Тауарлардың көрінісі фотосуретте көрсетілгеннен өзгеше болуы мүмкін

Бронхипрет № 20 табл п/плён оболоч

2427
Қолжетімділігі
Сатылымда бар
Үлгі
4029799132231
Елі
Германия
Өндіруші
Bionorica AG
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Бронхипрет® ТП

Саудалық атауы

Бронхипрет®

Халықаралық патенттелмеген атауы

Жоқ.

Дәрілік түрі

Үлбірлі қабықпен қапталған таблеткалар.

Құрамы

Бір таблетканың құрамында

белсенді заттар:

жебіршөп шөбі құрғақ экстрактісі - 160,00 мг,

наурызгүл тамыры құрғақ экстрактісі-60,00 мг.

қосымша заттар: лактоза моногидраты, глюкоза шәрбаты (құрғақ), повидон К25, кросповидон, сусыз коллоидты кремнийдің қостотығы, микрокристалды целлюлоза, магний стеараты,тальк.

қабықтың құрамы: титанның қостотығы (Е 171), тальк, хлорофиллин(Е 141), рибофлавин (Е 101), пропилен гликоль, гипромеллоза, полиакрилат дисперсиясы (30%), диметикон, бұрыш жалбызы хош иістендіргіші, натрий сахарині

Сипаттамасы

Жасыл түсті, үлбірлі қабықпен қапталған, жабыны жартылай күңгірт екі жақ беті дөңес, дөңгелек пішінді таблеткалар.

Фармакотерапиялық тобы

Респираторлық жүйе ауруларын емдеуге арналған препараттар. Суық тию симптомдарын және жөтелді жоюға арналған препараттар.Қақырық түсіретін препараттар. Қақырық түсіретін препараттардың біріктірілімі

АТХ коды R05CA10

Фармакологиялық қасиеттері

Фармакокинетикасы

Бронхипрет® ТП препараты таблеткаларының әсері оның компоненттерінің біріккен әсерінің нәтижесі болып табылады, сондықтан кинетикалық зерттеулер жүргізу мүмкін емес.

Фармакодинамикасы

Бронхипрет® ТП таблеткалары қақырықты түсіретін, секретолитикалық, бронхолитикалық, жөтелге қарсы және қабынуға қарсы әсер береді.

Жебіршөп (Thymi herba) шөбінің экстрактісі секретолитикалық, бронхолитикалық және қабынуға қарсы әсер береді, олар препараттағы эфир майларының және флавоноидтардың болуымен жүзеге асырылады. Сондай-ақ препараттың бактерияларға қарсы әсері де айғақталды.

Наурызгүл (Primulae radix) тамыры экстрактісінің секретолитикалық қасиеттері бар, мұны наурызгүл сапониндерінің есебіне жатқызуға болады. Секретолитикалық әсеріне ас қорыту жолының сезімтал жүйке ұштарына әсер еткен кездегі рефлекторлы механизм жәрдемімен қол жеткізіледі.

Бронхипрет® ТП препаратына жүргізілген рандомизацияланған плацебо-бақыланатын зерттеулерде 10 күндік емдеу кезінде өнімді жөтелетін жедел бронхиттен зардап шегіп жүрген ересек пациенттерде препараттың тиімділігі дәлелденді. Жалпы алғанда, Бронхипрет® ТП препаратымен емдеу симптомдардан (жөтелу ұстамалары, бронхит ауырлығының балы) өте тезірек және толық қалпына келуді қамтамасыз етуге, мысалы, плацебомен салыстырғанда, жөтелу ұстамаларының 1 күн ерте 50%-ға төмендеуіне мүмкіндік берді. Бронхипрет® ТП препаратын пероральді түрде қолдану қауіпсіз және жағымдылығы жақсы болды.

Бронхипрет® ТП препаратының қауіпсіздігі және тиімділігі жаңа туған нәрестелерде, сәбилерде және 0-ден 11 жасқа дейінгі балаларда анықталған жоқ.

Қолданылуы

- жөтелмен және қақырықтың түзілуімен қатар жүретін тыныс алу жолдарының жедел және созылмалы қабыну ауруларын (бронхит, трахеобронхит, трахеит) емдеген кезде қақырық түсіретін дәрі ретінде

Қолдану тәсілі және дозалары

Ересектер және12 жастан асқан жасөспірімдер: күніне 3 рет 1 таблеткадан.

Таблетканы шайнамай, тамақтану алдында жұтқан жөн. Сұйықтықтың аздаған мөлшерімен ішіп қабылдау керек.

Жағымсыз әсерлері

Өте сирек

- аса жоғары сезімталдық реакциялары, соның ішінде ентігу, тері бөртпесі, есекжем, беттің, ауыздың және/немесе жұтқыншақтың ісінуі.

сирек

- түйілулер, жүректің айнуы, құсу, диарея сияқты асқазан-ішектік бұзылыстар.

Аталған жағымсыз әсерлердің кез келгені пайда болған жағдайда препарат қабылдауды тоқтатыңыз және дәрігерге қаралыңыз.Дәрігер оның күрделілігін және әрі қарай әрекет ету қажеттілігін анықтайды.

Қолдануға болмайтын жағдайлар

- препарат компоненттерінің кез келгеніне (наурызгүлге, жебіршөпке немесе Lamiaceae ерінгүлділер тұқымдасының басқа да өсімдіктеріне) аса жоғары сезімталдылықтың жоғарылауы

- 12 жасқа дейінгі балалар

Дәрілермен өзара әрекеттесуі

Қазіргі таңда басқа дәрілік заттармен өзара әрекеттесулері белгісіз.

Егер Сіз басқа дәрілік заттарды қабылдап жүрсеңіз немесе жақын арада қабылдаған болсаңыз, мұны емдеуші дәрігерге мәлімдеңіз.

Айрықша нұсқаулар

Қант диабеті бар науқастарға қолдану

1 таблетка Бронхипрет®ТП (бір реттік доза) құрамында орта есеппен 0,02 өнім бірлігі бар.

Бронхипрет® ТП таблеткаларының құрамында глюкоза және лактоза бар, сондықтан тұқым қуалайтын галактоза жақпаушылығы, лактаза жеткіліксіздігі немесе глюкоза және галактоза мальабсорбциясы бар пациенттерге ұсынылмайды.

Егер препаратты 1 аптадан көбірек қолданғанда ауру симптомдары сақталса, немесе ентігу, температураның жоғарылауы, іріңді қақырық немесе қан аралас қақырық сияқты симптомдар байқалса, шұғыл түрде дәрігерге қаралу қажет.

Гастриті немесе асқазанның ойық жарасы бар пациенттерге сақтықпен қолдануға кеңес беріледі.

Жүктілік және лактация

Жүктілік және лактация кезеңінде препараттың қауіпсіздігіне қатысты клиникалық деректер жоқ болғандықтан, Бронхипрет®ТП препаратын жүктілік және лактация кезеңінде қолдануұсынылмайды.

Көлік құралын немесе потенциалды қауіпті механизмдері басқару қабілетіне дәрілік заттың ықпал ету ерекшеліктері

Көліктінемесе потенциалды қауіпті механизмдерді басқару қабілетіне препараттың ықпалы жөнінде мәліметтер жоқ.

Артық дозалануы

Артық дозаланған кезде асқазан бұзылыстары, құсу және диарея болуы мүмкін. Артық дозаланған жағдайда препарат қабылдауды тоқтатқан және дәрігерден кеңес алған жөн.

Шығарылу түрі және қаптамасы

Алюминий фольгадан және ПВХ, ПВДХ үлбірден жасалған пішінді ұяшықты қаптамада (блистерде) 20 таблеткадан.

Пішінді ұяшықты 1 қаптамадан (блистер) медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Түрнұсқалық қаптамасында, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл.

Қаптамасында көрсетілген мерзімінен кейін пайдалануға болмайды.

Дәріханалардан босатылу шарттары

Рецептісіз

Өндіруші

Бионорика СЕ, D-92308 Ноймаркт/Германия

Тіркеу куәлігінің иесі

Бионорика СЕ, Германия

Тұтынушылардан өнім (тауар) сапасы жөніндегі шағымдарды Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның мекенжайы:

«Бионорика КАЗ» ЖШС

Алматы қ., «Главпочтамт», а/ж №200, тел: 250-93-99

e-mail:info@bionorica.kz

Дәріханалар

Тауар артығымен бар
Тауар аз қалды
Аптека № 12 ПТ Кызылорда (Арай Молл)
г. Кызылорда, ул. Жибек жолы, 13А
Круглосуточно
Аптека № 256, Кызылорда (Жана базар)
г. Кызылорда, ул. Коркыт Ата, 84 А
Круглосуточно
Аптека № 245, Кызылорда (ул.Желтоксан д.8А)
г. Кызылорда, ул. Желтоксан, д.8А
Круглосуточно
Аптека №299
ул. Толыбекова 14 А
09:00-22:00
Аптека №189
ул. Желтоксан 24 А
Круглосуточно
Аптека №293
ул. Саламатова 16А
Круглосуточно
Аптека №130
г.Кызылорда, ул.Абая 28а
Круглосуточно
Аптека № 254, Кызылорда (ТД Сырдария)
г.Кызылорда ул.Журба 65 рядом ТЦ Сырдарья
Круглосуточно