Зитрокс 250 мг № 6 табл п/плён оболоч
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Зитрокс 250 мг № 6 табл п/плён оболоч

2307
Қолжетімділігі
Сатылымда бар
Үлгі
8901463096024
Елі
Индия
Өндіруші
Маклеодз
0-0-4 бөліп төлеу
577 x 4 ай
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Саудалық атауы

Зитрокс-Маклеодс 250

Халықаралық патенттелмеген атауы

Азитромицин

Дәрілік түрі, дозасы

Үлбірлі қабықпен қапталған таблеткалар, 250 мг

Фармакотерапиялық тобы

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Макролидтер, линкозамидтер және стрептограминдер. Макролидтер. Азитромицин

АТХ коды J01FA10

Қолданылуы

Азитромицинге сезімтал микроорганизмдер туындатқан инфекцияларды емдеу:

- жоғарғы тыныс алу жолдарының инфекциялары, оның ішінде фарингит, тонзиллит, синусит

- ортаңғы отит

- төменгі тыныс алу жолдарының инфекциялары, оның ішінде бронхит және ауруханадан тыс пневмония

- көшпелі эритема қатысатын тері мен жұмсақ тіндердің инфекциялары (бірінші сатыдағы Лайм ауруы)

- эризипель, импетиго және салдарлы пиодермия

- Chlamydia trachomatis және Neisseria gonorrhoeae туындатқан асқынбаған генитальді инфекциялар, уретрит және цервицит

- Helicobacter pylori туындатқан асқазандық және дуоденальді инфекциялар

Қолданудың басталуына дейін қажетті мәліметтер тізбесі

Қолдануға болмайтын жағдайлар

- азитромицинге, эритромицинге, кез келген макролидтік немесе кетолидтік антибиотикке немесе препараттың қосымша заттарының кез келгеніне аса жоғары сезімталдық

Басқа дәрілік препараттармен өзара әрекеттесуі

Азитромицин P450 цитохромының бауыр жүйесімен елеулі өзара әрекеттеспейді. Эритромицинде және басқа да макролидтерде байқалғандай фармакокинетикалық дәрілік өзара әректтесулер байқалмады деп саналады. P450 бауыр цитохромының цитохром-метаболит кешенінің көмегімен индукциялануы немесе белсенділігінің жойылуы азитромицинмен жүрмейді.

Эрготамин туындылары. Теориялық тұрғыдан эрготизмнің ықтималдығына байланысты азитромицинді қастауыш туындыларымен бір мезгілде пайдалану ұсынылмайды.

Цизаприд. Цизаприд бауырда CYP 3A4 ферментімен метаболизденеді. Макролидтер осы ферментті тежейтіндіктен, цизапридті бір мезгілде қабылдау QT аралығының ұзаруына, қарыншалық аритмияға және пуанттардың деформациясына әкелуі мүмкін.

Дигоксин және колхицин. Дигоксин және колхицин сияқты Р-гликопротеин субстраттарымен бірге азитромицинді қоса, макролидті антибиотиктерді бір мезгілде қабылдау Р-гликопротеин субстратының сарысулық деңгейлерінің артуына әкелетіні хабарланған. Демек, егер дигоксин сияқты азитромицин мен P-гликопротеин субстраттарын бір мезгілде енгізсе, сарысудағы дигоксин концентрациясының жоғарылау мүмкіндігін ескеру керек. Азитромицинмен емдеу кезінде және оны тоқтатқаннан кейін сарысудағы дигоксин деңгейін клиникалық мониторинг және бақылау қажет.

Циклоспорин. Циклоспорин және азитромицин препараттарын бір мезгілде қабылдауды қарастырудан бұрын сақ болу керек. Егер осы препараттарды бірге енгізу қажет болса, циклоспорин деңгейін бақылау және тиісінше дозаны түзету керек.

Теофиллин. Азитромицин мен теофиллинді дені сау еріктілерге бірге енгізілгенде клиникалық маңызды фармакокинетикалық өзара әрекеттесуінің ешқандай дәлел жоқ. Басқа макролидтердің теофиллинмен өзара әрекеттесуі туралы хабарланғандықтан, теофиллин деңгейінің жоғарылауын көрсететін белгілерге қатысты сақ болу ұсынылады.

Антацидтер. Азитромицинмен бір мезгілде антацидті енгізудің әсерін зерттейтін фармакокинетикалық зерттеуде сарысудағы ең жоғары концентрациялар шамамен 24%-ға төмендесе де, жалпы биожетімділікке ешқандай әсер байқалмайды. Азитромицин де, антацидтер да алатын пациенттерде препараттарды бір мезгілде қабылдауға болмайды.

Флуконазол. Азитромициннің 1200 мг бір дозасын бірге енгізу 800 мг флуконазолдың бір реттік дозасының фармакокинетикасын өзгертпейді. Азитромициннің жалпы әсері мен жартылай ыдырау кезеңі флуконазолды бір мезгілде енгізгенде өзгермейді, алайда азитромициннің Cmax (18%) клиникалық елеусіз төмендеуі байқалады.

Нелфинавир. Азитромицин (1200 мг) мен нельфинавирді тұрақты күйде (күніне үш рет 750 мг) бірге енгізу азитромицин концентрациясының артуына әкеледі. Клиникалық тұрғыдан маңызды жағымсыз әсерлер байқалмайды және дозаны түзету қажет емес.

Рифабутин. Азитромицин мен рифабутинді бірге қолдану бір де бір препараттың сарысуының концентрациясына әсер етпейді. Нейтропения азитромицинмен және рифабутинмен қатар қабылдайтын субъектілерде байқалуы мүмкін. Нейтропения рифабутинді қолданумен байланысты болса да, азитромицин біріктірілімімен себеп-салдарлық байланыс анықталмаған.

Терфенадин. Фармакокинетикалық зерттеулер азитромицин мен терфенадин арасындағы өзара әрекеттесудің белгілерін анықтаған жоқ. Мұндай өзара әрекеттесу мүмкіндігін толығымен алып тастау мүмкін болмаған сирек жағдайлар туралы хабарланады; алайда мұндай өзара әрекеттесудің орын алғаны туралы ешқандай нақты дәлелдер болмаған.

Циметидин. Циметидинді азитромицинге дейін 2 сағат бұрын тағайындағанда азитромициннің фармакокинетикасында ешқандай өзгерістер байқалмайды.

Кумарин типті пероральді антикоагулянттар. Фармакокинетикалық өзара әрекеттесуді зерттеуде азитромицин дені сау еріктілерге енгізілетін 15 мг варфариннің бір реттік дозасының антикоагулянттық әсерін өзгерткен жоқ. Азитромицин және кумарин типті пероральді антикоагулянттарды бірге енгізгеннен кейін потенциалданған антикоагуляцияның маркеттингтен кейінгі кезеңінде алынған хабарламалар болды. Себеп-салдарлық байланыс анықталмаса да, кумарин типті пероральді антикоагулянттар қабылдайтын пациенттерде азитромицинді пайдалану кезінде протромбиндік уақытқа мониторинг жиілігін ескеру керек.

Триметоприм / сульфаметоксазол. Триметоприм/ сульфаметоксазолды азитромицинмен бірге қолдану ең жоғары концентрацияға, триметоприм немесе сульфаметоксазол жалпы әсеріне немесе несеппен экскрециясына елеулі әсер етпейді.

Зидовудин. Азитромицинді бірге қолдану шеткері қанның мононуклеарлы жасушаларында клиникалық тұрғыдан белсенді метаболит – фосфорланған зидовудиннің концентрациясын арттырады. Бұл жаңалықтың клиникалық мәні түсініксіз, бірақ пациенттер үшін пайдалы болуы мүмкін.

Аторвастатин. Аторвастатин мен азитромицинді бірге қолдану плазмадағы аторвастатиннің концентрациясын өзгертпейді (HMG CoM-редуктазасының тежелуін талдау негізінде).

Карбамазепин. Бір мезгілде азитромицин алатын пациенттерде плазмадағы карбамазепин деңгейіне немесе оның белсенді метаболитіне елеулі әсер ету байқалмайды.

Цетиризин. Азитромицинді цетиризинмен стационарлық жағдайда бірге қолдану фармакокинетикаға әсер етпейді және QT аралығында елеулі өзгерістер тудырмайды.

Диданозиндер (дидезоксиинозин). Азитромицинді алты АИТВ-оң пациентте диданозинмен бірге қолдану диданозиннің тұрақты жағдайының фармакокинетикасына әсер етпейді.

Эфавиренз. Азитромицин мен эфавиренздің бір реттік дозасын 7 күн ішінде күнделікті бірге қолдану қандай да бір клиникалық тұрғыдан маңызды фармакокинетикалық өзара әрекеттесулерге әкелмейді.

Индинавир. Азитромицинді бірге қолдану индинавир фармакокинетикасына статистикалық маңызды әсер етпейді.

Метилпреднизолон. Азитромицин метилпреднизолонның фармакокинетикасына елеулі әсер етпейді.

Мидазолам. Азитромицинді бірге қолдану мидазолам фармакодинамикасының клиникалық тұрғыдан елеулі өзгерістерін тудырмайды.

Силденафил. Азитромицин силденафилге немесе оның негізгі айналымдағы метаболитінің AUC және Cmax әсер етпейді.

Триазолам. Азитромицинді триазоламмен бірге қолдану триазоламның фармакокинетикалық параметрлерінің ешқайсысына елеулі әсер етпейді.

Арнайы сақтандырулар

Аса жоғары сезімталдық

Эритромицинмен және басқа макролидтермен салыстырғанда ангионевроздық ісіну мен анафилаксияны (сирек өліммен аяқталатын) қоса, сирек күрделі аллергиялық реакциялар туралы хабарланды. Азитромицинмен осы реакциялардың кейбірі қайталанатын симптомдарға әкеледі және бақылау мен емдеудің ұзақ кезеңін талап етеді.

Гепатоуыттылық

Бауыр азитромицин метаболизмінің негізгі ағзасы болғандықтан, азитромицинді күрделі бауырдың аурулары бар пациенттерде сақтықпен қолдану керек. Азитромицинді қолданған кезде өмірге қауіпті бауыр жеткіліксіздігіне әкелетін шұғыл дамушы гепатит жағдайлары тіркелді. Кейбір пациенттерде бұрын болған бауыр аурулары болуы мүмкін немесе басқа да гепатоуытты дәрілік заттарды қабылдаған болуы мүмкін.

Бауырдың функционалдық сынамалары сарғаю, қара несеппен, қан кетуге бейімділікпен немесе бауыр энцефалопатиясымен байланысты тез дамып жатқан астения сияқты бауыр дисфункциясының белгілері мен симптомдары жағдайында жүргізілуі тиіс. Егер бауыр дисфункциясы туындаса, препарат қабылдауды дереу тоқтату керек.

Эрготамин туындылары

Эрготамин туындылары бар пациенттерде эрготизм кейбір макролидтік антибиотиктерді бір мезгілде тағайындағанда тездетіледі. Эрготамин туындыларының азитромицинмен өзара әрекеттесу ықтималдығы туралы деректер жоқ. Алайда теориялық тұрғыдан эрготизм болуы мүмкіндігіне байланысты азитромицин мен қастауыш туындылары бір мезгілде енгізілмеуі тиіс.

QT аралығының ұзаруы

Жүрек аритмиясы мен қарыншаның дірілдеуі/фибрилляциясы даму қаупін тудыратын жүректің реполяризациясы мен QT аралығының ұзаруы басқа макролидтермен емдеу кезінде анықталды. Сондықтан, келесі жағдайлар жүректің тоқтауына әкелуі мүмкін қарыншалық аритмиялардың (қарыншалардың дірілдеуін/фибрилляциясын қоса) жоғары қаупіне әкелуі мүмкін болғандықтан, азитромицинді төмендегідей проаритмиялық жағдайлары жалғасып жатқан:

- туа біткен немесе құжатталған түрде пайда болған QT арылығының ұзаруы бар

- қазіргі уақытта IA класты (хинидин және прокаинамид) және III класты (дофетилид, амиодарон және соталол) аритмияға қарсы препараттар, цизаприд және терфенадин сияқты QT аралығын ұзартатыны белгілі басқа белсенді заттармен; пимозид сияқты антипсихотикалық агенттермен; циталопрам сияқты антидепрессанттармен; және моксифлоксацин және левофлоксацин сияқты фторхинолондармен ем қабылдайтын

- әсіресе гипокалиемия және гипомагниемия жағдайындағы электролиттік бұзылуы бар

- клиникалық тұрғыдан елеулі брадикардиясы, жүрек аритмиясы немесе ауыр жүрек жеткіліксіздігі бар пациенттерде (әсіресе әйелдер мен егде адамдарда) сақтықпен қолдану керек

Суперинфекция

Кез-келген антибиотикпен болатындай, зеңдерді қоса, сезімтал емес организмдермен суперинфекция белгілерін бақылау ұсынылады.

Clostridium difficile астасқан диарея (CDAD)

Азитромицинді қоса, барлық дерлік бактерияға қарсы дәрілерді пайдалана отырып, Clostridium difficile (CDAD) байланысты диарея туралы хабарланған және оның ауырлық дәрежесі жеңіл диареядан фатальды колитке дейін ауытқуы мүмкін. Бактерияға қарсы дәрілермен емдеу жуан ішектің қалыпты флорасын өзгертеді, бұл C. difficile шамадан тыс өсуіне әкеледі. C. difficile A және B токсиндерін өндіреді, бұл CDAD дамуына ықпал етеді. Гипертоксин өндіретін C. Difficile штаммдары ауру мен өлімнің көптігін тудырады, себебі бұл инфекциялар микробқа қарсы емге сезімтал болмауы мүмкін және колэктомияны талап етуі мүмкін. CDAD антибиотиктерді қолданғаннан кейін диареясы бар барлық пациенттерде қарастырылуы тиіс. Мұқият медициналық анамнез қажет, себебі CDAD микробқа қарсы препараттарды енгізгеннен кейін екі айдан соң пайда болатыны хабарланған. CDAD антиперистальтика қарсы көрсетілген.

Стрептококктық инфекциялар

Пенициллин әдетте Streptococcus pyogenes туындатқан фарингит / тонзиллитті емдеу үшін, сондай-ақ жедел ревматизмдік қызбаның профилактикасы үшін бірінші таңдау болып табылады. Азитромицин жалпы ауызжұтқыншақта стрептококктерге қарсы тиімді, бірақ жедел ревматизмдік қызбаның профилактикасында азитромициннің тиімділігін көрсететін деректер жоқ.

Бүйрек жеткіліксіздігі

Ауыр бүйрек жеткіліксіздігі (ШСЖ <10 мл / мин) бар пациенттерде азитромициннің жүйелі әсерінің 33%-ға ұлғаюы байқалды.

Миастения

Азитромицинмен ем қабылдаған пациенттерде миастения симптомдарының өршуі және миастения синдромының жаңа басталуы байқалды.

Азитромицинді тағайындаар алдында мыналарды ескеру керек:

Антибиотиктің қандағы жоғары концентрациясы қажет болғанда, препарат ауыр инфекцияларды емдеуге жарамсыз.

Азитромицин резистентті изоляттардың таралуы 10% немесе одан да көп болатын аудандарда инфекцияларды эмпирикалық емдеу үшін алғашқы таңдау болып табылмайды.

Эритромицинге резистенттілік жиілігі жоғары аудандарда. Азитромицинге және басқа антибиотиктерге сезімталдық құрылымының эволюциясын ескеру өте маңызды.

Басқа макролидтерге келетін болсақ, кейбір елдерде Streptococcus pneumoniae азитромицинге резистенттілігінің жоғары деңгейі (> 30%) байқалады. Бұл Streptocococcus pneumoniae тудырған инфекцияларды емдеуде ескеру керек.

Жүктілік

Азитромицинді жүкті әйелдерде қолдану қауіпсіздігі туралы жеткілікті деректер жоқ. Жануарлардағы репродуктивті уыттылық бойынша зерттеулерде азитромицин плацента арқылы өтетіні анықталды, бірақ тератогенді әсерлер байқалмады. Жануарлардағы репродуктивті уыттылық бойынша зерттеулер адамның реакциясын әрдайым көрсете бермегендіктен, азитромицинді пайда қауіптен басым болса ғана жүктілік кезінде пайдалану керек.

Лактация

Емшек сүтіндегі секреция туралы деректер жоқ. Көптеген дәрілер емшек сүтімен бөлінгендіктен, егер дәрігер потенциалды пайда сәбиге төнетін потенциалды қауіптен басым деп санамаса, азитромицинді бала емізетін әйелді емдеуде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Сирек жағдайларда азитромицин бас айналу, құрысу сияқты жағымсыз реакцияларды тудыруы мүмкін. Осындай реакциялар туындаған жағдайда, көлік құралдарын басқарудан және аса назар қою мен психомоторлық реакциялардың жоғары жылдамдығын қажет ететін басқа да ықтимал қауіпті қызмет түрлерімен айналысудан бас тарту қажет.

Қолдану жөніндегі нұсқаулар

Дозалау режимі

Дене салмағы 45 кг артық балалар мен жасөспірімдер, ересектер

Асқынбаған уретрит пен Chlamydia trachomatis цервициті кезіндегі доза бір реттік пероральді доза түрінде 1000 мг құрайды.

Барлық басқа көрсетілімдер үшін үш күн қатарынан күніне 500 мг түрінде енгізуге доза 1500 мг құрайды. Альтернатива ретінде сол жалпы дозаны (1500 мг) бірінші күні 500 мг және екінші күннен бесінші күнге дейін 250 мг бес күн ішінде енгізуге болады.

Дене салмағы 45 кг жетпейтін балалар мен жасөспірімдер:

Жоғарғы және төменгі тыныс алу жолдарының, тері мен жұмсақ тіндердің (көшпелі эритеманы қоспағанда) инфекцияларын емдеу үшін азитромициннің жалпы дозасы 30 мг/кг құрайды және үш күн ішінде (күніне бір рет 10 мг/кг) қабылданады.

Стрептококкты фарингитті емдеу үшін балаларға 3 күн бойы 10 мг/кг немесе 20 мг/кг бір реттік дозада тағайындалады. Бұл 2 доза клиникалық сынақтарда салыстырылған кезде, ұқсас клиникалық әсер байқалды, бірақ бактериялардың элиминациясы күнделікті 20 мг/кг дозада айқын болды. Дегенмен, Streptococcus pyogenes туындатқан фарингиттің және екінші ауру ретінде көрініс табатын ревматизмдік қызба профилактикасы кезінде таңдау препараты әдетте пенициллин.

Көшпелі эритеманы емдеу үшін азитромициннің жалпы тәуліктік дозасы мынадай түрде 60 мг/кг құрауы тиіс: бірінші күні 20 мг / кг және екінші-бесінші күні күніне бір рет тағы 10 мг/кг.

Helicobacter pylori туындатқан асқазан және он екі елі ішек инфекцияларын емдеу үшін доза дәрігердің шешімі бойынша антисекреторлық және басқа дәрілік заттармен бірге күніне 20 мг/кг құрайды.

Ерекше популяциялар

Егде жастағы пациенттер

Егде жаста тура ересек пациенттердегі дозалар диапазонын пайдалануға болады.

Бүйрек жеткіліксіздігі бар пациенттер

Бүйрек жеткіліксіздігінің ауырлық дәрежесі жеңіл және орташа (ШСЖ 10-80 мл / мин) пациенттерде дозаны түзету талап етілмейді.

Бауыр жеткіліксіздігі бар пациенттер

Бауыр функциясы жеңіл немесе орташа бұзылған пациентер үшін дозаны түзету талап етілмейді.

Енгізу әдісі және жолы

Таблетканы тәулігіне 1 рет тамақтану кезінде, жарты стақан сумен жұтып, қабылдайды.

Артық дозалану жағдайында қабылдануы қажет шаралар

Симптомдары: қайтымды естімей қалу, жүрек айнуы, құсу, диарея.

Емі: асқазанды шаю, белсендірілген көмір қолдану, қажет болса организмнің өмірлік маңызды функцияларын демеуге бағытталған симптоматикалық ем.

Дәрілік препаратты қабылдаудан бұрын қолдану тәсілін түсіндіру үшін дәрігерге немесе фармацевтке жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Өте жиі

- диарея, іш ауыруы, жүрек айнуы, метеоризм

Жиі

- анорексия

- бас ауыруы, бас айналуы, дисгевзия, парестезия, шаршау

- көрудің бұзылуы

- кереңдік

- құсу, диспепсия

- бөртпе, қышыну

- артралгия

- лимфоциттер санының төмендеуі, эозинофилдер санының артуы, қандағы бикарбонат деңгейінің төмендеуі, базофилдер деңгейінің артуы, моноцит деңгейінің артуы, нейтрофилдер деңгейінің артуы

Жиі емес

- кандидоз, ауыздағы кандидоз, қынаптық инфекция

- лейкопения, нейтропения

- ангионевроздық ісіну, аса жоғары сезімталдық

- гипестезия, ұйқышылдық, ұйқысыздық, күйгелектік

- естуің бұзылуы, құлақтың шыңылдауы

- жиі жүрек қағуы

- гастрит, іш қатуы

- гепатит

- есекжем, дерматит, терінің құрғауы, гипергидроз, жарыққа сезімталдық реакциясы

- меторрагия, аналық бездің бұзылысы

- ісіну, астения, кеуденің ауыруы, дімкәстік, шеткері ісінулер

- аспартатаминотрансферазаның жоғары деңгейлері, аланинаминотрансферазаның жоғары деңгейлері, қандағы билирубиннің жоғары деңгейлері, қандағы несепнәрдің жоғары деңгейлері, қандағы креатининнің жоғары деңгейлері, қандағы калийдің аномальді деңгейлері, қандағы сілтілік фосфатазаның жоғары деңгейлері, қан хлоридінің жоғары деңгейлері, қандағы глюкозаның жоғары деңгейі, тромбоциттер санының артуы, гематокрит деңгейінің төмендеуі, бикарбонат деңгейінің артуы, натрийдің қалыпты емес болуы

- емшарадан кейінгі асқынулар

Сирек

- ажитация

- бас айналуы

- бауыр функциясының бұзылуы

- жедел жайылған экзантематоздық пустулез, эозинофилия және жүйелі симптомдар кезінде дәрілік реакция

Белгісіз (қолда бар деректер негізінде бағалау мүмкін емес)

- жалған жарғақшалы колит

- тромбоцитопения, гемолитикалық анемия

- анафилаксиялық реакция

- озбырлық, мазасыздық, сандырақтау, елестеу

- естен тану, құрысу, психомоторлық аса жоғары белсенділік, аносмия, агезия, паросмия, миастения

- пуансондар деформациясы және қарыншалық тахикардияны, электрокардиограммадағы QT аралығының ұзаруын қоса, аритмия

- гипотония

- панкреатит, тіл түсінің өзгеруі

- бауыр жеткіліксіздігі, ол сирек жағдайларда өлімге, шұғыл дамитын гепатитке, бауыр некрозына, холестаздық сарғаюға әкеледі

- Стивенс-Джонсон синдромы, уытты эпидермалық некролиз, мультиформалы эритема

- интерстициальді нефрит және жедел бүйрек жеткіліксіздігі

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Құрамы

Бір таблетканың құрамында

белсенді зат - азитромицин дигидраты 262.02 мг (250 мг азитромицинге баламалы),

қосымша заттар: сусыз кальций гидрофосфаты, желатинделген крахмал (крахмал 1500), кросповидон, полисорбат-80, сусыз коллоидты кремнийдің қостотығы, микрокристалды целлюлоза (РН 112), натрий лаурилсульфаты, тальк, магний стеараты,

қабықтың құрамы: гипромеллоза (5 cps), титанның қостотығы (Е171), полиэтиленгликоль

Сипаттамасы

Капсула пішінді, екі беті дөңес, екі жағы да тегіс, ақ түсті қабықпен қапталған таблеткалар.

Шығарылу түрі және қаптамасы

6 таблеткадан алюминий фольгадан жасалған пішінді ұяшықсыз қаптамада.

1 пішінді ұяшықсыз қаптамадан мемлекеттік және орыс тілдеріндегі медициналық қолдану жөніндегі нұсқаулықпен бірге картон қорапшаға салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде 30°С-ден аспайтын температурада сақтау керек. Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Block N-1, Village: Theda, PO: Lodhimajra, Tehsil Baddi, Dist: Solan,

Macleods Pharmaceuticals Limited, Үндістан

Himachal Pradesh – 174 101, India

Тел.00912266762800

Факс 00912229256599

e-mail: exports@macleodspharma.com

Тіркеу куәлігінің ұстаушысы

Macleods Pharmaceuticals Limited, Үндістан

304, Atlanta Arcade, Marol Church Road, Andheri (East), Mumbai – 400 059, India.

Тел.00912266762800 Факс 00912229256599 e-mail: exports@macleodspharma.com Қазақстан Республикасы аумағында тұтынушылардан дәрілік заттардың сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Macleods Pharmaceuticals Limited» ЖШК филиалы, Қазақстан Республикасы

Алматы қ., Төлебаев к-сі 38/61, 5 қабат

Тел./факс. +7 727 2734593, 87012420565

е-mail: reports@macleodspharma.kz

Дәріханалар

Тауар артығымен бар
Тауар аз қалды
Аптека № 246, Кызылорда (мкр. Шугыла)
Кызылординска Область. Г. Кызылорда ,м/а шугыла д 53
Круглосуточно
Аптека № 12 ПТ Кызылорда (Арай Молл)
г. Кызылорда, ул. Жибек жолы, 13А
Круглосуточно
Аптека №130
г.Кызылорда, ул.Абая 28а
Круглосуточно
Аптека №299
ул. Толыбекова 14 А
09:00-22:00
Аптека № 256, Кызылорда (Жана базар)
г. Кызылорда, ул. Коркыт Ата, 84 А
Круглосуточно
Аптека № 254, Кызылорда (ТД Сырдария)
г.Кызылорда ул.Журба 65 рядом ТЦ Сырдарья
Круглосуточно
Аптека № 245, Кызылорда (ул.Желтоксан д.8А)
г. Кызылорда, ул. Желтоксан, д.8А
Круглосуточно
Аптека №189
ул. Желтоксан 24 А
9:00 - 00:00
Аптека №293
ул. Саламатова 16А
Круглосуточно