Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
АСПИРИН® C
Саудалық атауы
Аспирин® С
Халықаралық патенттелмеген атауы
Жоқ
Дәрілік түрі
Көпіршитін таблеткалар
Құрамы
1 көпіршитін таблетканың құрамында
белсенді заттар: 400 мг ацетилсалицил қышқылы, 240 мг аскорбин қышқылы (С дәрумені);
қосымша заттар: сусыз натрий цитраты, натрий гидрокарбонаты, сусыз лимон қышқылы, сусыз натрий карбонаты.
Сипаттамасы
Ақ түсті, дөңгелек пішінді, екі жақ беті дөңес, бір жақ бетінде өрнектелген фирмалық байер кресті бар және басқа жақ беті тегіс таблеткалар.
Фармакотерапиялық тобы
Жүйке жүйесі ауруларын емдеуге арналған препараттар. Анальгетиктер. Басқа анальгетиктер-антипиретиктер. Салицил қышқылы және оның туындылары. Басқа препараттармен біріктірілген ацетилсалицил қышқылы (психолептиктерді қоспағанда).
АТХ коды N02BA51
Фармакологиялық қасиеттері
Фармакокинетикасы
Ішке қабылдаған кезде ацетилсалицил қышқылы асқазан-ішек жолынан тез сіңеді. Асқазанда тамақтың болуы ацетилсалицил қышқылының сіңуін едәуір өзгертеді. Ацетилсалицил қышқылы организмнің көптеген тіндеріне және сұйық ортасына таралады. Гематоэнцефалдық бөгет (ГЭБ) арқылы өтеді.
Бауырда гидролиз жолымен метаболизденеді де, салицил қышқылын түзіп, кейіннен глицинмен немесе глюкуронидпен конъюгацияланады. Салицил қышқылының 80%-ға жуығы қан плазмасы ақуыздарымен байланысады.
Ацетилсалицил қышқылының жартылай шығарылу кезеңі (Т1/2) шамамен 15 минутты, салицил қышқылында 3 сағатқа жуықты құрайды. Бүйрек арқылы көбіне салицил қышқылы түрінде шығарылады.
Ішке қабылдағаннан кейін ацетилсалицил қышқылы натрийге тәуелді тасымалдау жүйесінің қатысуымен жіңішке ішекте сіңеді; сіңуі енгізілген дозаға пропорционалды емес. Ішке қабылдағаннан кейінгі ең жоғары концентрациясына (Сmax) 4 сағаттан соң жетеді.
Лейкоциттерге, тромбоциттерге, ал содан кейін барлық тіндерге оңай өтеді; гипофиздің артқы бөлігінде, бүйрекүсті бездерінің қыртысында, бауырда, мида, өкпеде, бүйректе, ішек қабырғасында, жүректе, бұлшықеттерде, көкбауырда, ұйқы безінде жинақталады. Көбіне бауырда метаболизденеді. Аскорбин қышқылының негізгі метаболиттері несеппен бірге шығарылады.
Фармакодинамикасы
Ацетилсалицил қышқылы (АСҚ) қабынуға қарсы стероиды емес препараттар (ҚҚСП) тобына жатады және ауыруды басатын, қызуды түсіретін және қабынуға қарсы әсері бар, сондай-ақ тромбоциттер агрегациясын бәсеңдетеді. Әсер ету механизмі қабыну, ауыру және қызба патогенезінде негізгі рөлді атқаратын простагландиндердің ізашары болып табылатын арахидон қышқылы метаболизмінің негізгі ферменті – ЦОГ белсенділігінің бәсеңдеуімен байланысты.
Ацетилсалицил қышқылының ауыруды сездірмейтін әсері екі: шеткері (простагландиндер синтезінің басылуы арқылы) және орталық (орталық және шеткері жүйке жүйесінде простагландиндер синтезінің тежелуінен болатын) механизммен жүзеге асырылады. Простагландиндер өндірілуінің азаюы салдарынан олардың жылуды реттейтін орталыққа ықпалы азаяды.
Тромбоциттерде А2 тромбоксан синтезінің қайтымсыз бұзылуы ацетилсалицил қышқылыныңантиагреганттық әсерінен болады.
Жоғары дозаларда қолданғанда АСҚ бауырда протромбин синтезін тежеуі, және протромбин уақытын арттыруы мүмкін.
Аскорбин қышқылы – суда еритін дәрумен, тотығу-тотықсыздану үдерістерін, көмірсу алмасуын, қанның ұюын, тіндердің регенерациясын реттеуде маңызды рөл атқарады, организмнің төзімділігінің артуына мүмкіндік береді.
Аскорбин қышқылы организмді бос радикалдардың және қабыну үдерістерінде және лейкоциттердің фнкциясында белгілі бір рөл атқаратын шығу тегі экзогендік және эндогендік басқа да оксиданттардың зиянды әсерлерінен қорғайтын жүйенің құрамдас бөлігі болып табылады.
Аскорбин қышқылы жасушаішілік мукополисахаридтердің синтезделу үдерісінде маңызды рөл атқарады, олар коллагендік талшықтармен қатар капиллярлар қабырғаларының беріктігін қамтамасыз етеді.
Қолданылуы
Қолдану тәсілі және дозалары
Ішке қабылдау керек.
Көпіршитін таблетканы стакан суда ерітіп, ішу керек.
Қарқындылығы әлсіз және орташа ауыру синдромында және қызба жағдайларында бір реттік доза 4-8 сағаттық аралықпен қабылданатын көпіршитін 1-2 таблетканы құрайды.
Бір реттік ең жоғары доза – көпіршитін 2 таблетка.
Тәуліктік ең жоғары доза көпіршитін 10 таблеткадан аспауы тиіс.
Жағымсыз әсерлері
Асқазан-ішек жолы тарапынан
Жиі: іштің ауыруы, жүректің айнуы, құсу, қыжыл.
Сирек: асқазан-ішектік қан кетудің айқын (нәжістің қараюы, қан құсу) немесе жасырын белгілері, олар теміртапшылықты анемияға, АІЖ эрозивті-ойық жаралы зақымдануына (соның ішінде тесілуге) әкелуі мүмкін; бауыр функциясының бұзылулары (бауырлық трансаминазалардың жоғарылауы).
Қан айналу жүйесі тарапынан
Сирек: геморрагиялық синдром (мұрыннан қан кету, қызылиектің қанағыштығы), қанның ұю уақытының артуы, тромбоцитопения, анемия, лейкопения, қан кетулер уақытының ұзаруы.
Иммундық жүйе тарапынан
Сирек: тері бөртпесі, тыныс алу жолы (бронхтың түйілуі), АІЖ, жүрек-қантамыр жүйесі тарапынан аса жоғары сезімталдық реакциялары: қысымның түсіп кетуі, ентігу, ринит, мұрынның бітелуі, анафилаксиялық шок, Квинке ісінуі.
Орталық жүйке жүйесі тарапынан: бас ауыру, бас айналу, құлақтың шуылдауы, естудің нашарлауы, сананың шатасуы.
Несеп шығару жүйесі тарапынан
Өте сирек: интерстициальді нефрит, преренальді азотемия қанда креатининнің жоғарылауымен және гиперкальциемиямен бірге, бүйрек функциясының жедел жеткіліксіздігі, нефроздық синдром; оксалатты, цистинді және/немесе уратты тастардың түзілуі.
Қандай да болсын жағымсыз әсерлер көрініс берген кезде препарат қабылдауды дереу тоқтату және емдеуші дәрігерді бұдан хабардар ету қажет.
Қолдануға болмайтын жағдайлар
Дәрілермен өзара әрекеттесуі
Қабынуға қарсы препараттар метотрексаттың бүйректік клиренсін төмендететін және метотрексаттың плазма ақуыздарымен байланысуын бұзатын болғандықтан, ацетилсалицил қышқылы мен метотрексатты аптасына ≥15 мг дозада біріктіріп қолдануға болмайды.
АСҚ-ны антикоагулянттармен (кумарин, гепарин) біріктіріп қолданғанда, тромбоциттер функциясының бұзылуымен және асқазан-ішек жолының шырышты қабатының зақымдануымен байланысты қан кетулер қаупі ұлғаяды.
Құрамында салицилаттар бар басқа ҚҚСП үлкен (тәулігіне 3 ≥ г) дозаларымен бірге қолданғанда, өзара әсері күшейетіндіктен, ойық жарамен зақымдану және асқазан-ішектік қан кетулер қаупі жоғарылайды.
Урикозуриялық препараттармен (бензбромарон, пробенецид) біріктіріп қолданғанда урикозуриялық әсердің төмендегені білінуі мүмкін (несеп қышқылының бүйрек арқылы шығарылуының бәсекелесуімен байланысты).
АСҚ қан плазмасында дигоксиннің концентрациясын арттырады.
АСҚ-ның жоғары дозалары диабетке қарсы препараттардың (инсулин, сульфонилмочевина препараттары) гипогликемиялық әсерін күшейтеді.
Тәулігіне ≥ 3 дозада ацетилсалицил қышқылын диуретиктермен бірге қолданғанда шумақтық сүзілудің (бүйректермен простагландин синтезінің азаюымен байланысты)төмендегені байқалады.
Жүйелік глюкокортикоидтар (Аддисон ауруында орнын басу емі ретінде қолданылатын гидрокортизоннан басқа) қан плазмасындағы салицилаттардың концентрациясын төмендетеді, ол глюкокортикостероидтармен емдеуді тоқтатқаннан кейін салицилаттардың артық дозалану қаупін арттырады.
Тәулігіне ≥ 3 дозада АСҚ және ангиотензинге өзгертетін фермент (АӨФ) тежегіштерін біріктіріп қолдану аясында АӨФ тежегіштерінің шумақтық сүзілуінің төмендегені білінеді.
АСҚ вальпрой қышқылының уытты әсерін күшейтеді.
Алкоголь АСҚ-мен бір мезгілде пайдаланылғанда қан кетулер уақытын және ацетилсалицил қышқылының АІЖ шырышты қабығын зақымдайтын әсерін арттырады.
Аскорбин қышқылы қанда салицилаттардың (кристаллурия қаупін ұлғайтады), этинилэстрадиолдың, бензилпенициллиннің және тетрациклиндердің концентрацияларын арттырады, ішуге арналған контрацептивтерде төмендетеді.
Кумарин туындыларының антикоагуляциялық әсерін азайтады.
Ішекте темір препараттарының сіңуін жақсартады.
Хинолинді қатардың, кальций хлоридінің препараттарын, салицилаттарды, кортикостероидтарды ұзақ уақыт қолданғанда аскорбин қышқылының қоры таусылады.
С дәруменін және дефероксаминді бір мезгілде қабылдау әсіресе миокардта темірдің тіндік уыттылығын арттырады, бұл қан айналымының декомпенсациясына әкелуі мүмкін.
Құрамында магний және/немесе алюминий бар антацидтер АСҚ-ның сіңуін баяулатады және нашарлатады.
Айрықша нұсқаулар
Ацетилсалицил қышқылын сақтықпен қабылдау керек:
- анальгетиктерге, қабынуға қарсы және ревматизмге қарсы препараттарға жоғары сезімталдықта, аса жоғары сезімталдықтың басқа да түрлері бар болғанда;
- асқазанның және/немесе он екі елі ішектің ойық жара ауруында, эрозиялық гастритте, және асқазан-ішектік қан кетуге бейім болғанда;
- антикоагулянттармен қатар емдегенде;
- бауыр, бүйрек және жүрек-қантамыр жүйесі функциялары бұзылғанда (бүйректің қантамырлық аурулары, жүрек функциясының созылмалы жеткіліксіздігі, дегидратация, сепсис немесе ауқымды геморрагиялық көріністер), өйткені АСҚ бүйрек функциясының бұзылу және бүйрек функциясының жедел жеткіліксіздігінің даму қаупіне мүмкіндік береді;
- АСҚ бронхтың түйілуін, бронх демікпесінің ұстамасын немесе жоғары сезімталдықтың басқа да реакцияларын туындатуы мүмкін. Қауіп факторлары: бронх демікпесінің анамнезде болуы, пішен қызбасы, мұрын полиптері, бронх-өкпенің созылмалы аурулары, анамнезде аллергия жағдайларының болуы.
Ацетилсалицил қышқылының тромбоциттер агрегациясын басу қабілеті хирургиялық араласымдар кезінде және одан кейін (кіші, мысалы, тіс экстракциясны қоса) қанағыштықтың жоғарылауына әкелуі мүмкін. АСҚ-ны жоғары дозада қолданғанда қан кетулер қаупі ұлғаяды.
Төмен дозалардағы АСҚ несеп қышқылының эстракциясын төмендетеді, бұл оның экскреция деңгейі бастапқыда төмен болған пациенттерде подаграның дамуына әкеп соғуы мүмкін, бұл бейімделгіш пациенттерде подаграның ұстамасына себеп бола алады.
Препаратты вирустық инфекциялардан туындаған ЖРА бар 18 жасқа дейінгі балалар мен жасөспірімдерге, Рейе синдромының даму қаупі бар болғандықтан, қызуды түсіретін дәрі ретінде тағайындамайды.
Глюкозо-6-фосфатдегидрогеназа тапшы болатын пациенттерде АСҚ гемолизді немесе гемолиздік анемияны өршітуі мүмкін. Бұған мүмкіндік беретін факторлар: жоғары доза, қызба немесе жедел инфекция.
Кальций оксалатынан нефролитиазға немесе қайталанатын нефролитиазға бейім пациенттерде С дәруменін қолданғанда сақтық таныту қажет.
Препараттың құрамында натрий бар, оны тұзсыз диета қабылдап жүрген пациенттерде ескерген жөн.
Жүктілік және лактация кезеңі
Простагландиндер синтезінің басылуы жүктілікке және/немесе эмбрионға/шарананың дамуына кері ықпалын тигізуі мүмкін.
Шарананың даму кемістіктері (таңдайдың ыдырауы, жүрек ақауы) жиілігінің жоғарылауы жүктіліктің алғашқы 3 айында салицилаттарды қолданумен байланысты болуы мүмкін. Алайда препаратты емдік дозаларда пайдаланғанда дамудың туа біткен кемістіктерінің қаупі төмен болады. Жүктіліктің соңғы триместрінде жоғары (тәулігіне 300 мг-ден астам) дозадағы салицилаттар босану қызметінің тежелуін, босанудың ұзаққа созылуын, шаранада артериялық түтіктің мезгілінен бұрын жабылуын, анада және шаранада қанағыштықтың ұлғаюын туындатады, ал тура босанар алдында тағайындау, әсіресе шала туған нәрестелерде, бассүйекішілік қан құйылуды туындатуы мүмкін.
Жүктіліктің II триместрінде салицилаттарды қаупі мен пайдасына берілген қатаң бағаны ескере отырып, тағайындауға болады.
Салицилаттар және олардың метаболиттері емшек сүтіне аздаған мөлшерде өтеді. Лактация кезеңінде салицилаттарды байқамай қабылдау нәрестеде жағымсыз реакциялардың дамуымен қатар жүрмейді және емшек емізуді тоқтатуды қажет етпейді. Алайда препаратты ұзақ қолданғанда немесе оны жоғары дозаларда тағайындағанда емшек емізуді дереу тоқтатқан жөн.
Көлік құралын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері
Ықпалын тигізбейді.
Артық дозалануы
Симптомдары: құлақтың шуылдауы, естудің нашарлауының сезілуі, бас ауыру, вертиго. Кейіннен қызбаның, гипервентиляцияның, кетоздың, респираторлық алкалоздың, метаболизмдік ацидоздың, команың, қантамыр жеткіліксіздігінің, тыныс алу функциясы жеткіліксіздігінің, айқын гипогликемияның дамуы.
Емі: құстыру немесе асқазанды шайып тазалау, белсенділендірілген көмір және іш жүргізетін дәрілер тағайындау керек. Әрі қарай емді мамандандырылған бөлімдерде жүргізген жөн.
Шығарылу түрі және қаптамасы
Алюминий фольгамен ламинацияланған қағаздан жасалған пішінді ұяшықсыз қаптамада 2 таблеткадан.
Пішінді 5 қаптама медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
25°C-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз.
Өндіруші/Қаптаушы
Байер Биттерфельд ГмбХ,
ОТ Греппин, Салегастер Шоссе 1, 06803 Биттерфельд-Вольфен, Германия.
Тіркеу куәлігін ұстаушының атауы және елі
Байер Консьюмер Кэр АГ, Швейцария
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс жасау деректері
«Байер ҚАЗ» ЖШС
Тимирязев к-сі, 42, павильон 15, кеңсе 301
050057 Алматы, Қазақстан Республикасы,
тел. +7 727 258 80 40, факс: +7 727 258 80 39
e-mail: kz.claims@bayer.com
Қазақстан Республикасы аумағында тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері
«Байер ҚАЗ» ЖШС
Тимирязев к-сі, 42, павильон 15, кеңсе 301
050057 Алматы, Қазақстан Республикасы,
тел: +7 701 715 78 46 (тәулік бойы)
тел:+7 727 258 80 40, ішкі 106 (жұмыс сағаттары)
факс: +7 727 2588 039
e-mail: pv.centralasia@bayer.com
Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.
