледі (ыстықты түсіретін дәрілер), сорбенттер тағайындалады. Өзіне тән антидоты жоқ.

Шығарылу түрі және қаптамасы

1 мг және 10 мг таблеткалар.

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада 10 таблеткадан. Пішінді ұяшықты 1 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

«Пептек» АҚ, Ресей.

Заңды және нақты мекенжайы: 117997, Мәскеу,Миклухо-Маклай к-сі, үй16/10. Тел./факс: +7(495)330-74-56.

Тіркеу куәлігінің иесі

«Пептек» АҚ, Ресей.

117997, Мәскеу,Миклухо-Маклай к-сі, үй 16/10,

тел./факс: +7(495)330-74-56

www.peptek.ru www.likopid.ru

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

“Nur Business Consulting» ЖШС Қазақстан Республикасы, 050000, Алматы қ., Қазыбек би к-сі, 50, 28 «а» кеңсе Куракова Жібек Сакеновна

тел. +7-727-2-72-30-12, моб. +7-708-930-12-80

Skype: live:nurbusinessconsulting, pharmacovigilancenbc@gmail.com

Дәріханалар

Тауар артығымен бар
Тауар аз қалды
Аптека № 245, Кызылорда (ул.Желтоксан д.8А)
г. Кызылорда, ул. Желтоксан, д.8А
Круглосуточно
Аптека №299
ул. Толыбекова 14 А
09:00-22:00