Сипаттама
Дәрілік затты медициналық қолдану
жөніндегі нұсқаулық
ПАНКРЕАЗИМ
Саудалық атауы
Панкреазим
Халықаралық патенттелмеген атауы
Жоқ
Дәрілік түрі
Ішекте еритін қабықпен қапталған таблеткалар
Құрамы
Белсенді зат: панкреатин;
бір таблетканың құрамында кем дегенде 8000 липолитикалық ӘБ F.I.P., 5600 амилолитикалық ӘБ F.I.P., 370 протеолитикалық ӘБ F.I.P. ферментативті белсенділігі бар панкреатин;
қосымша заттар: натрий хлориді, сусыз коллоидты кремнийдің қостотығы, микрокристалды целлюлоза, кросповидон, натрий кроскармеллозасы, повидон 25, магний стеараты, метакрилат сополимері дисперсиясы, тальк, пропиленгликоль, титанның қостотығы (Е 171), кармоизин (Е 122).
Сипаттамасы
Дөңгелек пішінді, екі беті дөңес, өзіне тән әлсіз иісі бар, қызғылт түсті, ішекте еритін қабықпен қапталған таблеткалар.
Фармакотерапиялық тобы
Ас қорытылуына ықпал ететін (ферментті препараттарды қоса) препараттар. Ас қорытатын ферментті препараттар. Панкреатин.
АТХ коды А09А А02
Фармакологиялық қасиеттері
Фармакокинетикасы
Зерттеулер жүргізілмеген.
Панкреатиндік ферменттер дәрілік түрден жіңішке ішектің сілтілік ортасында бөлініп шығады, өйткені асқазан сөлінің әсерінен қабықпен қорғалған.
Фармакодинамикасы
Панкреазим – ферменттік препарат. Ұйқы безінің ауыруы кезінде препарат оның сыртқы секреторлық функциясы жеткіліксіздігінің орнын толтырады және ас қорыту үдерісінің жақсаруына ықпал етеді.
Құрамында экскреторлы панкреатиндік ферменттер: липаза, альфа-амилаза, трипсин, химотрипсин бар. Панкреатиннің құрамына енетін ферменттер жіңішке ішектің сілтілік ортасынан бөлініп шығады, өйткені асқазан сөлінің әсерінен қабықпен қорғалған.
Липаза тамақтағы майларды – триглицеридтерді глицеринге және жоғары май қышқылдарына ыдыратады.
Альфа-амилаза полисахаридтердің (крахмал, гликоген) төмен молекулярлы көмірсуларға дейін ыдырауын катализдейді.
Трипсин Панкреазимнің ауыруды басатын әсеріне түрткі бола отырып, көтермеленген ұйқы безінің сөлінісін тежейді.
Химотрипсин трипсинмен бірге тамақ ақуыздарының протеолизіне қатысады.
Қолданылуы
- ұйқы безі ас қорыту ферменттерінің жеткіліксіз бөлінуі салдарынан ас қорыту үдерісінің бұзылуымен қатар жүретін созылмалы панкреатит, муковисцидоз сияқты ауруларда;
- асқазан мен жіңішке ішектің бір мезгілдегі резекциясынан кейінгі жай-күйде, ішек арқылы өтудің функционалдық жеделдеуінде, ішек бұзылыстарында, қиын қорытылатын өсімдіктер, майлы және дағдыланбаған тағамдарды бір мезгілде қабылдауда;
- ішектің кебуінде және рентгенологиялық немесе ультрадыбыстық диагностикалық зерттеулерге даярлықта.
Қолдану тәсілі және дозалары
Панкреазимді ересектерге ішке тамақтану кезінде немесе одан кейін тағайындайды, тәулігіне 3-4 рет 2-4 таблеткадан көп мөлшердегі сұйықтықпен (сумен, жеміс шырынымен) бүтіндей ішеді.
Дозасын ас қорытудың бұзылу дәрежесіне қарай жекелей анықтайды.
Емдеу ұзақтығы (диета жағымсыздығы салдарынан болатын ас қорыту үдерісінің бұзылуында) бірнеше күннен бірнеше айға немесе (тұрақты орын басу емі қажет болғанда) бірнеше жылға дейін өзгеріп тұрады.
Жағымсыз әсерлері
Жиі
- жүрек айнуы, құсу, іштің ауыруы, асқазан аймағындағы жайсыздық, іш қатуы, диарея
- жоғары дозаларда ұзақ қолданғанда қан плазмасы мен несепте несеп қышқылы деңгейінің жоғарылауы.
Сирек
- аллергиялық реакциялар (бөртпе, терінің қышынуы).
Қолдануға болмайтын жағдайлар
- шошқаның ұйқы безінен жасалған панкреатинге немесе препараттың кез-келген басқа компонентіне жекелей жоғары сезімталдық
- жедел панкреатит
- асқыну сатысындағы созылмалы панкреатит
- асқазан-ішек жолының обструкциялық аурулары (ішектің бітелуі, жаңа түзілімдер)
- 18 жасқа дейінгі балалар және жасөспірімдер.
Дәрілермен өзара әрекеттесуі
Бір мезгілде қолданғанда фолий қышқылы мен темір препараттарының сіңуі төмендейді, бұл олардың дозаларын жоғарылатуды қажет етеді.
Панкреазим акарбоза мен миглитол препараттары әсерінің төмендеуіне ықпал етеді.
Құрамында кальций карбонаты және/немесе магний гидроксиді бар антацидтік дәрілерді бір мезгілде қолдану панкреатин тиімділігінің төмендеуіне әкелуі мүмкін.
Айрықша нұсқаулар
Препаратты қолданудың алдында дәрігермен кеңесу керек!
Доза ішетін тамақтың сапасы мен мөлшері ескеріле отырып, майлардың сіңуі үшін қажетті ферменттер мөлшеріне барабар болуы тиіс.
Жүктілік немесе бала емізу кезеңінде қолдану
Ұрпақ өрбіту функциясы мен шарананың дамуына уытты әсері туралы деректер жоқ. Панкреазимді жүкті әйелдерге, егер ана үшін пайдасы шаранаға төнетін қауіптен асқан жағдайда ғана тағайындау керек. Препаратты лактация кезеңінде тағайындағанда сақ болған жөн.
Дәрілік препараттың автокөлікті немесе қауіптілігі зор механизмдерді басқару қабілетіне әсер ету ерекшеліктері
Препаратты қабылдау пациенттің автокөлікті немесе қауіптілігі зор механизмдерді басқару қабілетіне әсер етпейді.
Артық дозалануы
Симптомдары: диарея, іш қату, гиперурикозурия, гиперурикемия.
Емі: препаратты тоқтату, жеткілікті мөлшерде сұйықтық қабылдау, симптоматикалық ем.
Шығарылу түрі және қаптамасы
Ішекте еритін қабықпен қапталған таблеткалар.
10 таблеткадан поливинилхлоридті үлбірден және алюминий фольга негізіндегі орамды қаптау материалынан жасалған пішінді ұяшықты қаптамада.
2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшада.
Сақтау шарттары
Түпнұсқалық қаптамасында 25 0С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецептісіз.
Өндіруші
«Технолог» ЖАҚ, Украина.
20300, Украина, Умань қаласы, Черкасск облысы, Старая прорезная көшесі, 8.
Тіркеу куәлігі иесінің атауы және елі
«Технолог» ЖАҚ, Украина.
20300, Украина, Умань қаласы, Черкасск облысы, Старая прорезная көшесі, 8.
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:
«L-Фарма» ЖШС
050061, ҚР, Алматы қ., «Тастақ-1» ы/ауд., 3 үй
тел.: (727) 374-88-75, факс: 374-88-72
elfarma@rambler.ru
