Клотримазол 100 мг № 6 вагин. табл.

Сипаттама

Дәрілік затты медициналық қолдану

жөніндегі нұсқаулық

Клотримазол

Саудалық атауы

Клотримазол

Халықаралық патенттелмеген атауы

Клотримазол

Дәрілік түрі

Қынаптық таблеткалар 100 мг

Құрамы

Бір таблетканың құрамында

белсенді зат - 100 мг клотримазол,

қосымша заттар: лактоза моногидраты, жүгері крахмалы, микрокристалды целлюлоза, сусыз коллоидты кремнийдің қостотығы, адипин қышқылы, кальций стеараты.

Сипаттамасы

Сопақша пішінді, екі беті дөңес, түсі ақ немесе ақ дерлік таблеткалар.

Фармакотерапиялық тобы

Несеп-жыныс жүйесі және жыныс гормондары. Гинекологиялық инфекцияға қарсы және антисептикалық препараттар. Инфекцияға қарсы және антисептикалық препараттар, кортикостероидтармен біріктірілімдерді қоспағанда. Имидазол туындылары. Клотримазол.

АТХ коды G01A F02

Фармакологиялық қасиеттері

Фармакокинетикасы

Қынап ішіне енгізгенде сіңірілуі енгізілген дозаның 3-10 % құрайды. Қынаптық секретте жоғары концентрациясы және қандағы төменгі концентрациясы 48-72 сағат бойы сақталады. Сіңірілген клотримазол белсенді емес метаболиттерге дейін бауырда метаболизденеді, несеппен және нәжіспен шығарылады.

Фармакодинамикасы

Клотримазол – имидазол туындылары тобының синтетикалық антимикоздық және протозойға қарсы (трихомонацидті) дәрілері. Әсер ету механизмі зеңдер жасушалық жарғақшасын құру үшін қажетті эргостерол синтезін тежеу болып табылады, бұл оның өткізгіштігінің бұзылуына және одан кейін жасушалардың лизисіне әкеледі. Өте аз бактерицидтік концентрацияларында клотримазол калийдің, фосфор қосылыстарының жасушалардан шығарылуына және жасушалық нуклеин қышқылдарының бұзылуына жағдай жасайды. Триглицеридтер мен фосфолипидтердің синтезін тежейді. Бұдан басқа, пероксидазалардың белсенділігін баса отырып, клотримазол зең жасушасында сутегінің асқын тотығының концентрациясын уытты деңгейге дейін арттырады, бұл жасушаның кейіннен бұзылуына әкеп соғады.

Клотримазолдың әсер ету ауқымы дерматофиттерді (Trichophyton rubrum, Trichophyton mentagrophytes, Epidermophyton floccosum, Microsporum canis, сондай-ақ Coccidioides immitis, Histoplasma capsulatum, Aspergillus spp.), ашытқы зеңдерді (Candida spp., Candida albicans-ді қоса есептегенде), стафилококтарды (Staphylococcus spp.), эритразма қоздырғыштарын (Corynebacterium minutissimum), трихомонадтарды (Trichomonas vaginalis) қамтиды.

Қолданылуы

- кандидозды вагинит

Қолдану тәсілі және дозалары

Қынаптық таблетка кешке, ұйықтар алдында қынапқа мүмкіндігінше тереңдете енгізіледі. Препаратты аяқты сәл көтере, шалқадан жатып енгізген дұрыс. Әдетте препаратты күніне 1 таблеткадан 6 күн бойы қолданады. Емдеу етеккір басталғанға дейін аяқталуы тиіс.

Жағымсыз әсерлері

Өте сирек

- қынапқа енетін жердегі аймақтың шырышты қабығының қышынуы, қызаруы, ауыруы және ісінуі (бұл симптомдар пайда болған кезде емдеуді тоқтату керек).

- гениталий аймағының қабыршықтануы, бөртпе, жайсыздық, ашыту сезімі, тітіркену, жамбас аймағының ауыруы, іштің ауыруы, жыныс жолдарынан қан аралас бөліністер;

- аллергиялық реакциялар: қысымның төмендеуі, ентігу, есекжем, естен тану, есекжем

Қолдануға болмайтын жағдайлар

- клотримазолға немесе препараттың басқа да компоненттеріне жоғары сезімталдық

- жүктілік және лактация кезеңі

- етеккір кезеңі

- 18 жасқа дейінгі балалар

Дәрілермен өзара әрекеттесуі

- клотримазолды натамицинмен және нистатинмен бір мезгілде қолданған кезде клотримазолдың белсенділігі төмендеуі мүмкін

- үлкен дозаларда қолданылатын дексаметазон клотримазолдың зеңге қарсы әсерін төмендетеді

- клотримазолдың микробтарға қарсы әсері пара-бензой қышқылының пропилді эфирінің жергілікті концентрацияларын күшейтеді

- клотримазол бір мезгілде қолданған кезде амфотерицин В және басқа да полиенді антибиотиктердің белсенділігін төмендетеді.

Айрықша нұсқаулар

Таблеткаларды ішке қолдануға болмайды.

Бауыр функциясы бұзылған пациенттерде оның функциясының жағдайларын мезгіл-мезгіл тексеріп отырған жөн. Әсері жоқ болған кезде диагнозды растау және аурудың басқа да себептерінің бар-жоғын анықтау үшін микробиологиялық зерттеу жүргізген жөн. Жыныстық жұптастардың екеуін де бір мезгілде емдеу керек.

Тітіркенудің немесе жоғары сезімталдықтың басқа да біліністері пайда болғанда міндетті түрде дәрігердің кеңесі қажет.

Препарат латекстен жасалған ұрықтануға қарсы заттардың (мүшеқаптар, диафрагмалар) тиімділігін төмендетуі мүмкін. Бұл әсер уақытша және емделу кезеңінде ғана байқалады.

Препаратты емдеудің бүкіл мерзімі ішінде, тіпті ауру симптомдары ерте жоғалса да, қолдану қажет. Осы нұсқауларды орындау инфекцияның қайталануының алдын алуға жәрдемдеседі.

Жүктілік және лактация кезеңі

Препаратты жүктілік және лактация кезеңінде қолдануға болмайды.

Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері

Препараттың автокөлікті басқарғанда немесе басқа да механизмдермен жұмыс істегенде реакция шапшаңдығына әсер етуі жөнінде айтылмаған.

Артық дозалануы

Жергілікті қолданғанда артық дозалану ықтималдығы аз. Симптомдары: жағымсыз әсерлерінің күшеюі.

Емі: препаратты тоқтату, симптоматикалық ем.

Шығарылу түрі және қаптамасы

10 таблеткадан поливинилхлоридті үлбірден және бір жағы термолакпен және басқа жағы баспалы алюминий фольгадан жасалған пішінді ұяшықты қаптамада. 1 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтаушарттары

Түпнұсқалық қаптамасында, 25 ^оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Борщагов ХФЗ» ҒӨО ЖАҚ

Украина, 03134, Киев қ., Мир к-сі, 17

Тіркеу куәлігі ұстаушысының атауы және елі

«Борщагов ХФЗ» ҒӨО ЖАҚ, Украина

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Борщагов ХФЗ» ҒӨО ЖАҚ Қазақстан Республикасындағы өкілдігі

050063, Алматы қ., Әуезов ауданы, «Жетісу-3» ы/а, 25 үй, 27 кеңсе

факс: +7(272) 313-23-34;

E-mail: vadimt58@list.ru

Дәріханалар

Қалалар