Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
Натрий хлориді
Саудалық атауы
Натрий хлориді
Халықаралық патенттелмеген атауы
Жоқ
Дәрілік түрі
Инфузияға арналған 0.9 % ерітінді
Құрамы
1 литр препараттың құрамында
белсенді зат – 9.0 г натрий хлориді,
қосымша зат: инъекцияға арналған су 1.0 л-ге дейін.
Сипаттамасы
Кермек дәмі бар мөлдір түссіз сұйықтық.
Фармакотерапиялық тобы
Плазма алмастыратын және перфузиялық ерітінділер. Су-электролит теңгеріміне әсер ететін ерітінділер. Электролиттер.
АТХ коды В05ВВ01
Фармакологиялық қасиетттері
Фармакокинетикасы
Натрий хлоридінің 0,9% ерітіндісі вена ішіне енгізген кезде тамыр арнасынан жылдам шығады және интерстициальді секторға және жасушалар ішіне өтеді. Т1/2 – 1 сағатқа жуық. Өзгермеген күйі бүйрек арқылы шығарылады.
Фармакодинамикасы
Су-тұз және қышқылдық-негіздік тепе-теңдікті реттейтін плазмоалмастырғыш дәрі. Препарат қанның осмостық қысымының және жасушааралық сұйықтықтың қалпына келуіне ықпал етеді, қан арнасындағы қан көлемінің төмендеуі кезінде оны толықтырады, иондық тепе-теңдікті қалыпты етеді. Уытсыздандыратын әсер көрсетеді. Зат алмасу үдерістерін көтермелейді, бауырдың уытқа қарсы функциясын көтермелейді, диурезді арттырады.
Негізінен организмде сұйықтық көлемі азайғанда бұзылған су-тұз гомеостазын қалпына келтіреді. Натрий хлоридінің 0,9% ерітіндісі адам қанының плазмасына изотониялы болуына байланысты препарат тамыр арнасынан жылдам шығарылады және тек тамырларда айналымда болатын сұйықтық көлемін уақытша ғана арттырады. Қан жоғалтуда және шокта тиімділігі жеткіліксіз.
Қолданылуы
- сұйықтықты плазмаизотониялық түрде алмастырғанда (уытты диспепсия, тырысқақ, диарея, «толассыз» құсу, қатты экссудациямен ауқымды күюлер)
- сусызданумен гипохлоремия және гипонатриемия
- шығу тегі әртүрлі уыттануда
- операция кезінде және одан кейін экстрацеллюляры сұйықтықтың көлемін ұстап тұруға
- жараларды, көзді, мұрын шырышты қабығын шаю үшін
- дәрілік заттарды еріту және сұйылту, таңғыш материалды сулау үшін
Қолдану тәсілі мен дозалары
Вена ішіне тамшылатып, тері астына, клизма ретінде ректальді және жергілікті (жараларды,көзді, мұрын шырышты қабығын шаю үшін),таңғыш материалды сулау үшін тағайындалады.
Дозасы организмнің сұйықтықты, натрий және хлор иондарын жоғалтуына байланысты белгіленеді. Енгізудің алдында препаратты 36 - 38°С-ге дейін қыздыру керек.
Орташа дозасы тәулігіне 1000 мл, вена ішіне 540 мл/сағ (минутына 180 тамшыға дейін) жылдамдықпен тамшылататын ұзақ инфузия ретінде жүргізіледі. Сұйықтықты көп жоғалтқанда және айқын уыттануда тәулігіне 3000 мл-ге дейін енгізілуі мүмкін. Натрий хлориді изотониялық ерітіндісінің үлкен дозаларын ұзақ енгізуді зертханалық тексерулермен бақылау арқылы жүргізген жөн.
Балаларға жедел сусыздануда (зертханалық параметрлерін анықтамастан) 20 - 30 мл/кг енгізеді. Одан әрі қарай дозалау режимі зертханалық көрсеткіштерге қарай реттеледі.
Жағымсыз әсерлері
- хлоридті ацидоз
- гипергидратация
- гипокалиемия
- гипернатриемия
- шөлдеу, көздің жасаурауы, тершеңдік, қызба
- жүрек айнуы, құсу, асқазан аймағындағы түйілулер, диарея
- тахикардия, артериялық гипертензия
- бүйрек функциясының бұзылуы, ісінулер
- мазасыздық, әлсіздік
- бұлшықеттердің тартылуы және гипертонусы
- енгізілген жердің ауыруы және тітіркенуі, тромбофлебит
Қолдануға болмайтын жағдайлар
- гипернатриемияда, гиперхлоремияда, гипокалиемияда, ацидозда
- жасушадан тыс гипергидратацияда, жасушаішілік дегидратацияда
- ми мен өкпенің ісіну қаупі бар айналымдық бұзылуларда
- мидың ісінуінде, өкпе ісінуінде
- сол жақ қарыншаның жедел жеткіліксіздігінде
- кортикостероидтардың үлкен дозаларымен қатар жүргізілетін емде
Дәрілермен өзара әрекеттесуі
Коллоидты гемодинамикалық қан алмастырғыштармен үйлесімді (әсері өзара күшейеді). Кортикостероидтармен қолданғанда гипернатриемия күшейеді.
Ерітіндіге басқа препараттарды қосқанда үйлесімділігін көзбен қарап бақылау керек (дегенмен, көзге көрінбейтін емдік үйлесімсіздігі де болуы ықтимал).
Айрықша нұсқаулар
Тек зақымданбаған құтыны қолдану керек.
Декомпенсацияланған сатыдағы жүрек жеткіліксіздігі, артериялық гипертензия, бүйрек функциясының бұзылуы (олигурия, анурия), шеткергі ісінулер, жүктілердің токсикозы жағдайында абайлап қолдану керек. Кортикостероидтармен және кортикотропинмен бір мезгілде тағайындау қан электролиттерінің деңгейін тұрақты бақылауды қажет етеді. Үлкен дозаларды ұзақ қолданған кезде қышқылдық-негізді жай-күйіне және қан плазмасы мен несептегі электролиттерге бақылау жүргізу керек. Елеулі сусызданғанда вена ішіне енгізу мүмкін болмағанда теріастына немесе ректальді енгізеді.
Жүктілік пен лактация кезеңі
Қатаң көрсетілімдер бойынша қолданылуы мүмкін. Гестоз өршіген жағдайда мұқиятпендозалау қажет.
Көлікті немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Симптомдары: натрий хлориді 0,9% ерітіндісінің үлкен мөлшерлерін енгізу хоридті ацидозды және гипергидратацияны туғызуы мүмкін.
Емі: артық дозаланғанда препаратты қолдануды тоқтату және симптоматикалық ем жүргізу керек. Гипергидратацияда осмостық диуретиктермен ем жүргізу керек. Жүректің ауыр жеткіліксіздігінде ісінулерді диализдің көмегімен жоюға болады.
Шығарылу түрі мен қаптамасы
Компанияның логотипі бар көк түсті біріктірілген қалпақшамен тығындалған шыны массадан немесе ілмек-ұстағышы бар полипропиленнен жасалған құтыларда препарат 100 мл, 250 мл және 500 мл-ден.
Құтыларға заттаңбалық қағаздан жасалған (өздігінен желімделетін) заттаңба жапсырылған.
Құтылар медициналық қолдану жөніндегі мемлекеттік және орыс тілдеріндегі нұсқаулықтың сәйкес санымен бірге картон қорапқа салынады.
Қораптағы қақпақ клапаны желімденген болуы тиіс.
Сақтау шарттары
15°С-ден30 °С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
АС «Huashidan», Қытай
No 169, Henan East Road, Urumqi, Xinjiang
Тіркеу куәлігінің ұстаушысы
АС «Huashidan», Қытай
No 169, Henan East Road, Urumqi, Xinjiang
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«ТК Фарм Ақтөбе» ЖШС, Қазақстан Республикасы, Ақтөбе қ-сы, Новый а.о., № 467 уч-сі, телефон/факс 8 (7132) 21 72 15
Электронды пошта: dir-tkpharm@mail.ru
