Тауарлардың көрінісі фотосуретте көрсетілгеннен өзгеше болуы мүмкін

Линкас Бальзам 25 гр мазь

1109
Қолжетімділігі
Сатылымда бар
Үлгі
4607006670549
Елі
Пакистан
Өндіруші
Herbion
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

ЛИНКАС БАЛЬЗАМ

Саудалық атауы

Линкас Бальзам

Халықаралық патенттелмеген атауы

Жоқ

Дәрілік түрі

Жақпамай, 25 г

Құрамы

1 г жақпамайдың құрамында

белсенді заттар: ментол 200.0 мг

эвкалипт майы 60.0 мг

камфора70.0 мг

скипидар майы20.0 мг

қалампыр майы40.0 мг,

қосымша заттар: қатты парафин, жұмсақ ақ парафин.

Сипаттамасы

Түсі ақ немесе ақ дерлік жақпамай

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Суық тию симптомдарын жоюға арналған препараттардың басқа біріктірілімдері.

АТХ кодыR05X

Фармакологиялық қасиеттері

Фармакокинетикасы

Фармакокинетика жөнінде деректер жоқ.

Фармакодинамикасы

ЛИНКАС БАЛЬЗАМ – салқын тию ауруларында қолданылатын біріктірілген препарат. Препараттың фармакологиялық әсері оның компоненттерінің қасиеттеріне негізделген.

Ментолды теріге жаққан кезде салқынды сезінумен қатар жүретін жүйке ұштарын тітіркендіреді де, жергілікті ауыруды басатын әсер береді. Қабынуға қарсы және антисептикалық қасиеттері бар. Ингаляциялар кезінде қақырық түсіретін және муколитикалық әсері байқалады.

Эвкалипт майының құрамында 1,8-цинеол (эвкалиптол), пинен, миртенол бар. Бактерицидтік, вирусқа қарсы және фунгицидтік әсер береді. Теріге жаққан кезде жергілікті тітіркендіретін және ауыруды басатын әсер береді. Жергілікті жансыздандыратын жеңіл әсерінің арқасында терінің қышынуын кетіреді. Ингаляциялық қолданған кезде қақырықты түсіреді,муколитикалық және гипоксияға қарсы әсер береді.

Камфораның антисептикалық, жергілікті тітіркендіргіш, ауырсынуды басатын және қабынуға қарсы әсері бар. Терінің сезімтал жүйке ұштарын қоздырып, ағзалар мен тіндер трофикасын рефлекторлы түрде жақсартады.

Мидың тыныс алу және тамырқозғалту орталықтарына қозу әсерін береді.

Скипидар майында терпен альфа-пинен бар. Жергілікті тітіркендіргіш, алаңдатқыш және трофикалық әсер береді. Ингаляциялық қолдануда қақырықты түсіретін және муколитикалық әсер ете отырып, жөтелді рефлекторлы көтермелейді.

Қалампыр майы құрамында антисептикалық, қабынуға қарсы және бактерицидтік қасиеттерге ие эвгенол бар. Бұлшықеттерде зат алмасу үдерістерін жақсартады, сонысымен бұлшықеттің ауыруын басады. Препарат құрамына кіретін дәрілік майлардың ұтымды үйлесімі қабынуға қарсы, ауыруды басатын әсерін қамтамасыз етеді, салқын тию мен тұмау симптомдарын жеңілдетеді, қақырықты сұйылтады, жөтелді азайтады. Мұрын және кеудедегі іркілулерді қайтарады. Бастың және бұлшықеттің ауыруын басады.

Қолданылуы

  • жөтелмен, ринитпен және бұлшықет ауыруымен қатар жүретін жедел респираторлы ауруларда
  • кеуде қуысында бөлініп шығуы қиын қақырық жиналғанда (бронхитте, трахеитте, пневмонияда).
  • препарат компоненттеріне аллергиялық реакция болуы мүмкін
  • препарат компоненттеріне жекелей жоғары сезімталдық
  • 2 жасқа дейінгі балаларға

Қолдану тәсілі және дозалары

Салқын тию ауруларына байланысты жөтелде жақпамайды кеуде, арқа және мойын терісіне жағады. Тиімді әсерге қол жеткізу үшін сыртынан жылы таңғыш таңу керек.

Мұрынбітелген кезде немесе тұмауда жақпамайды мұрын желбезегі терісіне жағады.

Дене бұлшықеттері ауырғанда жақпамайды ауыратын жерлеріне жағады. Тиімді әсерге қол жеткізу үшін сыртынан жылы таңғыш таңу керек.

Салқын тиюдің өте айқын құбылыстарында препаратты ингаляция түрінде қолданады: 1 шай қасық бальзамды ыстық суда ерітеді және ингалятор арқылы терең дем алады. Қоспаны қайтадан жылытуға болмайды.

Ингаляция тек ересектер үшін. Ингаляция жолымен енгізу жүкті әйелдерге ұсынылмайды.

Күніне 3-4 рет қолдану керек. Емдеу курсы 5-7 күн.

Жағымсыз әсерлері

Қолдануға болмайтын жағдайлар

Дәрілермен өзара әрекеттесуі

Анықталмаған

Айрықша нұсқаулар

Препарат сыртқа қолдануға және ингаляцияға арналған.

Препаратты көзге және шырышты қабықтарға тигізіп алмаған жөн.

Жақпамайды кездейсоқ көзге және шырышты қабыққа тигізіп алғанда мол сумен шаю ұсынылады.

Терінің зақымданған жеріне жағуға болмайды.

Балаларда қолданылуы

Ларингоспазм, конвульсия дамуы кезінде емдеуді тез тоқтату және дәрігерге қаралу қажет.

Жүктілік және лактация кезеңі

Препаратты жүктілік және лактация кезеңінде қолданар алдында дәрігермен кеңесу қажет. Бала емізетін аналардың препаратты сүт бездері аумағына жағуына болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: жағымсыз әсерінің күшеюі

Емі: симптоматикалық.

Шығарылу түрі және қаптамасы

25 г препараттан бұрандалы қақпағы бар пластик құтыға салынған. Құтыға өздігінен желімделетін заттаңба жапсырылады.

1 құты медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Хербион Пәкістан (Пвт) Лтд

75400, Пәкістан, Карачи

Коранги өндіріс аймағы, 30/28

Тіркеу куәлігінің иесі

Хербион Пәкістан (Пвт) Лтд, Пәкістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«Фармация Юниверсал» ЖШС

Алматы қ. Чаплин /Халиуллин к-сі 71/66

Тел: 234-48-53, 234-44-88

Факс: 234-41-77

Дәріханалар

Тауар артығымен бар
Тауар аз қалды
Аптека №299
ул. Толыбекова 14 А
09:00-22:00
Аптека № 12 ПТ Кызылорда (Арай Молл)
г. Кызылорда, ул. Жибек жолы, 13А
Круглосуточно
Аптека №293
ул. Саламатова 16А
Круглосуточно
Аптека №189
ул. Желтоксан 24 А
Круглосуточно
Аптека № 246, Кызылорда (мкр. Шугыла)
Кызылординска Область. Г. Кызылорда ,м/а шугыла д 53
Круглосуточно
Аптека № 254, Кызылорда (ТД Сырдария)
г.Кызылорда ул.Журба 65 рядом ТЦ Сырдарья
Круглосуточно
Аптека № 245, Кызылорда (ул.Желтоксан д.8А)
г. Кызылорда, ул. Желтоксан, д.8А
Круглосуточно
Аптека №130
г.Кызылорда, ул.Абая 28а
Круглосуточно
Аптека № 256, Кызылорда (Жана базар)
г. Кызылорда, ул. Коркыт Ата, 84 А
Круглосуточно