Сипаттама
Дәрілік препаратты медициналық қолдану жөніндегі нұсқаулық
Саудалық атауы
Герветин
Халықаралық патенттелмеген атауы
Бензидамин
Дәрілік түрі, дозасы
Жалбыз дәмі бар пастилкалар, 3 мг
Фармакотерапиялық тобы
Ас қорыту жолы және зат алмасу. Стоматологиялық препараттар. Ауыз қуысының ауруларын жергілікті емдеуге арналған басқа препараттар. Бензидамин.
АТХ коды А01AD02
Қолданылуы
- ауыз қуысында және жұтқыншақта ауырсынуды және тітіркенуді жергілікті симптоматикалық емдеу және жеңілдету үшін.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препарат компоненттеріне жоғары сезімталдық
- 6 жастан кіші балалар
- туа біткен фруктоза көтере алмаушылық.
Қолданған кездегі қажетті сақтандыру шаралары
Деректер жоқ
Басқа дәрілік препараттармен өзара әрекеттесуі
Герветин препаратының басқа дәрілік заттармен клиникалық мәнді өзара әрекеттесулері анықталмаған.
Арнайы ескертулер
Препарат бронх демікпесі бар және бұрын бронх демікпесі болған пациенттерде бронх түйілуін туындатуы мүмкін.
Препарат салицил қышқылына немесе басқа да қабынуға қарсы стероидты емес препараттарға жоғары сезімталдығы бар пациенттерге ұсынылмайды.
Кейбір жағдайларда, ауыз қуысы мен жұтқыншақтың шырышты қабығындағы қабынулар мен ойық жаралар күрделі аурулардың белгілері болуы мүмкін. Егер сізде қабыну симптомдары артса немесе 3 күн бойы емдегенде жақсарулар байқалмаса, емдеуші дәрігерге немесе стоматологқа жүгіну қажет.
Пастилкалардың құрамында сорбит бар. Сирек тұқым қуалайтын фруктоза жақпаушылығы бар пациенттер бұл препаратты қабылдамауы тиіс. Сорбит орташа босаңсытатын әсер етуі мүмкін. Бір пастилка құрамында 0,415 мг сорбит (1,08 ккал) бар.
Жүктілік немесе лактация кезінде
Герветин препараты жүктілік кезінде қолданылмауы тиіс. Бензидаминнің емшек сүтімен шығарылуы бойынша зерттеулер жүргізілген жоқ, сондықтан бала емізу кезеңінде қолдану ұсынылмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Ұсынылған дозада, препарат автокөлікті басқару қабілетіне және жоғары зейін қоюды талап ететін басқа қызметке әсер етпейді.
Қолдану жөніндегі нұсқаулар
Дозалау режимі
1 пастилкадан күніне 3 рет ұсынылады. Емдеу ұзақтығы 7 күннен аспауы тиіс.
6 жасқа дейінгі балалар: осы дәрілік түрін (пастилкалар) 6 жасқа дейінгі балаларға қолдануға болмайды.
6-12 жастағы балалар: препаратты 1 пастилкадан күніне 3 рет ересектердің қадағалауымен қолданған жөн.
Енгізу әдісі мен жолы
Пастилканы толық сорылғанға дейін ауызда ұстау қажет.
Емдеу ұзақтығы
Емдеу ұзақтығы 7 күннен аспауы тиіс.
Артық дозаланған жағдайда қабылдануы тиіс шаралар
Симптомдары: өте сирек, пастилкадағы оның мөлшерінен шамамен 100 есе асатын дозада бинзидамин дозасын пероральді қабылдағаннан кейін балаларда қозу, құрысу, тершеңдік, тепе-теңдікті ұстаудағы қиындықтар, бұлшықеттің жиырылуы тудырған дене бөліктерінің еріксіз, ырғақты қозғалысы сияқты симптомдар және құсу байқалды.
Емі: жедел артық дозаланғанда тек симптоматикалық ем жүргізіледі. Пациенттер дәрігердің бақылауында болуы, демеуші ем мен қажетті сұйықтық қабылдауы тиіс.
Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну ұсынылады.
ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар
Сирек
- ауыз қуысының ұйып қалуы және ауызда күйдіру сезімі, ауыз қуысының ауырсынуы.
Өте сирек
- айқын ентігумен (ларингоспазм) дыбыс саңылауының кенеттен еріксіз жабылуы, тыныс алудың қиындауын тудыратын бронх саңылауының тарылуы (бронх түйілуі)
- қышынумен, тез өршитін, қатты қышитын, күйіктен болатын көпіршіктерге ұқсайтын терідегі бозғылт-қызғылт күлдіреуіктермен (есекжем), күн сәулесіне терінің реакциясымен және бөртпемен көрініс беретін аллергиялық реакциялар.
Белгісіз (қолда бар деректер негізінде бағалау мүмкін емес)
- терінің терең қабатының және теріасты тіндерінің тығыз, асимметриялық, ауыртпай ісінуі (ангионевроздық ісіну), өмірге қауіп төндіретін тез ауыр аллергиялық реакция (анафилаксиялық реакция) және аллергиялық реакциялар
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
Бір пастилканың құрамында
белсенді зат – 3 мг бензидамин гидрохлориді,
қосымша заттар: ментол, бұрышты жалбыз майының хош иістендіргіші 27198/14, повидон, натрий цикламаты, маннитол, сорбитол, желатинденген жүгері крахмалы, коллоидты сусыз кремний, магний стеараты,
үлбірлі қабықтың құрамы(Опадрай® жасыл 03F31219): натрий цикламаты, ментол, бұрышты жалбыз майының хош иістендіргіші 27198/14
Сыртқы түрінің иісінің, дәмінің сипаттамасы
Дөңгелек пішінді, екі беті дөңес, жалбыз иісі бар, мәрмәр өрнегі болуы мүмкін және беткейінде ашық және күңгірт дақтары бар, ашық-жасыл түсті пастилкалар. Сындырған кезде ақтан ақ дерлік түске дейін өзекшесі және жұқа ашық жасыл үлбірліқабығы байқалады.
Шығарылу түрі және қаптамасы
10 пастилкадан поливинилхлорид/термопластикалық эластомер/ поливинилиденхлорид үлбірден және алюминий фольгадан жасалған пішінді ұяшықты қаптамада. 2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау мерзімі
Сақтау мерзімі 3 жыл
Жарамдылық мерзімі өткеннен кейін қолдануға болмайды!
Сақтау шарттары
Құрғақ, жарықтан қорғалған жерде, 250С-ден аспайтын температурада, түпнұсқалық қаптамада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
REPLEK FARM Ltd. Skopje,Козле к-сі 188, 1000 Скопье,
Солтүстік Македония Республикасы
телефон: +389 2 3081343
электронды пошта: info@replek.com.mk
Тіркеу куәлігінің ұстаушысы
Spey Medical Ltd., Линтон Хаус 7-12 Тависток Сквер, Лондон, WC1H 9LT, Ұлыбритания
телефон: +44 203 598 2050
электронды пошта: info@spey.eu
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланысу деректері (телефон, факс, электронды пошта):
«Cepheus Medical» (Цефей Медикал) ЖШС, 050000, Қазақстан Республикасы, Алматы қ.,Панфилов к-сі 98,«OLD SQUARE» БО, телефон: +7 (727) 300 69 71, +7 777 175 00 99 (тәулік бойы), электронды пошта: drugsafety@evolet.co.uk
.png)
.png)
