Нистатин 500000 ЕД, №20, табл.

Сипаттама

Дәрілік затты медициналық қолдану

жөніндегі нұсқаулық

НистатИН

Саудалық атауы

Нистатин

Халықаралық патенттелмеген атауы

Нистатин

Дәрілік түрі

Үлбірлі қабықпен қапталған таблеткалар, 250 000 ӘБ, 500 000 ӘБ

Құрамы

Бір таблетканың құрамында

белсенді зат – нистатин – 55,500 мг (250 000 ӘБ) немесе 111,000 мг (500 000 ӘБ);

қосымша заттар: лактоза моногидраты (сүтті қант), магний гидроксикарбонаты (негізгі магний карбонаты), гипромеллоза (оксипропилметилцеллюлоза), кальций стеараты моногидраты, картоп крахмалы;

қабықтың құрамында:лактоза моногидраты (сүтті қант), гипромеллоза (оксипропилметилцеллюлоза), титанның қостотығы Е171, полисорбат-80 (твин-80), тальк, ванилин, хинолинді сары бояғыш Е104, тропеолин О бояғышы.

Сипаттамасы

Жеңіл ванилин иісімен, жасылдау реңді ақшыл-сары түсті үлбірлі қабықпен қапталған таблеткалар.

Фармакотерапиялық тобы

Ас қорыту жолы және зат алмасу. Диареяға қарсы, қабынуға қарсы /микробқа қарсы ішек препараттары. Микробқа қарсы ішек препараттары. Антибиотиктер. Нистатин.

АТХ коды A07AA02

Фармакологиялық қасиеттері

Фармакокинетикасы

Препарат асқазан-ішек жолынан нашар сіңіріледі. Ішке қабылданған препараттың негізгі массасы нәжіспен шығарылады. Нистатин жинақтайтын қасиеттерге ие емес.

Фармакодинамикасы

Candida тектес ашытқы тәріздес зеңдерге қатысты жоғары белсенді, полиенді зеңге қарсы антибиотик. Антибиотик құрылымында зеңдердің цитоплазмалық жарғақшасының стеролды құрылымына жоғары троптылыққа ие қосарлы байланыстар бар, ол жасуша жарғақшасына препарат молекулаларының түзілуіне және олар арқылыэлектролиттердің бақыланбайтын тасымалдануы жүретін өзекшелердің көптеген мөлшерінің пайда болуына ықпал етеді, жасуша ішінде осмолярлықтың жоғарылауы оның қырылуына әкеледі. Төзімділік өте баяу дамиды.

Қолданылуы

• тері шырышты қабығының және ішкі ағзалар кандидозында
• антибиотиктермен ұзақ емделу кезінде зеңдік асқынулардың профилактикасында, әсіресе жүдеген және әлсіз науқастарда

Қолдану тәсілі және дозалары

Ішкі ағзалардың кандидозын емдеу үшін Нистатинді ас қабылдауға байланыссыз ішке қолданады.

Ересектергетәулігіне 111,0 мг (500 000 ӘБ) 3-4 рет немесе 55,5 мг (250 000 ӘБ) 6-8 рет тағайындалады. Жайылғанкандидоздарда тәуліктік доза 6 000 000 ӘБ дейін ұлғайтылуы мүмкін.

Емдеу курсының ұзақтығы – 10-14 күн. Қажет болғанда бір аптадан соң курсты қайталауға болады.

Жағымсыз әсерлері

- нистатинді жоғары дозада қолдану кейде диарея, жүрек айнуы, құсу, іштің ауыруын туындатуы мүмкін

- бөртпе, оның ішінде есекжем, терінің қышынуы – сирек; Стивенс-Джонсон синдромы – өте сирек; аса жоғары сезімталдық және ангиодистрофия – жиілігі белгісіз

- қалтырау, гипертермия

- аллергиялық реакциялар

Жағымсыз әсерлері пайда болған жағдайда дозаны азайту немесе препаратты тоқтату керек.

Қолдануға болмайтын жағдайлар

- аса жоғары сезімталдық

- фруктоза жақпаушылығы, Lapp-лактаза ферменті тапшылығы, глюкоза-галактоза мальабсорбциясымен байланысты тұқым қуалайтын аурулар

- бауыр функциясының бұзылуы, панкреатит

- асқазан мен он екі елі ішектің ойық жара ауруы

- жүктілік

- 18 жасқа дейінгі балалар

Дәрілермен өзара әрекеттесуі

Нистатинді клотримазолмен бір мезгілде қолданған кезде соңғысының белсенділігі төмендейді.

Айрықша нұсқаулар

Жүйелік пероральді қолдануға арналған нистатин препараттары микоздарды емдеуге қолданылмауы тиіс. Қынаптың зеңдік ауруларында жыныстық жұптасымен бір мезгілде емделу ұсынылады.

Жүктілік және лактация кезеңі

Жүктілік кезінде препаратты қолдануға болмайды.

Нистатиннің емшек сүтіне енуі туралы деректер жоқ. Нистатиннің асқазан-ішек жолынан өте аз мөлшерде сіңуіне қарамастан, препаратты лактация кезеңінде қабылдаған кезде сақ болу керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану көлік құралдарын басқару және жоғары зейін қою мен жылдам психомоторлық реакцияны талап ететін басқа да аса қауіпті қызмет түрлерімен жұмыс істеу қабілетіне ықпал етпейді.

Артық дозалануы

Қазіргі кезде препараттың артық дозалану жағдайлары туралы хабарланбаған. Нистатин асқазан-ішек жолынан өте аз мөлшерде сіңетін болғандықтан, препаратпен артық дозалану немесе оны кездейсоқ қолдану жүйелі уыттылығын туындатпайды. Нистатинді пероральді 5 000 000 ӘБ астам дозада күнделікті қабылдау жүрек айну және асқазан-ішек жолы бұзылыстарын туындатқан мәліметтер бар.

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан немесе полиэтилен жабыны бар қағаздан жасалған пішінді ұяшықты қаптамаға салынады.

2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықтармен бірге картон қорапшаға салынған.

Сақтау шарттары

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтаумерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Биосинтез» ЖАҚ, Ресей

440033, Пенза қ., Дружба к-сі, 4, тел./факс: (8412) 57-72-49,

e-mail: certificate@biosintez.com

Тіркеу куәлігінің ұстаушысы

«Биосинтез» ЖАҚ, Ресей, Пенза қ.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, заңды мекенжайы және байланыс деректері (телефон, факс, электронды пошта)

Қазақстан Республикасындағы «Сан Фармасьютикал Индастриез Лимитед компаниясының» өкілдігі

050008, Қазақстан Республикасы, Алматы қ., Манас к-сі, 32 «А», «SAT» Бизнес Орталығы, 6 қабат, 602 кеңсе, тел. +7 (701) 991-19-56, 8-800-080-52-02,

e-mail: Pharmacovigilance.kz@sunpharma.com

Дәріханалар

Қалалар