Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық (Қосымша парақ)
Саудалық атауы
Крестор
Халықаралық патенттелмеген атауы
Розувастатин
Дәрілік түрі, дозасы
Үлбірлі қабықпен қапталған таблеткалар, 10 және 20 мг
Фармакотерапиялық тобы
Жүрек-қантамыр жүйесі. Липид-модификациялайтын препараттар. Липид-модификациялайтын препараттар, қарапайымдар. HMG-CoA-редуктаза тежегіштері. Розувастатин
АТХ коды С10АА07
Қолданылуы
- Гиперхолестеринемия емі
- ересектерде, жасөспірімдер мен 6 және одан жоғары жастағы балаларда (IIa типі, отбасылық гетерозиготалы гиперхолестеринемияны қоса) немесеаралас дислипидемия (IIb типі) диета және басқа дәрі-дәрмектік емес емдеу әдістері (мысалы, дене жаттығулары, дене салмағын азайту)жеткіліксіз болған кезде диетаға толықтыру ретінде
- ересектерде, жасөспірімдер мен 6 және одан жоғары жастағы балаларда отбасылық гомозиготалы гиперхолестеринемия диетаға және липид төмендететін басқа да емге (мысалы, ТТЛП-аферез) толықтыру ретінде немесе осындай ем пациентке сай келмеген жағдайларда
- Жүрек-қан тамырлары ауруларының профилактикасы
- жүрек-қан тамырлары жағдайының туындау қаупі жоғары ересек пациенттерде жүрек-қан тамырлары асқынуларының профилактикасы басқа қауіп факторларын түзетуге/емдеуге қосымша ретінде.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- розувастатинге немесе препарат компоненттерінің кез келгеніне жоғары сезімталдық
- белсенді фазадағы бауыр аурулары, трансаминазалардың сарысулық белсенділігінің тұрақты жоғарылауын және қан сарысуындағы трансаминазалар белсенділігінің кез келген жоғарылауын қоса (қалыптың жоғарғы шегімен салыстырғанда 3 еседен көп)
- бүйрек функциясының айқын бұзылулары (креатинин клиренсі 30 мл/мин аз)
- миопатиялар
- циклоспоринді бір мезгілде қабылдау
- жүктілік, лактация кезеңі, контрацепцияның талапқа сай әдістерінің болмауы
- тұқым қуалайтын галактоза көтере алмаушылық, лактаза жеткіліксіздігі немесе глюкоза және галактоза мальабсорбциясы синдромы
40 мг доза үшін: мынадай миопатияның дамуына және рабдомиолизге бейімділік факторлары бар адамдарға қолдануға болмайды
- ауырлығы орташа дәрежедегі бүйрек жеткіліксіздігі (креатинин клиренсі 60 мл/мин аз)
- гипотиреоз
- анамнездегі бұлшықет аурулары, туа біткен бұлшықет бұзылуларына жеке немесе генетикалық бейімділік
- анамнезінде ГМГ-КоА-редуктазаның басқа тежегіштерін немесе фибраттарды қабылдау аясындағы миоуыттылық
- розувастатиннің плазмалық концентрациясының жоғарылауына әкелуі мүмкін жағдайлар
- фибраттарды бір мезгілде қабылдау
- азиялық нәсілді пациенттер
- алкогольді шамадан тыс тұтыну
Қолдану кезінде қажетті сақтық шаралары
Препаратты дәрігердің тағайындауымен қолданады. Препаратты тағайындамас бұрын және препаратпен емдеу кезеңінде дәрігерді келесі жағдайларда хабардар ету керек:
- бүйрек функциясының бұзылуы
- бауыр функциясының бұзылуы
- қалқанша безі функциясының бұзылуы
- анамнезінде холестерин деңгейін төмендету үшін басқа дәрілік препараттарды қабылдағанда қайталанатын немесе түсініксіз бұлшықет ауруы
- тұрақты бұлшықет босаңдығы
- алкогольді шамадан тыс тұтыну
- фибраттар тобындағы дәрілік препараттарды қабылдау
- АИТВ инфекциясын емдеу үшін дәрілік препараттарды қабылдау
- фузид қышқылы препараттарын соңғы 7 күн ішінде қабылдау
- жасы 70-тен жоғары
- тыныс алудың бұзылуы (декомпенсацияланған тыныс алу жеткіліксіздігі)
- азиялық нәсілді пациент
Басқа дәрілік препараттармен өзара әрекеттесуі
Біріктіріп қолданған кезде басқа дәрілік препараттардың әсеріне розувастатиннің әсері
Ақуыз тасымалдаушыларының тежегіштері
Розувастатин-OATP1B1 бауыр қармау тасымалдағышын және BCRP эффлюкс тасымалдағышын қоса алғанда, тасымалдаушылардың белгілі бір ақуыздары үшін субстрат болып табылады. Крестор препаратын және тасымалдағыштардың осы ақуыздардың тежегіштері болып табылатын дәрілік препараттарды бір мезгілде қабылдау қан плазмасындағы розувастатин концентрациясының жоғарылауына және миопатияның даму қаупінің артуына әкелуі мүмкін.
Циклоспорин
Бірге қолдану қан плазмасында розувастатин концентрациясының 7 есе ұлғаюына алып келеді және циклоспориннің плазмалық концентрациясына әсер етпейді. Крестор препаратын циклоспорин қабылдайтын пациенттерге қолдануға болмайды.
Протеаза тежегіштері
Өзара әрекеттесудің нүктелік механизмінің белгісіз екеніне қарамастан, протеаза тежегіштерін бірге қабылдау розувастатин экспозициясының едәуір ұлғаюына әкелуі мүмкін. Крестор препаратын және протеаза тежегіштерінің кейбір біріктірілімдерін бірге қабылдау розувастатин әсерінің күтілетін ұлғаюының негізінде Крестор препаратын дозалауды мұқият таңдағаннан кейін ғана жүзеге асырылуы мүмкін.
Гемфиброзил және басқа гиполипидемиялық препараттар
Крестор және гемфиброзил препаратын бірлесіп қабылдау Cmax және розувастатиннің AUC екі есе ұлғаюына әкелді. Алынған деректердің негізінде фенофибратпен ешқандай клиникалық релевантты өзара әрекеттесу күтілмейді, алайда фармакодинамикалық өзара әрекеттесуі орын алуы мүмкін.
Гемфиброзил, фенофибрат, басқа фибраттар және ниациннің (никотин қышқылы) гиполипидемиялық дозалары (> немесе күніне 1 г-ге тең) ГМГ-КоА-редуктаза тежегіштерімен бірге қабылдаған кезде миопатияның даму қаупін арттырады, себебі оларды жеке қабылдаған жағдайда, олар миопатияны тудыруы мүмкін. Розувастатиннің 40 мг дозасын фибраттармен бірге қолдануға болмайды. Розувастатиннің бастапқы дозасы осындай бірлескен қабылдау қажет болатын пациенттер үшін 5 мг құрауы тиіс.
Эзетимиб
10 мг дозада Крестор препаратын және 10 мг эзетимибті бірге қабылдау гиперхолестеринемиясы бар пациенттерде розувастатиннің AUC 1,2 есе ұлғаюына алып келді. Жағымсыз әсерлердің пайда болуы тұрғысынан Крестор препараты мен эзетинимибтің арасындағы фармакодинамикалық өзара әрекеттесуін жоққа шығаруға болмайды.
Антацидтер
Крестор препаратын және құрамында алюминий мен магний гидроксиді бар антацидтер суспензияларын бір мезгілде қолдану розувастатиннің плазмалық концентрациясын шамамен 50% төмендетеді. Осы әсер, егер антацидтер розувастатин қабылдағаннан кейін 2 сағаттан соң қолданылса, әлсіз білінеді.
Эритромицин
Крестор препараты мен эритромицинді бір мезгілде қолдану розувастатин AUC (0 – t) 20% және розувастатин Сmax 30% азаюына әкеледі. Осындай өзара әрекеттесу эритромицин қабылдаудан болатын ішек моторикасының күшеюі нәтижесінде туындауы мүмкін.
Р450 цитохром ферменттері
Розувастатин Р450 цитохромы ферменттерінің тежегіші де, индукторы де болып табылмайды. Бұдан басқа, розувастатин осы ферменттер үшін әлсіз субстрат болып табылады. Осылайша, Р450 цитохромы метаболизмімен байланысты өзара әрекеттесу күтілмейді. Розувастатин, флуконазол (CYP2C9 және CYP3А4 тежегіші) және кетоконазол(CYP2А6, CYP3А4 тежегіші) арасында клиникалық елеулі өзара әрекеттесуболмаған.
Розувастатин дозасын түзетуді талап ететін өзара әрекеттесу
Егер Крестор препаратын және оның әсерін күшейтетін басқа да дәрілік препараттарды бірлесіп қабылдау қажет болса, Крестор препаратының дозасын түзету керек. Егер Крестор препаратының шамамен екі есе немесе одан жоғары әсері күтілсе, оның бастапқы дозасы күніне бір рет 5 мг болуы керек. Крестор препаратының күнделікті ең жоғары дозасы розувастатиннің күтілетін әсері өзара әрекеттесетін дәрілік препараттарсыз қабылданатын 40 мг дозаның әсерінен аспайтындай етіп, түзетілуі тиіс, мысалы, мысалы, гемфиброзилмен бірге Крестор препаратының 20 мг дозасы (1,9 есе ұлғайған) және атазанавирмен/ритонавирмен біріктірілімде Крестор препаратының 10 мг дозасы (3,1 есе артқан).
1-кесте. Бірлескен қолданған кезде розувастатиннің (AUC; шаманың кему тәртібінде) әсеріне дәрілік препараттардың әсері
| Өзара әрекеттесетін дәрілік препараттарды дозалау схемасы | Розувастатинді дозалау схемасы | Розувастатиннің AUC-тегі өзгерістер* |
| Циклоспорин 75 мг күніне 2 рет 200 мг дейін күніне 2 рет, 6 ай | 10 мг 1 к/р, 10 күн | 7,1 есе |
| Регорафениб 160 мг 1 к/р, 14 күн | 5 мг, бір реттік доза | 3,8 есе |
| Атазанавир 300 мг/ ритонавир 100 мг 1 к/р, 8 күн | 10 мг, бір реттік доза | 3,1 есе |
| Велпатасвир 100 мг 1 к/р | 10 мг, бір реттік доза | 2,7 есе |
| Омбитасвир 25 мг/парита-превир 150 мг/ритонавир 100 мг 1 к/р/ дасабувир 400 мг 2 к/р, 14 күн | 5 мг, бір реттік доза | 2,6 есе |
| Гразопревир 200 мг /эльбасвир 50 мг 1 к/р, 11 күн | 10 мг, бір реттік доза | 2,3 есе |
| Глекапревир 400 мг /пибрентасвир 120 мг күніне бір рет, 7 күн | 5 мг, 1 к/р, 7 күн | 2,2 есе |
| Лопинавир 400 мг /ритонавир 100 мг күніне екі рет, 17 күн | 20 мг 1 к/р, 7 күн | 2,1 есе |
| Клопидогрелдің жүктеме дозасы 300 мг, содан кейін 24 сағаттан соң 75 мг | 20 мг, бір реттік доза | 2 есе |
| Гемфиброзил 600 мг 2 к/р, 7 күн | 80 мг, бір реттік доза | 1,9 есе |
| Элтромбопаг 75 мг 1 к/р, 5 күн | 10 мг, бір реттік доза | 1,6 есе |
| Дарунавир 600 мг /ритонавир 100 мг 2 к/р, 7 күн | 10 мг 1 к/р, 7 күн | 1,5 есе |
| Типранавир 500 мг/ритонавир 200 мг 2 к/р, 11 күн | 10 мг, бір реттік доза | 1,4 есе |
| Дронедарон 400 мг 1 к/р, 5 күн | Қол жетімсіз | 1,4 есе |
| Итраконазол 200 мг, 1 к/р, 5 күн | 10 мг, бір реттік доза | 1,4 есе ** |
| Эзетимиб 10 мг 1 к/р, 14 күн | 10 мг, 1 к/р, 14 күн | 1,2 есе ** |
| Фосампренавир 700 мг /ритонавир 100 мг 2 к/р, 8 күн | 10 мг, бір реттік доза | « |
| Алеглитазар 0,3 мг, 7 күн | 40 мг, 7 күн | « |
| Силимарин 140 мг 3 к/р, 5 күн | 10 мг, бір реттік доза | « |
| Фенофибрат 67 мг 3 к/р, 7 күн | 10 мг, 7 күн | « |
| Рифампин 450 мг, 1 к/р, 7 күн | 20 мг, бір реттік доза | « |
| Кетоконазол 200 мг 2 к/р, 7 күн | 80 мг, бір реттік доза | « |
| Флуконазол 200 мг, 1 к/р, 11 күн | 80 мг, бір реттік доза | « |
| Эритромицин 500 мг 4 к/р, 7 күн | 80 мг, бір реттік доза | 20 % ¯ |
| Баикалин 50 мг 3 к/р, 14 күн | 20 мг, бір реттік доза | 47 % ¯ |
| * х есе өзгеріс түрінде ұсынылған деректер розувастатинді басқа препараттармен бірлесіп қабылдау және тек бір розувастатинді қабылдау арасындағы қарапайым арақатынасты білдіреді. % өзгеріс түрінде ұсынылған деректер тек бір розувастатинді қабылдауға қатысты пайыздық айырмашылықты білдіреді. Ұлғайту – «» ретінде, өзгеріссіз – ««» ретінде, азайту – «¯» ретінде. ** Крестор препаратының әртүрлі дозаларында өзара әрекеттесудің бірнеше зерттеулері жүргізілді, кестеде анағұрлым маңызды арақатынастар берілген. 1 к/р— күніне бір рет; 2 к/р— күніне екі рет; 3 к/р— күніне үш рет; 4 к/р— күніне төрт рет. | ||
Розувастатиннің біріктіре қолданылатын дәрілік препараттарға әсері
К дәруменінің антагонистері
ГМГ-КоА-редуктазаның басқа тежегіштерінің жағдайындағыдай, К дәруменінің антагонистерін (мысалы, варфарин немесе кумаринді қатардың басқа антикоагулянты) бір мезгілде алатын пациенттерде Крестор препаратымен ем бастау немесе оның дозасын арттыру протромбин уақытының халықаралық қалыпты қатынасының (ХҚҚ) ұзаруына әкелуі мүмкін. Розувастатинді тоқтату немесе препарат дозасын төмендету ХҚҚ-ның азаюына әкелуі мүмкін. Мұндай жағдайларда ХҚҚ мониторингін жүргізу ұсынылады.
Пероральді контрацептивтер/орын басу гормоналды емі
Розувастатин мен пероральді контрацептивтерді бір мезгілде қолдануэтинилэстрадиол AUC және норгестрил AUC мәндерін, тиісінше, 26% және 34%-ғаарттырады. Плазмалық концентрацияның осылай ұлғаюы пероральді контрацептивтер дозасын таңдағанда ескерілуі тиіс. Осындай біріктірілімді пациенттер жақсы қабылдағаны туралы деректер бар.
Дигоксин
Розувастатиннің дигоксинмен клиникалық мәнді өзара әрекеттесуі күтілмейді.
Фузид қышқылы
Розувастатин мен фузид қышқылы арасында өзара әрекеттесудің деректері жоқ. Рабдомиолизді қоса алғанда, миопатия қаупі статиндермен жүйелі әсер ететін фузид қышқылы препараттарын бір мезгілде қабылдағанда ұлғайтылуы мүмкін. Осы өзара әрекеттесудің механизмі (фармакодинамикалық немесе фармакокинетикалық немесе екеуі де) қазіргі сәтте белгісіз. Осы біріктірілімді қабылдаған пациенттерде рабдомиолиз туралы хабарламалар (өліммен аяқталған бірнеше жағдайларды қоса алғанда) тіркелді.
Егер жүйелі әсер ететін фузид қышқылымен емдеу талап етілсе, фузид қышқылымен емдеу кезінде Крестор препаратымен емдеу тоқтатылуы тиіс.
Арнайы ескертулер
Бүйрек функциясына әсері
Тест-жолақтардың көмегімен анықталатын протеинурия көбінесе тубулярлы, Крестор препаратының жоғары дозасын, атап айтқанда 40 мг дозада алған пациенттерде байқалды, алайда көп жағдайда ол уақытша немесе өтпелі сипатта болды.
Протеинурия бүйректің жедел немесе үдемелі ауруларының болжамдық факторы болып табылмайды. Тіркеуден кейінгі кезеңде бүйрек аурулары ауыр жағдайларының коэффициенті 40 мг-ға тең қолдану дозасында жоғары болды. Препаратты 40 мг дозада алатын пациенттерге бүйрек функциясының бағалауы жүргізілуі тиіс.
Қаңқа бұлшықеттеріне әсер ету
Қаңқа бұлшықетіне әсер ету, оның ішінде миалгия, миопатия (миозитті қоса алғанда) және сирек жағдайларда, барлық, әсіресе > 20 мг дозаларда Крестор препаратымен ем қабылдаған пациенттерде жедел бүйрек жеткіліксіздігімен немесе онсыз рабдомиолиз туралы хабарланған. Эзетимибті ГМГ-КоА-редуктаза тежегіштерімен біріктіріп қабылдаған кезде рабдомиолиздің өте сирек жағдайлары туралы хабарламалар бар. Препараттардың осы топтарының фармакодинамикалық өзара әрекеттесуін жоққа шығаруға болмайды және оларды бірлесіп қолдану кезінде ерекше назар аудару керек. ГМГ-КоА-редуктазаның басқа да тежегіштеріндегідей, Крестор препаратын қабылдау аясында рабдомиолиздің жағдай коэффициенті тіркеуден кейінгі кезеңде 40 мг-ға тең қолдану дозасы кезінде жоғары.
Креатининкиназаны анықтау
КК қарқынды физикалық жүктемелерден кейін немесе КК ұлғаюының басқа да ықтимал себептері болған кезде өлшеуге болмайды, олар алынған нәтижелерді қате түсіндіруге алып келуі мүмкін. Егер КК бастапқы деңгейі 5-7 күннен кейін айтарлықтай жоғарылаған жағдайда (норманың жоғарғы шегіне қарағанда 5 есе жоғары) қайта өлшеу жүргізу керек. Егер қайталама тест КК бастапқы деңгейін растаса (норманың жоғарғы шегімен салыстырғанда 5 еседен жоғары) емді бастауға болмайды.
Крестор препараты, ГМГ-КоА-редуктазаның басқа тежегіштері сияқты, миопатияға/рабдомиолизге бейімділігі бар пациенттерге сақтықпен тағайындалуы тиіс. Бүйрек функциясының бұзылуы, гипотиреоз, туа біткен бұлшықет бұзылыстарына жеке немесе генетикалық бейімділік, ГМГ-КоА-редуктазаның басқа тежегіштерін немесе фибраттарды пайдалану кезінде анамнезінде бұлшықет уыттылығының болуы, алкоголь тұтыну, >70 жас, розувастатиннің плазмалық концентрациясының жоғарылауына алып келуі мүмкін жағдайлар, фибраттарды қатар қолдану секілді бұзылулар бейімділік факторлары болып табылады.
Мұндай пациенттерге препаратпен емдеуді пайдасы мен қаупін бағалау негізінде қарастырған жөн, клиникалық мониторинг жүргізу ұсынылады. Егер КК мәні бастапқы деңгейде норманың жоғарғы шегіне қарағанда 5 есе жоғары болса, емдеуді бастауға болмайды.
Бұлшықеттің ауыруы, бұлшықеттің босаңдығы немесе түйілуі, әсіресе дімкәстік пен қызба ұштасқан, күтпеген жағдайлар туындаған кезде дәрігерге шұғыл қаралу қажеттілігі туралы пациентті хабардар еткен жөн. Мұндай пациенттерге КК деңгейіне мониторинг жүргізу керек. Егер КК деңгейі айтарлықтай ұлғайған болса (норманың жоғарғы шегімен салыстырғанда 5 еседен артық) немесе бұлшықет тарапынан симптомдар айқын білінсе және күнделікті жайсыздық туғызса (тіпті, егер КФК деңгейі норманың жоғарғы шегімен салыстырғанда 5 есе кем болса да) ем тоқтатылуы тиіс. Егер симптомдар жоғалса және КК деңгейі нормаға қайтарылса, Крестор препаратын немесе ГМГ-КоА-редуктазаның басқа тежегіштерін аз мөлшерде қайта тағайындау және пациентті мұқият бақылау туралы мәселені қараған жөн. Симптомдар болмаған кезде КК деңгейін күнделікті бақылау орынды емес.
Емдеу кезінде немесе статиндерді, оның ішінде розувастатинді қабылдауды тоқтатқаннан кейін қан сарысуындағы КК деңгейінің жоғарылауы және проксимальді бұлшықеттердің тұрақты босаңдығы түріндегі клиникалық көріністері бар иммунитетке байланысты некрозданған миопатияның өте сирек жағдайлары атап өтілді. Бұлшықет және жүйке жүйелеріне қосымша зерттеулерді, серологиялық зерттеулерді жүргізу, сондай-ақ иммунодепрессивті дәрілермен емдеу қажет болуы мүмкін.
Крестор препаратын және қатарлас емді қабылдаған кезде қаңқа бұлшықетіне әсердің ұлғаю белгілері байқалған жоқ. Алайда, гемфиброзилді, циклоспоринді, никотин қышқылын, азолды зеңге қарсы дәрілерді, протеаза тежегіштерін және макролидті антибиотиктерді қоса алғанда, фиброй қышқылының туындыларымен біріктірілімде ГМГ-КоА-редуктазаның басқа тежегіштерін қабылдаған пациенттерде миозит пен миопатия жағдайлары санының артуы хабарланған. Гемфиброзилді ГМГ-КоА-редуктазаның кейбір тежегіштерімен бірге тағайындағанда миопатияның пайда болу қаупін арттырады. Осылайша, Крестор препаратын және гемфиброзилді бір мезгілде тағайындау ұсынылмайды. Крестор препаратын фибраттармен немесе ниацинмен бірге қолданған кезде ықтимал пайда мен қауіптің арақатынасы мұқият өлшенуі тиіс. 40 мг дозадағы розувастатинді фибраттармен қатарлас қолдануға болмайды.
Мұндай препараттармен емдеуді тоқтатқаннан кейін 7 күн ішінде жүйелі әсер ететін фузид қышқылы препараттарымен Крестор препаратын бірге қабылдауға болмайды. Жүйелі әсер ететін фузид қышқылы препараттарымен емдеу қажет деп танылған пациенттерге фузид қышқылымен емдеу кезінде статиндермен емдеу тоқтатыла тұруы тиіс. Фузид қышқылы мен статиндердің біріктірілімін қабылдаған пациенттерде рабдомиолиз жағдайлары (өліммен аяқталған бірнеше жағдайларды қоса алғанда) тіркелді. Бұлшықет босаңдығы, ауыру немесе ауыру сезімталдық белгілері пайда болған кезде пациенттерге дереу дәрігерге жүгіну ұсынылады. Статиндермен емдеуді фузид қышқылының соңғы дозасын қабылдағаннан кейін жеті күннен кейін қайта бастауға болады. Жүйелі әсер ететін фузид қышқылымен ұзақ уақыт емдеу қажет болған ерекше жағдайларда, мысалы, күрделі инфекцияларды емдеу үшін Крестор препаратын және фузид қышқылын бірге қабылдау қажеттілігін әрбір жеке жағдайда және мұқият медициналық бақылаумен қарау керек.
Крестор препаратын миопатияны болжайтын немесе рабдомиолизге қатысты қайталама болып табылатын (мысалы, сепсис, гипотония, күрделі операция, жарақат, ауыр метаболизмдік, эндокриндік және электролиттік бұзылулар немесе бақыланбайтын құрысулар) бүйрек жеткіліксіздігінің дамуына бейім жедел күрделі ауруларға шалдыққан пациенттерге қабылдауға болмайды.
Бауырға әсер етуі
ГМГ-КоА-редуктазаның басқа тежегіштері жағдайындағыдай, алкогольдің шамадан тыс мөлшерін тұтынатын және/немесе анамнезінде бауыр ауруы бар пациенттер Крестор препаратын сақтықпен қабылдауы тиіс. Емдеуді бастағанға дейін және ем басталғаннан кейін 3 айдан соң бауыр функциясының көрсеткіштерін анықтау ұсынылады. Егер қан сарысуындағы трансаминазалардың белсенділік деңгейі норманың жоғарғы шегінен 3 есе артық болса, Крестор препаратын қабылдауды тоқтату немесе оның дозасын азайту керек. 40 мг дозаны қабылдағанда бауыр функциясының елеулі бұзылу (негізінен трансаминазалар деңгейінің жоғарылауын қоса алғанда) жағдайларын анықтау жиілігі. Гипотиреоз немесе нефротикалық синдром салдарынан гиперхолестеринемиясы бар пациенттерде негізгі ауруларды емдеу Крестор препаратымен емдеуді бастағанға дейін жүргізілуі тиіс.
Этникалық топтар
Розувастатиннің моңғол тектес нәсілге әсері еуропеоидтік нәсілге қарағанда жоғары екендігі туралы деректер бар.
Протеаза тежегіштері
Розувастатиннің жоғары жүйелік әсері оны ритонавирмен біріктірілімде әртүрлі протеаза тежегіштерімен бір мезгілде алатын пациенттерде байқалады. Крестор препаратын протеаза тежегіштерін қабылдайтын АИТВ бар пациенттерге тағайындағанда, басында және Крестор препаратының дозасын титрлеу кезінде липидтер деңгейінің төмендеуінен болатын пайданы да, сондай-ақ қан плазмасындағы розувастатин концентрациясының жоғарылау әлеуетін де ескеру керек. Крестор препаратының дозасын түзету орындалғанға дейін протеаза тежегіштерін бірге қабылдау ұсынылмайды.
Лактоза көтере алмаушылық
Сирек тұқым қуалайтын галактоза көтере алмаушылығы, Лаппа лактаза тапшылығы глюкоза мен галактоза мальабсорбциясы синдромы бар пациенттер Кресторды қабылдау қажет.
Өкпенің интерстициальді ауруы
Статиндер қолданылғанда, әсіресе, ем ұзақ уақыт жүргізілгенде өкпеніңинтерстициальді ауруының бір реттік жағдайлары жөнінде хабарланған. Сипатталған белгілерге ентігу, құрғақ жөтел және жағдайдың жалпы нашарлауын (шаршаңдық, салмақ жоғалту және қызба) жатқызуға болады. Егер пациентте өкпенің интерстициальді ауруының дамуына күдіктер бар болса, статиндермен емдеуді тоқтату керек.
2 типті қант диабеті
Кейбір деректер статиндер класс ретінде қандағы глюкоза деңгейін арттыратыны және кейбір пациенттерде диабеттің болашақта даму қаупін жоғарылататыны туралы куәландырды, диабетті емдеу бастамаған кезде гипергликемия пайда болуы мүмкін. Алайда, статиндермен емдеу кезінде тамырлық аурулар қаупінің төмендеуі глюкоза деңгейінің артуы қаупінен асып түседі, сондықтан статиндермен емдеуді тоқтатуға себеп болмайды. Ашқарын қандағы глюкоза деңгейі 5,6-6,9 ммоль/л пациенттерде розувастатинмен емдеу қант диабетіне шалдығу қаупінің жоғарылауыменбайланыстырылды.
Педиатриялық тәжірибеде қолдану
Препаратты 18 жасқа дейінгі балаларда қолдану тиімділігі мен қауіпсіздігі анықталмаған. Қажет болса, Крестор басқа дозалауда (5 мг) қолданылады.
Розувастатинді қабылдайтын 6 жастан 17 жасқа дейінгі балалардағы сызықтық бойды (бойы), дене салмағын, ДСИ (дене салмағының индексі) және Таннер шкаласы бойынша жыныстық жетілудің екінші реттік сипаттамаларын бағалау екі жылдық кезеңмен шектеледі. Препаратты екі жыл қабылдаған соң өсуге, салмаққа, ДСИ-ға және жыныстық жетілуге әсері анықталмады.
Жүктілік немесе лактация кезінде
Крестор препаратын жүктілік кезеңінде және бала емізу кезінде әйелдерге қолдануға болмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Автокөлік басқарғанда немесе механизмдермен жұмыс істегенде емделу кезінде бас айналу болуы мүмкін екенін ескеру керек.
Қолдану бойынша ұсынымдар
Ішке, таблетканы шайнамай және ұсақтамай, сумен ішіп, бүтіндей жұтады. Ас ішуге байланыссыз тағайындала береді.
Крестор препаратымен емдеу басталғанша және ем кезінде пациент стандартты гиполипидемиялық диетаны ұстануы тиіс.
Дозалау режимі
Препарат дозасы ем мақсатына және емдеуге берілетін жауапқа қарай әркімге жеке таңдалуы тиіс.
Гиперхолестеринемияны емдеу
Препарат қабылдай бастаған пациенттер үшін немесе ГМГ-КоА- редуктазаның басқа тежегіштерін қабылдаудан көшірілген пациенттер үшін ұсынылатын Крестор препаратының бастапқы дозасы тәулігіне 1 рет 5 немесе 10 мг құрауы тиіс. Бастапқы дозаны таңдағанда холестерин мөлшерінің деңгейін басшылыққа және жүрек-қантамырлық асқынулардың болжамды қаупін назарға алып, сонымен қатар жағымсыз әсерлердің әлеуетті даму қаупін бағалау қажет.Қажет болған жағдайда, препаратты 4 апта қабылдағаннан кейін дозаны көбейтуге болады. Препарат дозасын біртіндеп көбейту керек.
40 мг дозаны қабылдаған кезде жағымсыз әсерлердің дамуы мүмкін екеніне орай, дозаны ең жоғары 40 мг дейін арттыру гиперхолестеринемиясы ауыр және жүрек-қантамырлық асқынулар қаупі жоғары (әсіресе, отбасылық гиперхолестеринемиясы бар пациенттерде), 20 мг доза қабылдағанда қалаулы емдік нәтижеге жетпеген пациенттерде ғана қарастыруға болады. Препаратты 40 мг дозада алатын пациенттерді бақылау ұсынылады.
Атеросклероздық жүрек-қантамыр ауруының даму қаупі жоғары ересек пациенттерде қосымша ем ретінде жүрек-қантамырлық асқынулардың профилактикасы
Ұсынылатын доза – тәулігіне бір рет 20 мг.
Бұрын препарат қабылдамаған пациенттерге 40 мг дозаны тағайындау ұсынылмайды. 2-4 апталық емнен кейін және/немесе Крестор дозасын арттырғанда липидтік алмасу көрсеткіштерін бақылау қажет (қажет болса, дозаны реттеу талап етіледі).
Пациенттердің ерекше топтары
Балалар жасындағы пациенттер
Балаларда тек дәрігердің бақылауымен ғана қолдануға болады.
6 жастан 17 жасқа дейінгі балалар мен жасөспірімдер (Таннер шкаласы < II-V)
Гетерозиготалы отбасылық гиперхолестеринемия
Гетерозиготалы отбасылық гиперхолестеринемиясы бар балалар мен жасөспірімдер үшін стандартты бастапқы доза 5 мг құрайды.
- гетерозиготалы отбасылық гиперхолестеринемиясы бар 6 жастан 9 жасқа дейінгі балаларда стандартты доза күніне бір рет ішке 5-10 мг құрайды. 10 мг-дан асатын дозалардың тиімділігі мен қауіпсіздігі пациенттердің осы тобында зерттелмеген.
- гетерозиготалы отбасылық гиперхолестеринемиясы бар 10 жастан 17 жасқа дейінгі балаларда стандартты доза күніне бір рет ішке 5-20 мг құрайды. 20 мг-дан асатын дозалардың тиімділігі мен қауіпсіздігі пациенттердің осы тобында зерттелмеген.
Титрлеуді балаларды емдеу жөніндегі ұсынымдарға сәйкес балалар жасындағы пациенттерде жеке жауап пен жағымдылығына сәйкес жүргізу керек. Балалар мен жасөспірімдер розувастатинмен емдеу басталғанға дейін және емдеу кезінде стандартты гипохолестеринемиялық диетаны ұстануы тиіс.
Гомозиготалы отбасылық гиперхолестеринемия
Гомозиготалы отбасылық гиперхолестеринемиясы бар 6 жастан 17 жасқа дейінгі балалар мен жасөспірімдер үшін ұсынылған ең жоғары дозасы күніне бір рет ішке 20 мг құрайды.
Ұсынылған бастапқы доза жасына, дене салмағына және статиндердің алдыңғы қабылдануына байланысты күніне бір рет 5-тен 10 мг-ға дейін құрайды. Күніне бір рет 20 мг ең жоғары дозаға дейін титрлеуді балалар жасындағы пациенттерде жеке жауап пен жағымдылыққа сәйкес жүргізу керек. Балалар мен жасөспірімдер розувастатинмен емдеу басталғанға дейін және розувастатинмен емдеу кезінде стандартты гипохолестеринемиялық диетаны ұстануы тиіс.
Осы популяцияда 20 мг-дан басқа розувастатиннің өзге дозаларын қолдану тәжірибесі шектеулі.
6 жастан кіші балалар
6 жасқа толмаған балаларда қауіпсіздік пен тиімділікке зерттеу жүргізілген жоқ, осыған байланысты Крестор препараты 6 жасқа толмаған балаларда қабылдау үшін ұсынылмайды.
Егде жастағы пациенттер
Дозаны түзету қажет емес. 70 жастан асқан пациенттерге препараттың 5 мг бастапқы дозасы ұсынылады.
Бүйрек жеткіліксіздігі бар пациенттер
Ауырлығы жеңіл немесе орташа дәрежелі бүйрек жеткіліксіздігі бар пациенттерге дозаны реттеу қажет емес, препараттың бастапқы ұсынылатын дозасы – 5 мг. Бүйрек функциясы орташа бұзылған пациенттерге (креатинин клиренсі 60мл/мин аз) препараттың 40 мг дозасын қолдануға болмайды. Бүйрек жеткіліксіздігі айқын пациенттерге (креатинин клиренсі 30 мл/мин аз) Крестор препаратын қолдануға болмайды.
Бауыр жеткіліксіздігі бар пациенттер
Чайлд-Пью шкаласы бойынша балы 7 және одан жоғары субъектілерде розувастатиннің жүйелі әсері байқалмады. Алайда Чайлд-Пью шкаласы бойынша балы 8 және 9 болатын субъектілерде жоғары жүйелі әсер ету байқалды. Пациенттердің бұл тобы үшін бүйрек функциясына бағалау жүргізілуі тиіс. Чайлд-Пью шкаласы бойынша балы 9-дан жоғары пациенттерде препаратты қолдану тәжірибесі жоқ. Крестор препараты бауыр ауруы белсенді сатыдағы пациенттерге қолдануға болмайды.
Ерекше қауымдар. Этникалық топтар
Азиядан шыққан пациенттерде жоғары жүйелік әсер байқалды. Азиялық нәсілді пациенттер үшін ұсынылатын бастапқы доза 5 мг құрайды. Пациенттердің бұл тобына 40 мг дозаны қолдануға болмайды.
Генетикалық полиморфизмдер
SLCO1B1 (OATP1B1) c.521CC және ABCG2 c.421AA генотиптері бар пациенттер, SLCO1B1 c.521TT және ABCG2 c.421CC-пен салыстырғанда, розувастатин әсерінің ұлғаюымен байланысты (СКМ) болады. C.521CC немесе C. 421AA генотиптері бар пациенттерге күніне 1 рет Крестор препаратының ең төменгі күнделікті дозасын қабылдау ұсынылады.
Миопатияға бейім болып келетін пациенттер
Миопатияның дамуына бейім факторлары бар пациенттерге 40 мг дозада препаратты тағайындауға болмайды. Пациенттердің бұл тобы үшін ұсынылатын бастапқы доза 5 мг құрайды.
Қатарлас емдеу
Розувастатин әртүрлі ақуыз тасымалдаушылардың (мысалы, OATP1B1 және BCRP) субстраты болып табылады. Миопатияның даму қаупі (рабдомиолизді қоса алғанда) Крестор препаратын тасымалдаушылардың ақуыздарымен өзара әрекеттесуі салдарынан қан плазмасындағы розувастатиннің мөлшерін арттыруы мүмкін, дәрілік препараттармен (о.і. циклоспорин және протеаза тежегіштері, ритонавир мен атазанавир, лопинавир және/немесе типанавир біріктірілімдерін қоса алғанда) бірге қабылдаған кезде жоғарылайды. Мүмкіндігінше, баламалы препараттарды қолдануды немесе Крестор препаратымен емдеуді уақытша тоқтату мүмкіндігін қарастыру керек. Осы дәрілік препараттарды Крестор препаратымен бірге қабылдау сөзсіз болған жағдайда, осындай бірлескен емдеудің пайдасы мен қаупін және дозаларды түзетуді де мұқият бағалау қажет.
Енгізу әдісі мен жолы
Ішке, таблетканы шайнамай және ұсақтамай, сумен ішіп, бүтіндей жұтады. Ас ішуге байланыссыз тағайындала береді.
Артық дозалану жағдайында қабылдануы қажет шаралар
Крестор алатын пациенттерде жағымсыз әсерлердің айқын белгілері болуы мүмкін.
Емі: препаратпен артық дозаланған жағдайда спецификалық ем жоқ. Артық дозалануға күдік туындаған жағдайда симптоматикалық ем мен демеу шараларын бастау керек. Бауыр функциясы мен КФК деңгейін бақылау қажет. Гемодиализдің тиімді болуы екіталай.
Дәрілік препаратты стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар
Крестор препаратын қабылдағанда жағымсыз құбылыстар жалпы жеңіл әрі уақытша сипатқа ие.
Жиі
- бас ауыруы, бас айналуы
- іш қату, жүрек айнуы, іш аймағындағы ауыру
- миалгиялар
- астениялық синдром
- қант диабеті
Жиі емес
- қышыну, бөртпе, есекжем
Сирек
- тромбоцитопения
- ангионевроздық ісінуді қоса алғанда, жоғары сезімталдық реакциялары
- бауыр трансаминазалары деңгейінің жоғарылауы, панкреатит
- миопатия (миозитті қоса алғанда), рабдомиолиз, қызыл жегі тәрізді синдром, бұлшықеттің жыртылуы
Өте сирек
- сарғаю, гепатит
- полинейропатия
- есте сақтай алмау
- гематурия
- гинекомастия
- артралгиялар
Бірлі-жарым жағдайлар
- өкпенің интерстициальді аурулары
Жиілігі анықталмаған
- депрессия
- шеткері полинейропатия
- ұйқының бұзылуы (ұйқысыздық пен қорқынышты түстерді қоса алғанда)
- жөтел, ентігу
- диарея
- иммунитетке байланысты некроздаушы миопатия
- Стивенс-Джонсон синдромы
- жыныстық дисфункция
- шеткері ісінулер
Крестор алған пациенттерде протеинурияны анықтауға болады. Көптеген жағдайларда протеинурия емдеу үдерісінде азаяды немесе жоғалады әрі бұл бұрыннан бар жедел немесе үдемелі бүйрек ауруының пайда болуын білдірмейді. ГМГ-КоА-редуктазаның басқа тежегіштерін қолдану кезіндегідей, жағымсыз әсерлердің туындау жиілігі дозаға тәуелді сипатта болады.
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Дәрілік препараттың құрамы
Бір таблетканың құрамында
белсенді зат- розувастатин кальций тұзы 10.40 мг немесе 20.80 мг
тиісінше 10.00 мг немесе 20.00 мг розувастатинге баламалы
қосымша заттар: лактоза моногидраты, микрокристалды целлюлоза, кальций фосфаты, кросповидон, магний стеараты
таблетканың қабығы*: лактоза моногидраты, гипромеллоза (Е464), глицеринтриацетат, титанның қостотығы (Е171), темірдің қызыл тотығы (Е172), тазартылған су
* бөлек алынған заттар түрінде немесе Opadry II 32K14834 Қызғылт қоспасы түрінде ұсынылуы мүмкін
Сыртқы түрінің, иісінің, дәмінің сипаттамасы
Дөңгелек пішінді, екі беті дөңес, бір жағында «ZD4522 10» ойып жазылған жазуы бар және басқа жағынан тегіс, қызғылт түсті, диаметрі 7 мм-ге жуық, үлбірлі қабықпен қапталған таблеткалар (10 мг дозалау үшін).
Дөңгелек пішінді, екі беті дөңес, бір жағында «ZD4522 20» ойып жазылған жазуы бар және басқа жағынан тегіс, қызғылт түсті, диаметрі 9.1 мм-ге жуық, үлбірлі қабықпен қапталған таблеткалар (20 мг дозалау үшін).
Шығарылу түрі және қаптамасы
14 таблеткадан күміс түсті қатты поливинилхлоридті үлбірден және баспа лакталған алюминий фольгадан жасалған пішінді ұяшықты қаптамаға салынады.
14 таблеткадан 2 пішінді ұяшықты қаптамаға (10 мг дозалау үшін және 20 мг дозалау үшін) медициналық қолдану жөніндегі мемлекеттік және орыс тілдеріндегі нұсқаулықпен бірге бірінші ашылуы бақыланатын картон қорапшаға салынады. Бірінші ашылуын бақылау барлық қаптамаларда болмауы мүмкін.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Сақтау шарттары
30°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босату шарттары
Рецепт арқылы
