Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
Авиментин
Халықаралық патенттелмеген атауы
Жоқ
Дәрілік түрі, дозалануы
Үлбірлі қабықпен қапталған таблеткалар, 375 мг (250 мг/ 125 мг), 625 мг (500 мг/ 125 мг), 1000 мг (825 мг/ 125 мг)
Фармакотерапиялық тобы
Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы бета-лактамды препараттар, пенициллиндер. Пенициллиндердің бета-лактамаза тежегіштері комбинациясымен бірге. Амоксициллин және бета-лактамаза тежегіші.
АТХ коды J01CR02
Қолданылуы
Дәрілік препарат келесі инфекцияларды ересектер мен балаларда емдеу үшін қолданылады
- жедел бактериялық синусит
- жедел орташа отит
- созылмалы бронхиттің асқынуы
- ауруханадан тыс пневмония
- цистит
- пиелонефрит
- тері мен жұмсақ тіндердің инфекциялары, атап айтқанда, целлюлит, жануарлардың шағуы, целлюлит таралған тістердің ауыр абсцессі.
- сүйектер мен буындардың инфекциялары, атап айтқанда остеомиелит
Антибактериалды дәрілерді дұрыс қолдану жөніндегі ресми нұсқаулықты қарастыру керек.
Дәрілік препаратты қолданудың басталуына дейінгі қажетті мәліметтер тізбесі
Қолдануға болмайтын жағдайлар
- анамнезінде амоксициллинге, клавулан қышқылына, препараттың басқа компоненттеріне, бета-лактамды антибиотиктерге (мысалы, пенициллиндер, цефалоспориндер) жоғары сезімталдық;
- анамнезінде амоксициллиннің клавулан қышқылы біріктірілімін қабылдау аясында сарғаю эпизодтарынемесе бауыр функциясының бұзылуы;
- 6 жасқа дейінгі және дене салмаға 25 кг кем балаларда (250 мг/125 мг немесе 500 мг/125 мг, немесе 875 мг/125 мг таблеткалар үшін);
- бүйрекфункциясының бұзылуы (креатин клиренсі ≤ 30 мл/мин) - (875 мг/125 мг таблеткалар үшін);
Қолдану кезіндегі қажетті сақтандыру шаралары
Сақтықпен: бауыр функциясының бұзылуы.
Басқа дәрілікпрепараттармен өзара әрекеттесуі
Пероральды антикоагулянттар
Пероральды антикоагулянттар мен пенициллинді антибактериалды препараттар іс жүзінде өзара әрекеттесуі туралы хабарламастан кеңінен қолданылды. Алайда әдебиетте аценокумарол немесе варфарин алатын және амоксициллин курсы тағайындалған пациенттерде халықаралық нормаланған арақатынастың жоғары жағдайлары бар. Егер бірге енгізу қажет болса, протромбин уақытын және амоксициллинді қосу немесе жоюмен халықаралық нормаланған арақатынасты мұқият бақылау керек. Сонымен қатар, пероральді антикоагулянттардың дозасын түзету қажет болуы мүмкін.
Метотрексат
Пенициллиндер метотрексат экскрециясын төмендетуі мүмкін, бұл уыттылықтың потенциалды ұлғаюына әкеледі.
Пробенецид
Пробенецидті бір мезгілде қабылдау ұсынылмайды. Пробенецид амоксициллиннің бүйректік каналдық секрециясын төмендетеді. Пробенецидті бір мезгілде қабылдау қандағы амоксициллин деңгейінің жоғарылауына және ұзартылуына әкелуі мүмкін, бірақ клавулан қышқылы емес.
Микофенолят мофетил
Микофенолят мофетил қабылдаған пациенттерде амоксициллин мен клавулан қышқылын ішу арқылы қабылдау басталғаннан кейін микофенол қышқылының белсенді метаболиті (МПА) концентрациясының 50% - ға дейін төмендеуі тіркелді. Дозаны енгізгенге дейінгі деңгейдің өзгеруі МПА-ның жалпы әсерінің өзгерістерін дәл көрсетпеуі мүмкін. Сондықтан, микофенолат мофетил дозасын өзгерту әдетте трансплантат дисфункциясының клиникалық белгілері болмаған кезде талап етілмейді. Дегенмен, мұқият клиникалық мониторинг біріктірілген кезде және антибиотиктермен емделгеннен кейін көп ұзамай жүргізілуі керек.
Айрықша нұсқаулар
Авиментин препаратымен емді бастар алдында пенициллиндерге, цефалоспориндерге немесе басқа аллергендергебұрын болған аса жоғары сезімталдықреакцияларына қатысты толық анамнез жинау керек.
Пенициллинмен ем қабылдайтын пациенттерде аса жоғары сезімталдықтың, кейде өліммен аяқталатын (анафилактоидты және ауыр терінің жағымсыз реакцияларын қоса алғанда) ауыр реакцияларының дамуы туралы хабарламалар алынды.
Аллергиялық реакциялар пайда болған жағдайда Авиментин препаратымен емдеуді тоқтату жәнесәйкес альтернативті емді бастау керек. Аса жоғары сезімталдықтың елеуліреакцияларында дереуэпинефрин енгізу керек. Сондай-ақ оксигенотерапия, глюкокортикостероидтарды вена ішіне енгізу және интубацияны қоса тыныс жолдарының өткізгіштігін қамтамасыз ету талап етілуі мүмкін.
Егер инфекцияның амоксициллинге сезімтал микроорганизмдерден туындағаны дәлелденсе, ресми басшылыққа сәйкес амоксициллин / клавулан қышқылынан амоксициллинге көшу туралы мәселені қараған жөн.
Инфекциялық мононуклеозға күдік туындағандаАвиментин препаратынтағайындау ұсынылмайдысондықтан осы ауруменпациенттерде амоксициллин қызылшаға ұқсайтын бөрту туындатуы мүмкін, ол аурудың диагностикасын қиындатады.
Колиттер
Бактерияға қарсы препараттарды қолдануға байланысты колиттер амоксициллинді қоса алғанда, барлық Бактерияға қарсы агенттермен тіркелген және ауырлық дәрежесі бойынша жеңілден өмірге қауіп төндіретін күнге дейін өзгеруі мүмкін. Сондықтан кез келген антибиотиктерді қабылдау кезінде немесе кейін диарея науқастарында бұл диагнозды ескеру маңызды. Антибиотиктермен байланысты колит пайда болған жағдайда амоксициллин / клавулан қышқылын қабылдауды дереу тоқтату, дәрігермен кеңесу және тиісті емді бастау керек. Бұл жағдайда антиперистальтикалық дәрілік заттар қарсы.
Авиментин препаратымен ұзақ уақыт емдеу кезінде бүйрек, бауыр және қан түзілу функциясын мезгіл-мезгіл бағалау ұсынылады.
Амоксициллин / клавулан қышқылын қабылдаған пациенттерде протромбин уақытын ұзарту мүмкін. Егер антикоагулянттар бір мезгілде қабылданса, тиісті бақылау жасалуы тиіс. Пероральді антикоагулянттардың дозасын түзету қажетті антикоагуляция деңгейін қолдау үшін қажет.
Асқазан ішек жолы тарапынанжағымсыз әсерлердің даму қаупін төмендету мақсатындапрепаратты ас қабылдау алдында қабылдау керек.
Ауыз қуысының күтімі тіс түстерініңөзгеруін алдын алуға көмектеседі, бұл үшін тісті тазалау жеткілікті.
Таблеткаларды қаптаманы ашқаннан кейін 30 күн ішінде қолдану керек.
Егде жастағыпациенттерде қолданылуы
Егде жастағыпациенттергеАвиментиннің дозасын төмендету талап етілмейді, дозалары ересектерге арналған дозалармен бірдей. Бүйрекфункциясының бұзылуы бар егде жастағы пациенттердедозаны бүйрек функциясының бұзылуы бар ересектердегідей түзету керек.
Бауыр жеткіліксіздігі
Емді сақтықпен жүргізеді, ұдайы бауыр функциясына мониторинг жүргізу керек. Пациенттердің осы категориясында дозалау режиміне түзету жүргізу үшін деректер жеткіліксіз.
Гепатобилиарлық бұзылулар негізінен ерлер мен егде науқастарда тіркелген және ұзақ емделумен байланысты болуы мүмкін. Бұл оқиғалар балаларға өте сирек кездеседі. Барлық популяцияларда белгілер мен симптомдар әдетте емдеу кезінде немесе кейін көп ұзамай пайда болады, бірақ кейбір жағдайларда емдеуді тоқтатқаннан кейін бірнеше аптадан кейін пайда болуы мүмкін. Олар әдетте қайтымды. Гепатобилиарлық реакциялар елеулі болуы мүмкін және өте сирек жағдайларда өлім жағдайлары тіркелген. Олар Олар әрдайым дерлік ауыр ауруы бар немесе бауырға әсер етуі мүмкін препараттарды қабылдаған науқастарда пайда болды.
Бүйрек жеткіліксіздігі
Препарат дозасы бұзылу дәрежесіне қарай түзетілуі керек. Бүйрек қызметі бұзылған пациенттерде Авиментин препаратының дозасын тиісінше бұзылу дәрежесіне төмендету керек. Бүйрек функциясы бұзылған немесе препараттың үлкен дозасын қабылдаған пациенттерде құрысулар пайда болуы мүмкін.
Диурезі төмендеген пациенттерде өте сирек жағдайларда, көбінесе препаратты парентеральды қолдану кезінде кристаллурияның дамуы туралы хабарланды. Амоксициллиннің жоғары дозаларын енгізу кезінде сұйықтықтың жеткілікті мөлшерін қабылдау және амоксициллин кристалдарының түзілу ықтималдығын азайту үшін барабар диурезді сақтау ұсынылады.
Авиментин препаратын ішке қабылдау несептегі амоксициллиннің жоғары мөлшеріне әкеледі, бұл несептегі глюкозаны анықтау кезінде жалған оң нәтижелерге әкелуі мүмкін (мысалы, Бенедикт сынамасы, Фелинг сынамасы). Бұл жағдайда несептегі глюкоза концентрациясын анықтаудың глюкозооксидаза әдісін қолдану ұсынылады.
Педиатрияда қолдану
6 жасқа толмаған балаларға ішуге арналған суспензия түріндегі препаратпен емдеуді тағайындайды. Дене салмағы 40 кг және одан да көп балаларға ересектер сияқты дозаны тағайындау керек.
Жүктілік және лактация кезінде
Клиникалық деректер жүктілікке, эмбриондық / эмбриондық дамуға, босануға немесе постнаталдық дамуға қатысты тікелей немесе жанама зиянды әсерлерді көрсетеді. Жүктілік кезінде амоксициллин / клавулан қышқылын қолдану бойынша шектеулі деректер адамдарда туа біткен даму ақаулары қаупін көрсетпейді. Амоксициллинмен / клавулан қышқылымен профилактикалық емдеу нәрестелерде некротикалық энтероколит дамуының жоғары қаупімен байланысты болуы мүмкін. Авиментин препаратын жүктілік кезінде қолдану ұсынылмайды, ана үшін қолданудың күтілетін пайдасы ұрық үшін әлеуетті қатерден асып түсетін жағдайларды қоспағанда.
Авиментин препараты емшек сүтімен бөлінеді. Демек, емшек емізетін балада шырышты қабықтардың диарея және саңырауқұлақ жұқпасы мүмкін. Сенсибилизация мүмкіндігі назарға алынуы тиіс. Амоксициллин / клавулан қышқылы емшекпен емізу кезінде тек пайда / қауіп бағаланғаннан кейін ғана пайдаланылуы тиіс. Емшек емізетін нәрестелерде қолайсыз әсерлер пайда болған жағдайда емшек емізуді тоқтату қажет.
Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері
Көлікті басқару және машиналарды пайдалану қабілетіне әсер ету үшін ешқандай зерттеулер жүргізілген жоқ. Препарат жағымсыз әсерлерді тудыруы мүмкін болғандықтан (мысалы, аллергиялық реакциялар, бас айналу, құрысу), көлік құралдарын және қауіптілігі зор механизмдерді басқару кезінде пациенттерге сақтық шаралары туралы ескерту қажет.
Қолдану жөніндегі нұсқаулар
Дозалану режимі
Дозалар препараттың жеке компонентінің бірлігінде көрсетілген жағдайларды қоспағанда, амоксициллин / клавулан қышқылы мөлшері бойынша көрсетілген.
Инфекциялық ауруды емдеу үшін таңдалған доза ескерілуі тиіс:
- күтілетін патогендер және олардың бактерияға қарсы агенттерге сезімталдығы
- аурудың ауырлығы
- науқастың жасы, салмағы және бүйрек функциясы
Альтернативті дозаларды (мысалы, амоксициллиннің неғұрлым жоғары дозаларын және / немесе амоксициллиннің клавулан қышқылына әртүрлі арақатынасын қамтамасыз ететін) пайдалануды қажет деп қарастырған жөн.
Емдеу ұзақтығы пациенттің реакциясымен анықталуы тиіс. Кейбір инфекциялар (мысалы, остеомиелит) емдеудің ұзақ кезеңдерін талап етеді. Емдеуді 14 күннен артық ұзартпау керек.
Ересектер мен балалар ≥ 40 кг
Авиментин 500 мг / 125 мг дозада күніне үш рет қабылданады. 500мг/125мг дозасы бар таблеткаларды қолданатын ересектер мен 12 жастан асқан балалар үшін ең жоғары тәуліктік доза 1500 мг амоксициллинді /375 клавулан қышқылын құрайды. 875 мг/125 мг дозасы бар таблеткалар үшін ең жоғары тәуліктік доза 1750 мг амоксициллинге/250 мг клавулан қышқылына (күніне 2 рет қабылдаған кезде) немесе 2625 мг амоксициллинге/375 клавулан қышқылына (күніне 3 рет қабылдаған кезде) тең.
40 кг дейінгі балалар
Кг салмағына 20 мг / 5 мг дейін, күніне кг күніне 60 мг/15 мг дейін, үш бөлінген дозада.
Таблеткаларды бөлуге болмайтындықтан, дене салмағы 25 кг кем балаларға таблеткалар қабылдауға болмайды. Амоксициллиннің жалпы ең жоғары тәуліктік дозасы 2400 мг, клавулан қышқылының 600 мг.
Кестеде салмағы 25 кг-дан 40 кг-ға дейінгі балалардағы дозалар (дене салмағына мг / кг), 500/125 мг таблетка үшін ұсынылған.
| Дене салмағы [кг] | 40 | 35 | 30 | 25 | Бір реттік доза [дене салмағы мг/кг] ұсынылады |
| Амоксициллин [дене салмағына мг / кг] таблетканың бір дозасына (1 үлбірлі қабықпен қапталған таблетка) | 12,5 | 14,3 | +16,7 | 20,0 | 6,67 – 20 |
| Клавулан қышқылы [дене салмағына мг / кг] таблетканың бір дозасына (1 үлбірлі қабықпен қапталған таблетка) | 3,1 | 3,6 | 4,2 | 5,0 | 1,67 - 5 |
Балалар
6 жас және одан кіші жастағы немесе дене салмағы 25 кг аз балаларға үлбірлі қабықпен қапталған таблетка түрінде ұсылмайды, бұл жас тобында суспензия түріндегі Авиментин препарат қолданған дұрыс.
Егде жастағы пациенттер
Препарат дозасын түзету талап етілмейді.
Бауыр жеткіліксіздігі бар пациенттер
Бауыр функциясын сақтықпен және тұрақты бақылаумен әдеттегі доза қолданылады.
Бүйрек жеткіліксіздігі бар пациенттер
Түзету дозасы амоксициллиннің ең жоғары ұсынылған деңгейіне негізделген. Креатинин клиренсі 30 мл/минуттан жоғары пациенттерде дозаны түзету талап етілмейді.
Ересектер мен балалар ≥ 40 кг
| креатин клиренсі 10-30 мл / мин | 500 мг / 125 мг күніне екі рет |
| креатин клиренсі <10 мл / мин | 500 мг / 125 мг күніне бір рет |
| гемодиализ | 500 мг / 125 мг әрбір 24 сағатта, плюс 500 мг / 125 мг диализ кезінде, диализ соңында қайталау керек (өйткені амоксициллин мен клавулан қышқылының сарысудағыконцентрациялары азаяды) |
Балалар <40 кг
| креатин клиренсі 10-30 мл / мин | 15 мг / 3,75 мг / кг күніне екі рет (500 мг / 125 мг асырмай күніне екі рет). |
| креатин клиренсі <10 мл / мин | 15 мг / 3,75 мг / кг бір реттік тәуліктік доза түрінде (ең жоғарғы 500 мг / 125 мг). |
| гемодиализ | 15 мг / 3,75 мг / кг күніне бір рет. 15 мг / 3,75 мг / кг гемодиализге дейін. Айналымдағы препарат деңгейін қалпына келтіру үшін, кг-ге 15 мг / 3,75 мг дозаны гемодиализден кейін енгізу керек. |
Енгізу әдісі мен жолы
Ішке қолданылады. Потенциалды асқазан-ішек төзімсіздігін азайту үшін тамақтану кезінде қабылдау керек.
Артық дозалану жағдайында қабылдау қажет болатын шаралар
Симптомдары: асқазан-ішек тарапынан және сұйықтық пен электролиттердегі теңгерімбұзылуының симптомдары пайда болуы мүмкін. Кейбір жағдайларда бүйрек жеткіліксіздігінің дамуына әкелетін амоксициллиндік кристаллурия сипатталған. Бүйрекфункциясының бұзылуымен пациенттерде, сондай-ақпрепаратты жоғары дозаларда қабылдағандардақұрысулар дамуы мүмкін.
Амоксициллин қуық катетерлерінде, негізінен үлкен дозаларды көктамыр ішіне енгізгеннен кейін тұндырылатыны хабарланды. Өткізгіштікті үнемі тексеріп отыру керек.
Емі: асқазан-ішек тарапынан симптомдар - су-электролиттік теңгерімді қалпына келтіруге айрықша назар аударып симптоматикалық ем жүргізу.
Артық дозаланған жағдайдаамоксициллинмен клавулан қышқылы қан ағымынан гемодиализкөмегімен шығарылуы мүмкін.
Дәрілік препаратты қолдану тәсілін түсіндіру үшін медицина қызметкеріне кеңес беру үшін ұсынымдар
Егер сізде осы дәрілік препаратты қолдану жөнінде қандай да бір қосымша сұрақтар туындаса, дәрігеріңізге немесе фармацевке хабарласыңыз.
Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жиі
- тері және шырышты қабаттар кандидозы
- жүрек айнуы, құсу, диарея
Жүрек айнуы көбіне препараттың жоғары дозасын қолданғанда кездеседі. Байқалу дәрежесін төмендету үшін препаратты тамақ қабылдар алдында қабылдау ұсынылады.
Жиі емеc
- бас айналуы, бас ауыруы
- диспепсия
- АЛТ/АСТ бауыр ферменттері деңгейінің орташа жоғарылауы (бета-лактамды антибиотиктермен ем қабылдайтынпациенттерде байқалады, әйтсе де оның клиникалық мәні белгісіз)
- тері бөртпесі, қышыну, есекжем
Сирек
- қайтымды лейкопения (нейтропенияны қоса), тромбоцитопения
- мультиформалы эритема
Өте сирек
- эозинофилиясы және жүйелік белгілері бар дәрілік заттарға реакция (DRESS-синдром)
Белгісіз
- қайтымды агранулоцитоз және гемолитикалық анемия, қан кету уақыты мен протромбиндік уақыт индексінің артуы
-ангионевроздық ісіну, анафилаксия; сарысу құю ауруына ұқсайтын синдром, аллергиялық васкулит
- қайтымды жоғары белсенділік және құрысулар
- антибиотиктермен астасқан колит (жалғанжарғақшалы және геморрагиялықты қоса)
- қара түкті тіл (тілдіңталшықтыбүртіктерінің созылмалы гиперплазиясы)
-гепатит, холестаздық сарғаю
- сезімтал емес микрофлоралардың шамадан тыс өсуі
- Стивенс-Джонсон синдромы, уытты эпидермальді некролиз, буллёзді эксфолиативті дерматит, жедел жайылған экзантематозды пустулёз, асептикалық менингит. Аталған симптомдар дамығанда препаратты дереу тоқтату керек.
- интерстициальді нефрит, кристаллурия
Аталған белгілер мен симптомдар әдетте емдеу барысында немесе ем аяқталғаннан кейін кездеседі, әйтсе де жекелеген жағдайлардаем аяқталғанн кейін бірнеше апталар ішінде байқалмауы мүмкін. Жағымсыз құбылыстар, әдетте қайтымды. Ауыз қуысына күтім жасау тіс эмалі түсінің өзгеруінің алдын алуға көмектеседі, өйткені бұл үшін тісті тазалау жеткілікті.
Бауыр тарапынан жағымсыз құбылыстар ауыр болуы мүмкін, өте сирек жағдайлардаөліммен аяқталу туралы хабарлар болды. Барлық дерлік жағдайлардабұлар қатар жүретін елеуліпатологиямен немесебір мезгілде күшті гепатотоуытты препараттар қабылдайтын адамдар.
Болжамды жағымсызреакциялар туралы хабарлар
Препараттың болжамды жағымсызреакциялары туралы деректерді анықтау дәрілік заттың пайда/қауіп арақатынасын ұдайы мониторингілеуді жүргізуге мүмкіндік беретін өте маңызды кезең болып табылады.
Медицина қызметкерлері кез келгенболжамды жағымсыз реакциялар туралы ақпараттынұсқаулықтың соңында берілген байланысу деректері, сондай-ақ ақпаратты жинаудың ұлттық жүйесі арқылы хабарлау керек.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препарат құрамы
Бір таблетканыңқұрамында
белсенді заттар:
Амоксициллин тригидраты
250 мг, 500 мг,875 мг амоксициллинге баламалы
Сұйылтылған калий клавуланаты
125 мг клавулан қышқылына баламалы,
қосымша заттар: микрокристалды целлюлоза, натрий крахмал гликоляты, кремнийдің коллоидты қостотығы, повидон, магний стеараты, 2-пропанол
қабығының құрамы: Opadry White® (гипромеллоза, титанның қостотығы (Е 171), макрогол, тальк), полиэтиленгликоль, метиленхлорид
Сыртқы түрінің, иісінің, дәмінің сипаттамасы
Ақ немесе ақ дерлік түсті, сопақша пішінді, екі беті дөңес, екі жағы да тегіс үлбірлі қабықпен қапталған таблеткалар (375 мгжәне 625 мг доза үшін).
Ақ немесе ақ дерлік түсті, сопақша пішінді, екі беті дөңес, бір жағында сындыру нүктесі бар және басқа жағы тегіс үлбірлі қабықпен қапталған таблеткалар (1000 мг доза үшін).
Шығарылу түрі және қаптамасы
6 (375 мгжәне 1000 мг доза үшін) немесе 10 (625 мг доза үшін) таблеткадан алюминий фольгадан жасалған пішінді ұяшықты қаптамаға салынған.
1 пішінді ұяшықты қаптамадан (375 мг доза үшін) немесе 2 пішінді ұяшықты қаптамадан (625 мг және 1000 мг доза үшін) мемлекеттік және орыс тіліндегі медициналық қолдану жөніндегі нұсқаулықпен бірге картоннан жасалған қорапшаға салынған.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Сақтау шарттары
Құрғақ,жарықтан қорғалғанжерде, 25°C–ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
Векста Лабораториес Пвт. Лтд.
Office 20 & 21 A,A.K. Vaidya Marg,
Goregaon (E), Мумбай400063, Үндістан
тел./факс: +91 124 4222244
e-mail: direct@avimedremedies.com
Тіркеу куәлігінің иесі
«Авицена-ЛТД» ЖШС,
050010, Алматы қ., Қазақстан
Радлов к-сі 65,
«Салем» БО, офис 203
Тел/факс: (727) 344 19 90/91/92/93
e-mail: direct@avitsena.kz
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын жауапты ұйымның атауы, мекенжайы және байланыс деректері (телефон, факс, электронды пошта)
«Авицена-ЛТД» ЖШС,
050010, Алматы қ., Қазақстан
Радлов к-сі 65,
«Салем» БО, офис 203
Тел/факс: (727) 344 19 90/91/92/93
e-mail: direct@avitsena.kz
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«СonsultAsia» ЖШС
Шевченко к-сі, 165Б
050061, Алматы, Қазақстан,
тел.: +7705-1708825/+7(727) 379 42 58
e-mail: pv@consultingasia.kz
