Слезол Форте 15 мл капли глазные

Сипаттама

Дәрілік затты медициналық қолдану жөніндегі нұсқаулық

СЛЕЗОЛ ФОРТЕ

Саудалықатауы

Слезол Форте

Халықаралық патенттелмегенатауы

Жоқ

Дәріліктүрі

Көзгетамызатын дәрі 15 мл

Құрамы

1 мл препараттың құрамында

белсенді заттар: 1 мг декстран 70,

3 мг гипромеллоза,

қосымша заттар: бензалконий хлориді, натрий хлориді, калий хлориді, натрий тетрабораты, натрий гидроксидінің ерітіндісі немесе хлорсутек қышқылы, инъекцияға арналған су.

Сипаттамасы

Мөлдір түссіз ерітінді

Фармакотерапиялық тобы

Cезім ағзалары. Басқа офтальмологиялық препараттар. Жасанды көз жасы және басқаиндифферентті препараттар

АТХ коды S01XA20

Фармакологиялық қасиеттері

Фармакокинетикасы

Слезол жүйелі қан ағысына өтпейді, жергілікті қолдануға арналған.

Фармакодинамикасы

Офтальмологияда жергілікті қолдануға арналған дәрі. Гипромеллоза мөлдір қабық эпителийінің протекторы болып табылады, жағынды және жұмсартатын әсері бар, ерітіндінің мөлдір қабықпен жанасу ұзақтығын арттыратын жоғары тұтқырлыққа ие. Ерітіндінің сыну көрсеткіші табиғи көз жасына ұқсас. Көз жасы үлбірінің қайта қалпына келуіне, тұрақтылығына және оптикалық сипатының қайта жаңғыруына ықпал етеді. Слезол Форте құрамында көз жасы үлбірінің тұрақтылығын жоғарылататын табиғи көз жасы сұйықтығымен үйлесетін декстран бар. Препарат көз жасы сұйықтығы тапшылығының орнын толтырады және мөлдір қабықтың ылғалдануын жақсартады.

Қолданылуы

- құрғақ көз синдромында

- мөлдір қабықтық синдромды жеңілдетуге (оның ішінде жайсыздық, шымдылдатып ашыту, бөгде затты сезіну)

Қолдану тәсілі және дозалары

Тек жергілікті қолдануға арналған.

Препаратты қажеттілігіне қарай зақымданған көздің (көздердің) конъюнктивальді қапшығына 1 – 2 тамшыдан тамызады.

Емдеуді бастағаннан кейін 3 күн ішінде әсері болмаса, препаратты қолдануды тоқтату керек.

Қабаққа немесе көзге тамшылатқыш ұшын тигізуге болмайды.

Жағымсызәсерлері

Жағымсыз құбылыстардың жалпы бейіні

Клиникалық зерттеулер барысында көрудің бұлыңғырлануы анағұрлым жиі байқалған.

Төменде келтірілген жағымсыз құбылыстар мынадай кездесу жиілігіне сәйкес жіктеледі: өте жиі (>1/10), жиі (>1/100-ден <1/10 дейін), жиі емес (>1/1 000-на <1/100 дейін), сирек (>1/10 000-нан <1/1 000 дейін), өте сирек (<1/10 000), белгісіз жиілікпен (жиілігін қолда бар деректер негізінде бағалау мүмкін емес). Жағымсыз құбылыстардың әр тобында күрделілігінің кемуі тәртібімен көрсетіледі.

Иммун жүйесі тарапынан бұзылулар: Жиілігі белгісіз: аса жоғары сезімталдық.

Жүйке жүйесі тарапынан бұзылулар: Жиі емес: бас ауыруы.

Көру мүшелері тарапынан бұзылулар: Өте жиі: көрудің бұлыңғырлануы, Жиі: «құрғақ» көз синдромының қалдық құбылыстары, қабақ тарапынан болатын бұзылулар, көздегі әдеттен тыс сезінулер, бөгде денені сезіну, көздегі жайсыздық. Жиі емес: көздің қышынуы, көздің тітіркенуі, көз гипестезиясы. Жиілігі белгісіз: қабақ эритемасы, конъюнктиваның ісінуі, көздің ауыруы, көзден ағып шығатын бөліністер, қабақ шетіндегі қабыршықтану, жас ағу.

Жалпы бұзылыстар және енгізген орындағы бұзылулар: Жиі емес: теріде жайсыздықты сезіну.

Қолдануға болмайтын жағдайлар

- препарат компоненттерінің қандай да біріне аса жоғары сезімталдық

Дәрілермен өзара әрекеттесуі

Басқа жергілікті офтальмологиялық дәрілермен бір мезгілде пайдалану кезінде инстилляциялау аралығы 10 - 15 минуттан кем болмауы керек.

Айрықша нұсқаулар

Препарат құрамында бензалконий хлориді бар, ол көздің тітіркенуін туғызуы және жұмсақ жанаспалы линзаның түсін өзгертуі мүмкін. Жанаспалы линзаны пайдаланатын пациенттер, препаратты тамызардың алдында оларды шешіп қойып, препаратты қолданғаннан кейін 15 минуттан соң қайта тағу керек.

Кез келген аса жоғарысезімталдық белгілері пайда болған кезде препаратты қолдануды тоқтату керек.

Педиатрияда қолдану

Препарат құрамында бензалконий хлориді болғандықтан 8 жасқа дейінгі балаларға қолдануға болмайды.

Жүктілік және лактация кезеңі

Жүкті әйелдерде және бала емізетін аналарда талапқа сай және бақыланатын зерттеулер жүргізілген жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Инстилляциядан кейін бірден көру анық болмауы мүмкін, ол көлікті басқаруда және механизмдермен жұмыс жасау кезінде қиындық туғызуы мүмкін. Инстилляциядан кейін 15 минут өткен соң жұмыс жасау ұсынылады.

Артықдозалануы

Слезол Форте препаратының артық дозалануы жөнінде деректер жоқ.

Шығарылу түрі және қаптамасы

15 мл препараттан сақтандырғыш сақинасымен жабдықталған, бұралып жабылатын қорғағыш қалпақшасы және тамшылатқыш-тығыны бар пластик құтыға құйылған.

1 құты медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Құтыны ашқаннан кейін препаратты 4 апта ішінде пайдалану керек.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Уорлд Медицин Илач Сан.веТидж. А.Ш.», 15 Теммуз Мах., Джами Йолу Джад. № 50 Гюнешли Багджылар, Стамбул, Түркия

Сауда белгісінің және тіркеу сертификатының иесі «УОРЛД МЕДИЦИН ОФТАЛЬМИКС» компаниясы болып табылады, ҰЛЫБРИТАНИЯ

Тіркеу куәлігінің ұстаушысы

«УОРЛД МЕДИЦИН ОФТАЛЬМИКС», Граунд Фло, Гадд Хаус, Аркадиа Авеню, Финчли, Лондон қ., N3 2JU, Ұлыбритания

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды поштасы)

«TROKA-S PHARMA» ЖШС,

ҚР, Алматы қ., Түрксіб ауданы, Сүйінбай даңғ., 222 б

Тел/факс: 8(7272) 529090

Сайт: www.worldmedicine.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды поштасы)

«TROKA-S PHARMA» ЖШС,

ҚР, Алматы қ., Түрксіб ауданы, Сүйінбай даңғ., 222 б

Ұялы тел +7 701 786 33 98, (24 сағат бойы).

Электронды поштасы: pvpharma@worldmedicine.kz

Дәріханалар