Сипаттама
Дәрілік затты медициналық қолдану
жөніндегі нұсқаулық
Гамалате В6
Саудалық атауы
Гамалате В6
Халықаралық патенттелмеген атауы
Жоқ
Дәрілік түрі
Ішуге арналған 80 мл ерітінді
Құрамы
100 мл препараттың құрамында
белсенді заттар:
магний глутамат гидробромиді2.0 г
γ-амин май қышқылы 2.0 г
γ-амин-β-гидрокси май қышқылы 1.0 г
пиридоксин гидрохлориді 1.0 г
қосымша заттар: лимон қышқылы, натрий сахарині, метилпарагидроксибензоат (Е218), пропилпарагидроксибензоат (Е216), таңқурай эссенциясы 80374, «күнбатар түстес» сары бояғыш FCF E110, сорбитол (Е420) 70 %, тазартылған су.
Сипаттамасы
Өзіне тән дәмі және иісі бар қызғылт-сары түсті тұтқыр сұйықтық.
Фармакотерапиялық тобы
Жүйке жүйесі ауруларын емдеуге арналған препараттар. Психоаналептиктер. Психостимуляторлар және ноотроптар. Психостимуляторлар және басқа ноотроптар.
АТХ коды N06B X
Фармакологиялық қасиеттері
Фармакокинетикасы
Гамалате В6 құрамында төрт компонент бар, оның үшеуі физиологиялық өнімдер болып табылады: γ-амин май қышқылы, γ-амино-β-гидрокси май қышқылы және пиридоксин гидрохлориді (ГАМҚ, ГАБГМҚ және В6 дәрумені). Бұл жағдайда экзогенді және эндогенді компоненттерді сандық анықтаудың күрделілігіне байланысты классикалық фармакокинетикалық зерттеулер жүргізу мүмкін емес.
Фармакодинамикасы
Гамалате B6 препаратының әсері оның құрамына кіретін белсенді заттардың әсеріне негізделген: ми функциясын сергітетін амин қышқылдары, γ-амин май қышқылы және γ-амино-β-гидрокси май қышқылы (ГАМҚ және ГАБГМҚ), әлсіз седативті зат - магний глютаматы гидробромиді (МГГ) және B6 дәруменінің коферменті. Препарат мидың энергетикалық және нейрорегуляторлық белсенділігінің жоғарылауын туындатады. Препарат миға нейрореттеуші әсер етеді. Амин қышқылдары және B6 дәрумені ми метаболизміне қатысады және жүйке жасушаларының энергетикалық потенциалын арттырады.
Қолданылуы
Төмендегілердің байқалуымен функционалдық астения кезінде қосымша дәрі ретінде тағайындалады:
- эмоциялық ауытқу
- назар аудару және есте ақтау қабілетінің бұзылуы
- депрессия және астения
- бейімделу қабілетінің төмендеуі
Қолдану тәсілі
Ересектер: ішке 10 мл тәулігіне 2 - 3 рет
Емдеу курсының ұзақтығын емдеуші дәрігер анықтайды.
Ең төменгі бір реттік доза 10 мл.
Ең жоғарғы бір реттік доза 20 мл.
Бұл дозалар дәрігердің тағайындауымен өзгеруі мүмкін.
Жағымсыз әсерлер
- диспепсиялық бұзылыстар болуы мүмкін
Қолдануға болмайтын жағдайлар
- препарат компоненттеріне жоғары сезімталдық
- асқазан мен он екі елі ішектің ойықжара ауруы
- бауырдың ауыр зақымдануы
- ишемиялық жүрек ауруы
- балалар мен 18 жасқа дейінгі жасөспірімдер
- жүктілік және лактация кезеңі
Дәрілермен өзара әрекеттесуі
Сипатталмаған
Айрықша нұсқаулар
Құрамында балалар мен 18 жасқа дейінгі жасөспірімдерге қолдануға болмайтын қосымша заттар сары «күн батар түстес» бояғыш E110 бар, сорбитол (Е420) орташа іш жүргізетін әсер көрсетеді, метилпарагидроксибензоат (Е218) және пропилпарагидроксибензоат (Е216) баяу типтегі аллергиялық реакциялар туындатады.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшелігі
Автокөлікті немесе басқа да аса қауіпті механизмдерді басқару кезінде сақтық таныту керек.
Артық дозалануы
Препараттың төмен уыттылығын назарға алып, тіпті емдік дозаны кездейсоқ арттырғанда да улану ықтималдығы төмен.
Симптомдары – жағымсыз әсерлердің күшеюі
Емі - симптоматикалық
Шығарылу түрі және қаптамасы
80 мл препараттан күңгірт шыныдан жасалған құтыларда.
1 құтыдан, өлшегіш стақаннан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
30°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
Феррер Интернасиональ, С.А.,
Гран Виа Карлос III, 94, 08028 Барселона, Испания.
Тіркеу куәлігінің иесі
Феррер Интернасиональ, С.А.,
Гран Виа Карлос III, 94, 08028 Барселона, Испания.
Қазақстан Республикасы аумағында тұтынушылардан дәрілік заттыңсапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері
«Феррер Казахстан» ЖШС.050026. Алматы қ-сы, Мұқанов к-сі, 113 үй,
301 кеңсе. тел: 3565810, 3565811
ұялы тел: 87777158891. эл поштасы: gramazanova@ferrer.com
