Сипаттама
Дәрілік препаратты медициналық қолдану жөніндегі нұсқаулық
Саудалық атауы
АЛЛЕРГОНАФ®
Халықаралық патенттелмеген атауы
Жоқ
Дәрілік түрі, дозасы
Көзге және мұрынға тамызатын 15 мл дәрі
Фармакотерапиялық тобы
Сезім мүшелері. Офтальмологиялық препараттар. Деконгестанттар және аллергияға қарсы препараттар Деконгестанттар ретінде қолданылатын симпатомиметиктер. Басқа препараттармен біріктірілген нафазолин.
АТХ коды S01GA51
Қолданылуы
- жедел риниттер
- поллиноздар
- синуситтер
- мұрыннан қан кетулер
- аллергиялық конъюнктивиттер
- ларингит
- евстахиит
Қолданудың басталуына дейін қажетті мәліметтер тізбесі
Қолдануға болмайтын жағдайлар
- препаратқа және оның құрамдасына жоғары жеке сезімталдық
- қант диабеті
- жабықбұрышты глаукома
- «құрғақ көз» синдромы
- гипертиреоз
- артериялық гипертензия
- моноаминоксидаза тежегіштерін немесе трициклді антидепрессанттарды бір мезгілде қабылдау және оларды қабылдауды тоқтатқаннан кейін 14 күнге дейінгі кезең
- лактация кезеңі
- 6 жасқа дейінгі балалар
Басқа дәрілік препараттармен өзара әрекеттесуі
Нафазолин жергілікті анестезиялайтын дәрілердің сіңуін баяулатады (беткейлі анестезия жүргізу кезінде олардың әсерін ұзартады). Трициклді антидепрессанттармен (мапротилинмен) бірге қолданғанда нафазолиннің тамырды тарылтатын әсері күшеюі мүмкін. Нафазолинді моноаминоксидаза тежегіштерімен (ниаламид, бефол) бір мезгілде қолдану оны қабылдауды тоқтатқаннан кейін 14 күн ішінде гипертониялық криз туындауы мүмкін, бұл нафазолин әсерімен депонирленген катехоламиндердің босап шығуына байланысты. Пероральды тағайындалатын гипотензиялық дәрілердің терапиялық белсенділігін төмендетеді.
Дифенгидрамин мен орталық жүйке жүйесін стимуляциялайтын дәрілік препараттардың әсерлерін өзара азайту мүмкін.
Арнайы сақтандырулар
Артериялық гипертензия, атеросклероз, жүрек ырғағының бұзылуы, симпатомиметиктерге сезімталдығы жоғары (оның ішінде гипертиреоз, қуықастыбез гипертрофиясы), созылмалы ринит, бронх демікпесі бар пациенттерге, сондай-ақ егде жастағы адамдарға препаратты сақтықпен тағайындайды. Бұл пациенттерге нафазолиннің сіңуін көрсететін қандай да бір жүйелі реакциялар пайда болған жағдайда препаратты қолдануды тоқтату қажет екенін ескерту керек.
Пациентке 72 сағат ішінде тітіркену немесе көз ауыруы симптомдарының сақталуы препаратты қабылдауды тоқтату көрсетілімі болып табылатынын ескерту керек.
Препаратты қолданғанда жұмсақ контактылы линзаларды кию ұсынылмайды.
Көзге тамызатын дәріні инстилляциялау алдында қатты контактылы линзаларды шешу керек, оларды препаратты қолданғаннан кейін кем дегенде 15-20 минуттан кейін қайта киюге болады.
Содан кейін тамшылатқыш-құтының ұшы басқа заттармен және беткейлермен жанаспауын қадағалау қажет. Құтыны әрбір қолданғаннан кейін жабу қажет.
Жүктілік.
Жүктілік кезеңінде препаратты қолдану күтілетін әсер ұрықтағы асқынулардың даму қаупінен асып түскен жағдайда ғана мүмкін болады.
Педиатрияда қолданылуы
6 жасқа дейінгі балаларға дәрілік заттың тиімділігі мен қауіпсіздігі жөніндегі деректер жоқ.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препараттың жағымсыз әсерлерін ескере отырып, автокөлікті басқару немесе ықтимал қауіпті механизмдерді қолдану кезінде сақтықты таныту қажет.
Қолдану жөніндегі нұсқаулар
Дозалау режимі
Көзге арналған
Ересектерге, 6 жастан бастап және одан үлкен балаларға конъюнктивалық қалтаға тәулігіне 1-2 тамшыдан 1-3 рет, әр 6-8 сағат сайын, клиникалық симптомдар жойылғанға дейін (3-5 күннен артық емес) тамызады.
Мұрынға арналған
Ересектерге, 6 жастан бастап және одан үлкен балаларға мұрынның әрбір жолына 2-3 тамшыдан 5-7 күн бойы тәулігіне 2-3 рет тамызады, содан кейін 3 – тен 5 күнге дейін үзіліс жасайды.
Артық дозалану жағдайында қабылдау қажет болатын шаралар
Препаратты жергілікті қолданудың әдеттегі режимінде артық дозалану симптомдары қазіргі уақытқа дейін байқалған жоқ. Аллергонаф® дәрілік препаратымен артық дозалану қаупі (жұтқан жағдайда) кіші жастағы балаларда болуы мүмкін. Орталық жүйке жүйесінің тежелуін туындатуы мүмкін.
Симптомдары: ұйқышылдық, әлсіздік, дене қызуының төмендеуі, терлеудің жоғарылауы, брадикардия, артериялық қысымның жоғарылауы немесе одан кейін оның төмендеуі.
Емі: симптоматикалық.
Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жиі
- көздің ашытуы, қышуы, ауыруы, көрудің бұзылуы, конъюнктиваның қызаруы; мидриаз болуы мүмкін, көзішілік қысымның жоғарылауы мүмкін
Сирек
- тітіркену және реактивті гиперемия, мұрын қуысының шырышты қабығының ісінуі, мұрын қуысының шырышты қабығының құрғауы
Өте сирек
- ұйқышылдық, тахикардия, қан қысымының жоғарылауы, бас ауыру, бас айналу, жүрек айну
Кейде
- мұрын қуысының шырышты қабығының ісінуі (1 аптадан астам қолданғанда), атрофиялы ринит
Жүйелік жағымсыз әсерлер тек адреномиметиктерге сезімталдығы жоғары адамдарда ғана болуы мүмкін.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды ұлттық сараптау орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
1 мл ерітіндінің құрамында
белсенді заттар:
дифенгидрамин гидрохлориді 1.0 мг,
нафазолин гидрохлориді 0.25 мг
қосымша заттар: 20.0 мг бор қышқылы, инъекцияға арналған су..
Сыртқы түрінің, иісінің, дәмінің сипаттамасы
Мөлдір түссіз сұйықтық
Шығарылу түрі және қаптамасы
15 мл препараттан алғашқы ашылуы бақыланатын, бұралатын қақпақтармен герметикалық тығындалған полиэтилен тамшылатқыш-құтыларға құяды.
Құтыға өзі желімделетін заттаңба жапсырылады.
1 құтыдан қаптамадан медицинада қолданылуы жөніндегі қазақ және орыс тілдеріндегі нұсқаулықпен бірге картон қорапшаға салынған.
Сақтау мерзімі
3 жыл
Құтыны ашқаннан кейін препараттың сақталу мерзімі - 4 апта.
Жарамдылық мерзімі өткеннен кейін қолдануға болмайды.
Сақтау шарттары
15оС-ден 25оС-ге дейінгі температурада, жарықтан қорғалған жерде сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептсіз
Өндіруші туралы мәліметтер
«ЛеКос» ЖШС
050000, Алматы қ., Қабанбай батыр к-сі, 114-13, тел.: 308-10-67.
Тіркеу куәлігінің ұстаушысы
«ЛеКос» ЖШС, Қазақстан Республикасы
050000, Алматы қ., Қабанбай батыр к-сі, 114-13.
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
050000, Алматы қ., Қабанбай батыр к-сі, 114-13, тел.: 308-10-67.
e-mail: lecos_kz@mail.ru; www.lecos.kz
.jpg)
.jpg)
