Цефаксон 1 гр № 1 порошок для приготовления раствора для инъекций
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Цефаксон 1 гр № 1 порошок для приготовления раствора для инъекций

Қолжетімділігі
Тауар қолда жоқ
Үлгі
8902856001052
Елі
Индия
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Цефаксон

Халықаралық патенттелмеген атауы

Цефтриаксон

Дәрілік түрі, дозалануы

Инъекция үшін ерітінді дайындауға арналған ұнтақ, 1000 мг

Фармакотерапиялық тобы

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы бета-лактамды препараттар. Үшінші буын цефалоспориндері. Цефтриаксон.

АТХ коды: J01DD04

Қолданылуы

Цефаксон препараты осы препаратқа сезімтал қоздырғыштар туғызған келесі инфекцияларды емдеуге қолданылады:

ересектер мен балаларда, оның ішінде мерзімі жетіп туылған нәрестелерді қоса (туғаннан бастап):

- бактериялық менингит

-ауруханадан тыс пневмония

-ауруханалық пневмония

-жедел ортаңғы отит

-құрсақ қуысы ағзаларының инфекциялары (перитонит, өт шығару жолдарының және асқазан-ішек жолының инфекциялары)

-бүйректің және несеп шығару жолдарының асқынған инфекциялары (пиелонефритті қоса)

-сүйектер мен буындардың инфекциялары

-жұмсақ тіндер мен терінің асқынған инфекциялары

- генитальді инфекциялар, созды қоса

- мерез

- бактериялық эндокардит

- ересек пациенттерде өкпенің созылмалы обструкциялық ауруларының қайталанулары

- ересек пациенттерде және 15 күннен асқан жаңа туған нәрестелерді қоса, балаларда диссеминацияланған Лайм ауруы (аурудың ерте және кейінгі кезеңдері)

- инфекциялық асқынулардың операция алдындағы профилактикасы

- нейтропениясы бар пациенттерде қызба кезінде бактериялық инфекцияның болуынан күмәндану

- cепсис

Цефаксон көзделетін қоздырғыштар қатары цефтриаксонның әсер ету ауқымына кірмейтін жағдайларда бактерияға қарсы басқа препараттармен біріктірілімде тағайындалу керек.

Бактерияға қарсы дәрілерді тиісті қолдану жөніндегі ресми нұсқауды назарға алу керек.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- цефтриаксонға, басқа цефалоспориндерге аса жоғары сезімталдық

- анамнездегі бактерияға қарсы бета-лактамды препараттардың кез келген басқа типіне (пенициллиндер, монобактамдар, карбапенемдер) аса жоғары сезімталдықтың ауыр реакциялары (мысалы, анафилаксиялық реакциялар)

- жаңа туған нәрестелер (әсіресе, шала туған нәрестелер) билирубиндік энцефалопатияның даму қаупі болғанда

- 41 апталық жасқа дейінгі шала туған нәрестелер (жүктілік аптасы + туғаннан кейінгі апталар)

- сарғаю, гипербилирубинемия немесе ацидозбен мерзімі жетіп туған (28 күнге дейінгі жастағы) нәрестелер, билирубин байланысуының бұзылу мүмкіндігіне орай. Осындай пациенттерде билирубиндік энцефалопатияның даму қаупі болады.

- құрамында кальций бар венаішілік ерітінділермен, оның ішінде, құрамында кальций бар венаішілік құюлармен емдеу қажет болса (немесе қажеттілігі күтілсе), мысалы, парентеральді қоректену, цефтриаксонның кальций тұздары шөгіндісінің түзілу қаупіне орай (әсіресе, жаңа туған нәрестелерде)

- лидокаинде сұйылтылған Цефаксон препаратын 15 жасқа дейінгі балаларға қолдануға болмайды

- еріткіш ретіндегі лидокаинмен Цефаксон препаратының бұлшықетішілік инъекциясының алдында лидокаин енгізумен байланысты қарсы көрсетілімдер жоққа шығарылуы керек.

Қолдану кезіндегі қажетті сақтандыру шаралары

Құрамында лидокаин бар Цефаксон препаратының ерітінділерін вена ішіне енгізуге болмайды.

Басқа дәрілік препараттармен өзара әрекеттесуі

Цефаксон препаратымен ем аясында К дәруменінің антагонистерін қолдану кезінде қан кету қаупі артады. Цефаксон препаратымен емдеубарысында да, ем аяқталған соң да қан ұюы параметрлерін тұрақты бақылауға алу, әрі қажет болса антикоагулянт дозасын түзету керек.

Аминогликозидтерді цефалоспориндермен қолданғанда олардың нефроуыттылығының жоғарылау ықтималдығы туралы қарама-қайшы деректер бар, сондықтан бүйрек функциясына және қандағы аминогликозидтер концентрациясына мониторинг өткізу қажет.

In vitro хлорамфеникол мен цефтриаксон арасында антагонизм анықталды. Аталған антагонизмнің клиникалық мәні белгісіз.

Цефтриаксон мен құрамында кальций бар пероральді препараттардың өзара әрекеттесуі немесе бұлшықетішіне енгізуге арналған цефтриаксон мен құрамында кальций бар препараттардың өзара әрекеттесуі (вена ішіне немесе пероральді қолдануға арналған) туралы хабарламалар келіп түспеді.

Цефтриаксонмен емдеу кезінде Кумбс сынамасының жалған-оң нәтижелері білінуі мүмкін.

Цефтриаксонмен емдеу кезінде, бактерияға қарсы басқа препараттармен емдеу кезіндегідей, галактоземия сынамасының жалған-оң нәтижелері болуы мүмкін.

Сондай-ақ, цефтриаксонмен емдеу кезінде несептегі глюкозаны анықтауда жалған-оң нәтижелер болуы мүмкін. Сол себепті, глюкозурияны тек ферменттік әдіспен анықтау ұсынылады.

Цефаксон препаратының көп дозалары мен «ілмекті» диуретиктерді (мысалы, фуросемид) бір мезгілде қолданғанда бүйрек функциясының бұзылулары байқалмады.

Пробенецид Цефаксон препаратының шығарылуына әсер етпейді.

Арнайы сақтандырулар

Аса жоғары сезімталдық реакциялары

Басқа бета-лактамды антибиотиктерді қолдану кезіндегі сияқты, аса жоғары сезімталдық реакциясының, оның ішінде өліммен аяқталатын ауыр реакциялары тіркелді. Аса жоғары сезімталдықтың ауыр реакциясының дамуында Цефаксон препаратымен емдеуді тоқтату және тиісті шұғыл емдеу шараларын жүргізу қажет. Цефаксон препаратымен емді бастар алдында пациентте цефтриаксонға, цефалоспориндерге аса жоғары сезімталдық реакциясының немесе басқа бета-лактамды антибиотиктерге (пенициллиндер, монобактамдар және карбапенемдер) аса жоғары сезімталдықтың ауыр реакцияларының байқалу-байқалмауын анықтау қажет. Анамнезінде басқа бета-лактамды антибиотиктерге (пенициллиндер, монобактамдар және карбапенемдер) аса жоғары сезімталдықтың ауыр емес реакциялары болған пациенттерде цефтриаксон қолдану кезінде сақтық шарасын қадағалау қажет.

Терінің аса жоғары сезімталдық реакцияларының (Стивенс-Джонсон синдромы немесе Лайелл синдромы/уытты эпидермалық некролиз) дамыған жағдайлары туралы хабарланды. Мұндай реакциялардың даму жиілігі белгісіз.

Спирохеталар туғызған инфекциясы бар кейбір пациенттерде цефтриаксонмен емделуден кейін тез арада Яриш-Герксгеймер реакциясы (JHR) туындауы мүмкін. Реакция әдетте өз бетінше өтеді немесе оны симптоматикалық емдеуменбасуға болады. Реакция туындаған жағдайда антибиотиктермен емдеуді тоқтатуға болмайды.

Құрамында кальций бар препараттармен өзара әрекеттесуі

Жаңа туған нәрестелердің өкпесі мен бүйрегінде цефтриаксон-кальций преципитаттарының жиналуы нәтижесінде өлімге ұшырататын реакция жағдайлары сипатталды.

Жаңа туған нәрестелерден басқа, пациенттердің барлық топтары үшін құюлар арасында инфузиялық жүйелерді физиологиялық ерітіндімен мұқият жуып-шайып, Цефаксон препаратын және құрамында кальций бар ерітінділерді бірінен соң бірін енгізуге болады.

Преципитаттардың түзілуін болдырмау мақсатында парентеральді қоректендіруге арналған құрамында кальций бар ерітінділерді тағайындау қажет болса, баламалы антибиотик тағайындау мүмкіндігін қарастыру керек. Парентеральді қоректеніп жүрген пациенттерге цефтриаксон енгізу қажет болған жағдайларда Цефаксон препараты мен парентеральді қоректендіруге арналған құрамында кальций бар ерітінділер әртүрлі венаға енгізу жолдарын пайдаланумен бір мезгілде енгізіледі. Бұдан бөлек, цефтриаксон инфузиясы кезеңінде парентеральді қоректендіруге арналған құрамында кальций бар ерітінділер енгізуді тоқтата тұруға болады.

Гемолиздік анемия

Басқа цефалоспориндерді қолдану кезіндегі сияқты, Цефаксон препаратымен емдеу кезінде аутоиммундық гемолиздік анемия дамуы мүмкін. Ересектер мен балаларда ауыр, оның ішінде өліммен аяқталатын гемолиздік анемия жағдайлары тіркелді. Цефтриаксонмен емделіп жүрген пациентте анемияның дамуында цефалоспоринмен астасқан анемия диагнозын жоққа шығаруға болмайды және себебі анықталғанша емдеуді тоқтату қажет.

Ұзақ уақыт емдеу

Ұзақ уақыт емдеу кезінде шеткері қан көрінісін, бауыр мен бүйректің функционалдық жағдайының көрсеткіштерін жүйелі бақылап отыру қажет.

Колит / Суперинфекция

Бактерияға қарсы басқа препараттардың көпшілігін қолдану кезіндегідей, цефтриаксонмен емделу кезінде жеңіл диареядан өліммен аяқталатын колитке дейінгі әртүрлі ауырлықтағы Clostridium difficile (C.difficile) туғызған диареяның даму жағдайлары тіркелді.

Бактерияға қарсы препараттармен емдеу тоқ ішектің қалыпты микрофлорасын бәсеңдетеді және C. difficile көбеюіне түрткі болады. Өз кезегінде, C. difficile А және В токсиндерін түзеді, олар C. difficile туғызған диарея патогенезінің факторлары болып табылады. Токсиндерді аса жоғары өндіретін С. difficile штаммдары асқынулар мен өлімге ұшырату қаупі жоғары инфекциялардың қоздырғыштары болып табылады, олардың микробқа қарсы емге төзімді болу мүмкіндігіне орай емдеу колэктомияны талап етуі мүмкін. Антибиотиктермен емнен кейін диареяға шалдығатын пациенттердің бәрінде C. difficile туғызған диареяның даму мүмкіндігін есте ұстау қажет. Антибиотиктермен емдеуден кейін 2 айдан аса уақыт өткенде C.difficile туғызған диарея туындаған жағдайлар білінгендіктен, мұқият анамнез жинақтау қажет.

C. difficile туғызған диарея күдік тудырғанда немесе расталғанда C. difficile еміне бағытталмаған ағымдағы емді тоқтату қажет болуы мүмкін. Клиникалық көрсетілімдерге сәйкес, сұйықтық пен электролиттер, ақуыздар енгізілетін тиісті ем, C. Difficile-ге қатысты антибиотикпен ем, хирургиялық емдеу тағайындалуы тиіс. Ішек перистальтикасын тежейтін дәрілік заттарды қолдануға болмайды.

Бактерияға қарсы басқа препараттармен емдеу кезіндегідей, асқын инфекция дамуы мүмкін.

Бүйрек пен бауырдың ауыр жеткіліксіздігі біріккенде препарат қолдану тиімділігі мен қауіпсіздігін мұқият қадағалау керек.

Серологиялық зерттеулер

Цефтриаксонмен емдеу кезінде Кумбс сынамасының, галактоземия сынамасының, несептегі глюкозаны анықтау кезінде жалған оң нәтижелері білінуі мүмкін (глюкозурияны тек ферменттік әдіспен анықтау ұсынылады).

Натрий мөлшері

Цефаксон препаратының құрамында 1 г мөлшеріне 3,5 ммоль (немесе 81 мг) натрий бар. Препаратты натрий тұтыну шектелетін диетада жүрген пациенттерге тағайындағанда ол ескерілу керек.

Цефтриаксонның әсер ету ауқымы

Цефаксон шектеулі әсер ету ауқымын иеленген және Цефаксон препаратымен монотерапия, патогенді агент анықталған жағдайларды қоспағанда, бактериялардың кейбір типтеріне қатысты тиімсіз болуы мүмкін. Цефтриаксонға төзімді штаммдардан болатын полимикробты инфекция кезінде Цефаксон басқа антибиотиктермен бір мезгілде тағайындалу керек.

Басқа цефалоспориндерді қолдану кезіндегі сияқты, тіпті пациент анамнезінде аллергиялық реакциялар болмаған жағдайларда да анафилаксиялық реакциялар, оның ішінде өліммен аяқталумен тіркелді.

Басқа цефалоспориндерді қолдану кезіндегі сияқты, Цефаксон препаратымен емдеу кезінде аутоиммундық гемолиздік анемия дамуы мүмкін. Ересектер мен балаларда ауыр, оның ішінде өліммен аяқталатын гемолиздік анемия жағдайлары тіркелді.

Цефтриаксонмен емделіп жүрген пациентте анемияның дамуында цефалоспоринмен астасқан анемия диагнозын жоққа шығаруға болмайды және себебі анықталғанша емдеуді тоқтату қажет.

Лидокаин

Құрамында лидокаин бар цефтриаксон ерітінділерін тек бұлшықет ішіне енгізу керек. Лидокаин қолдануға қарсы көрсетілімдер лидокаинді медициналық қолдану жөніндегі нұсқаулықта берілген. Лидокаин ерітіндісін вена ішіне енгізуге болмайды.

Өт қалтасында цефтриаксонның кальций тұздары преципитаттарының түзілуі

Цефтриаксонды, әдетте, стандартты ұсынылуынан асып кететін (тәулігіне 1 г және одан көп) дозаларда қолданудан кейін өт қалтасын ультрадыбыстық зерттеу кезінде бала пациенттерде түзілу ықтималдығы зор цефтриаксонның кальций тұзының преципитаттары анықталды. Преципитаттар қандай да бір симптоматиканы сирек береді және Цефаксон препаратымен ем аяқталған немесе тоқтатылған соң басылады. Егер бұл құбылыстар клиникалық симптоматикамен қатар жүрген жағдайда хирургиялық емес консервативтік емдеу ұсынылады, ал препаратты тоқтату шешімі емдеуші дәрігер қалауында болады және пайдасы мен қаупінің әркімде жеке бағалануына негізделуге тиіс.

Панкреатит

Цефаксон препаратын қабылдаған пациенттерде өт жолдарының обструкциясы салдарынан дамыған болуы мүмкін панкреатиттің сирек жағдайлары сипатталды. Аталған пациенттердің көпшілігінде осыған дейін-ақ өт жолдарындағы іркілістің қауіп факторлары, мысалы, бұрын жүргізілген ем, ауыр аурулар және толық парентеральді қоректену болды. Осы орайда панкреатитті дамытудағы Цефаксон препаратының әсерімен өт жолдарында түзілген преципитаттардың шешуші рөлін жоққа шығаруға болмайды.

Бүйректе цефтриаксонның кальций тұздары преципитаттарының түзілуі

Препаратпен емдеуді тоқтатудан кейін басылған және қайтымды сипатта болған бүйректегі преципитаттардың түзілу жағдайлары хабарланды. Клиникалық симптомдары білінгенде ультрадыбыстық тексеру ұсынылады. Бүйректе түзілімдері бар немесе анамнезінде гиперкальциурия болған пациенттерге препаратты тағайындау пайдасы мен қаупін бағалауды талап етеді.

Педиатрияда қолданылуы

Цефаксон препаратының жаңа туған нәрестелер, емшек еметін сәбилер және кішкентай жастағы балалардағы қауіпсіздігі мен тиімділігі «Дозалану режимі» бөлімінде сипатталған дозалар үшін анықталды.

Зерттеулер, басқа цефалоспориндер сияқты, цефтриаксонның билирубинді сарысулық альбуминмен байланыстан ығыстыруы мүмкін екенін көрсетті. Цефаксон препаратын билирубиндік энцефалопатияның даму қаупі бар жаңа туған, әсіресе, шала туған нәрестелерде қолдануға болмайды.

Жүктілік немесе лактация кезінде

Цефтриаксон плаценталық бөгет арқылы өтеді. Жүктілік кезінде қолдану қауіпсіздігі анықталмады. Жүктілерге препарат анасы үшін болжанатын пайдасы шаранаға ықтималды қаупінен асып түсетін жағдайда, тек қатаң көрсетілімдербойынша тағайындалу керек.

Цефтриаксон емшек сүтіне өтеді. Анасы оны емдік дозаларда қолданғанда цефтриаксонның емшекпен қоректеніп жүрген сәбиге әсер ету ықтималдығы аз, дегенмен де, сәбидедиарея, шырышты қабықтардың зеңді инфекциялары мен аса жоғары сезімталдық реакциясының даму қаупін жоққа шығаруға болмайды. Сәби үшін емшекпен қоректену артықшылығын және ана үшін емнің пайдасын есепке алып, бала емізуді тоқтату немесе цефтриаксонмен емді тоқтату/бас тарту қажет.

Дәрілік заттың көлік құралын және қауіптілігі зор механизмдердібасқару қабілетіне әсер ету ерекшеліктері

Ем кезінде бас айналу мен көлік құралдарын және қауіптілігі зор механизмдерді басқару қабілетіне әсер етуі мүмкін басқа жағымсыз реакциялардың туындауы ықтималдығына байланысты сақтық шарасын қадағалау керек.

Қолдану жөніндегі нұсқаулар

Дозалану режимі

Доза инфекцияның типіне, орналасуына және ауырлығына, қоздырғыш сезімталдығына, пациент жасына және оның бауыр мен бүйрек функциясының жағдайына байланысты.

Төменде берілген кестелерде көрсетілген дозалар аталған көрсетілімдер кезінде қолдануға ұсынылған дозалар болып табылады. Ерекше ауыр жағдайларда көрсетілген диапазондардан ең жоғары дозаларын тағайындаудың мақсатқа сай болуын қарастыру керек.

Ересектер және 12 жастан асқан балалар (дене салмағы >50 кг)

Доза*

Қолдану жиілігі**

Көрсетілімдері

1-2 г

тәулігіне 1 рет

Ауруханадан тыс пневмониялар.

Өкпенің созылмалы обструкциялық ауруларының өршуі.

Интраабдоминальді инфекциялар.

Несеп шығару жолдарының асқынған инфекциялары (оның ішінде пиелонефрит).

2 г

тәулігіне 1 рет

Ауруханаішілік пневмониялар.

Терінің және жұмсақ тіндердің асқынған инфекциялары.

Сүйектер мен буындардың инфекциялары.

2-4 г

күніне 1 рет

Нейтропениясы және бактериялық инфекция туғызған қызбасы бар пациенттерге. Бактериялық эндокардит.

Бактериялық менингит.

* Бактериемия анықталғанда берілген диапазоннан ең жоғарырақ дозалар қарастырылады.

** Препарат тәулігіне 2 г-ден көп дозада тағайындалғанда препаратты күніне 2 рет қолдану мүмкіндігі қарастырылады.

Препаратты енгізудің арнайы режимі қажет болатын ересектер мен 12 жастан асқан балалар (> 50 кг) үшін

Жедел ортаңғы отит

Препаратты тәулігіне бір рет бұлшықет ішіне 1-2 г енгізіледі (әр 24 сағат сайын). Тәуліктік 1-2 г дозасын 3 күн бойы бұлшықет ішіне енгізу керек.

Операция алдындағы хирургиялық инфекциялар профилактикасы Операция алдында 2 г дозада бір рет енгізу.

Соз

Бұлшықет ішіне 500 мг дозада бір рет енгізу.

Мерез

Нейромерез кезінде күніне бір рет ұсынылған 0,5 г немесе 1 г дозаларын күніне бір рет 2 г дейін арттырады, емдеу ұзақтығы 10-14 күн. Мерез, оның ішінде нейромерез кезінде дозалау ұсынымдары шектеулі деректерге негізделген. Ұлттық және жергілікті нұсқауларды назарға алу қажет.

Диссеминацияланған Лайм-боррелиоз (ерте (II) және кейінгі (III) кезеңдері)

14-21 күн бойы тәулігіне бір рет 2 г дозада қолдану керек. Ұсынылатын емдеу ұзақтығы өзгеріп отырады. Ұлттық және жергілікті нұсқауларды назарға алу қажет.

Балаларда қолдану

Жаңа туған нәрестелер, 15 күннен 12 жасқа дейінгі сәбилер мен балалар (< 50 кг)

Доза*

Қолдану жиілігі **

Көрсетілімдері

50-80 мг/кг дене салмағына

тәулігіне 1 рет

Интраабдоминальді инфекция.

Несеп шығару жолдарының асқынған инфекциялары (пиелонефритті қоса).

Ауруханадан тыс пневмония.

Ауруханалық пневмония.

50-100 мг/кг дене салмағына (ең жоғары доза - 4 г)

тәулігіне 1 рет

Терінің және несеп шығару жолдарының асқынған инфекциялары.

Сүйектер мен буындар инфекциялары.

Бактериялық инфекция туғызған қызбамен бірге нейтропениясы бар пациенттерге.

80-100 мг/кг дене салмағына (ең жоғары доза - 4 г)

тәулігіне 1 рет

Бактериялық менингит.

100 мг/кг дене салмағына (ең жоғары доза- 4 г)

тәулігіне 1 рет

Бактериялық эндокардит.

* Бактериемия анықталғанда берілген диапазоннан ең жоғарырақ дозалар қарастырылады.

** Тәулігіне 2 г-ден көп дозалар тағайындалғанда препаратты күніне 2 рет қолдану мүмкіндігі қарастырылады.

Препаратты енгізудің арнайы режимі қажет болатын жаңа туған нәрестелер, 15 күннен 12 жасқа дейінгі сәбилер мен балалар (< 50 кг) үшін көрсетілімдер:

Жедел ортаңғы отит

Әдетте, препаратты дене салмағына 50 мг/кг дозада бұлшықет ішіне бір рет енгізу жеткілікті.

Шектеулі деректер, ауыр немесе алдыңғы ем әсері болмаған жағдайларда бұлшықет ішіне 3 күн бойы тәулігіне 50 мг/кг дозада енгізу тиімді болуы мүмкін екенін айғақтайды.

Операция алдында хирургиялық инфекциялар профилактикасы

Операция алдында дене салмағына 50-80 мг/кг дозада бір рет енгізу.

Мерез

Тәулігіне бір рет ұсынылатын дозалары дене салмағына 75-100 мг/кг, емдеу ұзақтығы 10-14 күн. Мерез, оның ішінде нейромерез кезінде дозалау ұсынымдары шектеулі деректерге негізделген. Ұлттық және жергілікті нұсқауларды назарға алу қажет.

Диссеминацияланған Лайм-боррелиоз (ерте (II) және кейінгі (III) кезеңдері).

14-21 күн бойы тәулігіне бір рет дене салмағына 50-80 мг/кг дозада қолдану керек.

Ұсынылатын емдеу ұзақтығы өзгеріп отырады. Ұлттық және жергілікті нұсқауларды назарға алу қажет.

0-14 күндік жаңа туған нәрестелер

41 апталық жасқа дейінгі шала туған нәрестелерге қолдануға болмайды (жүктілік аптасы + туғаннан кейінгі апталар)

Доза*

Қолдану жиілігі**

Көрсетілімдері

20-50 мг/ кг дене салмағына

тәулігіне 1 рет

Интраабдоминальді инфекциялар.

Терінің және жұмсақ тіндердің асқынған инфекциялары.

Ауруханадан тыс пневмониялар.

Несеп шығару жолдарының асқынған инфекциялары (пиелонефритті қоса). Ауруханадан тыс пневмониялар.

Ауруханалық пневмониялар.

Сүйектер мен буындар инфекциялары. Нейтропениясы және бактериялық инфекция туғызған қызбасы бар пациенттерге.

* Анықталған бактериемияда берілген диапазоннан ең жоғарырақ дозалар қарастырылады. Дене салмағына 50 мг/кг ең жоғары тәуліктік дозасынан асыруға болмайды.

Препаратты енгізудің арнайы режимі қажет болатын 0-14 күндік жаңа туған нәрестелер үшін көрсетілімдер

Жедел ортаңғы отит

Әдетте, препаратты дене салмағына 50 мг/кг дозада бұлшықет ішіне бір рет енгізу жеткілікті.

Операция алдындағы хирургиялық инфекциялар профилактикасы

Операция алдында дене салмағына 20-50 мг/кг дозада бір рет енгізу.

Мерез

Тәулігіне бір рет ұсынылған дозасы - дене салмағына 50 мг/кг, емдеу ұзақтығы 10-14 күн. Мерез, оның ішінде нейромерез кезінде дозалау ұсынымдары шектеулі деректерге негізделген. Ұлттық және жергілікті нұсқауларды назарға алу қажет.

Лидокаинді педиатриялық практикада еріткіш ретінде пайдалануға болмайды!

Ем ұзақтығы

Ем ұзақтығы аурудың ағымына байланысты. Цефаксон қолдануды пациенттің дене температурасы қалыпқа түскен соң немесе қоздырғыш эрадикациясының расталуынан кейін 48-72 сағат бойы жалғастырған жөн.

Егде жастағы тұлғаларда қолдану

Бауыр және бүйрек функциясының бұзылулары болмағанда – ересектерге арналған әдеттегі дозалар, жас шамасына қарай түзетусіз.

Бауыр жеткіліксіздігі бар пациенттер

Бүйрек функциясының бұзылулары болмаған жағдайда дозаны азайту қажет емес. Бауыр функциясының ауыр бұзылуларында препаратты қолдану деректері жоқ.

Бүйрек жеткіліксіздігі бар пациенттер

Бауыр функциясының бұзылулары болмаған жағдайда дозаны азайту қажет емес. Цефаксон препаратының тәуліктік дозасы креатинин клиренсі 10 мл/минуттан аз бүйрек жеткіліксіздігі жағдайларында ғана 2 г-ден аспауы тиіс.

Бүйрек пен бауырдың ауыр жеткіліксіздігінің бірігуінде плазмада цефтриаксон концентрациясын жүйелі анықтау, ал қажет болса оның дозасын түзету керек.

Енгізу әдісі және жолы

Цефаксон препаратын кемінде 30 минут бойы венаішілік инфузия (ұтымды жолы) түрінде, 5 минут бойы вена ішіне баяу сорғалатып немесе бұлшықет ішіне (терең инъекциялар) қолдану керек.

Вена ішіне сорғалатып енгізуді, дұрысы, үлкен веналарға 5 минут ішінде жүзеге асырған жөн.

Сәбилер мен 12 жасқа дейінгі балаларда 50 мг/кг немесе одан көп венаішілік дозалар инфузия жолымен енгізілу керек. Билирубиндік энцефалопатияның ықтималды қаупін азайту үшін жаңа туған нәрестелерде инфузия ұзақтығы 60 минуттан артық болуы тиіс.

Цефтриаксон ерітіндісін вена ішіне енгізу мүмкін болмайтын немесе пациент үшін бұлшықетішілік енгізу жолы ұтымды болатын жағдайларда бұлшықет ішіне енгізу керек.

Бұлшықет ішіне енгізуді ірі бұлшықеттерде жүзеге асырған жөн, бір бұлшықетке 1 г-ден асырмай енгізу керек.

Венаішілік енгізу тәсілін 2 г-ден асып кететін дозалар үшін пайдалану керек.

15 жасқа дейінгі балаларға Цефаксон препаратының еріткіші ретінде лидокаинді пайдалануға тыйым салынады.

Лидокаин 15 жастан асқан тұлғаларда еріткіш ретінде пайдаланылғанда лидокаинге теріішілік аллергия сынамасын жасау ұсынылады.

Лидокаин еріткіш ретінде пайдаланылғанда ерітіндіні енгізер алдында пациентте лидокаин қолдануға қарсы көрсетілімдерді жоққа шығару (лидокаин қолдану жөніндегі нұсқаулықты қараңыз), сондай-ақ анамнездегі лидокаинге болған аллергиялық реакцияларды ескеру керек. Лидокаин еріткіш ретінде пайдаланылғанда алынған ерітіндіні вена ішіне енгізуге болмайды!

Цефаксон препараты, өкпе мен бүйректе цефтриаксон-кальций преципитаттарының түзілу қаупіне орай, кальций препараттарын немесе құрамында кальций бар ерітінділерді енгізу қажеттілігі кезінде жаңа туған нәрестелерге қолданылмайды.

Шөгінді түзілу қаупіне орай, цефтриаксонды еріту үшін құрамында кальций бар препараттарды (Рингер ерітіндісі, Хартман ерітіндісі) пайдалануға болмайды.

Сонымен қатар, цефтриаксонның кальций тұздары преципитаттарының туындауы препаратты құрамында кальций бар ерітінділермен вена ішіне енгізуге арналған бір инфузиялық жүйеде араластырғанда болуы мүмкін. Сондықтан Цефаксон мен құрамында кальций бар ерітінділерді араластыруға немесе бір мезгілде қолдануға болмайды.

Операция алдындағы хирургиялық инфекциялар профилактикасы үшін Цефаксон препаратын операциядан 30-90 минут бұрын енгізу керек.

Жалпы ереже ерітінділерді дайындаудан кейін бірден пайдалану болуға тиіс.

Артық дозалану жағдайында қабылдау қажет болатын шаралар

Симптомдары: жүрек айну, құсу, диарея.

Емі: артық дозаланғанда гемодиализ бен перитонеальді диализ препарат концентрациясын төмендетпейді. Спецификалық антидоты жоқ. Симптоматикалық емдеу.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша нұсқаулар

Бұл препаратты қолдану бойынша қандай да бір қосымша сұрақтар туындаған жағдайда өз дәрігеріңізге немесефармацевтке жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы, осы жағдайда қабылдануы керек шаралар

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі(≥ 1/10), жиі (≥1/100 - < 1/10 дейін), жиі емес (≥1/1000 - < 1/100 дейін), сирек (≥ 1/10000 -< 1/1000 дейін), өте сирек (< 1/10000), белгісіз (қолда бар деректердің негізіндебағалау мүмкін емес)

Жиі

- эозинофилия, лейкопения, тромбоцитопения

- диарея, іш өту

- бауыр ферменттері белсенділігінің жоғарылауы

- бөртпе

Жиі емес

- жыныс мүшелерінің микоздары

- гранулоцитопения, анемия, коагулопатия

- бас ауруы, бас айналуы

- жүрек айнуы, құсу

- қышыну

- флебит

- инъекция орнының ауыруы, дене температурасының жоғарылауы

- қандағы креатинин деңгейінің жоғарылауы

Сирек

- жалған жарғақшалы колит

- бронх түйілуі

- есекжем

- гематурия, глюкозурия

- ісіну, қалтырау

Белгісіз

- суперинфекция

- гемолиздік анемия, агранулоцитоз

- анафилаксиялық шок, анафилаксия реакциялары, аса жоғары сезімталдық реакциялары, Яриш-Герксгеймер реакциясы

- құрысулар

- вертиго

- панкреатит, стоматит, глоссит

- өт қалтасында цефтриаксонның кальций тұздары преципитаттарының түзілуі, гипербилирубинемия

- Стивенс-Джонсон синдромы, Лайелл синдромы /уыттыэпидермалық некролиз, мультиформалы эритема, жедел жайылған экзантемалық пустулез

- эозинофилиямен және жүйелі көріністермен симптомдармен жүретін дәрілік реакция (DRESS - синдром)

- олигурия, несеп шығару жолдарында цефтриаксон преципитаттарының түзілуі (қайтымды)

- Кумбс сынамасының жалған оң нәтижесі, галактоземия сынамасының жалған оң нәтижесі, несептегі глюкозаны ферменттік емес әдістермен анықтаудағы жалған оң нәтиже.

Инфекциялар және инвазиялар

Цефтриаксонды қолданғаннан кейінгі диарея жағдайлары Clostridium difficile мен байланысты болуы мүмкін. Сұйықтық пен электролиттердің тиісінше мөлшерін тағайындау керек.

Цефтриаксонның кальций тұзының преципитаттары

Ауыр, кейде өлімге соқтырған жағымсыз реакциялардың сирек жағдайлары шала туған және мерзімі жетіп туылған (<28 күндік мерзімдегі), цефтриаксон мен кальций препараттары вена ішіне енгізілген нәрестелерде тіркелді. Өкпе мен бүйрекке жасалған аутопсия кезінде цефтриаксонның кальций тұзының преципитаттары анықталған. Жаңа туған нәрестелерде преципитаттар түзілуі қаупінің жоғарылығы оларда қан көлемінің аздығының және ересектердегіге қарағанда, цефтриаксонның жартылай ыдырау кезеңінің ұзағырақ екендігінің салдары болып табылады.

Көбінесе, 3 жастан асқан, препараттың тәуліктік жоғары (мысалы, тәулігіне ≥80 мг/кг) дозаларын немесе 10 г асатын жалпы дозаларын қабылдаған, сондай-ақ, қосымша қауіп факторлары (мысалы, сұйықтық тұтынылуының шектеулілігі немесе төсек тартып жату режимі) болған балаларда бүйректе преципитаттар түзілген жағдайлар тіркелді. Преципитаттардың түзілу қаупі қозғалыссыз қалған пациенттерде, немесе сусыздану жағдайындағы пациенттерде жоғарылай түседі. Преципитаттар симптомдармен қатар жүруі мүмкін немесе симптомсыз болуы, бүйрек жеткіліксіздігі мен анурияға алып келуі мүмкін және цефтриаксонды қолдануды тоқтатқаннан кейін жоғалып кетеді.

Көбінесе, препарат ұсынылған стандартты дозасынан артық дозаларда енгізілген пациенттерде өт қалтасында цефтриаксонның кальций тұзының преципитаттары түзілген жағдайлар білінген. Балаларда препаратты вена ішіне енгізгенде преципитаттар түзілуінің жиілігі әр түрлі - кейде 30%-дан жоғары болған. Препаратты баяу (20–30 минут ішінде) енгізгенде преципитаттардың түзілу жиілігі, айтарлықтай төмендейді. Преципитаттардың түзілуі, әдетте, симптомдармен қатар жүрмейді, бірақ сирек жағдайларда, ауыру, жүрек айнуы және құсу сияқты клиникалық симптомдар туындаған. Ондай жағдайларда симптоматикалық ем ұсынылады. Цефтриаксонды тоқтатқаннан кейін преципитаттар, әдетте, жоғалып кетеді.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір құтының ішінде:

белсенді зат - натрий цефтриаксоны

1000.0 мг цефтриаксонға баламалы

Сыртқы түрінің, иісінің, дәмінің сипаттамасы

Ақ немесе сарғыш қызғылт-сары түсті кристалды ұнтақ.

Шығарылу түрі және қаптамасы

1000 мг препараттан резеңке тығынмен герметикалық тығындалған және алюминий қалпақшамен қаусырылған және көк түсті пластмасса қақпақшасы бар түссіз шыны құтыларға салынған.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

3 жыл.

Жарамдылық мерзімі өткеннен кейін қолдануғаболмайды!

Сақтау шарттары

Құрғақ, жарықтан қорғалған жерде, 25°С-ден аспайтынтемпературада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші туралы мәліметтер

Концепт Фармасьютикалс Лимитед

801B Hubtown Solaris,

NS Phadke Marg, Telli Galli

Andheri East, Мумбай, Үндістан

Тел./факс: +912242418888

e-mail: export@conceptpharma.com

Тіркеу куәлігінің ұстаушысы

Концепт Фармасьютикалс Лимитед

801B Hubtown Solaris,

NS Phadke Marg, Telli Galli

Andheri East, Мумбай, Үндістан

Тел./факс: +912242418888

e-mail: export@conceptpharma.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ConsultAsia ЖШС

Шевченко к-сі 165 Б

тел./факс: +77051708876/+77051708825

e-mail: pv@consultingasia.kz