Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Гинопрогест 100 мг № 30 капс

4048
Қолжетімділігі
Сатылымда бар
Үлгі
8594739253940
Елі
Испания
Өндіруші
Laboratories Leon Farma S.A
  • Сипаттама
  • Дәріханалар

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Гинопрогест

Халықаралық патенттелмеген атауы

Прогестерон

Дәрілік түрі, дозалануы

Касулалар, 100 мг

Фармакотерапиялық тобы

Несеп-жыныс жүйесі және жыныс гормондары. Жыныс гормондары және жыныс жүйесінің модуляторлары. Прогестагендер. Прегнен туындылары. Прогестерон.

АТХ коды G03DA04

Қолданылуы

Гинопрогест 100 мг интактілі жатырымен постменопаузадағы әйелдерде орын басатын гормональді ем (ОГЕ) ретінде эстрогенмен бірге қосымша қабылдауға арналған.

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

Эстрогендермен бірге пайдаланған кезде Гинопрогесті төмендегі кез келген жай-күйлері бар пациенттерде қолдануға болмайды:

• Препараттың әсер етуші затына немесе қосымша заттарының кез келгеніне белгілі аса жоғары сезімталдық.

• Белгілі, өткен немесе күдік тудырған сүт безінің обыры.

• Белгілі немесе күдік тудырған эстрогенге тәуелді қатерлі ісіктер (мысалы, жыныс жолдарының обыры).

• Диагностикаланбаған генитальді қан кету.

• Бұрынғы немесе қазіргі тромбоэмболия бұзылулары (мысалы, терең веналар тромбозы, өкпе эмболиясы) немесе тромбофлебит

• Белгілі тромбофильді бұзылыстар.

• Бауырдың жедел ауруы немесе анамнездегі бауыр функциясының көрсеткіштері қалпына келмеген бауыр аурулары.

• Порфирия.

• Миға қан құйылу.

• Емшек емізу.

Қолдану кезіндегі қажетті сақтандыру шаралары

Бұл дәрілік заттың құрамында жержаңғақ майы бар. Егер пациенттіңжаңғаққа немесе сояға аллергиясы бар болса, оны пайдалануына болмайды.

Басқа дәрілікпрепараттармен өзара әрекеттесуі

Ферменттік индукторлар

Бауырдағы CYP450-3A4 индукциялайтыны белгілі препараттар, мысалы, барбитураттар, эпилепсияға қарсы дәрілер (фенитоин, карбамазепин), рифампицин, фенилбутазон, бромкриптин, спиронолактон, гризеофульвин, кейбір антибиотиктер (ампициллиндер, тетрациклиндер), сондай-ақ құрамында шілтер жапырақты шайқурай (Hypericum perforatum) бар өсімдік өнімдері прогестеронның метаболизмін және шығарылуын арттыруы мүмкін.

Ферменттік тежегіштер

Кетоконазол және басқа CYP450-3A4 тежегіштері, мысалы, ритонавир және нелфинавир прогестеронның биожетімділігін жоғарылатуы мүмкін. Прогестеронның адамның бауыр микросомаларымен метаболизмін кетоконазол тежеген (IC50 <0,1 мкМ).

Иммунодепрессанттар

Прогестерон циклоспориннің плазмалық концентрациясын арттыруы мүмкін.

Антистероидты препараттар

Аминоглутетимид медроксипрогестерон ацетаттың және мегестролдың плазмалық концентрацияларын елеулі төмендетеді, бұл бауыр ферменттерін индукциялайтын әсерінің арқасында болуы мүмкін.

Антикоагулянттар

Прогестерон кумариндердің антикоагулянттық әсерін күшейтуі немесе азайтуы мүмкін.

Прогестерон фениндионның антикоагулянттық әсеріне қарсы әрекет етеді.

Диабеттік препараттар

Бір мезгілде прогестерон алатын әйелдерге диабетке қарсы дозалануын түзету қажет болуы мүмкін.

Шұғыл контрацептивтер

Улипристал ацетатын прогестеронмен бір мезгілде пайдалану прогестерон тиімділігінің азаюына әкелуі мүмкін.

Диазепам

Прогестерон диазепамның плазмадағы концентрациясын арттыруы мүмкін.

Тизанидин

Прогестерон тизанидиннің плазмадағы концентрациясын арттыруы мүмкін.

Тербинафин

Тербинафин прогестеронмен бір мезгілде пайдаланылғанда лақылдап қан кетулер туралы кездейсоқ хабарламалар болды.

Зертханалық тесттер

Прогестерон бауыр және/немесе эндокриндік функциялардың зертханалық зерттеу нәтижелеріне әсер етуі мүмкін.

Арнайы сақтандырулар

• Постменопауза симптомдарын емдеу үшін ОГЕ өмір сапасына теріс ықпал ететін симптомдардан ғана бастау керек. Барлық жағдайларда пайда-қаупіне мұқият баға беру жылына бір реттен сирек жүргізілмеуі тиіс, ал ОГЕ пайдасы қаупінен басым түсетін болғанша жалғастыру керек.

• Мерзімінен бұрын болған менопаузаны емдеуде ОГЕ-мен байланысты қауіптерге қатысты дәлелдер шектеулі. Алайда жас әйелдерде абсолюттік қауіп деңгейі төмен болғандықтан, мұндай әйелдерде пайда-қауіп арақатынасы егде жастағы әйелдерге қарағанда жақсырақ болуы мүмкін.

Гинопрогест 100 мг капсулалары мыналарға жарамайды:

• расталған жүктілік кезінде

• мерзімінен бұрын босануды емдеуде

• ұрықтануға қарсы дәрі ретінде.

Сақтық шаралары

Медициналық тексеру/бақылау

ОГЕ баста немесе қалпына келтіру алдында толық жеке немесе отбасылық ауру тарихын алу қажет. Физикалық (оның ішінде жамбасты және кеудені) тексеру осыларды, сондай-ақ қарсы көрсетілімдерді және пайдалану кезіндегі сақтық шараларын басшылыққа алуы тиіс. Емдеу кезінде жиілігі мен сипаты нақты әйелге бейімделген тексеруді мезгіл-мезгіл жүргізу ұсынылады. Әйелдер кеуденің қандай өзгерістері туралы өзінің емдеуші дәрігеріне немесе медбикеге хабарлау керек екенін білуі тиіс. Зерттеулер, оның ішінде көзбен қарап тексерудің тиісті құралдары, мысалы, маммография, қазіргі уақытта қабылданған скрининг әдістерімен адамның клиникалық қажеттіліктерін ескере отырып жүргізілуі тиіс.

Бақылауды қажет ететін жай-күйлер

Егер төмендегі жағдайлардың қандай да бірі бар болса, бұрын болса, және/немесе жүктіліктің немесе алдыңғы гормональді емдеудің кезінде өршісе, пациент мұқият бақылауға алынуы тиіс. Бұл жағдайлар 100 мг Гинопрогест капсулаларымен емдеу кезінде қайталануы немесе нашарлауы мүмкін екеніне мән беру керек, атап айтқанда:

• лейомиома (жатыр миомасы) немесе эндометриоз

• тромбоэмболиялық бұзылулардың қауіп факторлары

• эстрогенге тәуелді ісіктердің қауіп факторлары, мысалы, сүт безінің обырындағы 1-ші дәрежелі тұқым қуалаушылық

• гипертония

• бауыр аурулары (мысалы, бауыр аденомасы)

• тамырлардың қатысуымен немесе онсыз қант диабеті

• өттас ауруы

• бас сақинасы немесе (күшті) бас ауыруы

• жүйелі қызыл жегі.

• бұрын болған эндометрий гиперплазиясы

• эпилепсия

• демікпе

• отосклероз

• депрессия

• жарыққа сезімталдық

Емді дереу тоқтату себептері

Қарсы көрсетілімдер анықталғанда және мынадай жағдайларда ем дереу тоқтатылуы тиіс:

• сарғаю немесе бауыр функциясының нашарлауы

• артериялық қысымның елеулі жоғарылауы

• бас ауыруы типтес бас сақинасының жаңадан басталуы

• жүктілік

• кенеттен немесе бірте-бірте, ішінара немесе толық көрмей қалу

• проптоз немесе диплопия

• папиллоэдема

• торқабықтың тамырлық зақымданулары

Эндометрий гиперплазиясы және обыр

Жатыры зақымданбаған әйелдерде эстрогендерді ұзақ кезеңдер бойы бөлек енгізген кезде эндометрий гиперплазиясының және карциноманың қаупі ұлғаяды. Эстрогенді ғана қабылдайтын пайдаланушылар арасында эндометрий обыры қаупінің ұлғаюы туралы хабарламалар эстрогенді пайдаланбайтын тұлғалармен салыстырғанда емдеу ұзақтығына және эстрогеннің дозасына байланысты 2-ден 12 есеге дейін ауытқиды. Емдеуді тоқтатқаннан кейін қауіп 10 жылдан кем емес уақыт бойы жоғары күйде қалуы мүмкін.

Прогестеронды айына 12 күннен кем емес уақыт бойы қосу/28 күндік цикл немесе эстроген-прогестагенмен үздіксіз біріктірілген ем гистерэктомиясыз әйелдерде құрамында эстроген ғана бар ОГЕ байланысты шамадан тыс қауіптің алдын алады.

Лақылдап қан кету және жағынды қан кетуді емдеудің алғашқы айларында пайда болуы мүмкін. Егер лақылдап қан кету сақталса, Гинопрогестің дозасын циклдың 25 күні бойы азайту мүмкіндігін қарастыруға болады.

Егер лақылдап қан кету немесе жағынды қан кету емдеуін бастағаннан кейін біраз уақыттан кейін пайда болса немесе емдеуді тоқтатқаннан кейін жалғасса, себебін зерттеу керек, ол эндометрийдің қатерлі ісігін жоққа шығару үшін эндометрий биопсиясын қамтуы мүмкін.

Сүт безінің обыры

Жалпы деректер біріктірілген эстроген-прогестаген қабылдайтын әйелдерде сүт безі обырының жоғары қаупін айғақтайды, және эстрогендік ОГЕ ғана қабылдағанда да болуы мүмкін, бұл ОГЕ қабылдаудың ұзақтығына байланысты.

Біріктірілген эстроген-прогестаген емі

• ОГЕ үшін біріктірілген эстроген-прогестаген қабылдайтын әйелдерде сүт безі обыры дамуының жоғары қаупі туралы клиникалық деректер бар, ол шамамен 3 жылдан кейін пайда болады.

Шамадан тыс қауіп бірнеше жыл пайдаланудан кейін айқын болады, бірақ емдеуді тоқтатқаннан кейін бірнеше (ең көбі бес) жыл өткенде бастапқы деңгейіне оралады.

ОГЕ, әсіресе эстрогендермен және прогестагендермен біріктіріп емдеу маммографиялық бейнелердің тығыздығын арттырады, бұл әйелдерде сүт безінің обырын рентгенологиялық анықтауға теріс ықпал етуі мүмкін.

Аналық без обыры

Аналық бездер обыры сүт безінің обырынан анағұрлым сирек кездеседі. Үлкен метаталдаудың эпидемиологиялық деректері эстрогенді ғана немесе біріктірілген эстроген-прогестагендік ОГЕ қабылдайтын әйелдерде қауіптің аздап жоғарылайтынын айғақтайды, ол 5 жыл қолданудан кейін пайда болады және емді тоқтатқан соң уақыт өте келе азаяды.

Веналық тромбоэмболия

ОГЕ веналық тромбоэмболия (ВТЭ), яғни терең веналар тромбозының немесе өкпе артериясы тромбоэмболиясының дамуының 1,3-3 есе қаупімен байланысты. Мұндай оқиғаның пайда болу ықтималдығы кейінгісіне қарағанда, ОГЕ алғашқы жылында көбірек.

Белгілі тромбофильдік жай-күйлері бар пациенттерде ВТЭ қаупі жоғары болады, және ОГЕ бұл қауіпті ұлғайтуы мүмкін. Сондықтан бұл пациенттерге ОГЕ қолдануға болмайды.

ВТЭ үшін жалпыға мәлім қауіп факторларына эстрогендерді пайдалану, егде жас, күрделі операциялар, ұзақ иммобилизация, семіздік (ДСИ> 30 кг / м2), жүктілік кезеңі / босанудан кейінгі кезең, жүйелі қызыл жегі (ЖҚЖ) және обыр жатады. Веналардың варикозды кеңеюінің ВТЭ кезіндегі ықтимал рөлі туралы ортақ пікір жоқ.

Операциядан кейінгі барлық пациенттердегідей, операциядан кейін ВТЭ алдын алу үшін профилактикалық шаралар қарастырылуы тиіс. Егер ұзақ иммобилизациядан кейін жоспарлы операция жүргізу қажет болса, ОГЕ 4-6 апта бұрын уақытша тоқтату ұсынылады. Әйел толық қимылға келгенге дейін емдеуді қайта жаңғыртпау керек.

Жеке ВТЭ тарихы жоқ, бірақ жас кезінде тромбозы болған бірінші дәрежедегі туыстары бар әйелдерде, скрининг оның шектеулеріне қатысты (скрининг кезінде тромбофильді ақаулардың бір бөлігі ғана анықталады) мұқият кеңес бергеннен кейін жалғастырылуы мүмкін.

Егер отбасы мүшелеріндегі тромбозбен бірлескен тромбофильді ақау анықталса, немесе ақау «күрделі» (мысалы, антитромбиннің, S ақуызының немесе C ақуызының жеткіліксіздігі немесе ақаулардың бірігуі) болса, ОГЕ қолдануға болмайды.

Антикоагулянттармен ем алып жүрген әйелдер ОГЕ пайдалану қаупін мұқият қарастыруды қажет етеді.

Егер VTE ем басталғаннан кейін дамыса, препаратты тоқтату керек. Егер пациенттер әлеуетті тромбоэмболиялық симптом (мысалы, аяқтың ауыратын ісінуі, кеуденің кенеттен ауыруы, ентігу) туралы білсе, дереу дәрігерге көрінуі керек.

Жүректің ишемиялық ауруы (ЖИА)

Рандомизацияланған бақыланатын сынақтар арасында ЖИА бар немесе онсыз,біріктірілген эстроген-прогестагендік немесе тек қана эстрогендік ОГЕ алатын әйелдерде миокард инфарктісінен қорғау деректері жоқ.

Біріктірілген эстроген-прогестагендік ем

• Біріктірілген эстроген + прогестаген ОГЕ пайдалану кезінде ЖИА дамуының салыстырмалы қаупі аздап жоғары. ЖИА базалық абсолюттік қаупі жас шамасына өте тәуелді болғандықтан, эстроген + прогестаген қолданудан туындаған қосымша ЖИА жағдайларының саны менопаузаға жақын дені сау әйелдерде өте аз, бірақ неғұрлым жасы ұлғайған сайын артады.

Ишемиялық инсульт

Біріктірілген эстроген-прогестагендік және тек қана эстрогендік емишемиялық инсульт қаупінің 1,5 есе жоғарылауымен байланысты. Салыстырмалы қауіп менопаузадан кейін жаспен немесе уақыт өтуімен бірге өзгермейді. Алайда, инсульттің бастапқы қаупі жас шамасына өте тәуелді болғандықтан, ОГЕ пайдаланатын әйелдерде инсульттің жалпы қаупі жаспен бірге артатын болады.

Басқа жағдайлар

ОГЕ пайдалану когнитивтік функцияларды жақсартпайды. Үздіксіз біріктірілген немесе тек қана эстрогендік ОГЕ пайдалануды 65 жастан кейін бастаған әйелдерде деменцияның ықтимал қаупі жоғарылағанына кейбір айғақтар бар.

Жүктілік

Егер жүктілік ем алу кезінде басталса, Гинопрогест 100 мг капсулаларын қабылдауды дереу тоқтату керек.

Жүктіліктің бірінші триместрінен кейін прогестеронды тағайындау жүктілік кезіндегі холестазды анықтауы мүмкін.

Емшек емізу

Гинопрогест 100 мг капсулалары емшек емізу кезінде пайдалануға арналмаған.

Прогестерон емшек сүтімен бөлінеді.

Фертильділік

Деректер жоқ.

Препараттың көлік құралын және қауіптілігі зор механизмдердібасқару қабілетіне әсер ету ерекшеліктері

Бұл препарат ұйқышылдықты немесе бас айналуын туғызуы мүмкін. сондықтан көлік құралын басқарғанда және қауіптілігі зор механизмдерді пайдаланғанда сақтық таныту керек.

Қолдану жөніндегі нұсқаулар

Эстрогендермен орын басу емін алып жүрген әйелдерде эндометрий обырының даму қаупі жоғары, оған қарсы прогестеронды енгізу жолымен әсер етуге болады.

Ұсынылатын доза ұйықтар алдында күніне 200 мг құрайды, әрбір етеккір оралымының соңғы жартысында (циклдың 15-ші күнінен бастап және 26-шы күнінде аяқтап) он екі күн бойы. Тоқтату кезіндегі қан кетулер келесі аптасында пайда болуы мүмкін.

Балама ретінде әрбір етеккір оралымының 1-ші және 25 күндері аралығында ұйықтар алдында 100 мг қабылдауға болады, мұндай кестеде тоқтату қан кетуі азырақ болады.

Педиатриялық популяция

Гинопрогестің педиатриялық популяцияда тиісті түрдегі қолданылуы жоқ.

Егде жастағы адамдар

Көрсетілімдер ересек пациенттердегіге ұқсас.

Дозалану режимі

Гинопрогест 100 мг капсулаларын ұйықтар алдында қабылдау керек, бірақ тамақ ішу кезінде емес.

Тамақпен бір мезгілде қабылдау микрондалған прогестеронның биожетімділігін жоғарылатады.

Енгізу әдісі және жолы

Ішке қабылдауға арналған.

Артық дозалану жағдайында қабылдау қажет болатын шаралар

Симптомдары

Прогестеронның жоғары дозалары ұйқышылдықты, бас айналуын, ұйқышылдықты немесе шаршауды туғызуы мүмкін.

Емі

Артық дозалануды емдеуге Гинопрогест препаратымен емдеуді тоқтату әрі тиісті симптоматикалық және демеуші емді қолдану жатады.

Дәрілік препаратты қолдану тәсілін түсіну үшін медицина қызметкерінен кеңес алыңыз

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиілігі белгісіз

-іштің ауыруы, жүрек айну;

-шаршау;

-бас ауыруы, ұйқышылдық, бас айналуы;

-қынаптан қан кету;

-қышыну.

Таңдалған жағымсыз реакциялар сипаттамасы

Ұйқышылдық немесе өтпелі бас айналуы препаратты қабылдағаннан кейін 1–3 сағаттан соң пайда болуы мүмкін. Ұйықтар алдында дозалау және дозасын азайту бұл әсерлерді азайтуы мүмкін.

Эстрогендермен және прогестагендермен жүйелі емдеуге қатысты мынадай қауіптер бар:

Сүт безі обырының қаупі

• Эстрогенмен және гестагенмен біріктірілген емді 5 жылдан астам уақыт бойы қабылдаған әйелдерде сүт безі обырының диагностикалану қаупі 2 есе жоғарылағаны туралы хабарланған.

• Кез келген жоғары қауіп тек қана эстрогендермен емді пайдаланушыларда эстроген-прогестаген біріктірілімін пайдаланушыларға қарағанда анағұрлым төмен.

• Қауіп деңгейі пайдаланудың ұзақтығына байланысты.

Эндометрий обырының қаупі

Постменопаузадағы жатыры алынбаған әйелдер.

Эндометрий обырының қаупі ОГЕ пайдаланбайтын, жатыры алынбаған әрбір 1000 әйелге 5-ке жуықты құрайды.

Жатыры алынбаған әйелдерде тек қана эстрогендік ОГЕ пайдалану ұсынылмайды, өйткені ол эндометрий обырының қаупін ұлғайтады.

Тек қана эстрогенді пайдалану ұзақтығына және эстроген дозаларына байланысты, эндометрий обыры қаупінің ұлғаюы эпидемиологиялық зерттеулерде 50-ден 65 жасқа дейінгі әрбір 1000 әйелде диагностикаланған 5-тен 55 қосымша жағдайларға дейін ауытқыды.

Тек қана эстрогенмен емге цикл ішінде кем дегенде 12 күн бойы прогестеронды қосу бұл жоғары қауіптің алдын алуы мүмкін.

Аналық без обыры

Тек қана эстрогендік және біріктірілген эстроген-прогестагендік ОГЕ пайдалану аналық без обырының диагностикалану қаупінің аздап жоғарылауымен астасады.

Веналық тромбоэмболия қаупі

ОГЕ веналық тромбоэмболия (ВТЭ) дамуының салыстырмалы қаупінің1,3-3 есе жоғарылауымен байланысты, яғни терең веналар тромбозы немесе өкпе эмболиясы. Мұндай жағдайдың пайда болу ықтималдығы НТ пайдаланудың бірінші жылында көбірек.

Коронарлық артерия ауруының қаупі

• 60 жастан асқаннан кейін біріктірілген эстрогендік-прогестагендік ОГЕ пайдаланушыларда коронарлық артерия ауруларының қаупі аздап жоғарылайды.

Ишемиялық инсульт қаупі

• Тек қана эстрогендік және эстроген+прогестагендік емді пайдалануишемиялық инсульттің салыстырмалы қаупін 1,5 есе жоғарылатады. Геморрагиялық инсульт қаупі ОГЕ пайдалану кезінде ұлғаймайды.

• Бұл салыстырмалы қауіп жасқа немесе пайдалану ұзақтығына байланысты емес, бірақбазалық қауіп жас шамасына өте тәуелді болғандықтан, ОГЕ пайдаланатын әйелдерде инсульттің жалпы қаупіжаспен бірге артатын болады.

Келесі жағымсыз реакциялар да эстрогенмен/прогестагенмен жүйелі емдеуге байланысты тіркелді:

• бөртпе

• есекжем

• хлоазма / мелазма

• пирексия

• ұйқысыздық

• алопеция

• жүйесіз етеккірлер

• аменорея

• кеуденің ауыруы / мастодиния

• сұйықтық іркілісі / ісінулер

• салмақтың өзгеруі

• либидоның өзгеруі

• депрессия

• өт қабының ауыруы

• 65 жастан асқандағы ықтимал деменция

• тері және теріасты аурулары: мультиформалы эритема, түйінді эритема, тамырлық пурпура.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 капсуланың құрамында

белсенді зат - 100 мг прогестерон,

қосымша заттар: соя лецитині, жаңғақ майы,

капсула қабығының құрамы: желатин, глицерин, титанның қостотығы (Е 171).

Сыртқы түрінің, иісінің, дәмінің сипаттамасы

Сарғыш-ақ түсті сопақша жұмсақ желатинді капсулалар. Капсула ішіндегісі – ақ түсті майлы суспензия.

Шығарылу түрі және қаптамасы

15 капсуладан поливинилхлоридті/полиэтилен/поливинилдихлоридті үлбірден және алюминий фольгадан жасалған пішінді ұяшықты қаптамаға салынған.

2 пішінді қаптамадан медициналыққолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!


Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Laboratorios Leon Farma S.A.

Наватэхера индустриялық паркі, C/Лa Валлина

24008, Виллакуиламбре, ИспанияТел./Факс: +34 98787 80 00; +34 987 27 85 24

Эл.пошта: info@leon.com.ar

Тіркеу куәлігінің ұстаушысы

Зентива, к.с.

Прага 10 – Долни Меколупи, Укабеловни 130, Пошта индексі 102 37, Чех Республикасы

тел./факс : (+420) 267 241 111

Эл.пошта: info@zentiva.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымныңатауы, мекенжайы және байланыс деректері (телефон, факс, электронды пошта)

Қазақстандағы "Алвоген Фарма Трейдинг Юроп ЕООД" өкілдігі

Қазақстан Республикасы, Алматы қ., индекс 050008

Әуезов көшесі, 48-үй, 3-қабат, 3/3

Тел./Факс: +7 (727) 345-04-05

эл.пошта: PV-Kazakhstan@zentiva.com

Дәріханалар

Тауар артығымен бар
Тауар аз қалды
Аптека № 12 ПТ Кызылорда (Арай Молл)
г. Кызылорда, ул. Жибек жолы, 13А
Круглосуточно
Аптека № 256, Кызылорда (Жана базар)
г. Кызылорда, ул. Коркыт Ата, 84 А
Круглосуточно
Аптека №189
ул. Желтоксан 24 А
Круглосуточно
Аптека №293
ул. Саламатова 16А
Круглосуточно