Пульмикорт 0,25 мг/мл 2 мл 20 порошок для ингаляций дозированный
Тауарлардың көрінісі фотосуретте көрсетілгеннен өзгеше болуы мүмкін

Пульмикорт 0,25 мг/мл 2 мл 20 порошок для ингаляций дозированный

14640
Қолжетімділігі
Сатылымда бар
Үлгі
7321838730871
Елі
Швеция
Өндіруші
АстраЗенека
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Саудалық атауы

Пульмикорт®

Халықаралық патенттелмеген атауы

Будесонид

Дәрілік түрі, дозасы

Ингаляцияға арналған дозаланған суспензия, 0.25 мг/мл және 0.5 мг/мл

Фармакотерапиялық тобы

Респираторлық жүйе. Тыныс жолдарының обструкциялық ауруларын емдеуге арналған препараттар. Тыныс жолдарының обструкциялық ауруларын емдеуге арналған басқа ингаляциялық препараттар. Глюкокортикостероидтар. Будесонид.

АТХ коды R03ВА02

Қолданылуы

- қабыну үдерісін бақылауға арналған глюкокортикостероидтармен демеуші ем қажет болатын бронх демікпесі

- cтеноздаушы ларинготрахеит (жалған қыспақ)

Қолданудың басталуына дейін қажетті мәліметтер тізбесі

Қолдануға болмайтын жағдайлар

- будесонидке немесе препараттың басқа компоненттеріне жоғары

сезімталдық

- өкпе туберкулезінің белсенді түрі

- 3 айлық жасқа дейінгі балалар

- қарқынды ем қажет болатын демікпе статусын немесе демікпенің басқа шұғыл көріністерін бастапқы емдеу

Қолдану кезіндегі қажетті сақтандыру шаралары

Препарат дәрігер тағайындауы бойынша қолданылады. Пульмикорт® препаратын келесі жағдайларда да пайдалану алдында немесе кезінде дәрігердің кеңесі қажет:

- анық көрмеу немесе көру қабілетінің басқа бұзылыстары

- тыныс алу мүшелерінің зеңдік, вирустық, бактериялық инфекциялары

- бауыр циррозы

- кетоконазол, итраконазол немесе басқа CYP3A4 тежегіштерін қолдану

- глюкокортикостероидтардың жоғары дозаларын қолдану немесе ингаляциялық глюкокортикостероидтардың барынша жоғары ұсынылатын дозаларын ұзақ уақыт қолдану

Басқа дәрілік препараттармен өзара әрекеттесуі

Будесонидтің бронх демікпесін емдеуде пайдаланылатын басқа препараттармен өзара әрекеттесуі байқалмады.

Будесонид метаболизмі көбінесе CYP 3A4 қатысуымен болады. Соның нәтижесінде, осы фермент тежегіштері, мысалы, кетоконазол, итраконазол және АИТВ протеазасы тежегіштері будесонидтің жүйелік экспозициясын бірнеше есе арттыра алады. Дозалау жөнінде деректер болмауына орай, осы препараттарды бірге қолданбауға кеңес беріледі. Осы препараттарды және будесонид қабылдау қажет болған жағдайда препараттарды қабылдау арасындағы уақытты барынша мүмкін болатындай ұзарту керек, сондай-ақ будесонид дозасын азайту мүмкіндігін қарастыруға болады. Итраканазолды 200 мг дозасында ингаляциялық будесонидпен (1000 мкг бір реттік доза) тәулігіне 1 рет бір мезгілде қолдану соңғысының қан плазмасындағы концентрациясының елеулі жоғарылауына (орта есеппен, 4 есе) әкелуі мүмкін.

Қан плазмасында будесонид концентрациясының жоғарылауын және кортикостероидтар әсерлерінің күшеюін эстрогендермен немесе гормональді контрацевтивтермен бір мезгілде қолданғанда байқауға болады, алайда будесонидті төмен дозаларда біріктірілген пероральді контрацевтивтермен бірге қолданғанда осы әсері байқалмады.

Бүйрек үсті бездері функциясының болжамды бәсеңдеуіне орай, гипофиз жеткіліксіздігін диагностикалау үшін АКТГ көтермеленуімен жасалған сынама қате нәтижелер (төмен мәндер) беруі мүмкін.

Арнайы сақтандырулар

Ауыз қуысының кандидозы

Ауыз-жұтқыншақтың зеңді зақымдану қаупін барынша азайту үшін пациентке препараттың әрбір ингаляциясынан кейін ауызды сумен мұқият шаю қажеттілігі жөнінде нұсқау беру керек.

Басқа дәрілік заттармен бірге қолдану

Пульмикорт® препаратын кетоконазол, итраконазол немесе басқа қуатты CYP3A4 тежегіштерімен бірге тағайындамау керек. Егер осындай біріктірілім қажет болған жағдайда препараттарды қабылдау арасындағы уақытты барынша мүмкін болатындай ұзарту керек.

Стероидқа тәуелділігі жоқ пациенттер: емдік әсеріне, әдетте, 10 күн ішінде жетеді. Бронх шырышы шамадан тыс секрецияланатын пациенттерге пероральді глюкокортикостероидтармен қысқа (2 аптаға жуық) қосымша емдеу курсын алдын ала тағайындауға болады, ол аяқталған соң будесонидпен монотерапия жеткілікті болуы тиіс.

Пероральді стероидтардан ауысу

Бүйрек үсті бездері функциясының әлсіреу қаупі мүмкін болғандықтан, пероральді глюкокортикостероидтардан ингаляциялық глюкокортикостероидтарға (Пульмикорт®) ауыстырылатын немесе гипофиз-бүйрек үсті безі жүйесі функциясының бұзылуын күтуге болатын пациенттерге ерекше көңіл бөлу керек. Глюкокортикостероидтардың жоғары дозаларын қабылдап жүрген немесе ингаляциялық глюкокортикостероидтардың ең жоғары ұсынылған дозаларын ұзақ уақыт қабылдаған пациенттерге де ерекше көңіл бөлу керек. Осындай пациенттерде айрықша сақтықпен жүйелік глюкокортикостероидтардың дозасын азайту және гипоталамус-гипофиз-бүйрек үсті безі функциясын бақылап отыру керек. Стресс жағдайларында ондай пациенттерде бүйрек үсті безі жеткіліксіздігінің белгілері мен симптомдары көрініс беруі мүмкін. Стресс кездерінде немесе хирургиялық араласу жағдайларында жүйелік глюкокортикостероидтармен қосымша ем жүргізу ұсынылады.

Пероральді глюкокортикостероидтардан Пульмикорт® препаратына көшкенде пациенттер бұлшықеттердің ауыруы немесе буындардың сырқырауы сияқты бұрын байқалған симптомдарды сезінуі мүмкін. Осындай жағдайларда пероральді глюкокортикостероидтар дозасын уақытша арттыру керек болуы мүмкін. Сирек жағдайларда глюкокортикостероидтардың жүйелік жеткіліксіздігін көрсететін шаршау, бас ауыру, жүрек айну және құсу сияқты симптомдарды байқауға болады.

Пероральді глюкокортикостероидтарды ингаляциялық түрлеріне ауыстыру кейде бұрын жүйелік препараттармен басу мүмкін болған қатарлас аллергияның, мысалы, ринит пен экземаның көрініс беруіне әкеледі.

Ингаляциялық кортикостероидтардың жүйелік әсерлері

Ингаляциялық кортикостероидтардың кез келгенін, әсіресе, ұзақ уақыт бойы және жоғары дозаларда пайдаланғанда, пероральді глюкокортикостероидтарды пайдалану кезіндегіден ықтималдығы едәуір төмен болса да, жүйелік әсерлер дамуы мүмкін. Болжамды жүйелік әсерлерге: Кушинг синдромы, кушингоидтық симптомдар, бүйрек үсті бездері қыртысы функциясының бәсеңдеуі, балалар мен жасөспірімдердегі бой өсу кідірісі, сүйек тінінің минералдық тығыздығының төмендеуі, катаракта, глаукома және өте сирек жағдайларда психомоторлық аса жоғары белсенділік, ұйқы бұзылысын, үрей, депрессия және озбыр мінез-құлықты (әсіресе, балаларда) қоса, психикалық және мінез-құлық бұзылулары жатады. Сондықтан демікпе симптомдарының тиімді бақылануын қамтамасыз етуге мүмкіндік беретін ингаляциялық кортикостероидтың ең төмен дозасын пайдалану өте маңызды болып табылады.

Пациенттерде анафилаксия, бөрту, жанаспалы дерматит, есекжем, ангионевроздық ісінуді қоса, аса жоғары сезімталдық реакцияларын байқауға болады. Осындай реакциялар туындаған жағдайда Пульмикорт® препаратын қолдануды тоқтату керек.

Бронх түйілуі

Басқа ингаляциялық емді қолдану кезіндегі сияқты, препаратты пайдаланудан кейін бірден парадоксты бронх түйілуін де байқауға болады. Айқын бронх түйілуі жағдайында қолданылатын емді қайта қарау, ал қажет болса, баламалы емдеу әдістерін тағайындау қажет.

Балалар мен жасөспірімдерде бой өсуіне әсері

Бронх демікпесін емдеу үшін глюкокортикостероидтар қолданудың бой өсу бұзылуын тудыруы мүмкін екенімен байланысты, ұзақ уақыт кезеңі бойына глюкокортикостероидтармен (жеткізу тәсіліне қарамастан) ем алып жүрген балалар мен жасөспірімдерде бой өсімі көрсеткіштерін жүйелі бақылап отыру ұсынылады. Глюкокортикостероидтар тағайындалғанда препаратты қолданудың пайдасы мен бой өсудің болжамды баяулау қаупі арақатынасын назарға алу керек. Бұдан бөлек, пациентті педиатр-пульманолог/аллергологқа жолдау мүмкіндігін қарастыру қажет.

Тыныс жолдарының инфекциялары

Иммуносупрессиялық әсер көрсететін дозаларда кортикостероидтар алып жүрген пациенттерге желшешек немесе қызылшаға шалдыққан науқастармен араластықта болмау қажеттілігі, ал егер қарым-қатынас бәрібір орын алса, ол жөнінде өз емдеуші дәрігеріне шұғыл мәлімдеу керектігі ескертілуі тиіс. Иммунизация жасалмаған әрі бұрын желшешекке шалдықпаған бала осындай науқастармен жанасқан жағдайда шұғыл дәрігермен кеңесу қажет. Пациенттер туберкулездік, зеңдік, бактериялық, вирустық немесе паразиттік инфекциялардың немесе қабақтың қарапайым герпесінің өршу мүмкіндігі зор екенінен хабардар болуы тиіс.

Өкпенің созылмалы обструкциялық ауруы бар (ӨСОА) пациенттердегі пневмония

Ингаляциялық кортикостероидтар алған ӨСОА бар пациенттерде, ауруханаға жатқызуды талап ететін пневмонияны қоса, пневмонияның даму жиілігінің артуы байқалды. Стероид дозасын арттырғанда пневмонияның жоғарылау қаупін көрсететін деректер бар, бірақ бұл нақты көріністелмеді.

Ингаляциялық кортикостероидтық препараттар арасындағы пневмонияның қауіп шамасында класішілік өзгешеліктер пайдасына шешілетін нақты клиникалық деректер жоқ.

Пневмонияның клиникалық симптомдары ӨСОА өршу симптомдарымен сәйкес келетіндіктен, дәрігерлер ӨСОА бар пациенттерде пневмонияныңдаму мүмкіндігі тұрғысынан қырағылық сақтау қажет.

ӨСОА бар пациенттерде пневмонияның қауіп факторлары шылым шегу, егде жас, дене салмағының төмен индексі (ДСИ) және ӨСОА ауыр дәрежесін қамтиды.

Сүйек тінінің минералды тығыздығының төмендеу қаупі жоғары пациенттерге кортикостероидтар қолданудың асқынуларға әкелуі мүмкін екені ескертілуі тиіс.

Көру бұзылуы

Жүйелік және жергілікті кортикостероидтарды қолданғанда көрудің бұзылуы білінуі мүмкін. Егер пациентте анық көрмеу немесе көрудің басқа бұзылыстары сияқты симптомдар болса, жүйелік және жергілікті кортикостероидтарды қолданудан кейін байқалған катаракта, глаукома немесе орталық серозды хориоретинопатия (ОСХР) сияқты сирек ауруларды қамтитын болжамды себептерін бағалау үшін офтальмологқа қаралу қажет.

Пульмикорт® препараты демікпенің өршу симптомдарын жылдам басуға арналмаған; осы мақсаттарда тез әсер ететін бронх кеңейтетін дәрілер пайдаланылады. Егер тез әсер ететін бронходилататормен емдеу тиімді болмаса немесе ингаляцияны әдеттегіден көп мөлшерде жасау қажет болса, пациент дәрігерге қаралуы тиіс. Осы оқиғада жүйелі қабылданатын препараттардың (мысалы, ингаляциялық будесонид) дозаларын арттыру немесе ұзақ әсер ететін бета-агонистерді емге қосу және пероральді глюкокортикостероидтармен емдеу курсын өткізу қажет болуы мүмкін.

Сақтықпен (өте мұқият қадағалау талап етіледі): тыныс алу мүшелерінің зеңдік, вирустық және бактериялық инфекциялары, бауыр циррозы бар пациенттерге тағайындалады. Тағайындау барысындаглюкокортикостероидтардың жүйелік әсерінің көрініс беру мүмкіндігін назарға алу керек.

Жүктілік немесе лактация кезінде

Жануарларға жүргізілген зерттеулер глюкокортикостероидтардың даму бұзылуын туындатуы мүмкін екенін көрсетті. Бұл нәтижелердің адамдарға қатысты релевантты болу ықтималдығы аз. Пульмикорт® препаратын жүкті әйелдерде қабылдау аясында шаранада даму аномалиялары қаупінің артуы анықталмады, дегенмен де, олардың даму қаупін толық жоққа шығаруға болмайды, сондықтан жүктілік кезінде бронх демікпесі ағымының нашарлау қаупін де ескере отырып, Пульмикорт® препаратының ең төмен тиімді дозасын пайдалану керек. Препарат тағайындалғанда ана үшін болжанатын пайда мен сәби үшін ықтималды қауіп арақатынасын есепке алу керек.

Будесонид емшек сүтімен бөлінеді. Алайда Пульмикорт® препаратын емдік дозаларда қолданғанда емізулі сәбиге ешқандай әсері күтілмейді, себебі емшекпен қоректенетін балалардағы жүйелік экспозициясы мардымсыз. Препарат тағайындалғанда ана үшін болжанатын пайда мен сәби үшін ықтималды қауіп арақатынасын есепке алу керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Пульмикорт® пациенттердің көлік құралдарын басқару немесе жоғары зейін қою мен психомоторлық реакциялар шапшаңдығын талап ететін басқа аса қауіпті қызмет түрлерімен шұғылдану қабілетіне ықпал етпейді.

Қолдану жөніндегі нұсқаулар

Дозалау режимі

Препарат дозасы әркімге жеке таңдалады. Егер ұсынылатын тәуліктік доза 1 мг/тәуліктен аспаған жағдайда препараттың бүкіл дозасын бір қабылдаумен (бір мезгілде) алуға болады. Егер қажет болатын тәуліктік доза 1 мг/тәуліктен жоғары болса, оны 2 қабылдауға бөлу ұсынылады. Балаларға ең жоғары тәуліктік доза (2 мг/тәулік) тек ауыр демікпе жағдайында және шектеулі уақыт кезеңінің ішінде ғана тағайындалуы тиіс.

Ұсынылатын бастапқы доза

3 айлығынан 12 жасқа дейінгі балалар: тәулігіне 0.5-1 мг.

12 жастан бастап және одан үлкен балалар, ересектер/егде жастағы пациенттер: 2 қабылдауға бөлінген тәулігіне 1-2 мг. Өте ауыр жағдайларда дозаны арттыруға болады.

Демеуші ем кезіндегі доза

3 айлығынан 12 жасқа дейінгі балалар: тәулігіне екі рет 0.25- 0.5 мг.

12 жастан бастап және одан үлкен балалар, ересектер/егде жастағы пациенттер: тәулігіне екі рет 0.5-1 мг. Ауыр өршулер жағдайында дозаны арттыруға болады.

Дозаны белгілеуге арналған кесте

Доза, мг

Препарат көлемі

Пульмикорт®, ингаляцияға арналған суспензия

0.25

0.5

0.75

1

1.5

2

0.25 мг/мл0.5 мг/мл

1 мл*-

2 мл-

3 мл-

4 мл2 мл

- 3 мл

-4 мл

*- натрий хлоридінің 0,9% ерітіндісімен немесе небулайзерге арналған ерітіндімен 2 мл көлемге дейін сұйылту керек

Барлық пациент үшін ең төмен тиімді демеуші дозаны анықтап алған дұрыс.

Қосымша емдік әсерге жету қажет болған жағдайда, жүйелік әсерлердің өте төмен даму қаупіне орай, препараттың пероральді глюкокортикостероидтармен біріктірілімі орнына, Пульмикорт® препаратының тәуліктік дозасын (1 мг/тәулікке дейін) арттыруға кеңес беруге болады.

Қыспақ

Қыспаққа шалдыққан сәбилер мен балаларды емдеу үшін небулайзерді пайдаланғанда ұсынылатын будесонид дозасы 2 мг құрайды. Доза бірден енгізіледі немесе 30 минут аралықпен 2 ретке (1 мг) бөлінеді. Келесі дозаны 12 сағат өткен соң енгізуге болады. Емдеу 36 сағаттан аспайтын уақытқа немесе клиникалық симптомдардың жақсаруына дейін жалғасады.

Пациенттердің ерекше топтарында қолдану

Пероральді глюкокортикостероидтар қабылдап жүрген пациенттер

Пероральді глюкокортикостероидтар қабылдауды пациенттің тұрақты денсаулық жағдайы аясында бастау қажет. Пероральді глюкокортикостероидтарды дағдылы дозада қабылдау аясында Пульмикорт® препаратының жоғары дозасын 10 күн бойы қабылдау қажет. Әріқарай бір ай бойы пероральді глюкокортикостероидтар дозасын (мысалы, 2.5 мг преднизолон немесе оның аналогы) ең төмен тиімді дозаға дейін біртіндеп азайту керек. Көптеген жағдайларда пероральді глюкокортикостероидтар қабылдаудан толық бас тартуға болады.

Небулайзер көмегімен суспензия түрінде қолданылатын Пульмикорт® препараты ішке тартқанда өкпеге түсетіндіктен, пациентке препаратты небулайзер мүштігі арқылы қалыпты және біркелкі деммен тарту туралы нұсқау беру маңызды.

Будесонидті бүйрек жеткіліксіздігі немесе бауыр функциясының бұзылуы бар пациенттерде қолдану жөнінде деректер жоқ. Будесонидтің бауырдан биотрансформация арқылы шығарылуын ескеріп, бауыр циррозы айқын пациенттерде препараттың әсер ету ұзақтығының артуын күтуге болады.

Енгізу әдісі және жолы

Небулайзер көмегімен Пульмикорт®, ингаляцияға арналған суспензия препаратын қолдану

Пульмикорт® суспензия түрінде мүштікпен және/немесе арнайы бетпердемен жабдықталған тиісті небулайзер пайдаланумен ингаляция жасау үшін қолданылады. Небулайзер қажетті ауа ағынын (5-8 л/мин) жасау үшін компрессорға жалғанады, небулайзерді толтыру көлемі 2-4 мл құрауы тиіс.

Пациентті мыналардан хабардар ету маңызды:

- препаратты қолдану жөніндегі нұсқаулықты мұқият оқып шығу;

- Пульмикорт®, ингаляцияға арналған суспензия препаратын қолдануға ультрадыбыстық небулайзерлер сай келмейді;

- Пульмикорт®, ингаляцияға арналған суспензиясын натрий хлоридінің 0.9% ерітіндісімен немесе тербуталин, сальбутамол, фенотерол, ацетилцистеин, натрий кромогликаты және ипратропиум бромиді ерітінділерімен араластырады; сұйылтылған суспензияны 30 минут ішінде пайдалану керек;

- ингаляциядан кейін ауыз-жұтқыншақтың инфекция жұқтыру қаупін төмендету үшін ауызды сумен шаю керек;

- теріні тітіркендірмес үшін бетпердені пайдаланудан кейін бет терісін сумен жуған жөн;

- небулайзерді дайындаушы нұсқауларына сәйкес жүйелі тазалау ұсынылады.

Бала небулайзер арқылы өз бетінше демін ішке тарта алмаған жағдайларда арнайы бетперде қолданылады.

Артық дозалану жағдайында қабылдау қажет шаралар

Пульмикорт® препаратымен ұсынылуынан едәуір асып кететін дозаларда артық дозаланғанда клиникалық көріністері туындамайды. Препаратты ұсынылуынан едәуір асып кететін дозаларда ұзақ уақыт пайдаланғанда гиперкортицизм және бүйрек үсті бездері функциясының бәсеңдеуі түрінде жүйелі глюкокортикостероидтық әсері дамуы мүмкін.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Пульмикорт® препаратын қолдану тәсіліне қатысты қандай да бір сауалдар туындаған жағдайларда пациентке осы дәрілік препаратты қолдану тәсілін түсіндіру үшін медициналық қызметкер кеңесіне жүгіну ұсынылады.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз реакциялар жиілігі келесі бөліктеу түрінде берілген: өте жиі (>1/10), жиі (>1/100, <1/10), жиі емес (>1/1000, <1/100), сирек (>1/10000, <1/1000), өте сирек (<1/10000) және жиілігі нақты емес (алынған деректерден жиілігін бағалау мүмкін емес).

Жиі

- ауыз-жұтқыншақ кандидозы, пневмония (ӨСОА бар пациенттерде)

- жөтел, тамақ шырышты қабығының тітіркенуі

Жиі емес

- катаракта, анық көрмеу

- мазасыздық, депрессия

- тремор

- бұлшықеттің түйілуі

Сирек

- шұғыл және баяу типті аса жоғары сезімталдық реакциялары (бет терісінің тітіркенуі), бөртпені, жанаспалы дерматит, есекжемді, ангионевроздық ісіну мен анафилаксиялық реакцияны қоса

- кортикостероидтордың жүйелік әсерлерінің белгілері мен симптомдары, бүйрек үсті бездері функциясының бәсеңдеуін және бой өсу кідірісін (балаларда) қоса

- қозу күйі, күйгелектік, мінез-құлық өзгерістері (көбінесе балаларда)

- бронх түйілуі, дисфония, дауыс қарлығуы

- теріде көгерген дақтар болуы

Белгісіз

- глаукома

- ұйқы бұзылуы, психомоторлық аса жоғары белсенділік, озбырлық

Күтілетін дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласу керек

«Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 мл суспензия құрамында

белсенді зат - 0.25 немесе 0.5 мг микрондалған будесонид,

қосымша заттар: динатрий эдетаты, натрий хлориді, полисорбат 80, сусыз лимон қышқылы, натрий цитраты, инъекцияға арналған су.

Сыртқы түрінің, иісінің, дәмінің сипаттамасы

Шөгінді түзілгенде оңай қайта суспензияланатын ақтан ақ дерлік түске дейінгі суспензия.

Шығарылу түрі және қаптамасы

Ашуға арналған бедерлі сызығы бар тығыздығы төмен полиэтиленнен жасалған ампулаларда 2 мл препараттан.

Көп қабатты фольгадан жасалған конвертке салынған бір жиынтыққа термодәнекерлеу арқылы 5 ампуладан біріктірілген.

Медициналық қолдану жөніндегі қазақ және орыс тілдеріндегі нұсқаулықпен бірге 4 конверттен картон қорапшаға салынады.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

АстраЗенека АБ, СЕ-151 85, Сёдерталье, Швеция

Тел.: +46 8 553 260 00

Факс: +46 8 553 290 00

adverse.events.kz@astrazeneca.co

Тіркеу куәлігінің ұстаушысы

АстраЗенека АБ, SE-151 85, Сёдерталье, Швеция

Тел.: +46 8 553 260 00

Факс: +46 8 553 290 00

adverse.events.kz@astrazeneca.com

Қазақстан Республикасы аумағында тұтынушылардан дәрілік заттар сапасы жөнінде шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«АстраЗенека Ю-Кей Лимитед» ЖАҚ өкілдігі,

Қазақстан Республикасы, Алматы қ. 050022

Шевченко к-сі, 144

Телефон: +7 727 232 14 15; +7 701 0326745

e-mail: adverse.events.kz@astrazeneca.com

Дәріханалар

Тауар артығымен бар
Тауар аз қалды
Аптека №189
ул. Желтоксан 24 А
Круглосуточно
Аптека № 246, Кызылорда (мкр. Шугыла)
Кызылординска Область. Г. Кызылорда ,м/а шугыла д 53
Круглосуточно
Аптека № 256, Кызылорда (Жана базар)
г. Кызылорда, ул. Коркыт Ата, 84 А
Круглосуточно
Аптека № 254, Кызылорда (ТД Сырдария)
г.Кызылорда ул.Журба 65 рядом ТЦ Сырдарья
Круглосуточно
Аптека № 245, Кызылорда (ул.Желтоксан д.8А)
г. Кызылорда, ул. Желтоксан, д.8А
Круглосуточно
Аптека № 12 ПТ Кызылорда (Арай Молл)
г. Кызылорда, ул. Жибек жолы, 13А
Круглосуточно
Аптека №130
г.Кызылорда, ул.Абая 28а
Круглосуточно
Аптека №293
ул. Саламатова 16А
Круглосуточно
Аптека №299
ул. Толыбекова 14 А
09:00-22:00