Глюкофаж 850 мг № 60 табл п/плён оболоч

Сипаттама

Дәрілік затты медициналық қолдану жөніндегі нұсқаулық

Глюкофаж^®

Саудалық атауы

Глюкофаж^®

Халықаралық патенттелмеген атауы

Метформин

Дәрілік түрі

Үлбірлі қабықпен қапталған таблеткалар 500 мг, 850 мг және 1000 мг

Құрамы

Бір таблетканың құрамында

белсенді зат - 500 мг, 850 мг немесе 1000 мг метформин гидрохлориді,

қосымша заттар: повидон (поливидон К30), магний стеараты,

үлбірлі қабық құрамы: гипромеллоза (гидроксипропилметилцеллюлоза), тазартылған су*, 1000 мг таблеткаларда– опадрай таза YS-1-7472 (макрогол 400, макрогол 8000, гипромеллоза), тазартылған су*.

* - өндіріс үдерісінде буланып ұшып кетеді

Сипаттамасы

Глюкофаж^Ò 500 мг және850 мг: дөңгелек, екі жағы дөңес, ақ түсті үлбірлі қабықпен қапталған таблеткалар

Глюкофаж^Ò 1000 мг: сопақша, екі жағы дөңес, ақ түсті үлбірлі қабықпен қапталған, екі жағында сындыруға арналған сызығы және бір жағында «1000» таңбасы бар таблеткалар

Фармакотерапиялық тобы

Ас қорыту жолы және зат алмасу. Диабет кезінде қолданылатын дәрілік препараттар. Қандағы глюкоза деңгейін төмендететін препараттар,инсулиндерді қоспағанда. Бигуанидтер. Метформин.

АТХ кодыA10ВА02

Фармакологиялық қасиеттері

Фармакокинетикасы

Метформин таблеткаларын пероральді қабылдағаннан кейін плазмадағы ең жоғары концентрациясына(C_max) шамамен 2,5 сағаттан (T_max) кейін жетеді. Абсолютті биожетімділігі 50-60% құрады. Пероральді қабылдағаннан кейін метформиннің 20-30%-ы асқазан-ішек жолдарынан (АІЖ) өзгермеген түрде шығарылады.

Метформинді әдеттегі дозаларда және қабылдау режимінде қабылдағанда қан плазмасындағы тұрақты концентрациясы 24-48 сағат ішінде жетеді және негізінде 1 мкг/мл азды құрайды.

Метформиннің қан плазмасы ақуыздарымен байланысу дәрежесі елеусіз. Метформин эритроциттерде таралады. Қандағы ең жоғарғы деңгейі плазмадағысына қарағанда төменірек және шамамен сондай уақытта жетеді. Орташа таралу көлемі (Vd) 63–276 л құрайды.

Метформин өзгеріссіз күйде несеппен шығарылады. Метформиннің адамдағы қандай да бір метаболиттері идентификацияланбаған.

Метформиннің бүйректік клиренсі 400 мл/минуттан астамды құрайды, бұл метформиннің шумақтық сүзілу және өзекшелік сөлініс арқылы шығарылатынын көрсетеді. Ішке қабылдағаннан кейінгі жартылай шығарылу кезеңі 6,5 сағатқа жуықты құрайды.

Бүйрек функциясының бұзылуы кезінде бүйректік клиренсі креатинин клиренсіне пропорциональді төмендейді, және осылайша, жартылай шығарылу кезеңі артады, бұл қан плазмасындағы метформин деңгейінің артуына әкеледі.

Фармакодинамикасы

Метформин – гипергликемияға қарсы әсері бар бигуанид, қан плазмасындағы глюкозаның базалық та, постпрандиальді да деңгейлерін төмендетеді. Ол инсулин секрециясын стимуляцияламайды және осыған байланысты гипогликемия туғызбайды.

Метформиннің 3 түрлі әсер ету механизмі бар:

• глюконеогенез бен гликогенолизді тежеудің есебінен глюкозаның бауырдан өндіріліп шығарылуын төмендетеді;
• инсулинге сезімталдықты арттырудың есебінен бұлшықеттердегі шеткері глюкозаның қамтылуы мен утилизациясын жақсартады;
• глюкозаның ішекте сіңуін баяулатады.

Метформин гликогенсинтазаға әсер ете отырып, жасушаішілік гликоген синтезін стимуляциялайды. Сондай-ақ ол глюкозаның жарғақшалық тасымалдаушыларының (GLUT) барлық типтерінің қабілетін жақсартады.

Зерттеулерде метформин қабылдау дене салмағына әсер етпеген немесе оны біршама төмендетті.

Өзінің гликемияға әсеріне қарамастан, метформин липидтік метаболизмге оң әсер етеді. Емдік дозалар қолданылатын зерттеулер кезінде метформиннің жалпы холестериннің, тығыздығы төмен липопротеиндер ментриглицеридтердің құрамын төмендететіні анықталды.

Қолданылуы

Глюкофаж^Ò 2 типті қант диабетін емдеуге көрсетілген, әсіресе артық салмақты пациенттерде тек диета емі және дене жүктемелері жеткілікті гликемиялық бақылауды қамтамасыз етпеген жағдайда.

• Глюкофаж^Ò ересектерде монотерапия түрінде, диабетке қарсы басқа пероральді дәрілермен немесе инсулинмен біріктірілімде қолданылуы мүмкін;
• Глюкофаж^Ò балаларда 10 жастан бастап монотерапия түрінде немесе инсулинмен біріктірілімде қолданылуы мүмкін.

Қолдану тәсілі және дозалары

Бүйрек функциясы қалыпты (ШСЖ ≥ 90 мл/мин) ересек пациенттер

Монотерапия және диабетке қарсы басқа пероральді дәрілермен біріктірілген емде:

Глюкофаж^Ò препаратының әдеттегі бастапқы дозасы тәулігіне 2-3 рет тамақ ішу кезінде немесе одан кейін 500 немесе 850 мг құрайды.

10-15 күн ем басталғаннан кейін қандағы глюкоза өлшеу нәтижесі негізінде препарат дозасына түзету жасау керек. Дозаны баяу арттыру асқазан-ішек жағымдылығын жақсартуы мүмкін.

Метформин гидрохлоридінің жоғары дозаларын қабылдайтын пациенттерде(тәулігіне 2-3 г) 500 мг дозадағы Глюкофаж^Ò препаратының екі таблеткасын

1000 мг дозадағы Глюкофаж^Ò препаратының бір таблеткасына ауыстыруға болады. Ең жоғары ұсынылатын доза тәулігіне 3 г (үш рет қабылдауға бөлінген) құрайды.

Диабетке қарсы басқа дәріден ауысуды жоспарлаған жағдайда: басқа дәріні қабылдауды тоқтату керек және Глюкофаж^Ò препаратын жоғарыда көрсетілген дозада қабылдауды бастау керек.

Инсулинмен біріктірілімі

Қандағы глюкозаны жақсырақ бақылауға қол жеткізу үшін Глюкофаж^Ò және инсулинді біріктірілген ем ретінде қолдануға болады. Глюкофаж^Ò препаратының әдеттегі бастапқы дозасы тәулігіне 2-3 рет 500 мг немесе 850 мг құрайды, бұл арада қандағы глюкозаны өлшеу нәтижесінде инсулин дозасын таңдайды.

Егде жастағы пациенттер

Егде жастағы адамдарда бүйрек функциясының төмендеуі мүмкіндігінен Глюкофаж^Ò препаратының дозасын бүйрек функциясының параметрлері негізінде таңдау керек. Бүйрек функциясына ұдайы бағалау жүргізу керек.

Бүйрек функциясы бұзылуы

Метформинмен ем бастар алдында және одан әрі қарай жыл сайыншумақтық сүзіліс жылдамдығын (ШСЖ) анықтау керек. Бүйрек жеткіліксіздігі үдеуінің қаупі жоғары пациенттерде және егделердегі бүйрек функциясын әр 3-6 айда бағалау керек.

Балалар және жасөспірімдер

Балаларда 10 жастан бастап Глюкофаж^Ò препараты монотерапияда да, сондай-ақ инсулинмен үйлесімде де қолданылуы мүмкін. Әдеттегі бастапқы доза тамақ ішу кезінде немесе одан кейін тәулігіне бір рет 500 мг немесе 850 мг құрайды. 10-15 күн ем жүргізілгеннен кейін қандағы глюкоза өлшеу нәтижесі негізінде препарат дозасына түзету жасау керек. Дозаны баяу арттыру асқазан-ішек жағымдылығын жақсартуы мүмкін. Ең жоғары ұсынылатын доза Глюкофаж^Ò препаратының тәулігіне 2-3 рет қабылдауға бөлінген 2 г құрайды.

Жағымсыз әсерлері

Емдеудің басында анағұрлым жиі кездесетін жағымсыз реакциялар жүрек айнуы, құсу, диарея, іштің ауыруы және тәбеттің болмауы болып табылады, олар көп жағдайда өздігінен басылады. Көрсетілген симптомдар дамуының профилактикасы үшін Глюкофаж^Ò препаратын дозасын біртіндеп жоғарылатумен 2 немесе 3 қабылдау керек.

Глюкофаж^Ò препаратымен емдеу жүргізгенде мынадай жағымсыз реакциялар байқалуы мүмкін. Мұндай реакциялар жиілігі мынадай тәсілмен жіктеледі: өте жиі (≥1/10), жиі (≥1/100, <1/10), жиі емес (≥1/1 000, <1/100), сирек (≥1/10 000, <1/1 000), өте сирек (<1/10 000).

Өте жиі

- жүрек айнуы, құсу, диарея, іштің ауыруы, тәбеттің болмауы сияқты АІЖ бұзылулары. Көбіне бұл жағымсыз реакциялар емнің басында пайда болады, кейіннен өздігінен жойылады. Көрсетілген симптомдар дамуының профилактикасы үшін Глюкофаж^Ò препаратын дозасын баяу ұлғайтумен 2 немесе 3 рет тамақ ішу кезінде немесе одан кейін қабылдау керек.

Жиі

• дәм сезудің бұзылуы

Өте сирек

• лактатацидоз

• метформинді ұзақ қолданғанда В₁₂ дәруменінің абсорбциясы төмендеуі мүмкін, бұл оның сарысудағы деңгейінің төмендеуімен қатар жүреді. Мегалобластты анемия анықталғанда мұндай этиология ықтималдығын ескеру қажет.
• функционалдық бауыр көрсеткіштеріндегі ауытқудың немесе гепатиттің жекелеген жағдайлары байқалды, олар метформин қолдануды тоқтатқаннан кейін кетіп қалды
• эритема, қышыну, есекжем сияқты тері реакциялары

Балалар жасындағы пациенттер:

Балалардағы жағымсыз әсерлер сипаты және ауырлығы бойынша ересектерде анықталған әсерлеріне ұқсас болды.

Глюкофаж^Ò препаратымен емдеуді бастағаннан кейін күдіктенген барлық жағымсыз құбылыстар туралы хабарлау керек. Бұл осы дәрілік заттың пайда/қауіп арақатынасының бейінін үздіксіз бақылауға мүмкіндік береді.

Қолдануға болмайтын жағдайлар

• метформинге немесе кез келген қосымша заттарға жоғары сезімталдық;

• метаболизмдік ацидоздың кез келген түрі (лактатацидоз, диабеттік кетоацидоз)
• диабеттік прекома
• бүйректің ауыр жеткіліксіздігі (ШСЖ < 30 мл/мин);
• бүйрек функциясының бұзылуына әкелетін жедел жай-күй: дегидратация, ауыр инфекция, шок
• бүйрек функциясының бұзылуына әкелетін жедел жай-күй: дегидратация, ауыр инфекция, шок
• тіндер гипоксиясына мен қатар жүретін жедел немесе созылмалы аурулар: декомпенсацияланған жүрек жеткіліксіздігі, тыныс алу жеткіліксіздігі, жақында өткергенмиокард инфаркті, шок
• бауыр жеткіліксіздігі
• жедел алкогольдік уыттану, алкоголизм

Дәрілермен өзара әрекеттесуі

Ұсынылмайтын біріктірілімдері

Алкоголь: жедел алкогольдік уыттану кезінде, әсіресе ашыққан, жеткіліксіз тамақтанған жағдайда немесе бауыр функциясының бұзылыстар жағдайында лактатацидоздың даму қаупі бар.

Құрамында йод бар контрастылы заттар:

Метформин қолдануды құрамында йод бар контрастылы дәрілерді қолданумен жүргізілетін зерттеулерге дейін немесе оның кезінде тоқтату керек және зерттеуден кейін 48 сағат өткеннен кейін ғана және тек бүйрек функциясы қайталап талданғаннан кейін және соңынан нашарламайтыны анықталғаннан кейін ғана жаңғырту керек.

Сақтықты талап ететін біріктірілімдер

ЦОГ-2 тежегіштері, ангиотензин II рецепторларының блокаторлары, диуретиктер, әсіресе ілмектікті қоса,ҚҚСД сияқты кейбір дәрілік заттар олардың бүйрек функциясына потенциалды теріс әсері салдарынан лактатацидоз туындауының қаупін арттыруы мүмкін.

Гипергликемиялық әсері бар дәрілік препараттар(глюкокортикоидтар (жүйелі және жергілікті әсер ететін) және симпатомиметиктер): қандағы глюкозаны, әсіресе емнің басында, жиірек анықтау талап етілуі мүмкін. Қажет болғанда, метформин дозасын тиісті дәрілік препараттармен соңғысын тоқтатқанша түзету керек.

Органикалық катион тасымалдағыштары (ОКТ)

Метформин ОКТ1 және ОКТ2 субстраттардың екеуі үшін де субстрат болып табылады.

Метформинмен бірге қолдану:

- ОКТ1 (верапамил) тежегіштерімен – метформин тиімділігі төмендеуі мүмкін;

- ОКТ 1 индукторлары (рифампицин) – АІЖ сіңірілуі және метформин тиімділігі артуы мүмкін;

- ОКТ 2 тежегіштері (циметидин, долутегравир, ранолазин, триметоприм, вандетамиб, изавуконазол) метформиннің бүйрек элиминациясын төмендетуі мүмкін және соның салдарынан плазмадағы метформиннің жоғарылауына әкелуі мүмкін;

- ОКТ1 және ОКТ2 тежегіштері (кризотиниб, олапариб) метформиннің тиімділігіне және шығарылуына әсер етуі мүмкін.

Метформинді, плазмадағы метформиннің концентрациясы жоғарылауы мүмкіндігінен әсіресебүйрек жеткіліксіздігі бар пациенттерде басқа дәрілік заттармен бірге қолданғанда сақ болу керек.

Айрықша нұсқаулар

Лактатацидоз

Лактатацидоз – өте сирек, бірақ күрделі метаболизмдік асқыну, ол бәрінен жиі бүйрек функциясының жедел нашарлауы аясында, жүрек-өкпе ауруларында немесе сепсис кезінде туындайды. Метформиннің жинақталуы бүйрек жеткіліксіздігінің жедел үдеуі аясында туындайды, бұл лактатацидоз қаупін жоғарылатады.

Дегидратация жағдайында (ауыр диарея, құсу, қызба, сұйықтықты аз тұтыну), метформин қабылдауды уақытша тоқтату керек және емдеуші дәрігермен байланысу керек.

Метформин қабылдайтын пациенттерге бүйрек функциясына әсер ететін гипертензияға қарсы, диуретиктер, ҚҚСД сияқты препараттарды тағайындағанда сақ болу керек. Лактатацидоз дамуының басқа да қауіпті факторлары: алкогольді шамадан тыс қолдану, бауыр жеткіліксіздігі, нашар бақыланатын қант диабеті, кетоз, ұзақ уақыт ашығу, гипоксияға байланысты кез келген жай-күй, лактатацидоз дамуына ықпал ететін дәрілік заттармен бірге тағайындау.

Пациенттер және/немесе пациенттерді күтетін тұлғалар лактатацидоз туындау қаупі туралы хабардар болуы тиіс. Лактатацидоз ацидоздық ентігу, іш ауыруы, бұлшықеттердің құрысулары, астения және кома алдындағы гипотермиямен сипатталады.Күдік болған симптомдар анықталған жағдайда пациент метформин қабылдауды тоқтатуы тиіс және медициналық көмекке жүгінуі тиіс. Диагностикалық тексерулерде қанда PH (< 7.35) төмендегені, қандағы лактат деңгейі (> 5 ммоль/л) және аниондар деңгейі жоғарылауы, сондай-ақ лактат/пируват арақатынасы артқаны анықталды.

Бүйрек функциясы

Глюкофаж^Ò препаратымен емдеуді бастар алдында және емделу кезінде жүйелі түрде ШСЖ көрсеткіші анықталуы тиіс. Метформин ШСЖ <30 мл/мин пациенттерде қарсы көрсетілімде және бүйрек функциясы бұзылуына байланысты жай-күйлер туындағанда уақытша тоқтатылуы тиіс.

Жүрек функциясы

Жүрек жеткіліксіздігі бар пациенттер гипоксияның қаупіне және бүйрек жеткіліксіздігіне бейімділігі басым. Тұрақты созылмалы жүрек жеткіліксіздігі бар пациенттерге метформинді бүйрек және жүрек функциясын ұдайы мониторинг жүргізумен ғана қолдануға болады.

Жедел және тұрақсыз жүрек жеткіліксіздігі бар пациенттерге Глюкофаж^Òқарсы көрсетілімде.

Құрамында йод бар контрастылы заттарды енгізу

Рентгенологиялық зерттеулерде құрамында йод бар контрастылы заттарды тамыр ішіне енгізу бүйрек жеткіліксіздігіне әкелуі мүмкін. Ол метформин жинақталуына және сүт қышқылды ацидоз қаупіне әкелуі мүмкін. Метформин қолдануды құрамында йод бар контрастылы дәрілерді қолданумен жүргізілетін зерттеулерге дейін немесе оның кезінде тоқтату керек және зерттеуден кейін 48 сағат өткеннен кейін ғана және тек бүйрек функциясы қайталап талданғаннан кейін және соңынан нашарламайтыны анықталғаннан кейін ғана жаңғырту керек.

Хирургиялық араласулар

Глюкофаж^Ò препаратын қабылдауды жалпы, спинальді немесе эпидуральді анестезиямен жүргізілетін жоспарлы хирургиялық араласулардан кезінде тоқтату керек. Әдетте Глюкофаж^® препаратымен емді хирургиялық араласулардан кейін немесе тамақ ішу жаңғыртылғаннан кейін 48 сағаттан кейін ғана, сондай-ақ қалыпты нәтиже көрсеткен бүйрек функциясына қайта баға бергеннен кейін жаңғыртуға болады.

Басқа сақтық шаралары

Пациенттерге көмірсулардың күні бойғы тұтынылуын дұрыс реттестіре отырып, диета ұстану талап етіледі. Артық дене салмағы бар адамдарға калориясы төмен диета ұстану керек.

Зертханалық талдауларды ауру барысын мониторингтеу үшін ұдайы жүргізу керек.

Глюкофаж^Ò препаратын қолдану гипогликемия туындата алмайды, бірақ пациенттерге оны инсулинмен немесе сульфонилмочевина туындыларымен біріктірілімде қабылдағанда сақ болу ұсынылады.

Балалар жасындағы пациенттер

Глюкофаж^Ò препаратымен ем бастағанға дейін 2 типті қант диабеті диагнозын растау керек.

Ұзақтығы бір жылдық зерттеулерде метформиннің балалардың бойы өсуіне және жыныстық дамуына әсері анықталмады, бірақ ұзақ уақытқа арналған деректер де жоқ. Сондықтан балаларда, әсіресе препубертатты кезеңде осы көрсеткіштерге метформин әсерін бақылау ұсынылады.

10 жастан 12 жасқа дейінгі жастағы балалар

Зерттеулерге 10-12 жастағы тек 15 бала ғана қосылған. 12 жастан кіші балалардағы метформин тиімділігі мен қауіпсіздігі осындай үлкен жастағы балалармен жасөспірімдердегіден айырмашылықсыз болса да,10 жастан 12 жасқа дейінгі жастағы балаларға метформин тағайындағанда бәрібір сақ болу керек.

Жүктілік және лактация кезеңі

Жүктілік

Жүктілік уақытындағы бақыланбайтын диабет (оның ішінде гестациялық та бар) туа біткен патология және перинатальді өлім жағдайының жоғары қаупімен астасады.

Жүктілерде метформин қолдану бойынша шектеулі деректер туа біткен бұзылулардың жоғары қаупі болмағанын көрсетеді.

Жүктілікті жоспарлағанда және жүктілік кезінде метформин қолдану ұсынылмайды. Шарана дамуының бұзылуы туындау қаупін төмендетуде, қандағы глюкоза деңгейін мүмкін болғанша қалыпқа ең жақын күйде ұстап тұру үшін инсулин қолдану керек.

Лактация кезеңі

Метформин емшек сүтіне өтеді. Ондай емшек еметін нәрестелерде/сәбилерде ешқандай жағымсыз әсерлер, байқалмаған. Алайда мәліметтер шектеулі болғандықтан, Глюкофаж^Ò препаратымен емдеу уақытында баланы емізу ұсынылмайды. Баланы емізудің пайдасын және бала үшін жағымсыз реакцияларының потенциалды қаупін ескере отырып, емізуді үзуге қатысты шешім қабылдау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Глюкофаж^Ò препаратымен монотерапия жасау гипогликемия туындатпайды және сондықтан автомобиль басқару және механизмдермен жұмыс істеу қабілетіне әсер етпейді. Алайда пациенттер Глюкофаж^Ò препаратын диабетке қарсы басқа дәрілік заттармен(сульфонилмочевина туындылары, инсулин немесе меглитинидтер) біріктірілімде қолданғанда гипогликемия туындау мүмкіндігін естен шығармауы тиіс.

Артық дозалануы

Симптомдары: Глюкофаж^Ò препаратын 85 г дозада қолданғандагипогликемия дамуы байқалмады. Алайда бұл жағдайда лактатацидоз дамығаны байқалды. Метформинмен елеулі артық дозалануы немесе қатарлас қаупі болуы лактатацидоз дамуына алып келуі мүмкін. Лактатацидоз ауруханаға жатқызуды талап ететін, шұғыл медициналық жай-күй болып табылады.

Емі: лактат пен метформинді организмнен шығарудың анағұрлым тиімді шарасы гемодиализ болып табылады.

Шығарылу түрі және қаптамасы

15 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада салынған.

4 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл (500 мг және 850 мг дозалар үшін)

3 жыл (1000 мг доза үшін)

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Мерк C.Л., Испания

Poligono Merck, Mollet del Valles, 08100 Barcelona/

Полигоно Мерк, Моллет дель Валлес, 08100 Барселона

Тіркеу куәлігінің ұстаушысы

Мерк Сантэ с.а.с., Франция

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымныңатауы, мекенжайыжәне байланыс деректері (телефон, факс, электронды пошта)

«Ацино Каз» ЖШС

Алматы қ., Бегалин к-сі, 136 «А»

Телефон нөмірі: 8 (727) 291 61 51

Электронды поштасы PV-KAZ@acino.swiss

Дәріханалар