Циклоферон 12,5%, 2 мл, №5, амп.
Тауарлардың көрінісі фотосуретте көрсетілгеннен өзгеше болуы мүмкін

Циклоферон 12,5%, 2 мл, №5, амп.

4604
Қолжетімділігі
Сатылымда бар
Үлгі
4603191001045
Елі
Россия
Өндіруші
Полисан ООО НТФФ
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

ЦИКЛОФЕРОНÒ (CYCLOFERON®)

Саудалық атауы

ЦИКЛОФЕРОНÒ (CYCLOFERONÒ)

Халықаралық патенттелмеген атауы

Жоқ

Дәрілік түрі

Вена ішіне және бұлшықет ішіне енгізуге арналған 125 мг/мл ерітінді

Құрамы

2 мл ерітіндінің құрамында

белсенді зат – 250.0 мг меглюмин акридонацетаты (акридонсірке қышқылына шаққанда), келесі үлгіде алынған: 250.0 мг акридонсірке қышқылы, 192.6 мг N-метилглюкамин (меглюмин),

қосымша зат инъекцияға арналған су.

Сипаттамасы

Сары түсті мөлдір сұйықтық

Фармакотерапиялық тобы

Антинеопластикалықжәне иммуномодуляциялайтынпрепараттары. Иммуностимуляторлар. Басқа иммуностимуляторлар.

АТХ кодыL03AХ

Фармакологиялық қасиеттері

Фармакокинетикасы

Препараттың ең жоғары дозасын енгізген кезде ол қанда ең жоғары концентрациясына 1-2 сағаттан соң жетеді, 24 сағаттан соң препарат қалдық мөлшерде табылады. Гематоэнцефалды бөгет арқылы өтеді. Жартылай шығарылу кезеңі 4-5 сағатты құрайды. Организмде ұзақ қолданған кезде жинақталмайды.

Фармакодинамикасы

Циклоферон бастапқы интерферонның төмен молекулалық индукторы болып табылады, бұл оның: енгізілген сәтінен бастап тәулік ішінде альфа- және гамма-интерферон өндірілуін туындата отырып, вирусқа қарсы, иммуномодуляциялайтын, қабынуға қарсы және т.б. биологиялық әсерінің ауқымын анықтайды.

Препаратпен интерферон синтезін ынталандыру сәйкес геннің транскрипциясы деңгейінде жүреді және трансляция жылдамдығының жоғарылауы, мРНҚ IFNα немесе мРНҚ –рибосома кешенінің тұрақтануы, сондай-ақ бұрын синтезделген интерферонның шығарылуы секілдіоның посттранскрипциялық үдерістерге әсеріне байланысты емес.

Препараттың иммунитетті реттейтін қасиеттері негізінен интерферондар жүйесі арқылы, дәлірек альфа- және гамма-интерферонды белсендіру арқылы жүреді. Олардың өндірілуі жоғарылағанда Циклоферон иммунитеттің Т-жасушалы тізбегін қалпына келтіруге ықпал етеді: СD3+ (Т-лимфоциттер), СD4+ (Т-хелперлер) субпопуляциясы деңгейін, сондай - ақ СD16+ (NK-жасушалар), CD8+, CD72+ мөлшерін және иммунитет реттейтін индексті қалпына келтіреді.

Препараттың вирусты инфекцияларда тікелей әсері вирус репликациясын бұзуға, вирустық ДНҚ немесе РНҚ - ныңкапсидтерге инкорпорациясын бөгеуге, ақаулы вирус бөлшектерінің мөлшерінің артуына, жасушалардағы вирус индукцияланған ақуыздар синтезін төмендетуге байланысты.

Қолданылуы

Ересектерде кешенді ем құрамында

– созылмалы В және С вирустық гепатиттері

– герпестік және цитомегаловирустық инфекциялар

– созылмалы бактериялық және зеңдік инфекциялармен астасқан салдарлы иммун тапшылығы

– хламидия инфекциясы

– дәнекер тіндердің ревматизмдік және жүйелік аурулары (ревматоидты артрит)

  • буындардың дегенеративті-дистрофиялық аурулары: деформацияланатын остеоартроз және т.б.

4 жастағы балаларда кешенді ем құрамында

– созылмалы В және С вирустық гепатиттері

– герпестік инфекциялар

Қолдану тәсілі және дозалары

1. Ересектерге

Циклоферонды негізгі үлгі бойынша тәулігіне бір рет бұлшықет ішіне немесе вена ішіне: күнара қолданады. Емдеу курсының ұзақтығы ауруға байланысты болады.

Герпестік және цитомегаловирустық инфекцияларда препаратты негізгі үлгі бойынша 0,25 г 10 инъекция енгізеді. Жиынтық дозасы – 2,5 г. Ем ауру өршуінің басында анағұрлым тиімді.

Хламидия инфекциялары препаратты негізгі үлгі бойынша енгізеді. Емделу курсы – 0,25 г 10 инъекция. Жиынтық дозасы - 2,5 г. Емдеу курсын 10-14 күннен кейін қайталап жүргізеді. Циклоферонды антибиотиктермен біріктіріп қолданған дұрыс.

  • Созылмалы В және С вирустық гепатиттерінде препаратты негізгі үлгі бойынша 0,5 г 10 инъекция, әрі қарай кешенді ем құрамында демеуші үлгі бойынша үш ай бойы аптасына 3 рет енгізеді. Интерферондармен және химиотерапиямен біріктіру ұсынылады. Курс демеуші курс жүргізгеннен кейін 10–14 күннен соң қайталанады.

Созылмалы бактериялық және зеңдік инфекциялармен астасқан салдарлы иммун тапшылығы кезінде емдеу курсы негізгі үлгі бойынша бір реттік 0,25 г дозада 10 бұлшықетішілік инъекция. Жиынтық дозасы – 2,5 г. Қайталау курсы 6–12 айдан соң жүргізіледі.

Дәнекер тіндердің ревматизмдік және жүйелік ауруларында 10–14 күндік үзіліспен негізгі сызба бойынша 0,25 г бір реттік дозада 5 инъекциядан 4 курс. Курс дәрігердің ұсынымы бойынша қайталанады.

Буындардың дегенеративті-дистрофиялық ауруларында 10–14 күндік үзіліспен 0,25 г негізгі үлгі бойынша 5 инъекциядан 2 курс. Курс дәрігердің ұсынымы бойынша қайталанады.

  • Балаларға 4 жасынан бастап

Педиатриялық тәжірибеде Циклоферонды негізгі үлгі бойынша тәулігіне бір рет бұлшықет ішіне немесе вена ішіне қолданады. Тәуліктік емдік доза 1 кг дене салмағына шаққанда 6-10 мг құрайды.

Созылмалы В және С вирусты гепатиттерде препаратты негізгі үлгі бойынша 10 инъекция және әрі қарай кешенді ем құрамында демеуші үлгі бойынша үш ай бойы аптасына 3 рет енгізеді. Интерферондармен және химиотерапиямен қосу ұсынылады.

Герпеc инфекциясы кезінде негізгі сызба бойынша 10 инъекциядан тұратын курс. Вирустың репликациялық белсенділігі сақталған кезде емдеу курсын демеуші үлгі бойынша төрт апта бойы үш күнде бір рет енгізумен жалғастырады.

Жағымсызәсерлері

Өте сирек:

– енгізген жердегі ісіну және гиперемия

– дене температурасының жоғарылауы

– тері бөртпелері, есекжем түріндегі аллергиялық реакциялар

Қолдануға болмайтын жағдайлар

  • препарат компоненттеріне жоғары сезімталдық
  • жүктілік және лактация кезеңі
  • 4 жасқа дейінгі балалар
  • бауырдың ауыр аурулары
  • бауыр жеткіліксіздігі

Дәрілермен өзара әрекеттесуі

Циклоферон аталған ауруларды емдеген кезде дәстүрлі түрде қолданылатын барлық дәрілік препараттармен (интерферондармен, химиотерапиялық дәрілік заттармен және басқалармен) біріктіріледі және жақсы үйлеседі.

Интерферондар мен нуклеозид аналогтарының әсерін күшейтеді. Химиотерапияның, интерферонмен емдеудің жағымсыз әсерлерін азайтады.

Айрықша нұсқаулар

Несептің күлгін-көк түске (люминесценция) боялуы мүмкін.

Қалқанша без аурулары

Қалқанша без ауруларында аутоиммунды бұзылулардың туындау мүмкіндігін жоққа шығару үшін дәрігер-эндокринологтың кеңесі қажет.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын немесе қауіптілігі зор механизмдерді басқару қабілетіне әсер етпейді.

Артық дозалануы

Препараттың артық дозалануы туралы мәліметтер жоқ.

Шығарылу түрі және қаптамасы

2 мл қоңыр шыныдан жасалған ампулада. Ампулаға өздігінен желімделетін заттаңба жапсырылған.

5 ампуладан поливинилхлоридті үлбірден жасалған пішінді ұяшықты қаптамада. Пішінді ұяшықты қаптама жабындық үлбірмен терможелімденген немесе алюминий фольгамен немесе ашық.

1 пішінді ұяшықты қаптама медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Алғашқы ашылуын бақылау үшін қорапшаның бүйір клапандары екі жағынан заттаңбалармен желімденуі немесе терможелімденуі мүмкін.

Сақтау шарттары

Жарықтан қорғалған жерде, 25 оС-ден аспайтын температурада сақтау керек.

Төмен температурада тасымалдау кезінде ерітіндіні мұздату препарат қасиеттерін өзгертпейді. Бөлме температурасында еріген препарат өзінің биологиялықжәнефизика-химиялық қасиеттерін сақтайды. Ерітіндінің түсі өзгерген кезде және тұнба түзген кезде препаратты қолдануға болмайды.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«ПОЛИСАН» ғылыми-технологиялық фармацевтикалық фирмасы» ЖШҚ («ПОЛИСАН» ҒТФФ» ЖШҚ).

Ресей, 192102, Санкт-Петербург қ., Салов к-сі, 72 үй, 2 кор., лит. А, тел./факс: (812) 710-82-25.

Тіркеу куәлігінің ұстаушысы

«ПОЛИСАН» ғылыми-технологиялық фармацевтикалық фирмасы» ЖШҚ («ПОЛИСАН» ҒТФФ» ЖШҚ), Ресей.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«Parasat Pharma Medical» ЖШС, Қазақстан Республикасы, Алматы қ.,
Абай даңғ., 150/230 үй, тұрғын емес үй-жай 867, 11 блок.

Тел.: +7 (727) 346-93-78. E-mail: prs-arman@mail.ru.

Дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Козлов И. А., Қазақстан Республикасы, Алматы қ., Бөгенбай батыр к-сі,
136 үй, 27 пәтер.

Тел.: +7 (727) 220-34-64, +7 (777) 211-72-97. E-mail: doctorkvi@gmail.com.

Дәріханалар

Тауар артығымен бар
Тауар аз қалды
Аптека № 12 ПТ Кызылорда (Арай Молл)
г. Кызылорда, ул. Жибек жолы, 13А
Круглосуточно
Аптека № 256, Кызылорда (Жана базар)
г. Кызылорда, ул. Коркыт Ата, 84 А
Круглосуточно
Аптека №189
ул. Желтоксан 24 А
Круглосуточно
Аптека №130
г.Кызылорда, ул.Абая 28а
Круглосуточно
Аптека № 246, Кызылорда (мкр. Шугыла)
Кызылординска Область. Г. Кызылорда ,м/а шугыла д 53
Круглосуточно
Аптека № 245, Кызылорда (ул.Желтоксан д.8А)
г. Кызылорда, ул. Желтоксан, д.8А
Круглосуточно
Аптека №299
ул. Толыбекова 14 А
09:00-22:00
Аптека № 254, Кызылорда (ТД Сырдария)
г.Кызылорда ул.Журба 65 рядом ТЦ Сырдарья
Круглосуточно
Аптека №293
ул. Саламатова 16А
Круглосуточно