Цитрамон № 6 табл
Тауарлардың көрінісі фотосуретте көрсетілгеннен өзгеше болуы мүмкін

Цитрамон № 6 табл

41
Қолжетімділігі
Сатылымда бар
Үлгі
4810201001876
Елі
Беларусь
Өндіруші
Борисовский завод медицин
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Цитрамон-Боримед

Саудалық атауы
Цитрамон-Боримед

Халықаралық патенттелмеген атауы
Жоқ

Дәрілік түрі
Таблеткалар

Құрамы
Бір таблетканың құрамында:
белсенді заттар: ацетилсалицил қышқылы– 220.0 мг, парацетамол – 200.0 мг, кофеин – 27.0 мг;
қосымша заттар: какао-ұнтақ, лимон қышқылы, картоп крахмалы, тальк, стеарин қышқылы.

Сипаттамасы
Жалпақ беткейлі, какао иісі, сызығы мен ойығы бар ақ теңбілді ашық-қоңыр түсті таблеткалар.

Фармакотерапиялық тобы
Салицил қышқылы және оның туындылары. Психолептиктермен біріктірілген ацетилсалицил қышқылы.
АТХ коды N02BA51

Фармакологиялық қасиеттері
Фармакокинетикасы
Ішке қабылдағаннан кейін препараттың құрамына енетін барлық компоненттері жылдам және жеткілікті түрде толықтай сіңіріледі. Кофеин парацетамол мен ацетилсалицил қышқылының биожетімділігін арттырады. Сіңірілу кезінде кофеин мен ацетилсалицил қышқылы белсенді метаболиттерді: салицил қышқылын, теофилин мен параксантинді түзе отырып, қарқынды биоөзгеріске ұшырайды. Барлық компоненттері қан плазмасындағы ең жоғарғы концентациясына 0,3-1,0 сағаттан соң жетеді.
Плазмада салицил қышқылының 80%-ға жуығы және парацетамолдың 10-15%-ы альбуминмен байланысқан күйінде болады. Препараттың компоненттері организмнің барлық тіндері мен сұйықтықтарына оңай өтеді. Ми тіндерінде салицилаттар аздаған мөлшерде байқалады, бұл ретте парацетамол мен кофеиннің мұндағы деңгейлері плазмадағысымен барабар десе де болады. Барлық компоненттері плацента арқылы жылдам өтіп, емшек сүтіне түседі.
Препарат компоненттерінің метаболизмі бауырда жүреді. Салицил қышқылынан 4 белсенді емес метаболит түзіледі, парацетамол 2 белсенді емес метаболитті (барлық мөлшердің 75%) және N-ацетил-бензиминохинонды (N-АБИ, 25% дейін) түзеді. Кофеин белсенді емес 7 метаболит түзеді.
Метаболизм өнімдері өзгермеген күйінде бүйрек арқылы 60% салицилаттар, 10% кофеин және 5% парацетамол және метаболиттер түрінде шығарылады.
Барлық компоненттерінің жартылай шығарылу жылдамдығы 2-4,5 сағатты құрайды. Дозасын арттырған кезде басқа компоненттерімен салыстырғанда ацетилсалицил қышқылының шығарылуы жылдамдығы 15 сағатқа дейін баяулағаны байқалады. Темекі шегетін адамдарда цитрамонның басқа компоненттерімен салыстырғанда, кофеиннің шығарылу жылдамдығының үдегені байқалады.
Фармакодинамикасы
Цитрамон-Боримед біріктірілген препарат болып табылады, ол ауыруды басатын және ыстықты түсіретін әсерге ие.
Әсер ету механизмі простагландиндер өнімін бұзуымен, сондай-ақ пуриндік A1 мен А2А-рецепторларын бөгеуімен байланысты.
Цитрамон-Боримед әдетте соматикалық сипаттағы әлсіз және орташа қарқынды ауыруларды: бұлшықет, буын, сіңір, жүйке діңіндегі ауыруларды, бас пен тіс ауыруларын басады. Висцеральді ауырулар (ішкі мүшелер қабынуы, бүйрек және бауыр шаншулары) кезінде апиындық анальгетиктерден әлсіз болады.
Цитрамон-Боримед дененің жоғары температурасын төмендетеді, дененің қалыпты температурасына әсер етпейді.

Қолданылуы
- шығу тегі әр түрлі бас ауыруында

Қолдану тәсілі мен дозалары
Ішке, дұрысы тамақтану аралықтарында немесе тамақтан кейін бірден қолданылады.
Ересектер мен 15 жастан үлкен балаларға күніне 2-3 рет 1 таблетка дозасында тағайындайды. Препаратты қабылдау аралықтарындағы үзілістер кемінде 6-8 сағатты құрауы тиіс. Ең жоғарғы бір реттік дозасы – 2 таблетка, ең жоғарғы тәулікті дозасы – 4 таблетка.
Ыстықты түсіретін дәрі ретінде дене температурасы 38,5°С-ден асқанда (анамнезінде фебрильдік құрысулары бар пациенттерде температура 37,5°С-ден асқанда) 1-2 таблетка дозасында тағайындайды.
Ауыруды басатын дәрі ретіндегі қолдану ұзақтығы 5 күннен, ыстықты түсіретін дәрі ретінде – 3 күннен аспауы тиіс.

Жағымсыз әсерлері
- жүрек айнуы, анорексия, гастралгия, асқазан-ішек жолының эрозиялы-ойық жаралы зақымданулары, асқазан-ішектен қан кетулер
- аллергиялық реакциялар, тері бөртпелері, ангионевроздық ісіну
- «аспириндік» демікпе және «аспириндік» триада (Фернон-Видаль синдромы)
- интерстициальді нефрит, папиллярлық некроз, нефроздық синдром, бүйрек жеткіліксіздігі
- тромбоцитопения, анемия, лейкопения.
- бауырдың жедел майлы дистрофиясы, уытты гепатит, Рейе синдромы, бауыр жеткіліксіздігі
- жүрек жеткіліксіздігі ауырлығының күшеюі, созылмалы жүрек жеткіліксіздігінің жасырын жүретін түрлерінің манифестациясы
- мазасыздық, қозу, ұйқысыздық, бас айналуы, бас ауыруы, көрудің бұзылуы, құлақтағы шуыл, есту өткірлігінің төмендеуі, асептикалық менингит
- тахикардия, аритмия, АҚ көтерілуі
- осының алдындағы ұзақ қолдану аясында препаратты тоқтатқаннан кейін дағдыланудан туындаған бас ауыруы
- тератогендік әсер

Қолдануға болмайтын жағдайлар
- препарат компоненттеріне жоғары сезімталдық
- глюкоза-6-фосфатдегидрогеназа тапшылығы
- АІЖ өршу фазасындағы эрозиялы-ойық жаралы зақымданулары
- асқазан-ішектен қан кетулер
- «аспириндік» демікпе мен «аспириндік» триада
- геморрагиялық диатездер (Виллебранд ауруында, тромбоцитопениялық пурпурада, телеангиоэктазияда), гипопротромбинемия, гемофилия
- қолқаның қатпарланған аневризмасы
- портальді гипертензия
- К дәруменінің тапшылығы
- метотрексатты аптасына 15 мг және одан көп дозада қабылдау
- бүйрек пен бауыр жеткіліксіздігі
- жүктілік және лактация кезеңі
- подагра және подагралық артрит
- 15 жасқа дейінгі балаларда вирустық аурулар аясындағы гипертермиямен қатар жүретін аурулар
- III дәрежедегі артериялық гипертензия
- жүрек-қантамыр жүйесінің органикалық аурулары (оның ішінде атеосклероз)
- жоғары қозғыштық, ұйқының бұзылуы
- глаукома

Дәрілермен өзара әрекеттесуі
Бір мезгілде қолданғанда метотрексаттың, вальпрой қышқылының, барбитурат препараттарының уыттылығын, есірткілік анальгетиктердің, диабетке қарсы ішуге арналған препараттардың, сульфаниламидтік дәрілердің, ко-тримаксозолдың, трийодтирониннің, дигоксиннің әсерін күшейтеді.
Біріктірілген ішуге арналған контрацептивтер, фенитоин, алкоголь, барбитураттар, рифампицин, фенилбутазон, трициклдық антидепрессанттар препарат құрамына енетін парацетамолдың гепатоуытты әсерін арттырады.
Макролидтік антибиотиктер (клартромицин, эритромицин), интерферон препараттары мен зеңге қарсы дәрілер (кетоконазол, флуконазол) препарат компоненттерінің метаболизмін баяулатады және олардың плазмадағы концентрациясын жоғарылатады.
Тікелей емес антикоагулянттармен, тромбоциттер агрегациясының тежегіштерімен, тромболитикалық дәрілермен бір мезгілде қолданғанда қан кетулер қаупін арттырады.
АӨФ тежегіштері тобына жататын гипотензиялық дәрілердің, ілмектік және калий жинақтағыш диуретиктердің әсерін әлсіретеді.
Глюкокортикостероидтар асқазанның шырышты қабығына препарат компоненттерінің уытты әсерін күшейтіп, ацетилсалицил қышқылының қан плазмасындағы концентрациясын төмендетеді.
2-адреномиметиктермен (салметеролмен, сальбутамалмен, фенетеролмен) жоғары дозаларда бір мезгілде қолданғанда гипокалиемияның даму қаупін арттырады.
Теофиллинмен, аминофиллинмен бір мезгілде қолданғанда,олардың қан плазмасындағы концентрациясының жоғарылауы мен уыттану қаупінің артуы байқалады.
Плазмадағы литий иондарының концентрациясын арттырады.
Урикозуриялық дәрілердің әсерін әлсіретеді.
Алкогольдің асқазан-ішек жолы шырышты қабығына уытты әсерін күшейтеді.

Айрықша нұсқаулар
Педиатрияда қолданылуы
Цитрамонды вирустық инфекциямен немесе ЖРА-мен бірге жүретін гипертермиясы (қызбасы) бар, 15 жастан кіші балаларға пайдаланған кезде, дәрілік заттың құрамында ацетилсалицил қышқылы бар болғандықтан, Рейе синдромының (энцефалопатия және бауырдың жедел майлы дистрофиясының) даму қаупі жоғары. Цитрамон-Боримедті пациенттердің аталған тобында қолдануға болмайды.
Хирургиялық араласу кезеңінде қолдану
Операция барысындағы және операциядан кейінгі кезеңдегі қан кетудің даму қаупін азайту үшін, жоспарланған хирургиялық араласуға дейін 5-7 тәулік бұрын цитрамонды қабылдауды тоқтату қажет.
Бронх-өкпе жүйесінің патологиясы бар адамдарда қолданылуы
Бронх демікпесі, мұрын полипозы бар пациенттерде және пішен қызбасында цитрамонды қолдану аурудың өршуіне түрткі болуы мүмкін.
Зертханалық көрсеткіштерге әсері
Цитрамонмен емделу кезінде қан плазмасындағы глюкоза деңгейінің жоғарылауы және гликемиялық бейінді анықтаудың нәтижелері бұрмалануы мүмкін.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Жоғары дозаларда ішке қабылдаған кезде цитрамонның құрамына енетін кофеин зейін қоюды қиындатады және зейін қою қажеттілігімен байланысты жұмыстарды орындау кезінде оператор қателерінің санын арттырады.

Артық дозалануы
Ұсынылған дозасын және қолданылу ұзақтығын арттыруға болмайды!
Симптомдары: жеңіл уыттануда: жүрек айнуы, құсу, асқазанның ауыруы, бас айналуы, құлақтағы шуыл
- ауыр уыттану кезінде: мәңгіру, ұйқышылдық, коллапс, құрысулар, тыныстың тарылуы, анурия, қан кетулер.
Емі: белсендірілген көмірді пайдаланып асқазанды шаю, симптоматикалық ем, зат алмасу жағдайында байланысты – натрий гидрокарбонатын, натрий цитратын немесе натрий лактатын енгізу, ол несептің сілтіленуі есебінен ацетилсалицил қышқылының шығарылуын күшейтеді.


Шығарылу түрі және қаптамасы
Пішінді ұяшықты қаптамада 10 таблеткадан (қорапшаға салынбайды).
Пішінді ұяшықсыз қаптамада 6 таблеткадан. Пішінді ұяшықсыз қаптамалар медициналық қолдану жөніндегі мемлекеттік және орыс тілдеріндегі нұсқаулықпен бірге топтық қаптамаға салынған.

Сақтау шарттары
Құрғақ, жарықтан қорғалған жерде, 25оС-ден аспайтын температурада сақтау керек.
Балалардың қолы жетпейтін жерде сақтау керек!

Сақтау мерзімі
4 жыл
Жарамдылық мерзімі өткеннен кейін қолдануға болмайды.

Дәріханалардан босатылу шарттары
Рецептісіз

Өндіруші
«Борисов медициналық препараттар зауыты» ашық акционерлік қоғамы Беларусь Республикасы, Минск обл., Борисов қ., Чапаев к-сі, 64, тел./факс: +375(177)734043.

Тіркеу куәлігі иесінің атауы мен елі
«Борисов медициналық препараттар зауыты» ашық акционерлік қоғамы, Беларусь Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы:
Қазақстан Республикасы, 050026. Алматы қ. Нұрмақов к-сі 26/195, 39 пәтер, «МедФарм» ЖК, тел/факс: +7 (727) 2911 198, тел: +7 777 7040709, +7 777 2306494;
Е-mail: pvqa-bzmp-kz@mail.ru




Дәріханалар

Тауар артығымен бар
Тауар аз қалды
Аптека № 12 ПТ Кызылорда (Арай Молл)
г. Кызылорда, ул. Жибек жолы, 13А
Круглосуточно
Аптека №293
ул. Саламатова 16А
Круглосуточно
Аптека №130
г.Кызылорда, ул.Абая 28а
Круглосуточно
Аптека № 254, Кызылорда (ТД Сырдария)
г.Кызылорда ул.Журба 65 рядом ТЦ Сырдарья
Круглосуточно
Аптека № 246, Кызылорда (мкр. Шугыла)
Кызылординска Область. Г. Кызылорда ,м/а шугыла д 53
Круглосуточно
Аптека №189
ул. Желтоксан 24 А
Круглосуточно
Аптека № 245, Кызылорда (ул.Желтоксан д.8А)
г. Кызылорда, ул. Желтоксан, д.8А
Круглосуточно