Сипаттама
Дәрілік затты медициналық қолдану
жөніндегі нұсқаулық
МИКОНАЗОЛ
Саудалық атауы
Миконазол
Халықаралық патенттелмеген атауы
Миконазол
Дәрілік түрі
Қынаптық суппозиторийлер, 100 мг
Құрамы
Бір суппозиторийдің құрамында
белсенді зат: миконазол нитраты 100 мг,
қосымша зат: қатты май.
Сипаттамасы
Ақ немесе сарғыш реңді ақ цилиндр конус пішінді суппозиторийлер.
Фармакотерапиялық тобы
Гинекологиялық ауруларды емдеуге арналған антисептиктер және микробқа қарсы препараттар. Имидазол туындылары. Миконазол.
АТХ коды: G01AF04
Фармакологиялық қасиеттері
Фармакокинетикасы
Миконазол шырышты қабықтар арқылы азғантай мөлшерде сіңіріледі. Несеппен шығарылатын белсенді емес метаболиттер түзе отырып, бауырда метаболизденеді. Өзгермеген күйде нәжіспен шығарылады.
Фармакодинамикасы
Миконазол – синтетикалық зеңге қарсы дәрі, имидазол туындысы. Зеңге қарсы және бактерияға қарсы әсері бар. Дерматомицеттер мен ашытқылар миконазолға анағұрлым сезімтал болып келеді. Түрлі-түсті Malassezia furfur қоздырғышына қатысты, кейбір дерматомикоздар қоздырғышына (Candida albicans, Trichophyton, Epidermophyton floccosum, Microsporum) қатысты алғанда белсенді. Coccidioides immitis, Aspergillus spp., Dimorphonsfungi, Cryptococcusneoformans, Pityrosporum, Torulopsis glabrata, Pseudallescheria boydii қатысты, сондай-ақ стафилококтар мен стрептококтарды қоса кейбір грамоң микроорганизмдерге қатысты белсенділік танытады.
Фунгицидтік және фунгистатикалық әсері зеңдер қабығы эргостеролы мен плазмалық жарғақшалары биосинтезінің тежелуіне, зең жасушаларының қырылуын туғыза отырып, липидті құрамының өзгеруі менжасушалық қабырғаның өткізгіштігіне негізделген. Қынап микрофлорасы мен pH құрамын өзгертпейді. Әдетте зең инфекциялары кезінде болатын қышуды тез қайтарады.
Қолданылуы
- қынаптық және вульвовагинальді кандидозда
- грамоң микроорганизмдер туындатқан суперинфекцияда
Қолдану тәсілі және дозалары
Қынап ішіне.
Қайшымен суппозиторий сұлбасын бойлай алдын ала үлбірді кесіп, пішінді қаптамадан суппозиторийді шығарып алады да, жатқан күйде мүмкіндігінше қынапқа терең енгізеді.
Ересектерге 100 мг (бір суппозиторий) тәулігіне бір рет, кешке ұйықтар алдында 7-14 күн бойы немесе таңертең және кешке бір суппозиторийден7 күн бойы.
Емдеу курсының ұзақтығы зең ауруларының түріне, емдеудің тиімділігі мен микологиялық тестердің нәтижелеріне байланысты.
Курсты аурудың барлық симптомдары жойылғанға дейін және одан кейінгібірнеше күн бойы жалғастырады.
Жағымсыз әсерлері
- қынап шырышты қабығының жергілікті тітіркенуі
- қышыну, күйдіріп-ашыту сезімі
Қолдануға болмайтын жағдайлар
- миконазолға және имидазолдың басқа туындыларына аса жоғары сезімталдықта
- бауыр және/немесе бүйрек жеткіліксіздігінде
- 18 жасқа дейінгі балаларға
- жүктіліктің І триместрінде
Дәрілермен өзара әрекеттесуі
Миконазол ішке қабылдауға арналған тікелей емес антикоагулянттардың,гипогликемиялық дәрілердің, сульфонилмочевиналар, фенитоин туындыларының тиімділігін жоғарылатады.
Рифампицин миконазолдың емдік әсерін әлсіретеді, сондықтан оларды бірге қолданбаған дұрыс.
Карбамазепинмен бір мезгілде қолданғанда жағымсыз әсер етуінің даму қаупі артады.
Астемизолмен, цизапридпен, терфенадинмен бір мезгілде қолданғанда аритмияның даму қаупі жоғарылайды.
Айрықша нұсқаулар
Қант диабетінде, микроциркуляция бұзылғанда сақ болу керек.
Миконазолы бар суппозиторийлерді пайдалану механикалық контрацепцияның сенімділігін төмендетеді (құрамында латекс бар заттар: мүшеқаптар, қынаптық диафрагмалар). Етеккір циклі уақытында емдеуді үзбеу керек.
Қынаптық инфекцияларды емдеу жыныстық серіктестердің екеуіне бір мезгілде ем жүргізгенде ғана тиімді болмақ.
7 күн ішінде жергілікті аллергиялық реакциялардың пайда болуы немесе клиникалық жақсарудың болмауы емдеуді тоқтатып, қосымша тексеру жүргізуді талап етеді.
Жүктілік және емшек емізу
Препаратты жүктіліктің II – III триместрі және лактация кезеңінде сақтықпен қолдану керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препаратты қолдану автокөлік жүргізу және қауіптілігі зор механизмдерді басқару қабілетіне әсер етпейді.
Артық дозалануы
Препараттың сіңірілу төмендігіне байланысты интравагинальді қолданғанда артық дозалану мүмкіндігі төмен.
Шығарылу түрі және қаптамасы
7 суппозиторийден полиэтиленмен ламинацияланған поливинилхлоридті үлбірден жасалған пішінді ұяшықты қаптамаға салынған.
1 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
Құрғақ, жарықтан қорғалған жерде, 250С-ге дейінгі температурада сақтау керек. Мұздатып-қатыруға болмайды.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
ФАРМАПРИМ ЖШҚ
Кринилор к-сі, 5, Порумбень а., Криулень ауданы, Молдова Республикасы, MD-4829
Тіркеу куәлігінің иесі
ФАРМАПРИМ ЖШҚ, Молдова Республикасы
Қазақстан Республикасы аумағында тұтынушылардан өнім (тауар)сапасына қатысты шағымдарды қабылдайтын дәрілік заттың тіркеуден кейінгі қауіпсіздігін қадағалауға жауапты ұйымның мекенжайы.
Қазақстан Республикасындағы «ФАРМАПРИМ СРЛ» фирмасының өкілдігі, Алматы қ-сы, Гоголь к-сі, 86, 528-кеңсе, тел. 8-727-2796518, tatiana.abdulkhairova@farmaprim.md
