Холосас 140 мл, сироп

Сипаттама

Дәрілік затты медициналық қолдану

жөніндегі нұсқаулық

Холосас

Саудалық атауы

Холосас

Халықаралық патенттелмеген атауы

Жоқ

Дәрілік түрі

Шәрбат

Құрамы

1000 г шәрбаттың құрамында

белсенді зат - итмұрын экстрактісі (алма қышқылына шаққанда қышқылдығы 2,5 % кем емес), 400 г

қосымша зат - қант (сахароза), 600 г

Сипаттамасы

Күңгірт-қоңыр түсті, өзіне тән иісімен қою шәрбат тәріздес сұйықтық.

Фармакотерапиялық тобы

Ас қорыту жолы және зат алмасу. Бауыр және өт шығару жолдарының ауруларын емдеуге арналған препараттар. Өт шығару жолдарын емдеуге арналған препараттар. Өт шығару жолдарының ауруларын емдеуге арналған басқа препараттар.

АТХ коды А05АХ

Фармакологиялық қасиеттері

Фармакокинетикасы

Итмұрын экстрактісінің әсері оның белсенді компоненттерінің біріккен әсері болып табылады, сондықтан фармакокинетикалық сипаттамасын зерттеу мүмкін емес.

Фармакодинамикасы

Итмұрын экстрактісінің құрамында каротиноидтар, В_1, В ₂, С, Е, К, РР дәрумендері, флавоноидтар, липидтер, тритерпенді спирттер, қант, органикалық қышқылдар бар.

Препарат бауырдың функционалдық қасиетін жоғарылатады, өт сөлінісін жоғарылатады, өттегі холаттардың құрамын жоғарылатады, өттің тұтқырлығын азайтады. Өт сөлінісінің күшеюімен қатар, өт жолдарының тегіс бұлшықеті мен Одди және Люткенс сфинктерлерін босаңсытумен бір мезгілде, өт қабының тонусын жоғарылатады.

Препарат өт айдағыш, қабынуға қарсы (аскорбин қышқылының болуының есебінен), микробтарға қарсы (дәрумендер кешенінің болуының есебінен), диуретикалық (органикалық қышқылдардың болуының есебінен) әсер көрсетеді.

Қолданылуы

- холециститте (калькулезді емес)

- гепатитте (кешенді емде)

Қолдану тәсілі және дозалары

Ішке, тамаққа дейін 30 минут бұрын. Ересектер мен 12 жастан асқан балаларға – 1 шай қасықтан (5 мл) күніне 2-3 рет. Емдеу курсы дәрігердің тағайындауы бойынша.

Жағымсыз әсерлері

Иммундық жүйе тарапынан болатын бұзылулар: жиілігі белгісіз – аллергиялық реакциялар.

Асқазан-ішек жолы тарапынан бұзылулар: жиілігі белгісіз – қыжыл.

Қолдануға болмайтын жағдайлар

- препарат компоненттеріне жоғары сезімталдық

- жүктілік, лактация кезеңі

- 12 жасқа дейінгі балаларға

- қант диабеті

- өт-тас ауруы

Дәрілермен өзара әрекеттесуі

Анықталмаған

Айрықша нұсқаулар

Қант диабеті бар науқастар

Шәрбат құрамында қант бар. Қант диабеті бар, инсулин қабылдайтын науқастарға, ХБ ескере отырып, көмірсулар мөлшерінесептеу керек.

Дәрілік заттың автокөлік құралын немесе қауіптілігі зор механизмдерді басқару қабілетінеәсер ету ерекшеліктері

Препарат көлік немесе әлеуетті қауіпті механизмдерді басқару қабілетіне әсер етпейді.

Артық дозалануы

Анықталмаған

Шығарылу түрі және қаптамасы

140 г-дан күңгірт шыныдан жасалған құтыларда немесе 300 г-дан күңгірт шыныдан жасалған құтыларда немесе шыны бөтелкелерде. Құты немесе бөтелке медициналық қолдану жөніндегі қазақ және орыс тілдеріндегі нұсқаулықтармен бірге картон қорапшаға салынады.

Сақтау шарттары

15°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Алтайвитамины» ЖАҚ, Ресей Федерациясы

659325, Ресей, Алтай өлкесі, Бийск қ-сы, Заводская к-сі, 69

Тел.: (3854) 338-719, 326-946

Факс: (3854) 327-640

Тіркеу куәлігінің ұстаушысы

«Алтайвитамины» ЖАҚ, Ресей Федерациясы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

А.Т.Кысмуратова ЖК, Қазақстан Республикасы, 050010, Алматы қ-сы, Төле би к-сі, 23 а, ұялы 8 777 230 64 94, эл.пошта: gulnarareg@mail.ru

Дәріханалар

Қалалар