Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
Терафлекс® Адванс
Саудалық атауы
Терафлекс® Адванс
Халықаралық патенттелмеген атауы
Жоқ
Дәрілік түрі
Капсулалар
Құрамы
Бір капсуланың құрамында
белсенді заттар: 250 мг глюкозамин сульфаты, 200 мг хондроитин сульфаты (натрий хондроитин сульфаты түрінде), 100 мг ибупрофен (66% ибупрофеннің қоспасы түрінде),
қосымша заттар: силикатталған микрокристалды целлюлоза, желатинделген жүгері крахмалы, стеарин қышқылы, натрий крахмалы гликоляты, кросповидон, магний стеараты, поливинил¬пирролидон, кремнийдің қостотығы
Капсула құрамы: желатин, титанның қостотығы (Е 171), көгілдір лак FD&C №1 (Е133).
Сипаттамасы
«THERAFLEX ADVANCE» жазуы бар ақ корпусты, көгілдір қақпақты, өлшемі №0 болатын, қатты желатинді капсулалар. Капсула ішіндегісі: ақ немесе болымсыз ақ реңді, әлсіз иісі бар ұнтақ.
Фармакотерапиялық тобы
Тірек-қимыл аппараттары ауруларын емдеуге арналған басқа да препараттар.
АТX коды М09АХ
Фармакологиялық қасиеттері
Хондроитин сульфаты шеміршек тінінің қалпына келуіне ықпал етеді, оны бұзылулардан қорғайды, буындардың қимылын жақсартады.
Қабынуға қарсы әсері бар, ауыру синдромының қарқындылығын төмендетуге ықпал етеді.
Глюкозамин сульфаты протеогликандар мен гиалурон қышқылының, хондроитин күкірт қышқылының, басқа да шеміршек тіндеріне және буын ішілік сұйыққа, буын қабығы құрамына енетін заттардың синтезін белсенділендіреді.
Ибупрофен ауырғанды жылдам басатын, қабынуға қарсы, ыстықты түсіретін әсері бар.
Терафлекс® Адванс препаратықимыл шектелуін азайтып, буындардағы қозғалыс көлемін ұлғайтуға ықпал етеді.
Қолданылуы
Қолдану тәсілі және дозалары
Ересектер 2 капсуладан тәулігіне 2-3 рет астан кейін қабылдайды. Капсуланы ішке аздаған сумен ішіп қабылдайды. Қабылдау ұзақтығы 20 күннен аспауы керек. Ең жоғарғы күнделікті доза 12 капсула. Ауыру синдромын жойғаннан кейін Терафлекс капсулалар препаратымен емдеуді жалғастыру керек.
Жағымсыз әсерлері
Болуы мүмкін:
-жүрек айнуы, іштің ауыруы, метеоризм, диарея немесеіш қату
-бастың ауыруы, ұйқы бұзылуы, бастың айналуы
-аллергиялық реакциялар.
Препаратты тоқтатқан соң барлық көріністер тоқтайды
Қолдануға болмайтын жағдайлар
-препараттың кез келген ингредиенттеріне жоғары жекелей сезімталдық
-АІЖ эрозиялы-ойық жара зақымдалуының асқынған фазасы
-көру жүйкесінің аурулары
-қан түзілуінің бұзылулары
-бауыр немесе бүйрек функциясының айқын бұзылулары
-созылмалы жүрек жеткіліксіздігі
-«аспиринді демікпе»
-фенилкетонурия
-18 жасқа дейінгі балалар
-жүктілік және лактация кезеңі
Дәрілермен өзара әрекеттесуі
Препарат тетрациклиндердің сіңуін жақсартады және пенициллиндер мен хлорамфениколдың сіңуін азайтады. Гипертензияға қарсы дәрілердің әсерін азайтады (АӨФ тежегіштері, бета-адреноблокаторлар, диуретиктер (фуросемид, гипотиазид), антиагреганттар, фибринолитиктер, сондай-ақ кумариндік антикоагулянттар (мысалы, варфарин), әсерін күшейтеді, бұл препараттармен бірге қабылдағанда коагулограмма (ХҚҚ) көрсеткіштері өзгереді және қан кету қатері жоғарылайды. Стероидты емес қабынуға қарсы препараттармен және глюкокортикостероидтармен бірге қабылдау (ҚҚСП, ГКС) асқазан-ішек жолдары тарапынан жағымсыз әсер даму қатерін ұлғайтады.
Айрықша нұсқаулар
Ұсынылған дозадан және қабылдау мерзімінің ұзақтығынан асырмау керек.
Көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Артық дозалануы препарат үшін сипатталмаған. Артық дозаланған жағдайда асқазанды шаю, белсендірілген көмір қабылдау, токсикологиялық бөлімге жатқызып емдеу ұсынылады.
Шығарылу түрі және қаптамасы
Бұралып кигізілетін қақпағы бар тығыздығы жоғары полиэтиленнен жасалған құтыға 60 капсуладан салынған. Құтының мойны біріктірілген материалдан – алюминий фольга/полиэтиленмен ламинацияланған қағаздан жасалған қорғаныш жарғақшасымен мөрленіп жабылған. Құты қақпағын қорғаныш үлбірімен мөрлеп жабады. Құтыға өзі желімденетін қағаздан заттаңба жапсырылады.
Құты медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.
Сақтау шарттары
25°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Қаптамасында көрсетілген жарамдылық мерзімі өткеннен кейін пайдалануға болмайды.
Босатылу шарттары
Рецептісіз
Өндіруші -ұйымныңатауыменелі
Контракт Фармакал Корпорейшн., 135 Адамс Авеню,
Хопог, Нью-Йорк 11788, АҚШ
Тіркеу куәлігі иесінің атауы мен елі
Байер Консьюмер Кэр АГ, Швейцария
Қаптаушы-ұйымның атауы мен елі
Контракт Фармакал Корпорейшн,АҚШ
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:
«Байер КАЗ» ЖШС
Тимирязев к-сі, 42, «Экспо-Сити» бизнес орталығы, 15 пав.
050057 Алматы, Қазақстан Республикасы
Тел.: +7 701 715 78 46– тәулік бойы
Тел.: +7 727 258 80 40 (106) – жұмыс уақытында
Факс: +7 727 244 70 01
e-mail: kz.claims@bayer.com
Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.
