Визаллергол 0,2% гл.капли 2,5 мл

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Визаллергол

Халықаралық патенттелмеген атауы

Олопатадин

Дәрілік түрі, дозалануы

Көзге тамызатын дәрі 0.2%

Фармакотерапиялық тобы

Сезім мүшелері. Офтальмологиялық препараттар. Деконгестанттар және аллергияға қарсы препараттар. Басқа да аллергияға қарсы препараттар. Олопатадин

АТХ коды S01GX09

Қолданылуы

- аллергиялық конъюнктивитте көз қышынуын басу үшін.

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- препараттың компоненттеріне жоғары сезімталдық

- 3 жасқа дейінгі балалар

- жүктілік және емшек емізу кезеңі.

Қолдану кезіндегі қажетті сақтандыру шаралары

Бұл препарат тек жергілікті офтальмологиялық қолдануға арналған. Бұл препарат инъекциялық немесе пероральді қолдануға арналмаған емес.

Басқа дәрілікпрепараттармен өзара әрекеттесуі

Олопатадиннің басқа дәрілік заттармен өзара әрекеттесуі бойынша зерттеу жүргізілген жоқ.

Қажет болған жағдайда офтальмологияда жергілікті қолдануға арналған басқа дәрілік препараттармен біріктірілімде қолданылуы мүмкін. Бұл жағдайда оларды қолдану арасындағы аралық кемінде 5 минутты құрауы тиіс.

Арнайы сақтандырулар

Олопатадин гидрохлориді офтальмологияда жергілікті қолдануға арналған аллергияға қарсы/антигистаминді препарат және жергілікті қолданылуына қарамастан жүйелі қан ағымына сіңуі мүмкін. Аса жоғары сезімталдықтың айқын реакциялары пайда болғанда препаратты қолдануды тоқтату керек.

Визаллерголды жанаспалы линзаларды қолданудан туындаған конъюнктивалық инъекцияны басу үшін қолдануға болмайды.

Препарат құрамында бензалконий хлориді бар, ол жұмсақ жанаспалы линзалармен сіңірілуі және көздің тітіркенуін туындатуы мүмкін. Инстилляция алдында жанаспалы линзаларды алып тастау керек және препаратты тамызғаннан кейін 15 минуттансоң ғана қайтадан салуға болады.

Офтальмологиялық өнімде консервант ретінде кеңінен қолданылатын бензалконий хлориді бірқатар зерттеулерге сәйкес нүктелік кератопатияға және / немесе уытты ойық жаралы кератопатияға себепкер болып табылады. Препарат құрамында бензалконий хлориді болғандықтан, жиі немесе ұзақ пайдаланғанда құрғақ көз синдромы бар пациенттердің, сондай-ақ мөлдір қабығы зақымдалған пациенттердің көзінің жай-күйіне мұқият мониторинг жүргізу қажет.

Бүйрек және бауыр патологиясы бар пациенттерде, сондай-ақ егде жастағы адамдарда препарат дозасын түзету қажет емес.

Педиатрияда қолдану

Визаллергол препаратын 3 жастан асқан балаларда ересектердегідей дозаларда қолдануға болады. Олопатадинді 3 жасқа дейінгі балаларда қолданудың тиімділігі мен қауіпсіздігі расталмаған.

Жүктілік немесе лактация кезінде

Препаратты жүктілік және лактация кезінде қолдану бойынша жеткілікті тәжірибе жоқ

Жүктілік

Олопатадиндіжүктілік кезінде және бала туатын жастағы,контрацепция құралдарын пайдаланып жүрмеген әйелдерге қолдану ұсынылмайды.

Лактация

Жаңа туған нәрестелер мен емшектегі балалар үшін қауіптілігін жоққа шығаруға болмайды. Визаллергол дәрілік препаратын емшек емізу кезінде қолдану ұсынылмайды

Дәрілік заттың көлік құралын және қауіптілігі зор механизмдердібасқару қабілетіне әсер ету ерекшеліктері

Визаллергол көлік құралдарын, механизмдерді басқару мүмкіндігіне елеулі әсер етпейді. Егер тікелей инстилляциядан кейін көрудің бұлыңғырлығы байқалса, көру анықтығы қалпына келгенге дейін көлік құралдары мен механизмдерді басқарудан бас тарту қажет.

Қолдану жөніндегі нұсқаулар

Дозалану режимі

Ересектер

Визаллергол дәрілік препаратын зақымданған көзге (көздерге) күніне 1 рет 1 тамшыдан тамызады. Емдеу курсының ұзақтығы, қажет болған жағдайда 4 айға дейін созылуы мүмкін.

Балалар

Визаллергол препаратын 3 жастан асқан балаларда ересектердегідей бірдей дозада қолдануға болады

Енгізу әдісі және жолы

Көзге жергілікті қолдануға арналған

Препараттың микробтық контаминациясын болдырмау үшін құтының ұшын қабаққа, көз маңы аумағының терісіне және басқа беткейлерге тигізбеу керек. Препаратты қолданғаннан кейін қақпақты тығыз жабу керек.

Қабылдау уақытының көрсетілуімен қолдану жиілігі

Күніне 1 рет

Емдеуұзақтығы

Емдеу курсының ұзақтығы, қажет болған жағдайда 4 айға дейін созылуы мүмкін.

Артық дозалану жағдайында қабылдау қажет болатын шаралар

Симптомдары:жергілікті қолданғанда артық дозалану ықтималдығы аз.

Емі: көзге препараттың артық мөлшері тигенде көзді мол мөлшердегі

жылы сумен шаю керек.

Дәрілік препараттың бір немесе бірнеше дозасын өткізіп алу кезіндегі қажетті шаралар

Егер бір дозаны өткізіп алсаңыз, онда емдеуді келесі дозаны әдеттегідей енгізе отырып одан әрі жалғастыру керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну ұсынылады

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз құбылыстардың кездесу жиілігінің градациясы: өте жиі (>1/10), жиі (>1/100-ден <1/10 дейін), жиі емес (>1/1,000-ден <1/100 дейін), сирек (>1/10,000-ден <1/1000 дейін), өте сирек (<1/10,000), жиілігі белгісіз (кездесу жиілігін қолда бар деректер негізінде анықтау мүмкін емес).

Жиі

- қатты қажығыштық

- жанаспалы дерматит

- терінің ашытып-күйдіру сезімі

- терінің құрғауы

- мұрынның құрғауы

- көздің ауыруы

- көздің тітіркенуі

- «құрғақ» көз синдромы

- көздегі әдеттен тыс сезімдер

- бас ауыруы

- дисгезия

Жиі емес

- ринит

- мөлдір қабықтың эрозиясы

- мөлдір қабық эпителиінің ақауы

- нүктелі кератит

- кератит

- диагностикалық сынамалар жүргізу кезінде мөлдір қабық ақауы аймағында бояғышпигменттің жинақталуы

- көзден бөліністердің шығуы

- көз қарығу

- көрудің бұлыңғырлануы

- көру өткірлігінің төмендеуі

- блефароспазм

- көздегі жайсыздық

- көздің қышуы

- конъюнктива фолликулезі

- конъюнктива тарапынан бұзылулар

- көзде бөгде денені сезіну

- жас ағу

- қабақэритемасы

- қабақтың ісінуі

- конъюнктивалық инъекция

- қабақ тарапынан бұзылулар

- бас айналу

- гипестезия

Жиілігі белгісіз:

- астения

- өзін жайсыз сезіну

- дерматит

- эритема

- жүрек айнуы

- құсу

- диспноэ

- синусит

- мөлдір қабықтың ісінуі

- конъюнктиваның ісіну

- конъюнктивит

- мидриаз

- көру функциясының бұзылуы

- қабақтың шеттеріндегі қыртыстар

- ұйқышылдық

- аса жоғары сезімталдық

- беттің ісінуі

Өте сирек жағдайларда құрамында фосфаты бар тамшыларды мөлдірқабықтың қатарлас елеулі зақымдануы бар пациенттерде қолданғанда мөлдір қабықтың кальцификациясы дамыды.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 мл препараттың құрамында

белсенді зат- 2,22 мг олопатадин гидрохлориді

(2 мг олопатадинге баламалы),

қосымша заттар: бензалконий хлориді, повидон К-29/32, сусыз натрий гидрофосфаты, натрий хлориді, дисодий эдетаты,натрий гидроксиді, хлорсутек қышқылы,инъекцияға арналған су.

Сыртқы түрінің, иісінің, дәмінің сипаттамасы

Түссізден сары түске дейінгі мөлдір ерітінді.

Шығарылу түрі және қаптамасы

Сыйымдылығы5 мл,пластик ұштығы және бірінші ашылуы бақыланатын бұралатын қалпақшасы бар полиэтилен құтыларға 2.5 мл препараттан құйылған.

1 құтыдан медициналық қолдану жөніндегі қазақ және орыс тілдеріндегі бекітілген нұсқаулықпен бірге картон қорапшаға салынады.

Сақтау мерзімі

2 жыл

Құтыны ашқаннан кейінгі қолданылу кезеңі 28 күн.

Жарамдылық мерзімі өткеннен кейін қолдануға болмайды!

Сақтау шарттары

2°C-ден - 25°C-гедейінгітемпературада сақтау керек.

Мұздатыпқатыруға болмайды.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

СЕНТИСС ФАРМА Пвт. Лтд., 212/Д-1, Грин Парк, Нью Дели, Үндістан

Зауытта: Виллидж Кхера Нихла, Техсил Налагарх, Солан ауданы, Химачал Прадеш 174 101, Үндістан

Тіркеу куәлігінің ұстаушысы

СЕНТИСС ФАРМА Пвт. Лтд., Үндістан

212, Аширвад Коммершиал Комплекс,

Д-1, Грин Парк, Нью Дели, 110016, Үндістан

Тел: +91 11 26863503

факс: +91 11 26968517

Электронды пошта: information@sentisspharma.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Sentiss Kazakhstan» (Сентисс Қазақстан) ЖШС,

Қазақстан Республикасы, 050062,

Алматы қ., Әуезов ауданы, Қабдолов к-сі 16, №1 корпус,

«NGDEM» бизнес орталығы, 5-ші қабат, №505/3 үй-жай,

Тел./факс: +7 (7272) 76-83-57

Email: sentiss_kz@sentisspharma.com

Дәріханалар