Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
Пантенол-Тева
Саудалық атауы
Пантенол-Тева
Халықаралық патенттелмеген атауы
Декспантенол
Дәрілік түрі
Крем 5% 35 г және 100 г
Құрамы
100 г препараттың құрамында
белсенді зат - 5 г декспантенол,
қосымша заттар: калий сорбаты, ланолин спирті, ланолин, ақ жұмсақ парафин, полиглицерил-3 полирицинолеат, орта тізбекті триглицеридтер, натрий цитраты, лимон қышқылының моногидраты, тазартылған су.
Сипаттамасы
Ақ немесе сарғыш, ланолинге тән иісі бар гомогенді крем
Фармакотерапиялық тобы
Дерматология. Жаралар мен ойылуларды емдеуге арналған препараттар. Тыртықтануға ықпал ететін препараттар. Тыртықтануға ықпал ететін басқа препараттар. Декспантенол
АТХ коды D03AХ03
Фармакологиялық қасиеттері
Фармакокинетикасы
Тритиймен таңбаланған пантенол зерттеулерінің деректері бойынша субстанция терімен сіңеді. Тері мен шырышты қабықтардағы метаболизмнің барынша толық зерттеулері жоқ.
Фармакодинамикасы
Декспантенол – бұл пантотен қышқылының спиртті аналогы, пантотен қышқылы сияқты биологиялық белсенділікке ие. Ол оң айналымдағы D-конфигурациясымен байланысты. Пантотен қышқылы, сондай-ақ оның тұздары суда еритін дәрумендерге жатады, ол А коферментіретінде көптеген зат алмасуүдерістерінеқатысадыжәнефибробласттар пролиферациясын көтермелеу және эпителизацияны жеделдету арқылы терінің зақымдануын емдеуде басты рөл атқарады.
Қолданылуы
- шығу тегі әртүрлі тері зақымдануларында (сызаттарда, сыдырылуларда, тері тітіркенулерінде, тері құрғақтанғанда, жеңіл дәрежедегі күюлерде).
Қолдану тәсілі және дозалары
Терінің зақымданған бөліктеріне күніне бір немесе бірнеше рет жұқалап жағылады. Емдеу ұзақтығы клиникалық көрсетілімге байланысты болады.
Педиатрияда қолданылуы. Шектеулер жоқ.
Жағымсыз әсерлері
Сирек
- цетилстеарил спиртіне және калий сорбатына жоғары қабылдағыштық реакциялары (терінің аллергиялық реакциялары).
Қолдануға болмайтын жағдайлар
- белсенді ингредиентке немесе компоненттердің біріне жоғары сезімталдық
- бұл дәрілік зат калий сорбатына жоғары қабылдағыштығы бар пациенттерде қолданылмауы тиіс
Дәрілермен өзара әрекеттесуі
Пантенол-Теваны гениталий аймағына немесе анальді саңылауға және мүшеқаптарды бір мезгілде қолданғанда мүшеқаптардың жыртылуға төзімділігінің азаюы, сонысымен, олардың мықтылығына нұқсан келуі мүмкін.
Айрықша нұсқаулары
Ланолин және калий сорбаты жергілікті тері реакцияларына (жанаспалы дерматитке) ықпал етуі мүмкін.
Жүктілік және емшек емізу
Қолдануда шектеулер жоқ.
Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Анықталмаған
Шығарылу түрі және қаптамасы
35 г немесе 100 г препараттан ішкі беткейі литографиялық лакталған, ашылуы бақыланатын жарғақшасы, ашу құрылғысымен бұрандалы полимер қалпақшасы бар алюминий сықпада.
1 сықпадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.
Сақтау шарттары
25°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Сықпаны ашқаннан кейін қолдану мерзімі – 12 ай.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
“Меркле ГмбХ”, Graf-Arco-Str. 3, 89079, Ульм, Германия
Тіркеу куәлігінің ұстаушысы
“ратиофарм ГмбХ”, Graf-Arco-Str. 3, 89079, Ульм, Германия
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс жасау деректері (телефон, электрондық пошта)
«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ. 17/1, Нұрлы-Тау БО, 5Б, 6 қабат. Телефон: (727)3251615; е-mail: safety.kazakhstan@tevapharm.com; веб сайт: www.teva.kz
