Мапрофен 100 мг, №10, табл., покрытые оболочкой

Сипаттама

Дәрілік затты медициналық қолдану

жөніндегі нұсқаулық

МАПРОФЕН^®

Саудалық атауы

МАПРОФЕН^®

Халықаралық патенттелмеген атауы

Флурбипрофен

Дәрілік түрі

Үлбірлі қабықпен қапталған таблеткалар, 100 мг

Құрамы

Бір таблетканың құрамында

белсенді зат – 100 мг флурбипрофен,

қосымша заттар: лудипресс (LCE), микрокристалды целлюлоза РН 102, натрий кроскармеллозасы, коллоидты кремнийдің қостотығы (Аэросил 200), магний стеараты;

үлбірлі қабықтың құрамы: макрогол / полиэтиленгликоль 3350, титанның қостотығы, (Е 171), FD&C көк 2 / Алюминий пигменті,темірдің (III) сары тотығы (Е172), тальк, поливинилді спирт.

Сипаттамасы

Ұзынша пішінді, екі жағы дөңес және бір жағында сызығы бар, көк түсті үлбірлі қабықпен қапталған таблеткалар.

Фармакотерапиялық тобы

Сүйек-бұлшықет жүйесі. Қабынуға қарсы және ревматизмге қарсы стероидты емес препараттар. Пропион қышқылының туындылары. Флурбипрофен.

АТХ коды M01AE09

Фармакологиялық қасиеттері

Фармакокинетикасы

Сіңуі: ішке қабылдағаннан кейін флурбипрофен асқазан-ішек жолынан (АІЖ) жылдам сіңеді, және 1.5 сағаттан кейін плазмадағы ең жоғары концентрациясына жетеді. Тамақ ішу препараттың биожетімділігіне әсер етпейді. Жартылай шығарылу кезеңі орта есеппен алғанда 6 сағатты құрайды.

Таралуы, метаболизм және шығарылуы: флурбипрофен толық дерлік метаболизденеді және негізінен несеппен бос түрдежәне дәрімен байланысқан түрде (20%) және гидроксилденген метаболиттер түрінде (50%) шығарылады. Флурбипрофен плазма ақуыздарымен 99% астам шамада байланысады.

Фармакодинамикасы

Мапрофен^® – қабынуға қарсы стероидты емес дәрі (ҚҚСД), фенилпропион қышқылының туындылары, ауырғанды басатын және қабынуға қарсы әсері бар. Әсер ету механизмі циклооксигеназа (ЦОГ-1 және ЦОГ-2) ферментін бөгеу есебінен простагландиндер синтезін бәсеңсітумен және шеткері ауыру медиаторларынан келетін тін сезімталдығын тойтарумен байланысты.

Жағымсыз әсерлер даму жиілігі төмен. Жағымсыз әсерлердің көбі жеңіл және уақытша болып келеді. Бауырға, бүйрекке және қан түзетін жүйеге жағымсыз әсері туралы мәліметтер жоқ.

Қолданылуы

- бас ауыруы, тіс ауыруы, невралгияда

- ревматоидты артритте, остеоартритте,

шорбуынданатын спондилитте, жедел подагралық артритте, артралгияда,

артроздарда, люмбагода, жедел радикулитте симптоматикалық емдеуде

- хирургиялық араласулар мен жұмсақ тіндер жарақатынан кейінгі жағдайдағы (бурситтер, тендиниттер), отоларингологияда, стоматологияда ауыру мен қабыну белгілерін жеңілдетуге

Қолдану тәсілі және дозалары

Ересектер үшін ұсынылатын доза симптомдардың өткірлігіне қарай 100мг тәулігіне 1-3 рет.

Емдеу курсының ұзақтығын емдеуші дәрігер анықтайды.

Ең жоғары бір реттік доза 100 мг.

Ең жоғары тәуліктік доза 300 мг.

Жағымсыз әсерлері

- диспепсия, қыжыл, жүрек айнуы, құсу, диарея, іш қату

- ҚҚСД -гастропатия, абдоминальді ауырулар, дене салмағының өзгеруі,

бауыр функциясының бұзылуы

- асқазан-ішек жолы шырышты қабығының ойылуы, қан кету (асқазан-ішектік, геморроидалдық, қызыл иектен), холестаздық сарғаю (үлкен дозаларда ұзақ уақыт қолданғанда)

- бас ауыруы, бас айналуы, құлақтағы шуыл, ұйқышылдық немесе ұйқысыздық, астения, депрессия, амнезия, тремор, қозу

- гематурия, тубулоинтерстициальді нефрит, ісіну синдромы, бүйрек функциясының бұзылуы

- АҚ жоғарылауы, тахикардия, жүрек жеткіліксіздігі

- тері бөртпесі, қышыну, есекжем, бронх түйілуі, фотосенсибилизация, Квинке ісінуі, анафилаксиялық шок

- көру бұзылыстары, ринит

- естудің төмендеуі

- тершеңдіктің күшеюі

Сирек

- анемия (темір тапшылығы, гемолитикалық, апластикалық), агранулоцитоз, лейкопения, тромбоцитопения

- атаксия, парестезиялар, сананың бұзылуы

Жекелеген жағдайларда

- бүйрек жеткіліксіздігі

Қолдануға болмайтын жағдайлар

- флурбипрофенге жоғары сезімталдық

- анамнезде флурбипрофен, аспирин немесе басқа да ҚҚСД қабылдауға жауап ретіндегі асқын сезімталдық реакциялары (бронхиалды демікпе, ринит, есекжем) бар пациенттер

- асқазан-ішек жолының эрозиялық-ойық жаралы зақымдануы

- артериялық гипертензия, жүрек жеткіліксіздігі

- бүйректің созылмалы жеткіліксіздігі

- 18 жасқа дейінгі балалар және жасөспірімдер

- жүктілік және лактация кезеңі

Дәрілермен өзара әрекеттесуі

Мапрофен^® препаратын фуросемид сияқты диуретикалық препараттармен пайдаланғанда диуретикалық әсерін төмендетуі мүмкін.

Басқа да ҚҚСД сияқты Мапрофенді^® қан кету дамуы қатерінің мүмкіндігіне байланысты антикоагулянттар қабылдайтын пациенттерге сақтықпен тағайындайды. Кортикостероидтармен қоса қолданғанда асқазан-ішек қан кету қатері ұлғаяды.

Мапрофен^® және аспиринді бір уақытта қолданғанда флурбипрофен концентрациясының төмендегені байқалған. Сондықтан бұл екі препаратты біріктіруге болмайды.

Бірге қолданғанда гипотензивті препараттардың әсері төмендейді.

Бірге пайдаланғанда жүрек гликозидтерінің уыттылығы жоғарылауы мүмкін.

Литийдің, метотрексаттың шығарылуы азаюы мүмкін.

Мапрофенді^® циклоспоринмен бірге қолданғанда соңғысының нефроуыттылығы күшеюі ықтимал.

Бауырдағы микросомальді тотығу индукторлары (фенитоин, этанол, барбитураттар, рифампицин, фенилбутазон, үшциклдық антидепрессанттар) гидроксилденген белсенді метаболиттер өнімін ұлғайтады.

Мапрофен^® бір уақытта қолданғанда урикозуриялық препараттардың тиімділігін төмендетеді, антикоагулянттардың (қан кету қатерін ұлғайтады), антиагреганттардың, фибринолитиктердің әсерін, минералокортикоидтардың, эстрогендердің жағымсыз әсерлерінкүшейтеді; сульфонилмочевина туындыларының гипогликемиялық әсерін күшейтеді.

Ранитидин – препараттың плазмадағы концентрациясын төмендетеді.

Антацидтар және колестирамин флурбипрофеннің сіңуін азайтады.

Айрықша нұсқаулар

ҚҚСД ұзақ уақыт қабылдаушы рпациенттер ас қорыту жүйесі тарапынан жағымсыз әсерлерді болдырмас үшін мұқият зерттелуі тиіс.

Мапрофенді^® басқа да ҚҚСД сияқты бауыр, бүйрек және АІЖ аурулары бар пациенттерге сақтықпен тағайындайды.

Ісіну және сұйықтық іркілісі қатеріне байланысты Мапрофенді^® жүрек жеткіліксіздігі, артериялық гипертония және басқа да аурулары бар пациенттерге сақтықпен тағайындайды.

Мапрофен^® қан кету уақытын ұзартуы мүмкін, сондықтан патологиялық қан кету қатері бар пациенттерге сақтықпен тағайындайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жоғары назар аударуды және психомоторлы реакциялардың шапшаңдығын талап ететін автокөлік жүргізуде және басқа да қауіптілігі зор қызмет түрлерімен айналысуда сақтық болу қажет.

Артық дозалануы

Флурбипрофенге қарсы арнайы антидоты жоқ.

Симптомдары: тыныс алудың бұзылуы, жүрек айнуы, эпигастральді аумақтың ауыруы, бас ауыруы, бас айналуы.

Емі: асқазанды шаю және симптоматикалық емдеу.

Шығарылу түрі және қаптамасы

5 таблеткадан мөлдір ПВХ/ПЭ/ПВДХ/ үлбірден және баспалы алюминий фольгадан жасалған пішінді ұяшықты қаптамаға салынған.

2, 3, 4 немесе 6 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге өндіруші - фирманың голограммасы бар картон қорапшаға салынады.

Сақтау шарттары

Құрғақ, жарықтан қорғалған жерде, 25⁰С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Нобел Алматы Фармацевтикалық Фабрикасы» АҚ

Қазақстан Республикасы

Алматы қ., Шевченко көшесі 162 Е.

Тіркеу куәлігінің ұстаушысы

«Нобел Алматы Фармацевтикалық Фабрикасы» АҚ

Қазақстан Республикасы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштаnobel@nobel.kz

Қалалар