Сипаттама
Дәрілік затты медициналық қолдану
жөніндегі нұсқаулық
Киндинорм Н
Саудалық атауы
Киндинорм Н
Халықаралық патенттелмеген атауы
Жоқ
Дәрілік түрі
Түйіршіктер
Құрамы
10 г препараттың құрамында
белсенді заттар: Chamomilla dil. D1225.00 мг
Kalium phosphoricum dil. D625.00мг
Staphisagria dil. D1225.00 мг
Valeriana dil. D625.00мг
қосымша зат - сахароза
Сипаттамасы
Пішіні шар тәрізді, біртекті, беткейі жылтыр емес ақшыл түйіршіктер. Түйіршіктер бір-біріне жабыспауы тиіс.
Фармакотерапиялық тобы
Басқа да препараттар. Басқа емдік өнімдер. Басқа дәрілік препараттар.
АТХ коды V03AX
Фармакологиялық қасиеттері
Фармакокинетикаcы
Препарат құрамында ингредиенттер дозасының тым аз болуына байланысты фармакокинетикалық зерттеулер жүргізу мүмкіндігі жоқ.
Фармакодинамикасы
Киндинорм Н – біріктірілген гомеопатиялық препарат, белсенді ингредиенттері қозғыштық, мазасыздық, ашушаңдық сияқты симптомдарды басады. Киндинорм Н оқуға қабілеттілікті жоғарылатуға, есте сақтау мен зейін қоюды жақсартуға ықпал етеді, сондай-ақ когнитивті және мінез-құлық бұзылыстарын қайтарады.
Қолданылуы
Кешенді ем құрамында
- зейін қою мен жинақылық жеткіліксіздігі, ашушаңдық, мазасыздық, оқудағы қиындықтар, ұйқы бұзылуы немесе жалпы әлсіздік жағдайы бар (ең алдымен балаларда) мінез-құлық бұзылыстарында
Қолдану тәсілі және дозалары
1-ден 6 жасқа дейінгі балалар: 2 түйіршіктен тәулігіне 1-3 рет
6-дан 12 жасқа дейінгі балалар: 3 түйіршіктен тәулігіне 1-3 рет
Ересектер және 12 жастағы және одан үлкен балаларға: 5 түйіршік тәулігіне 1-3 рет
Симптомдар жеңілдеген кезде қабылдау жиілігін азайту керек.
Түйіршіктерді ауызда баяу еруіне мүмкіндік бере отырып, тамақтанудан жарты сағат бұрын немесе тамақтанудан жарты сағаттан соң қабылдау керек. Қажет болғанда түйіршіктерді судың аздаған мөлшерінде ерітуге болады.
Жағымсыз әсерлері
- жоғары сезімталдық реакциялары болуы мүмкін
Егер сіз, өзіңіз немесе балаңыз қандай да бір жағымсыз әсерлерді сезіну бар деп санасаңыз өз дәрігеріңізге немесе фармацевке қаралыңыз.
Мұнда осы аннотацияда атап көрсетілмеген кез келген ықтимал жағымсыз әсерлері қамтылады.
Ескерту: Гомеопатиялық дәрілік заттарды қолданған кезде уақытша бастапқы жаман әсері болуы мүмкін. Мұндай жағдайда препарат қабылдауды тоқтатып, дәрігермен кеңескен жөн.
Қолдануға болмайтын жағдайлар
- препараттың белсенді және қосымша компоненттеріне жоғары сезімталдық
Дәрілермен өзара әрекеттесуі
Дәрілік препараттармен өзара әрекеттесуі анықталмаған. Пациенттерге, егер олар басқа, оның ішінде рецептісіз босатылатын препараттарды қабылдап жүрсе немесе таяуда қабылдаса, дәрігермен кеңесу ұсынылады. Бұл гомеопатиялық препаратты қабылдау басқа дәрілік препараттармен емдеуді жоққа шығармайды.
Басқа препараттарды, рецептісіз берілетін препараттарды қоса, қабылдап жүрген жағдайда дәрігермен кеңесу ұсынылады.
Ескерту: Зиянды әдеттер: алкоголь және темекі шегу, сондай-ақ көтермелеуші дәрілер (мысалы, антидепрессанттар, кофе және басқалары), гомеопатиялық препараттардың әсеріне жағымсыз ықпал етуі мүмкін.
Айрықша нұсқаулар
Қауіпсіздігі мен тиімділігі жөніндегі деректердің жоқ екендігін ескере отырып, 1 жастан кіші балаларға Киндинорм Н қолдануға болмайды.
Препаратты 8 апта қабылдағаннан кейін жақсармаған немесе жағдайы нашарлаған, қосымша шағымдар туындаған кезде қайтадан дәрігермен кеңесіп, емдеу тактикасын қайта қарау керек.
Киндинорм Н құрамында сахароза бар. Сирек тұқым қуалайтын аурулары бар (фруктоза жақпаушылығы, глюкоза және галактоза мальабсорбциясы синдромы немесе сахароза-изомальтаза жеткіліксіздігі) пациенттер препаратты қабылдамауы тиіс.
Жүктілік және лактация кезеңі
Жүктілік және лактациякезеңінде Киндинорм Н қолдану пайда және қауіп оң арақатынасы кезінде ғана мүмкін болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Киндинорм Н көлік құралдарын басқару және механизмдермен жұмыс істеу қабілетіне әсер етпейді.
Артық дозалануы
Қазіргі кезге дейін артық дозалану жағдайлары тіркелмеген.
Шығарылу түрі мен қаптамасы
10 г түйіршіктен пластмасса қақпағы бар қоңыр шыныдан жасалған құтыда.
1 құтыдан қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.
Сақтау шарттары
15 °С-ден 25 °С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Дойче Хомеопати-Унион
ДХУ-Арцнаймиттель ГмбХ & Ко. КГ
Оттоштрассе 24
76227 Карлсруэ, Германия
Тіркеу куәлігінің ұстаушысы
Дойче Хомеопати-Унион
ДХУ-Арцнаймиттель ГмбХ & Ко. КГ
Оттоштрассе 24
76227 Карлсруэ, Германия
Эксклюзивті өкілі
Альпен Фарма АГ
Берн, Швейцария
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның атауы, мекенжайы және байланыс деректері
«Альпен Фарма» ЖШС, Қазақстан Республикасы,
Алматы обл., Қарасай ауданы, Елтай ауылдық округі,
Көкөзек ауылы, 1044 участке
Тел./факс+ 7 727 232-34-73,
+ 7 727 232-34-74
E-mail: info.kazakhstan@alpenpharma.com
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері
«Альпен Фарма» ЖШС, Қазақстан Республикасы,
Алматы обл., Қарасай ауданы, Елтай ауылдық округі,
Көкөзек ауылы, 1044 участке
Моб. +7 701 035 70 69
E-mail: info.kazakhstan@alpenpharma.com
