Ротокан 50 мл раствор

Сипаттама

Дәрілік затты медициналық қолдану

жөніндегі нұсқаулық

Ротокан

Саудалық атауы

Ротокан.

Халықаралық патенттелмеген атауы

Жоқ.

Дәрілік түрі

Сыртқа қолдануға арналған сұйықтық 30 мл, 50 мл, 100 мл.

Құрамы

1 литр препараттың құрамында

белсенді заттар:

түймедақ гүлдері500,0 г

қырмызыгүл гүлдері250,0 г

мыңжапырақ шөбі250,0 г

қосымша заттар – 96% этанол, тазартылған су.

Сипаттамасы

Қызыл-сары реңді, қою-қоңыр түсті өзіне тән иісі бар сұйықтық

Сақтаған кезде тұнба түзілуі мүмкін.

Фармакотерапиялық тобы

Ауыз қуысы ауруларын емдеуге арналған басқа да препарат.

АТХ коды А01АD11

Фармакологиялыққасиеттері

Препараттың қабынуға қарсы, жара жазғыш, антисептикалық, гемостаздық әсері бар. Препарат грануляция өсуінің артуы есебінен регенерация үдерістерін жылдамдатады, эпителизацияны жақсартады және жергілікті қорғаныс механизмдерін арттырады.

Қолданылуы

- ауыз қуысы шырышты қабығының қабыну ауруларында және шығу тегі әртүрлі пародонтта (афтозды стоматит, пародонтит, ойық жаралы-некроздық гингивостоматит) қолданылады.

Қолдану тәсілі және дозалары

Ротокан сулы ерітінді түрінде қолданылады, оны қолданар алдында стақандағы қайнатылған жылы суға препараттың 1 шәй қасығын қосу арқылы дайындайды. Ауыз қуысы шырышты қабығының ауруларында 2-5 күн бойы тәулігіне 2-3 рет аппликация (15-20 мин) немесе ауыз былаулары (1-2 мин) пайдаланылады. Пародонт ауруларын емдеу тіс тасын алғаннан және патологиялық қызылиек қалталарын қырнағаннан кейін жүргізіледі. Қызылиек қалталарына күнделікті немесе күнара (4-6 рет) 20 минутқа препарат ерітіндісіне молынан малынған жұқа турундалар енгізіледі.

Жағымсыз әсерлері

Тері бөртпелері, қышу түріндегі аллергиялық реакциялар болуы мүмкін.

Қолдануға болмайтын жағдайлар

- препарат компоненттеріне жоғары сезімталдықта;

- бауыр функциясының ауыр бұзылыстарында;

- бүйрек функциясының ауыр бұзылыстарында;

- бассүйек-ми жарақатында, бас миы ауруларында;

- алкоголизмде.

Дәрілермен өзара әрекеттесуі

Анықталмаған.

Айрықша нұсқаулар

Балалар

6 жастан бастап дәрігердің тағайындауы бойынша қолдануға болады.

Жүктілік, лактация кезеңінде

Дәрігердің тағайындауы бойынша қолдануға болады.

Препараттың автокөлікті немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Анықталмаған.

Шығарылу түрі және қаптамасы

30 мл, 50 мл 100 мл-ден полиэтилен тығынмен тығындалған винтті мойны және алюминий қалпақшалармен тығындалған бұралатын пластмасса қақпақтары бар шыны массадан жасалған құтыларда. Құтылар мемлекеттік жәнеорыс тілдеріндегі қолданылуы жөніндегі нұсқаулықпен бірге картон қорапшаға салынған.

Сақтау шарттары

Жарықтан қорғалған жерде, 25^о С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Жарамдылық мерзімі өткеннен кейін препаратты қолдануға болмайды.

Босатылу шарттары

Рецептісіз.

Өндіруші

«ДАУЛЕТ-ФАРМ» ЖШС, Қазақстан Республикасы.

Тіркеу куәлігінің иесі

«ДАУЛЕТ-ФАРМ» ЖШС, Қазақстан Республикасы.

Қазақстан Республикасы аумағында тұтынушылардан өнім (тауар)сапасына қатысты шағымдарды қабылдайтынұйымның мекенжайы:

«ДАУЛЕТ-ФАРМ» ЖШС, Қазақстан

Алматы қ-сы, Тополевская к-сі, 157 К

Телефон, 383-95-08 факс 383-95-08,

E-mail daulet-farm@mail.ru

Дәріханалар

Қалалар