Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық (Қосымша парақ)
Саудалық атауы
Аторвастатин
Халықаралық патенттелмеген атауы
Аторвастатин
Дәрілік түрі, дозасы
Үлбірлі қабықпен қапталған таблеткалар, 10 мг
Фармакотерапиялық тобы
Жүрек-қантамыр жүйесі. Липид-модификациялайтынпрепараттар. Липид- модификациялайтын препараттар, қарапайым. HMG-CoA-редуктаза тежегіштері. Аторвастатин.
АТХ коды: С10А05.
Қолданылуы
- бастапқы гиперхолестеринемиясы бар, оның ішінде отбасылық гиперхолестеринемиясы бар (гетерозиготалы форма) немесе құрама (аралас) гиперлипидемиясы бар (Фредриксон жіктемесі бойынша ІІа және IIb типтеріне сәйкес) ересектердегі, 10 жастан асқан және одан жоғары жастағы жасөспірімдер мен балалардағы жалпы холестериннің, холестериннің, тығыздығы төмен липопротеиндердің (ХС-ТТЛП), В аполипопротеин және триглицеридтердің жоғарылауын төмендету үшін диетаға қосымша ретінде, диета және басқа да дәрі-дәрмексіз емдеу әдістері тиімді болмаған кезде;
- гиполипидемиялық емнің басқа түрлеріне (мысалы, ТТЛП аферезі) қосымша ретінде гомозиготалы отбасылық гиперхолестеринемиясы бар ересектерде жалпы холестерин мен ХС-ТТЛП мөлшерін төмендету үшін немесе емдеудің басқа түрі мүмкін болмаған жағдайда;
- жүрек-қантамыр ауруларының бастапқы жоғары даму қаупі бар ересек пациенттерде жүрек-қантамыр ауруларының алдын алу үшін, басқа қауіп факторларын түзетуге қосымша ретінде.
Қолданғанға дейін қажетті мәліметтер тізбесі
Қарсы көрсетілімдер
- "Құрамы" бөлімінде келтірілген препарат компоненттерінің кез келгеніне жоғары сезімталдық;
- бауырдың белсенді ауруы немесе сарысу трансаминазалар белсенділігінің генезі белгісіз жоғарылауы (қалыптың жоғарғы шегімен салыстырғанда 3 еседен артық);
- жүктілік және лактация кезеңі; контрацепцияның адекватты әдістерін қолданбайтын бала көтеретін жастағы әйелдер;
- 10 жасқа толмаған балалар;
- С гепатитін емдеу үшін глекапревир/пибрентасвир препараттарымен бір мезгілде қабылдау.
Қолдану кезіндегі қажетті сақтық шаралары
Аторвастатинмен емдеу басталғанға дейін пациент препаратпен емдеу кезінде сақталуы қажет қан құрамындағы липидтердің мөлшерін төмендетуді қамтамасыз ететін диетаға ауыстырылуы тиіс.
Бауырға әсері
Емдеу басталғанға дейін және ол аяқталғаннан кейін мезгіл-мезгіл бауыр функциясына зерттеу жүргізілуі тиіс. Сондай-ақ, бауырдың зақымданғанын көрсететін қандай да бір белгілері немесе симптомдары бар пациенттердің бауыр функциясына зерттеу жүргізілуі тиіс. Егер Аторвастатинмен емдеу кезінде бауырдың клиникалық симптомдарымен және/немесе гипербилирубинемиямен немесе сарғаюмен ауыр зақымдануы пайда болса, препаратпен емдеуді дереу тоқтату керек.
Аторвастатинді алкогольдің едәуір мөлшерін қолданатын пациенттерге және/немесе анамнезінде бауыр аурулары бар пациенттерге сақтықпен тағайындау керек.
Жақында инсульт алған немесе ТИА бастан кешкен пациенттерге қолдану
ЖИА-сыз инсульт немесе транзиторлық ишемиялық атаканы (ТИА) бастан кешкен пациенттерде 80 мг дозада аторвастатинді қабылдаған пациенттерге қарағанда геморрагиялық инсульт дамуының жоғары жиілігі байқалды. Қайталанған инсульттің жоғары қаупі бұрын геморрагиялық инсульт немесе мидың лакуналық инфарктіне шалдыққан пациенттерде байқалды, сондықтан емдеу басталғанға дейін геморрагиялық инсульттің ықтимал қаупін мұқият қарау керек.
Қаңқа бұлшықетіне әсері
Аторвастатин, ГМГ-КоА-редуктазаның басқа да тежеуіштері сияқты, сирек жағдайларда қаңқа бұлшықеттеріне әсер етуі және рабдомиолизге (қаңқа бұлшықеттерінің жеделі некрозы) дейін өршуі мүмкін миалгияны, миозитті, миопатияны, креатинфосфокиназа деңгейінің едәуір артуымен сипатталатын өмірге ықтимал қауіп төндіретін ауруларды (қалыптың жоғарғы шегінен 10 есе жоғары, ҚЖШ), миоглобинемияны және миоглобинурияны тудыруы, бұл бүйрек функциясы жеткіліксіздігінің дамуына әкелуі мүмкін.
Статиналармен емдеу кезінде немесе кейін иммунитетке жанаманекроздық миопатия (ИЖНМ) туралы өте сирек хабарланған. Клиникалық ИЖНМ проксималдық бұлшықеттердің тұрақты әлсіздігімен және қан сарысуындағы креатинкиназаның жоғары деңгейімен сипатталады, тіпті статиндермен емдеуді тоқтатқаннан кейін де тұрақты болады.
Препаратты қолданғанға дейін
Аторвастатинді рабдомиолиздің даму факторлары бар пациенттерге сақтықпен тағайындау керек. Креатинфосфокиназа (КФК) деңгейін мына жағдайларда статиндермен емдеу басталғанға дейін өлшеу керек:
Мұндай жағдайларда емдеу қауіпін мүмкін болатын пайдаға қатысты қарастыру керек, клиникалық мониторинг жүргізу ұсынылады. Егер креатинфосфокиназаның (КФК) деңгейі нормадан едәуір жоғары болса (ҚЖШ 5 есе жоғары болса) емдеуді бастауға болмайды.
Креатинкиназа деңгейін өлшеу
КФК деңгейін қарқынды дене жүктемесінен кейін немесе КФК жоғарылауының ықтимал балама себептері болған кезде өлшеуге болмайды, себебі бұл мәндердің түсіндірілуін қиындатады. Егер КФК деңгейі бастапқы деңгейден едәуір асып кетсе (ҚЖШ 5 есе жоғары), нәтижені растау үшін зерттеуді 5-7 күннен кейін қайталау керек.
Препаратты қолдану кезінде
–Пациенттерге бұлшықет ауруы, құрысулар немесе әлсіздік, әсіресе, олар дімкәстікпен немесе қызбамен қатар болса, дереу хабарлау қажеттігі туралы ескерту керек.
– Егер бұл симптомдар аторвастатинмен емдеу кезінде пайда болса, КФК деңгейін өлшеу керек. КФК деңгейлері айтарлықтай жоғарылаған, миопатияны диагностикалаған немесе миопатияға күдіктенген кезде емді тоқтату керек. Егер КФК осы деңгейі айтарлықтай жоғарыласа (ҚЖШ 5 есе жоғары болса), препаратты қолдануды тоқтату керек.
– Егер бұлшықет тіндерінде дімкәстік пен ыңғайсыздық ауыр болса және күн сайын әйгіленнсе, тіпті креатинкиназа деңгейі қалыптың жоғарғы шегінен ≤ 5 есе болса да аторвастатинді қолдануды тоқтату туралы мәселені қарастыру керек.
– Егер симптомдар жоғалса және КФК деңгейі нормаға келсе, төменгі дозада және мұқият мониторинг жасап аторвастатинді немесе баламалы статинді қайталап қолдану туралы мәселені қарастыру керек.
– Аторвастатинмен емдеуді егер КК деңгейінің клиникалық елеулі жоғарылауы орын алса (ҚЖШ 10 есе жоғары) немесе егер рабдомиолиз диагнозы қойылса не осы ауруға күдіктенсе тоқтату керек.
Басқа дәрілік заттармен ілеспелі емдеу
Аторвастатинді қан плазмасында аторвастатиннің концентрациясын арттыратын кейбір дәрілік заттармен, мысалы, CYP3A4 күшті тежеуіштерімен немесе транспорттық ақуыздарымен (циклоспорин, телитромицин, кларитромицин, делавирдин, стирипентол, кетоконазол, вориконазол, итраконазол, позаконазол және АИТВ протеаза тежеуіштері, оның ішінде ритонавир, лопинавир, атазанавир, индинавир, дарунавир және т. б. сияқты) бір мезгілде қабылдағанда рабдомиолиз қаупі артады. Бұдан басқа, гемфиброзилмен және фибрин қышқылының басқа да туындыларымен, боцепревирмен, эритромицинмен, ниацинмен, эзетимибпен, телапревирмен немесе типранавир/ритонавир комбинациясымен бір мезгілде пайдалану кезінде миопатия қаупі артуы мүмкін. Осы препараттардың орнына мүмкіндігінше баламалы (өзара әрекетке түспейтін) дәрілік заттарды тағайындау мүмкіндігін қарастыру керек.
Егер осы препараттарды аторвастатинмен бірге қабылдау қажет болса, жанама емнің пайдасы мен қаупін мұқият зерттеу керек. Егер пациенттер плазмадағы аторвастатиннің концентрациясын арттыратын дәрілік заттарды қабылдаса, аторвастатиннің барынша төмен дозасын тағайындау ұсынылады. CYP3A4 күшті тежеуіштерін қолданған жағдайда аторвастатиннің ең төменгі дозасын тағайындау, сондай-ақ осы пациенттерге тиісті клиникалық мониторинг жүргізу қажет.
Аторвастатинді жүйелі әсер ететін фузидий қышқылы препараттарымен бірге, тіпті фузидий қышқылымен емдеуді тоқтатқаннан кейін 7 күнге дейін де қолдануға болмайды. Егер пациенттер үшін фузидий қышқылын жүйелі енгізу міндетті болып табылса, емдеудің барлық кезеңінде статиндермен емдеуге болмайды.
Фузидий қышқылын және статинді біріктіріп қабылдайтын пациенттерде рабдомиолиздің пайда болғаны туралы хабарланған (болмай қоймайтын кейбір жағдайды қоса). Пациенттербұлшықет әлсіздігін, ауырсыну немесе сезімталдықтың бұзылуының қандай да бір белгілерін байқаса, дереу дәрігерге жүгінуі тиіс. Статиндермен емдеу фузидий қышқылының соңғы дозасынан кейін 7 күн өткен соң қайта басталуы мүмкін.
Егер ерекше жағдайларда фузидий қышқылын ұзақ жүйелі енгізу қажет болса, мысалы, ауыр инфекцияларды емдеуде аторвастатинді фузидин қышқылымен бірге қолдану үшін жеке қарастыру және мұқият медициналық мониторинг жүргізу ұсынылады.
Өкпенің интерстициялық ауруы
Кейбір статиндерді әсіресе ұзақ қабылдағанда өкпенің интерстициялық ауруының сирек жағдайлары тіркелген. Келесі симптомдар байқалды: ентігу, қақырықсыз жөтел және жалпы денсаулық жағдайының нашарлауы (шаршау, салмақ жоғалту және қызба жағдайы). Өкпенің интерстициялық ауруына күдіктенген кезде статиндермен емдеуді тоқтату қажет.
Эндокриндік жүйенің функциясы
Кейбір деректер статиндер препараттардың класы ретінде қандағы глюкоза деңгейін арттыра алатынын, ал диабет дамуының жоғары қаупі бар кейбір пациенттерде гипергликемия диабетке ем тағайындау орынды болатын дәрежеге жетуі мүмкін екендігін куәландырады. Алайда, бұл қауіп статиндердің көмегімен қантамыр ауруларының даму қаупін төмендетумен нивелирленеді және демек статиндермен емдеуді тоқтатуға себеп болмауы тиіс. Қауіп тобына жататын пациенттердің мониторингі (ашқарынға глюкоза деңгейі 5,6-6,9 ммоль/л, ДСИ > 30 кг/м, триглицеридтердің жоғары деңгейі, гипертония) ұлттық стандарттарға сәйкес бақылаудың клиникалық және биохимиялық әдістерімен жүргізілуі тиіс.
Басқа дәрілік препараттармен өзара әрекеттесуі
Басқа препараттардың аторвастатинге бірге қолданған кездегі әсері
Аторвастатин P4503A4 (CYP3A4)цитохромымен метаболизацияланады және транспорттық ақуыздар үшін субстрат болып табылады, мысалы, ОАТР1В1 бауырлық қармау транспортері. CYP3A4 немесе транспорттық ақуыздар тежеуіштері болып табылатын дәрілік заттарды бір мезгілде қолдану қан плазмасындағы аторвастатин концентрациясы деңгейінің жоғарылауына алып келуі және миопатияның даму қаупін арттыруы мүмкін.
Сондай-ақ, миопатия қаупі аторвастатинді миопатияны тудыруға қабілетті басқа да дәрілік заттармен, мысалы, фибрин қышқылының туындыларымен және эзетимибпен бір мезгілде қабылдаған кезде артуы мүмкін.
CYP3A4 тежеуіштері
CYP3A4 күшті тежеуіштері аторвастатин концентрациясының елеулі жоғарылауына әкеп соқтыратыны дәлелденді (1-кестені және төменде берілген деректерді қараңыз). CYP3A4 күшті тежеуіштерін (мысалы, циклоспорин, телитромицин, кларитромицин, делавирдин, стирипентол, кетоконазол, вориконазол, итраконазол, позаконазол және ритонавир, лопинавир, атазанавир, индинавир, дарунавир және т. б. қоса алғанда, АИТВ протеазасының тежеуіштерін) мүмкіндігінше бір мезгілде қолданбау керек. Осы дәрілік заттарды аторвастатинмен бірге қабылдамау мүмкін болмаған жағдайда, аторвастатиннің бастапқы және ең жоғары дозасын азайту керек, сондай-ақ пациенттерді тиісті клиникалық мониторингілеу ұсынылады (1-кестені қараңыз).
Орташа әсер ететін CYP3A4 тежеуіштері
Орташа әсер ететін CYP3A4 тежеуіштері (мысалы, эритромицин, дилтиазем, верапамил және флуконазол) плазмадағы аторвастатин концентрациясының жоғарылауын тудыруы мүмкін (1-кестені қараңыз).Миопатияның жоғары қаупі эритромицинді статиндермен бірге пайдалану кезінде байқалады. Амиодарон немесе верапамилдің аторвастатинге әсерін зерттеумен дәрілік заттардың өзара әрекеттесуі зерделенген жоқ. Амиодарон мен верапамил CYP3A4 белсенділігін тежейді, сондықтан оларды аторвастатинмен бірге пайдалану оның әсерін күшейтуі мүмкін. Осылайша, аторвастатиннің барынша төмен дозасын тағайындау қажет және препаратты орташа әсер ететін CYP3A4 тежеуіштерімен бір мезгілде қабылдаған кезде пациенттерге тиісті клиникалық мониторинг жүргізу ұсынылады. Тиісті клиникалық бақылаулар ем басталғаннан кейін немесе тежегіш дозасын түзеткеннен кейін ұсынылады.
CYP3A4 индукторлары
Аторвастатинді Р4503А цитохромының индукторларымен (мысалы, эфавирензбен, рифампицинмен, шайқураймен) бір мезгілде қабылдау плазмадағы аторвастатин концентрациясының ауыспалы төмендеуіне әкелуі мүмкін. Рифампициннің (Р4503А цитохромының индукциясы және препаратты OATP1B1 бауырдың сіңіру транспортерін тежеумен) өзара әрекеттесуінің қос механизміне байланысты аторвастатинді және рифампицинді бір мезгілде қолдану ұсынылады, өйткені рифампициннен кейін аторвастатинді біраз уақыт өткен соң қабылдау плазмада аторвастатин концентрациясының едәуір төмендеуін туғызады. Алайда, аторвастатиннің гепатоциттердегі рифампициннің концентрациясына әсері анықталмады, сондықтан егер қатар қабылдау қажет болса, пациенттерге емнің тиімділігін анықтау үшін мұқият бақылау жүргізу қажет.
Транспорттық ақуыздардың тежеуіштері
Транспорттық ақуыздардың тежеуіштері (мысалы, циклоспорин) аторвастатиннің жалпы әсерін күшейтуі мүмкін. Препаратты бауырдың сіңіру тасымалдағыштарын гепатоциттердегі аторвастатин концентрациясына тежеу әсері белгісіз. Егер қатар қабылдау керек болса, дозаны азайту және терапия тиімділігіне клиникалық мониторинг жүргізу ұсынылады.
Гемфиброзил /фиброй қышқылының туындылары
Фибраттармен монотерапия кейде рабдомиолизді қоса алғанда, бұлшықет жүйесі жағынан проблемалар туғызады. Бұл қауіп фиброй қышқылы мен аторвастатинді бірге қабылдаған кезде артуы мүмкін. Егер қатар қабылдау керек болса, терапиялық мақсатқа жету үшін аторвастатиннің ең аз дозасын тағайындау және пациенттерге тиісті бақылау жүргізу қажет.
Эзетимиб
Эзетимибпен монотерапия рабдомиолизді қоса алғанда, бұлшықет жүйесі жағынан проблемаларды тудырады. Сондықтан бұл қауіп эзетимиб пен аторвастатинді бірге қабылдағанда артуы мүмкін. Мұндай пациенттерге тиісті клиникалық мониторинг жүргізу ұсынылады.
Колестипол
Колестипол мен аторвастатинді бірлесіп қолданғанда плазмадағы аторвастатин мен оның белсенді метаболиттерінің концентрациясы төмен болды (шамамен 25%). Алайда, аторвастатин мен колестипол препараттарын бір мезгілде қабылдағанда липидтердің деңгейіне әсер етуі осы препараттармен монотерапия кезінде олардың деңгейімен салыстырғанда жоғары болды.
Фузидий қышқылы
Аторвастатин мен фузидий қышқылының өзара әрекеттесуі жүргізілген жоқ. Басқа статиндермен сияқты, бұлшықет жүйесі жағынан проблемалар, соның ішінде рабдомиолиз, аторвастатин мен фудзий қышқылын бірге қабылдағанда байқалды. Бұл өзара әсер механизмі белгісіз. Пациенттерге мұқият бақылау жасау керек және қажет болған жағдайда аторвастатинді қолдануды тоқтата тұру керек.
Колхицин
Аторвастатинмен және колхицинмен бірге емдеу кезіндегі миопатия жағдайлары туралы хабарламалар бар, сондықтан аторвастатинді колхицинмен бірге тағайындағанда сақ болу керек.
Аторвастатиннің бірлесіп пайдаланылатын дәрілік заттарға әсері
Дигоксин
Дигоксин көп реттік дозасы мен 10 мг аторвастатинді бірге қолданғанда дигоксиннің тепе-тең концентрациясы шамалы ұлғайған. Дигоксинді қабылдайтын пациенттер дәрігердің бақылауында болу керек.
Ауыз арқылы қолданылатын (ішілетін) контрацептивтер
Аторвастатин мен ауыз арқылы қолданылатын контрацептивтерді бірлесіп пайдалану плазмадағы норэтиндрон мен этинилэстрадиол концентрациясының жоғарылауын тудырады.
Варфарин
Антикоагулянттармен клиникалық маңызды өзара әрекеттесудің өте сирек жағдайлары байқалды. Протромбин уақыты кумариндік антикоагулянттарды қабылдайтын пациенттерде аторвастатинді қабылдау басталғанға дейін анықтау, сондай-ақ протромбин уақыты көрсеткіштерінде елеулі өзгерістердің болмауын тексеру үшін емнің басында тұрақты түрде өлшеу қажет. Тұрақты протромбин уақыты расталғаннан кейін, оны бақылауды кумариндік антикоагулянттарды қабылдайтын пациенттерге әдетте ұсынылатын аралықтармен жүзеге асыруға болады. Егер аторвастатиннің дозасы өзгертілсе немесе тақтатылса, бұл процедураны қайталау қажет. Антикоагулянттарды қабылдамайтын пациенттерді аторвастатинмен емдеу протромбин уақытын өзгертпейді және қан кету жағдайы орын алмайды.
Балалар мен жасөспірімдер
Балаларға дәрілік препараттарды бірге қолданғанда өзара әсерінің дәрежесі анықталмаған. Препаратты балаларда қолданған кезде жоғарыда берілген дәрілік өзара әрекеттесу туралы ақпаратты, сондай-ақ басқа бөлімдерде жазылған ақпаратты қолдану керек.
1-кесте. Бірге пайдаланылатын дәрілік заттардың аторвастатиннің фармакокинетикасына әсері
| Бірге енгізілетін дәрілік заттар және дозалау режімі | Аторвастатин | ||
| Доза (мг) | AUC& өзгеру | Клиникалық ұсынымдар# | |
| Глекапревир 400 мг тәулігіне 1 рет / Пибрентасвир 120 мг тәулігіне 1 рет, 7 күн | 10 мг 7 күн бойы | ↑ 8,3 рет | Бірге қабылдауға болмайды (4.3-бөлімді қараңыз). |
| Типранавир 500 мг тәулігіне 2 рет /ритонавир 200 мг тәулігіне 2 рет, 8 күн (14-21 күндері) | 40 мг 1-күні, 10 мг 20-күні | ↑ 9,4 рет | Егер аторвастатинмен бірге жүргізілетін ем қажет болса, аторвастатинді тәулігіне 10 мг артық тағайындауға болмайды. Мұндай пациенттерге клиникалық бақылау жүргізу ұсынылады |
| Телапревир 750 мг әр 8 сағатта, 10 күн | 20 мг, бір реттік доза | ↑ 7,9 рет | |
| Циклоспорин 5,2 мг/кг/тәул., тұрақты доза | 10 мг тәулігіне 1 рет 28 күн бойы | ↑ 8,7 рет | |
| Лопинавир 400 мг тәулігіне 2 рет /Ритонавир 100 мг тәулігіне 2 рет, 14 күн | 20 мг тәулігіне 1 рет 4 күн | ↑ 5,9 рет | Егер аторвастатинмен қосарлас ем қажет болса, аторвастатиннің төмен демеуші дозасын тағайындау ұсынылады. Егер аторвастатин мөлшері 20 мг-нан асса, мұндай пациенттерге клиникалық мониторингін жүргізу ұсынылады. |
| Кларитромицин 500 мг тәулігіне 2 рет, 9 күн | 80 мг тәулігіне 1 рет 8 күн бойы | ↑ 4,5 рет | |
| Саквинавир 400 мг тәулігіне 2 рет /Ритонавир (300 мг 5-7-күнге дейін тәулігіне 2 рет, 8-күні 400 мг дейін көбейту тәулігіне 2 рет), 4-18 күндері аторвастатинді қабылдағаннан кейін 30 минут өткен соң | 40 мг тәулігіне 1 рет 4 күн бойы | ↑ 3,9 рет | Егер аторвастатинмен қосарлас ем қажет болса, аторвастатиннің төмен демеуші дозасын тағайындау ұсынылады. Егер аторвастатин мөлшері 40 мг-нан асса, мұндай пациенттерге клиникалық мониторингін жүргізу ұсынылады. |
| Дарунавир 300 мг тәулігіне 2 рет /Ритонавир 100 мг тәулігіне 2 рет, 9 күн | 10 мг тәулігіне 1 рет 4 күн бойы | ↑ 3,4 рет | |
| Итраконазол 200 мг тәулігіне 1 рет, 4 күн | 40 мг, бір реттік доза | ↑ 3,3 рет | |
| Фосампренавир 700 мг тәулігіне 2 рет /ритонавир 100 мг тәулігіне 2 рет, 14 күн | 10 мг тәулігіне 1 рет 4 күн бойы | ↑ 2,5 рет | |
| Фосампренавир 1400 мг тәулігіне 2 рет, 14 күн | 10 мг тәулігіне 1 рет 4 күн бойы | ↑ 2,3 рет | |
| Элбасвир 50 мг тәулігіне 1 рет / Гразопревир 200 мг тәулігіне 1 рет, 13 күн | 10 мг, бір реттік доза | ↑ 1,95 рет | Аторвастатиннің дозасы бір мезгілде тағайындалған кезде 20 мг тәуліктік дозадан аспауы тиіс |
| Нельфинавир 1250 мг тәулігіне 2 рет, 14 күн | 10 мг тәулігіне 1 рет 28 күн бойы | ↑ 1,74 рет | Нақты ұсынымдар жоқ |
| Грейпфрут шырыны, 240 мл тәулігіне 1 рет * | 40 мг, бір реттік доза | ↑ 1,37 рет | Аторвастатинді қабылдау аясында грейпфрут шырынын көп мөлшерде қабылдау ұсынылмайды |
| Дилтиазем 240 мг тәулігіне 1 рет, 28 күн | 40 мг, бір реттік доза | ↑ 1,51 рет | Ем басталғаннан кейін немесе дилтиазем дозасын түзеткеннен кейін сол пациенттерге тиісті клиникалық мониторинг жүргізу ұсынылады. |
| Эритромицин 500 мг тәулігіне 4 рет, 7 күн | 10 мг, бір реттік доза | ↑ 1,33 рет | Ең жоғары дозаны төмендету және осындай пациенттерге клиникалық мониторинг жүргізу ұсынылады. |
| Амлодипин 10 мг, бірреттік доза | 80 мг, бір реттік доза | ↑ 1,18 рет | Нақты ұсынымдар жоқ |
| Циметидин 300 мг тәулігіне 4 рет, 2 апта | 10 мг тәулігіне 1 рет 2 апта бойы | 1,0 | Нақты ұсынымдар жоқ |
| Колестипол 10 г тәулігіне 2 рет, 24 апта | 40 мг тәулігіне 1 рет 8 апта бойы | ↓ 0,74** рет | Нақты ұсынымдар жоқ |
| Магний және алюминий гидроксидтерінің антацидтік суспензиясы, 30 мл тәулігіне 4 рет, 2 апта | 10 мг тәулігіне 1 рет 4 апта бойы | ↓ 0,66 рет | Нақты ұсынымдар жоқ |
| Эфавиренц 600 мг тәулігіне 1 рет, 14 күн | 10 мг 3 күн бойы | ↓ 0,59 рет | Нақты ұсынымдар жоқ |
| Рифампицин 600 мг тәулігіне 1 рет, 7 күн (қосарлас терапия) | 40 мг, бір реттік доза | ↑ 1,12 рет | Егер бірге қабылдау керек болса, клиникалық мониторинг жүргізіп аторвастатинмен және рифампицинмен бір мезгілде емдеу ұсынылады |
| Рифампицин 600 мг тәулігіне 1 рет, 5 күн (жеке дозалар) | 40 мг, бір реттік доза | ↑ 0,20 рет | |
| Гемфиброзил 600 мг тәулігіне 2 рет, 7 күн | 40 мг, бір реттік доза | ↑ 1,35 рет | Бастапқы дозаны төмендету және осындай пациенттерге клиникалық мониторинг жүргізу ұсынылады. |
| Фенофибрат 160 мг тәулігіне 1 рет, 7 күн | 40 мг, бір реттік доза | ↑ 1,03 рет | Бастапқы дозаны төмендету және осындай пациенттерге клиникалық мониторинг жүргізу ұсынылады. |
| Боцепревир 800 мг тәулігіне 3 рет, 7 күн | 40 мг, бір реттік доза | ↑ 2,3 рет | Бастапқы дозаны төмендету және осындай пациенттерге клиникалық мониторинг жүргізу ұсынылады. Аторвастатиннің дозасы боцепревирмен қосарлас емдеу кезінде күн сайынғы 20 мг дозадан аспауы тиіс. |
& Бағанда келтірілген деректер аторвастатин монотерапиясы мен қосарлас қабылдау арасындағы қарапайым арақатынасты білдіреді.
# Көрсеткіштердің клиникалық маңыздылығын анықтау үшін 4.4 және 4.5-бөлімдерді қараңыз.
* Құрамында CYP3A4 тежейтін және CYP3A4 метаболизденетін препараттардың плазмасындағы концентрациясын арттыра алатын бір немесе одан да көп компоненттер бар. Бір 240 мл стакан грейпфрут шырынын пайдалану белсенді орто-гидрокси-метаболит аторвастатин қисығы (AUC) астындағы алаңды 20,4%-ға азайтты. Грейпфрут шырынын көп мөлшерде (5 күн ішінде тәулігіне 1,2 л артық) пайдалану AUC аторвастатинді 2,5 есе және AUC белсенді затты (аторвастатин және оның метаболиттерінің) 1,3 есе арттырды.
** Дозаны енгізгеннен кейін 8-16 сағаттан соң алынған бір үлгінің негізінде.
2-кесте. Аторвастатиннің бірге енгізілетін дәрілік заттардың фармакокинетикасына әсері
| Аторвастатин және дозалау режімі | Бірге енгізілетін дәрілік зат | ||
| Дәрілік препарат/доза (мг) | AUC& өзгеру | Клиникалық ұсынымдар | |
| 80 мг тәулігіне 1 рет 10 күн бойы | Дигоксин 0,25 мг тәулігіне 1 рет, 20 күн | ↑ 1,15 рет | Дигоксинді қабылдайтын пациенттерге тиісті бақылау жүргізілуі тиіс |
| 40 мг тәулігіне 1 рет 22 күн бойы | Ішілетін контрацептивтер тәулігіне 1 рет, 2 ай - норэтиндрон 1 мг - этинилэстрадиол 35 мкг | ↑ 1,28 рет ↑ 1,19 рет | Нақты ұсынымдар жоқ |
| 80 мг тәулігіне 1 рет 15 күн бойы | *Феназон, 600 мг тәулігіне 1 рет | ↑ 1,03 рет | Нақты ұсынымдар жоқ |
| 10 мг, бірреттік доза | Типранавир 500 мг тәулігіне 2 рет / ритонавир 200 мг тәулігіне 2 рет, 7 күн | ↑ 1,08 рет | Нақты ұсынымдар жоқ |
| 10 мг, тәулігіне 1 рет 4 күн бойы | Фосампренавир 1400 мг тәулігіне 2 рет, 14 күн | ↓ 0,73 рет | Нақты ұсынымдар жоқ |
| 10 мг, тәулігіне 1 рет 4 күн бойы | Фосампренавир 700 мг тәулігіне 2 рет / ритонавир 100 мг тәулігіне 2 рет, 14 күн | ↓ 0,99 рет | Нақты ұсынымдар жоқ |
& Бағанда келтірілген деректер аторвастатин монотерапиясы мен қосарлас қабылдау арасындағы қарапайым арақатынасты білдіреді.
* Аторвастатин мен феназонның көп реттік дозаларын бірге қабылдау феназон клиренсіне ешқандай немесе іс жүзінде маңызды әсер етпеген.
