Сипаттама
Дәрілік препаратты медициналық қолдану жөніндегі нұсқаулық
Саудалық атауы
Пантовигар
Халықаралық патенттелмеген атауы
Жоқ
Дәрілік түрі, дозалануы
Капсулалар
Фармакотерапиялық тобы
Ас қорыту жолы және зат алмасу. Дәрумендер. Дәрумендердің басқа біріктірілімдері.
АТХ коды A11JC
Қолданылуы
- этиологиясы гормоналдық емес шаштың диффуздық түсуі
- шаш құрылымының дегенеративтік өзгерістері (химиялық әсерден, күннің және ультра күлгін сәулелену салдарынан шаштың зақымдануы)
- ақ шаштар пайда болуын тойтару
- тырнақ құрылымының бұзылуы
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- әсер етуші затқа немесе қосымша заттарының кез келгеніне жоғары сезімталдық
- жүктіліктің I және II триместрі және лактация кезеңі
- 18 жасқа дейінгі балалар және жасөспірімдер
Қолдану кезіндегі қажетті сақтық шаралары
18 жасқа дейінгі балаларға қолдануға ұсынылмайды.
Тырнақтың инфекциялық аурулары және андрогендік шаштың түсуі препаратты қолдануға көрсетілім болып табылмайды. Аталған патологияларда препарат біріктірілген ем құрамында пайдаланылуы мүмкін.
Басқа дәрілік препараттармен өзара әрекеттесуі
Егер пациент сульфаниламидті препараттар қабылдап жүрсе, Пантовигар қабылдауды бастар алдында ол дәрігермен кеңесу керек.
Арнайы ескертулер
Егер шаш немесе тырнақ аурулары жағымсыз, үдемелі жағдайға өтсе, дәрігерге жүгіну керек, өйткені бұл жүйелік аурулар белгісі болуы мүмкін, бұл жөнінде пациент хабардар болуы тиіс.
Препаратпедитрияда қолданылмайды
Жүктілік
Жүктіліктің III триместрінде препаратты тек дәрігер тағайындауы бойынша ғана қолдануға болады.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Қолдану жөніндегі нұсқаулар
Дозалау режимі
Ересектер:
Тәулігіне 3 рет 1 капсуладан.
Енгізу жолы және тәсілі
Капсуланы тамақ ішу кезінде, шайнамай, судың аздаған мөлшерімен қабылдау керек.
Емдеу ұзақтығы
Емнің орташа ұзақтығы – 3-6 ай. Қажет болғанда курсты дәрігер ұсынысы бойынша жалғастыруға болады.
Артық дозалану жағдайында қабылдануы қажеті шаралар
Пантовигар препаратымен артық дозалану жағдайлары туралы хабарланбаған
Дәрілік препараттың бір немесе бірнеше дозасын өткізіп алғанда қажетті шаралар
Қатысты емес
Тоқтату симптомдарының болу қаупіне нұсқау
Қатысты емес
Дәрілік препаратты қабылдамас бұрын дәрігерге немесе фармацевтке жүгініңіз.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Жағымсыз реакциялар жиілігінің сандық критерийлері және жүйелік-ағзалық жіктемесіне және олардың пайда болу жиілігіне сәйкес жағымсыз реакциялардың жіктелуі(Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥1/10); жиі (≥1/100-ден <1/10 дейін); жиі емес (≥1/1000-нан <1/100 дейін); сирек (≥1/10000-нан <1/1000 дейін); өте сирек (<1/10000), белгісіз (қолда бар деректер бойынша баға беру мүмкін емес).
Сирек:
- есекжем, бөртпе, қышыну
- тахикардия, тамыр соғысының жиілеуі
- қатты терлеу
Туындау жиілігі белгісіз:
- диарея, жүрек айнуы, құсу, қыжыл, метеоризм, іш аумағындағы ауыру
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
Бір капсуланың ішінде
белсенді зат: медициналық құрғақ ашытқы 100 мг, тиамин нитраты60 мг, кальций пантотенаты 60 мг, цистин 20 мг, аминобензой қышқылы 20 мг, кератин 20 мг
қосымша заттар: микрокристалды целлюлоза, тальк, повидон, магний стеараты, коллоидты кремнийдің қостотығы,
желатинді капсуланың құрамы: желатин, титанның қостотығы (E 171), сары теміртотығы (Е 172) (капсула қақпақшасы үшін), индигокармин (E 132) (капсула қақпақшасы үшін), тазартылған су.
Сыртқы түрінің, иісінің, дәмінің сипаттамасы
Цилиндр пішінді, корпусы ақшыл-крем түсті, күңгірт-жасыл түсті қақпақшасы бар қатты желатинді капсулалар.
Капсула ішіндегісі – өзіне тән иісі бар ақшыл-қоңыр ұнтақ.
Шығарылу түрі және қаптамасы
15капсуладан поливинилхлоридті/поливинилдихлоридті алюминий фольгадан жасалған пішінді ұяшықты қаптамада.
6 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Сақтау шарттары
25º С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Дәрігердің рецептісінсіз босатылады
Өндіруші туралы мәлімет
Мерц Фарма ГмбХ және Ко КГаА, Экенхаймер Ландштрассе 100, Франкфурт на Майне, Германия
+49 (0)69 1503-8709, contact@merz.de
Тіркеу куәлігінің ұстаушысы
Мерц Фармасьютикалс ГмбХ, Экенхаймер Ландштрассе 100, Франкфурт на Майне, Германия
+49-(0)69-1503-0, contact@merz.de
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
Қазақстан Республикасы Алматы қаласындағы «Х.Аббе Фарма ГмбХ»
(H.Abbe Pharma GmbH) Компаниясының өкілдігі
050002, Алматы қ, Жібек жолы к-сі 64/47, 618 А кеңсе
тел. 8(727)2738640/ 8(727)2738436, эл. пошта: info@abbe-pharma.kz
