Дротаверина г/х 0,04, №50, табл.
Тауарлардың көрінісі фотосуретте көрсетілгеннен өзгеше болуы мүмкін

Дротаверина г/х 0,04, №50, табл.

593
Қолжетімділігі
Сатылымда бар
Үлгі
4603276003414
Елі
Россия
Өндіруші
Ирбитский химико-фармацев
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Дротаверин

Саудалық атауы

Дротаверин

Халықаралық патенттелмеген атауы

Дротаверин

Дәрілік түрі

0,04 г таблеткалар

Құрамы

Бір таблетканың құрамында

белсенді зат: дротаверин гидрохлориді (100 % затқа шаққанда) – 0,04 г,

қосымша заттар: лактоза моногидраты (сүтті қант), картоп крахмалы, повидон (медициналық төмен молекулалы поливинилпирролидон), магний стеараты, тальк.

Сипаттамасы

Ойығы бар жалпақ цилиндрлі, жасылдау реңді сары түсті таблеткалар

Фармакотерапиялық тобы

Ішектің функционалдық бұзылыстарын емдеуге арналған препараттар. Папаверин және оның туындылары. Дротаверин.

АТХ коды A03AD02

Фармакологиялық әсері

Фармакокинетикасы

Ішу арқылы қабылдағанда сіңірілуі жоғары, жартылай сіңірілу кезеңі – 12 минут. Биожетімділігі - 100%. Тіндерде біркелкі таралады, тегіс бұлшықет жасушаларына өтеді. Ең жоғары концентрациясына жету уақыты (TCmax) – 2 сағат. Қан плазмасының ақуыздарымен байланысы – 95-98%. Жартылай ыдырау кезеңі – 2.4 сағат. Негізінен бүйрекпен, аз дәрежеде өтпен шығарылады. Гематоэнцефалдық бөгет (ГЭБ) арқылы өтпейді.

Фармакодинамикасы

Изохинолин туындылары тобына жататын түйілуді басатын дәрі, ішкі ағзалар мен тамырлардың тегіс бұлшықеттеріне айқын босаңсыту әсерін көрсетеді.

Әсер ету механизмі IV типті фосфодиэстераза ферментін (ФДЭ IV) тежеумен байланысты. ФДЭ IV тежелісі цАМФ ыдырауының тоқтауына және оның тегіс бұлшықет жасушасының ішіне жиналуына алып келеді. Химиялық құрылымы мен фармакологиялық қасиеттері жағынан папаверинге жақын, бірақ әсер етуі едәуір күшті және ұзақ болады. Ішкі ағзалар тегіс бұлшықеттерінің тонусы мен қозғалыс белсенділігін төмендетеді, қан тамырларын кеңейтеді.

Миокард пен тамырлардың тегіс бұлшықет жасушаларында цАМФ гидролизі негізінен III ФДЭ изоэнзимінің қатысуымен жүреді, бұл жүрек-қантамыр жүйесіне айқын емдік әсері мен күрделі жүрек-қантамырлық қолайсыз құбылыстар дамуы болмағанда дротавериннің спазмолитик ретіндегі жоғары таңдамалы ықпал етуін түсіндіреді.

Қолданылуы

- өт шығару жолдарының аурулары кезінде тегіс бұлшықет түйілулерінде: холецистолитиаз, холангиолитиаз, холецистит, перихолецистит, холангит, папиллит

- несеп шығаружолдарының тегіс бұлшықет түйілулерінде: нефролитиаз, уретролитиаз, пиелит, цистит, қуық тенезмі

Қосымша ем ретінде:

- асқазан‑ішек жолдарының тегіс бұлшықет түйілулерінде: асқазан және он екі елі ішектің ойық жараларында, гастритте, кардия және қақпаның түйілуінде, энтеритте, колитте, ішектің тітіркену синдромы кезінде іш қатулар және метеоризммен қатар жүретін спазмдық колитте

- ширығудан болатын бас ауыруында

- гинекологиялық ауруларда: дисменореяда (ауырып келетін етеккірде)

Қолдану тәсіліжәне дозалары

Ересектерге тәулігіне 2-3 рет 0,04-0,08 г (1-2 таблетка) ішке қабылдауға тағайындалады.

12 жастан асқан балаларға тәулігіне 1-3 рет 0,04 г (1 таблетка) препарат тағайындалады.

Дәрігердің кеңесінсіз емделу ұзақтығы.

Препаратты дәрігердің кеңесінсіз қабылдаған кезде препаратты қабылдаудың ұсынылатын ұзақтығы әдетте 1-2 күнді құрайды. Егер осы кезең ішінде ауыру синдромы азаймаса, пациент диагнозды нақтылау үшін дәрігерге көрінуі және қажет болған жағдайда емді өзгертуі керек. Дротаверин қосымша ем ретінде пайдаланылған жағдайларда дәрігердің кеңесінсіз емделу уақыты ұзағырақ (2-3 күн) болуы мүмкін.

Тиімділікті бағалау әдісі.

Егер пациент өзіне жақсы мәлім болғандықтан өз ауруының симптомдарын өз бетінше оңай диагностикалай алатын болса, онда емдеудің тиімділігін, атап айтқанда ауырулардың жойылуын дапациенттің бағалауы оңайға түседі. Ең жоғары бір реттік дозаны қабылдағаннан кейін бірнеше сағаттың ішінде ауырудың орташа азаюы немесе ауырудың азаймауы байқалған жағдайда, немесе егер ауыру ең жоғары тәуліктік дозаны қабылдағаннан кейін айтарлықтай азаймаса, дәрігерге көріну ұсынылады.

Жағымсыз әсерлері

Болуы мүмкін

- бас айналу, бас ауыру, ұйқысыздық

- жүрек қағу, артериялық гипотензия

- ысыну сезімі, тершеңдік

- жүрек айну, іш қату

- аллергиялық реакциялар: жиі емес ангионевротикалық ісіну, есекжем, бөртпе, қышыну

Қолдануға болмайтын жағдайлар

- дротаверинге немесе препараттың кез келген қосымша затына жоғары сезімталдық

- бүйректің немесе бауырдың ауыр жеткіліксіздігі

- ауыр жүрек жеткіліксіздігі (жүрек лықсытуының төмендеу синдромы), II-III дәрежелі AV блокада

- лактация кезеңі

- лактоза тапшылығы

- галактоземия

- глюкоза/галактоза сіңірілуінің бұзылу синдромы

- 12 жасқа дейінгі балаларға

Сақтықпен:

– артериялық гипотензияда

– балаларда (клиникалық қолдану тәжірибесінің жеткіліксіздігі)

– жүктілік кезеңі

Дәрілерменөзара әрекеттесуі

Бір мезгілде қолданғанда папаверин, бендазол және басқа спазмолитиктердің (соның ішінде м-холиноблокаторлардың) әсерін күшейтеді.

Трициклды антидепрессанттар, хинидин және прокаинамид дротаверинмен бір мезгілде қолданылғанда олардың гипотензиялық әсері күшейеді.

Фосфодиэстераза тежегіштері (папаверин, дротаверин сияқты) леводопаның паркинсон ауруына қарсы тиімділігін әлсіретеді. Бір мезгілде қолданғанда дротаверинлеводопаның паркинсон ауруына қарсы әсерін азайтуы мүмкін, яғни тремор мен сіресу күшеюі мүмкін.

Айрықша нұсқаулар

Коронарлық артериялардың айқын атеросклерозы, қуық асты безі аденомасы, глаукомасы бар пациенттерге препарат сақтықпен тағайындалады.

Препараттың құрамында лактоза бар. Галактоза жақпаушылығының, Лапп лактаза тапшылығының сирек кездесетін тұқым қуалайтын аурулары немесе глюкоза-галактоза сіңуінің бұзылуы бар пациенттерге препаратты қабылдау ұсынылмайды.

Жүктілік

Дротавериннің тератогенді және эмбриоуытты әсері жоқ. Дегенмен препарат ана мен шарана үшін пайда-қатер арақатынасы мұқият сараланғаннан кейін ғана қолдануға ұсынылады.

Лактация

Клиникаға дейінгі зерттеулерде зерттелмеген, осының салдарынан препаратты бала емізу кезеңінде қабылдау ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жағымсыз әсерлерін ескеріп, автокөлікті және қауіптілігі зор механизмдерді басқару кезіндесақтық шарасын қадағалау керек.

АртықдозалануыСимптомдары: үлкен дозаларда жүрекше-қарыншалық өткізгіштігін бұзады, жүрек бұлшықетінің қозғыштығын төмендетеді, жүректің тоқтап қалуын және тыныс алу орталығының салдануын туындатуы мүмкін.

Емі: препаратты тоқтату, туындаған бұзылуларды жоюға бағытталған симптоматикалық ем. Арнайы антидоты жоқ.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада 10 таблеткадан.

2 немесе 5 пішінді ұяшықты қаптамамедициналық қолдану жөніндегі мемлекеттік және орыс тіліндегі нұсқаулықтармен бірге картон қорапшаға салынады.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Ирбит химфармзауыты» ААҚ

623856, Ресей, Свердлов обл., Ирбит қ., Карл Маркс к-сі, 124-а

Тіркеу куәлігінің иесі

«Ирбит химфармзауыты» ААҚ, Ресей

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ЖК Утегенова Б.А.

010000, Қазақстан, Астана қ-сы, Рамазан к-сі, 33, 9 пәтер

Тел/факс 8(7172) 43-95-34, +77017076181

Электронды пошта b.utegenova_ip@mail.ru

Дәріханалар

Тауар артығымен бар
Тауар аз қалды
Аптека № 254, Кызылорда (ТД Сырдария)
г.Кызылорда ул.Журба 65 рядом ТЦ Сырдарья
Круглосуточно
Аптека №130
г.Кызылорда, ул.Абая 28а
Круглосуточно
Аптека № 256, Кызылорда (Жана базар)
г. Кызылорда, ул. Коркыт Ата, 84 А
Круглосуточно
Аптека № 245, Кызылорда (ул.Желтоксан д.8А)
г. Кызылорда, ул. Желтоксан, д.8А
Круглосуточно
Аптека № 12 ПТ Кызылорда (Арай Молл)
г. Кызылорда, ул. Жибек жолы, 13А
Круглосуточно
Аптека №299
ул. Толыбекова 14 А
09:00-22:00
Аптека №293
ул. Саламатова 16А
Круглосуточно