Фолиевая кислота 1 мг, №50 табл

Сипаттама

Дәрілік препаратты медициналық қолдану

жөніндегі нұсқаулық (Қосымша-парақ)

Саудалық атауы

Фолий қышқылы

Халықаралық патенттелмеген атауы

Фолий қышқылы

Дәрілік түрі, дозасы

Таблеткалар, 1мг

Фармакотерапиялық тобы

Қан және қан түзу ағзалары. Анемияға қарсы препараттар. В₁₂ дәрумені және фолий қышқылы. Фолий қышқылы және оның туындылары. Фолий қышқылы.

АТХ коды В03ВВ01

Қолданылуы

• фолий тапшылығы анемиясын емдеуде
• фолий қышқылы гипо- және авитаминозын, оның ішінде тропикалық және тропикалық емес спру
• толыққанды тамақтанбау

Қолдануды бастағанға дейін қажетті мәліметтер тізбесі

Қолдануға болмайтын жағдайлар

• препараттың компоненттеріне аса жоғары сезімталдық
• В₁₂ – тапшылықты анемия
• сахараза/изомальтаза тапшылығы
• фруктоза жақпаушылығы
• глюкоза-галактозалық мальабсорбциясы
• 18 жасқа дейінгі балалар мен жасөспірімдерге

Қолдану кезіндегі қажетті сақтық шаралары

Сақтықпен

Цианокобаламин тапшылығы бар фолий тапшылығында.

Басқа дәрілік препараттармен өзара әрекеттесуі

Құрысуға қарсы препараттар (соның ішінде фенитоин мен карбамазепин), эстрогендер, пероральді контрацептивтер фолий қышқылына қажеттілікті ұлғайтады.

Антацидтер (соның ішінде кальций, алюминий және магний препараттары), колестирамин, сульфонамидтер (соның ішінде, сульфасалазин) фолий қышқылының сіңірілуін төмендетеді.

Метотрексат, пириметамин, триамтерен, триметоприм дигидрофолатредуктазаны тежейді және фолий қышқылының әсерін төмендетеді (бұл препараттарды қолданатын пациенттерге оның орнына кальций фолинатын тағайындау керек).

Мырыш препараттарына қатысты бірыңғай ақпарат жоқ: бір зерттеулер фолаттар мырыш сіңуін тежейді десе, екіншісі бұл деректерді жоққа шығарады.

Емдеу уақытында антацидтердіфолий қышқылын қабылдағаннан кейін 2 сағаттан соң қолдану керек, колестираминді фолий қышқылын қабылдардан 4-6 сағат бұрын немесе қабылдағаннан кейін 1 сағаттан соң қолдану керек.

Антибиотиктер плазмадағы фолий қышқылының концентрациясы және эритроциттердің микробиологиялық бағасының нәтижесін қате көрсетуі мүмкіндігін ескеру керек.

Фолий қышқылының үлкен дозаларын қолдануда, сондай-ақ ұзақ уақыт бойы емдеудеВ₁₂(цианокобаламин) дәруменінің концентрациясы төмендеуі мүмкін.

Арнайы ескертулер

Фолий қышқылы гиповитаминозының профилактикасы ретінде теңгерілімді тамақтану дұрыс болады.

Фолий қышқылына бай тамақтар – көкөністер (салат, шпинат), қызанақтар, сәбіз, жаңа алынған бауыр, бұршақ тұқымдастар, қызылша, жұмыртқа, ірімшік, жаңғақтар, дәнді дақылдар.

Фолий қышқылын В₁₂-тапшылықты, нормоцитарлық және апластикалық анемияны емдеу үшін қолданбайды. В₁₂- тапшылықты анемияда фолий қышқылы, гематологиялық көрсеткіштерді жақсарта отырып,неврологиялықасқынуларды бүркемелейді. В₁₂-тапшылықты анемия бар-жоғы анықталғанша, фолий қышқылын тәулігіне 0,1 мг асатын дозаларда тағайындау ұсынылмайды (мыналардан басқа – жүктілік және лактация кезеңі).

Гемодиализ жүргізілетін пациенттер фолий қышқылының жоғары мөлшерін қажет ететіні ескеру керек.

Педиатрияда қолданылуы

Препарат 18 жасқа дейінгі балаларда қолдануға болмайды.

Жүктілік және лактация кезеңі

Бала көтеру кезеңінде емдік мақсатта қолданған кезде дозаны тәулігіне 5 мг-ға дейін арттыруға болады.

Жүктілікке дайындық кезінде және оның бірінші үштен бірінде фолий қышқылының жоғары дозалары фолий тәуелділігі бар нәрестелерді дүниеге әкелген әйелдерге де тағайындалады.

Дозаны және тәуекел дәрежесін дербес анықтау мүмкін емес, мұны тек емдеуші дәрігер жасау керек.

Дәрілік заттың көлік құралын және қауіптілігі зор механизмдердібасқару қабілетіне әсер ету ерекшеліктері

Препаратты қолдану көлік құралдарын басқару және басқа да жоғары назар аударуды және психомоторлық реакциялардың шапшаңдығын талап ететін қауіптілігі зор қызмет түрлерімен айналысу қабілетіне әсер етпейді.

Қолдану бойынша ұсынымдар

Дозалау режимі

Фолий тапшылығы анемиясында:ересектерге бастапқы доза – 1 мг/тәулік (1 таб). Үлкен дозаларды қолданғанда резистенттілік туындауы мүмкін.

Фолий қышқылының гипо - және авитаминозында (авитаминоздың ауырлығына қарай) ересектер үшін – 5 мг/тәулікке дейін (5 таб).

Қатар жүретін алкоголизмде, гемолитикалық анемияда, созылмалы инфекциялық ауруларда, гастроэктомиядан кейін, мальабсорбция синдромында, бауыр жеткіліксіздігінде, бауыр циррозында, стресстепрепарат дозасы 5 мг/тәулікке (5 таб) дейін жоғарылауы тиіс.

Енгізу әдісі және жолы

Ішке қабылдауға.

Емдеу ұзақтығы

Емдеу курсы 20 – 30 күнді құрайды.

Артық дозалану жағдайында қабылдау қажет шаралар

Фолий қышқылының 4-5 мг дейінгі дозасы жақсы көтерімді.Жоғарылау дозалары орталық жүйке жүйесі және асқазан-ішек жолдары тарапынан бұзылулар туындатуы мүмкін: жүрек айнуы, құсу, іштің кебуі, метеоризм, сондай-ақ түнгі ұйқының бұзылыстары.

Емі: көп жағдайларда артық дозаланудың симптомдары және салдарыжеңіл жойылады. Қажет болғанда пациенттер плазма алмастыратын ерітінділерді вена ішіне құюды қабылдайды,бұл сұйықтық теңгерімін қалпына келтіреді немесе жағымсыз әсерлерді емдеу үшіндәрілік препараттарды қабылдайды, қажет болғанда фолий қышқылының дозасын төмендетеді.

Дәрілік препараттың бір немесе бірнеше дозасын өткізу кезінде қажетті шаралар

Қалған дәрілік препарат пен қалдықтарды жергілікті талаптарға сәйкес кәдеге жарату керек.

Тоқтату симптомдары қатерінің болуын көрсету

Фолий қышқылы препаратын емдеуші дәрігермен алдын ала кеңес алмай қабылдауды тоқтатпаңыз!

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Егер сізде дәрілік препаратты қолдану бойынша сұрақтар туындаса, кеңес алу үшін медицина қызметкеріне немесе емдеуші дәрігерге хабарласыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы тиіс шаралар

Жиілігі белгісіз

• аллергиялық реакциялар: тері бөртпесі, терінің қышынуы, бронх түйілуі, эритема, гипертермия
• диспепсиялық құбылыстар, іштің ауыруы
• ұйқысыздық, құрысу дайындығының артуы

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - фолий қышқылы1 мг,

қосымша заттар: сахароза (қант), декстроза моногидраты (глюкоза моногидраты), стеарин қышқылы, тальк.

Сыртқы түрінің, иісінің, дәмінің сипаттамасы

Жалпақ цилиндр пішінді, ойығы бар, ақшыл сары түстен сары түске дейінгі таблеткалар. Сары түсті елеусіз теңбілдері болуы мүмкін

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан. 5 пішінді ұяшықты қаптамамедициналық қолдану жөніндегі қазақ және орыс тілдеріндегі нұсқаулықпен біргетұтынушылар ыдысына арналған картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде, 25⁰С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Марбиофарм» ААҚ, Ресей Федерациясы,

424006, Марий Эл Республикасы, Йошкар-Ола қ., К.Маркс к-сі, 121

Тел.: (8362) 42-03-12, факс: (8362) 45-00-00

e-mail: marbiopharm@marbiopharm.ru

Тіркеу куәлігінің ұстаушысы

«Марбиофарм» ААҚ, Ресей Федерациясы,

424006, Марий Эл Республикасы, Йошкар-Ола қ., К.Маркс к-сі, 121

Тел.: (8362) 42-03-12, факс: (8362) 45-00-00

e-mail: marbiopharm@marbiopharm.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымныңатауы, мекенжайы және байланыс деректері (телефон, факс, электронды пошта)

Утегенова Б.А. ЖК

010000, Қазақстан, Нұр-Сұлтан қ., Абай даңғылы 18 үй, 50 пәт.

Тел.: +77017076181

Электрондық адресы b.utegenova_ip@mail.ru

Дәріханалар