Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
СҰЙЫҚ СТАФИЛОКОККТЫҚ БАКТЕРИОФАГ
(Bacteriophagum Staphylococcicum Liquidum)
Саудалық атауы
СҰЙЫҚ СТАФИЛОКОККТЫҚ БАКТЕРИОФАГ
(Bacteriophagum Staphylococcicum Liquidum)
Халықаралық патенттелмеген атауы
Жоқ
Дәрілік түрі
Ішуге, жергілікті және сыртқа қолдануға арналған 20 мл-лік құтылардағы стерильді сұйықтық.
Құрамы
1 мл препараттың құрамында
белсенді зат - Staphylococcus aureus бактериялары фаголизаттарының стерильді фильтраттарының қоспасы – фаг титрі 1х106 кем емес
Сипаттамасы
Өзіне тән дәмі бар, қарқындылығы әртүрлі сары түсті мөлдір сұйықтық.
Фармакотерапиялық тобы
Бактерияға қарсы басқа препараттар. Бактерияға қарсы басқа да препараттар.
АТХ коды J01XХ
Фармакологиялық қасиеттері
Фармакокинетикасы
Қолдану тәсіліне байланыссыз бактериофаг препараттары қанға және лимфаға сіңіп, қабыну ошағына түседі. Препараттың негізгі бөлігі несеп шығару жолдарын санациялау әсерін көрсету арқылы бүйрекпен, ал қалған бөлігі асқазан-ішек жолы арқылы шығарылады.
Фармакодинамикасы
Бактериофаг гомологиялық бактерияның жасуша жарғақшасында сіңірілетін бактерияның спецификалық вирусы болып табылады, жасушаға өтеді және оны ерітеді. Сұйық Стафилококктық Бактериофаг құрамына іріңді инфекциялар кезінде бөлінген Staphylococcus aureus еріту қабілеті бар бактериялардың іріктелген, тек вирулентті фагтары кіреді.
Қолданылуы
Препарат барлық жас топтарында Staphylococcus aureus-тен болатын бактериялық іріңді-қабыну ауруларын кешенді емдеу және профилактикасында қолданылады
Емдеу
- хирургиялық инфекциялар: іріңді жара, күйік, абсцесс, флегмона, фурункул, карбункул, гидраденит, панариций, парапроктит, мастит, бурсит, остеомиелит
- урогенитальді инфекциялар: уретрит, цистит, пиелонефрит, кольпит, эндометрит, сальпингоофорит
- гастроэнтерологиялық аурулар: энтероколит, холецистит, ішектің тітіркену синдромы (ІТС) (дисбактериоз)
- жоғарғы және төменгі тыныс алу жолдарының бактериялық инфекциялары: мұрын қойнауларының, ортаңғы құлақтың қабынулары, баспа, фарингит, ларингит, трахеит, бронхит, пневмония, плеврит
Профилактика
-жаңа жарақаттарды өңдеу,
-хирургиялық манипуляциялар мен операциялар кезіндегі іріңді асқынулар
- жедел респираторлық-вирустық аурулар кезіндегі бактериялық асқынулар
- емдеу мекемелеріндегі бактериялық ластану және ауруханаішілік инфекциялар
Қолдану тәсілі және дозалары
Препарат бактерияға қарсы басқа да дәрілермен қосылып, сондай-ақ пациент антибиотикпен емдеуді көтере алмаған және ауруды қоздырушы штаммдар антибиотикке төзімді болған кезде монотерапия ретінде пайдаланылады. Препаратты пайдаланар алдында ауру қоздырғышыныңстафилококктық бактериофагқа сезімталдығын айқындау мақсатқа сай келеді. Препарат, әсіресе, аурудың бастапқы сатысында және тікелей зақымдану ошағында қолданғанда тиімді.
Қабыну ошағының орналасуын есепке алумен, сұйық Стафилококктық Бактериофаг препаратын былайша қолдануға болады:
жергілікті – бүрку, жуу, шаю, құю, тамызу, жабыстыру, тампондар, шиыршық мақталар;
ішке қабылдау жолымен.
Жергілікті зақымданулары бар іріңді-қабыну ауруларын емдеуге арналған Сұйық Стафилококктық Бактериофаг әрі жергілікті, әрі ішке қабылдау үшін бір мезгілде тағайындалады (per os).
Препаратпен емдеу курсының ұзақтығы – 5-тен 10 күнге дейін.
Препарат дозасы инфекция ошағының сипатына қарай анықталады және бүрку, сулау, тампондар үшін –200 мл дейін (зақымдалған бөлік өлшемдерін ескеріп) құрайды.
5-10 мл – гинекологиялық іріңді-қабыну ауруларында қынапты бүрку немесе тампондау үшін; күніне бір рет тампондайды (тампонды 2 сағат қалдырады);
10 мл – кольпит кезінде бүрку немесе тампондау үшін; күніне 2 рет тампондайды (тампонды 2 сағат қалдырады);
2-10 мл – құлақ, тамақ, мұрынның іріңді-қабыну ауруларында бүрку, шаю, жуу, тамызу, мақта шиыршықтарын сулау үшін, емшараны күніне 1-3 рет жүргізеді (мақта шиыршығын 1 сағат қалдырады). 11 жасқа дейінгі балаларға бадамша бездерді шприцтің (немесе үргіштің) көмегімен өңдеп, препаратты жұртқыншақтың артқы жағын өңдеу үшін мұрынға тамызған дұрыс; ересек жастағы балаларға аңқаны шайып, препараттың аз мөлшерін (2 мл) мұрынға тамызуға болады.
Цистит, пиелонефрит, уретрит кезінде бактериофаг ішке қабылданады. Стоматит пен созылмалы пародонтитті емдегенде препарат күніне 3-4 рет 10-20 мл дозада ауыз қуысын шаю түрінде қолданылады, сондай-ақ бактериофаг сіңдірілген мақта шиыршықтарыпародонтталған қалталарға 5-10 минутқа енгізіледі.
Ішек аурулары, тітіркенген ішек синдромы (дисбактериоз) кезінде, Сұйық Стафилококктық Бактериофаг ішке және клизмалар түрінде қолданылады. Препарат тамақтануға дейін 1 сағат бұрын ашқарынға қабылданады. Клизмалар түрінде ішек босатылғаннан кейін күніне 1 рет, кешкілік, ұйықтар алдында тағайындалады.
Препараттың ұсынылған дозалары:
| жасы | ішке | клизмада |
| 6 айға дейін | 5 мл хкүніне 1 рет | 10 мл х күніне 1 рет |
| 6-дан 12 айға дейін | 5 мл хкүніне 2 рет | 10 мл хкүніне 1 рет |
| 1 жастан 3 жасқа дейін | 5 мл хкүніне 3 рет | 20 мл хкүніне 1 рет |
| 3 жастан 8 жасқа дейін | 10 мл хкүніне 2-3 рет | 30 мл хкүніне 1 рет |
| 8 жастан асқан | 20 мл хкүніне 2-3 рет | 40 мл хкүніне 1 рет |
Профилактика
Профилактика үшін пайдаланылатын дәрілік заттың дозасы мен курсын тағайындау науқастың ахуалына қарай белгіленеді.
Сұйық Стафилококктық Бактериофаг профилактика мақсатында операциядан кейінгі жараларға бүрку және жаңа жарақаттарды өңдеу үшін 50 мл мөлшерінде қолданылады.
Сұйық Стафилококктық Бактериофаг профилактика мақсатында күйіктер, іріңді-қабыну аурулары, жұқтырылған жаралар, баспа кезінде тері жабындарына және шырышты қабықтарға бүрку үшін пайдалануға болады.
Егер Сұйық Стафилококктық Бактериофагты жергілікті қолдануға дейін фурацилиннен басқа химиялық антисептик пайдаланылған жағдайда жараны натрий хлоридінің физиологиялық ерітіндісімен немесе 2-3% сода ерітіндісімен (натрий гидрокарбонаты) жуып-шайған жөн.
Жағымсыз әсерлері
Бактериофаг препараттары уытты емес. Сұйық Стафилококктық Бактериофаг қолданумен байланысты ұнамсыз әсерлер мен реакциялар болған жоқ.
Қолдануға болмайтын жағдайлар
препараттың қандай да бір компонентіне аса жоғары сезімталдық
Дәрілермен өзара әрекеттесуі
Бактериофаг препараттарының дәрілік өзара әрекеттесулері сипатталмаған.
Бактериофаг препараттарын басқа да дәрілік заттармен, соның ішінде бактерияға қарсы препараттармен қолдануға болады.
Айрықша нұсқаулар
Пайдаланар алдында препаратты шайқау қажет. Препарат бұлыңғырланғанда қолданылмайды.
Егер бактериофаг қолдануға дейін жараны өңдеу үшін химиялық антисептиктер пайдаланылған болса, жарақатты натрий хлоридінің 0,9% стерильді ерітіндісімен мұқият жуып-шаю қажет.
Құтыны ашу әрі препаратты жинау және сақтау кезінде келесі ережелер қадағалануы тиіс:
- қолды мұқият жуған жөн;
- құтының қалпақшасын шешпес бұрын оны спирті бар ерітіндімен өңдеу керек;
- қалпақшаны шешкенде тығынын суырып алмаған дұрыс;
- ашылған құтыдан препаратты стерильді шприцпен сорып алу керек (тығынды тесу арқылы);
- еген құтыны ашқан кезде қалпақшамен бірге тығыны алынып қалса, оны үстелге ішкі жағына қаратып қоюға болмайды; құты ашық қалмау керек; препаратты сорып алғаннан кейін оны тығынмен жапқан жөн;
- ашылған құтыны тоңазытқышта сақтау қажет, мұздатып қатыруға болмайды.
Тиісті жағдайларда сақталған болса, құтының ішіндегісін ашылғаннан кейін 24 сағат ішінде қолдануға болады.
Жүктілік және лактация кезеңі
Бактериофаг препараттарын жүктілік пен лактация кезеңінде қолдануға болады.
Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері
Бактериофаг препараттары автокөлік басқару және жоғары зейін шоғырландыру және қозғалыс реакциясы талап етілетін жұмысты орындау қабілетіне әсерін тигізбейді.
Артық дозалануы
Бактериофаг препараттарымен артық дозалану симптомдары белгісіз.
Шығарылу түрі және қаптамасы
20 мл-ден медициналық шыны құтыда. 4 құты препараттан медициналық қолдану жөніндегі мемлекеттік және орыс тіліндегі нұсқаулықпен бірге картон қорапта.
Сақтау және тасымалдау шарттары:
2oС-ден 25oС-ге дейінгі температурада сақтау керек.
Бүкіл тасымалдау уақыты бойы тұрақты терморежим қамтамасыз етілетін барлық жабық көліктің түрлерімен 2oС-ден 25oС-ге дейінгі температурада тасымалдауға жол беріледі.
Балалардың қолы жетпейтін жерде сақтау керек!
Бұлыңғырланған бактериофаг препараттарын қолдануға болмайды.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Биохимфарм АҚ», Грузия
Мекенжай: Л. Готуа к-сі 3,Тбилиси 0160, Грузия,
Тел.: +995 32 2 244777 / 2 244778, факс: +995 32 2 380895;
Эл.пошта: biochimpharm@geophage.ge;
Веб-беті: www.biochimpharm.ge
Тіркеу куәлігінің иесі
«Биохимфарм АҚ»,Грузия
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:
ҚР өкілдігі Алматы қ., 050012 Гоголь к-сі 155, 38 пәтер
телефон + 7707 7232772
+7 7272259459
электронды пошта: mss001@mail.ru
