Сипаттама
Дәрілік затты медициналық
қолдану жөніндегі нұсқаулық
Хлоргексидин биглюконаты
Саудалық атауы
Хлоргексидин биглюконаты
Халықаралық патенттелмеген атауы
Хлоргексидин
Дәрілік түрі
Сыртқа қолдануға арналған ерітінді 0,05 %
Құрамы
100 мл препараттың құрамында
белсенді зат – хлоргексидин биглюконаты 20 % ерітіндісі 0,25 мл (0,05 г)
қосымша зат – тазартылған су
50 мл препараттың құрамында
белсенді зат – хлоргексидин биглюконаты 20 % ерітіндісі 0,125 мл (0,025 г)
қосымша зат – тазартылған су
Сипаттамасы
Түссіз, мөлдір немесе сәл бозаңданатын сұйықтық, иісі жоқ.
Фармакотерапиялық тобы
Антисептиктер және дезинфекциялайтын препараттар. Бигуанидтер және амидиндер. Хлоргексидин.
АТХ коды D08AC02
Фармакологиялық қасиеттері
Антисептикалық дәрі. Препарат грамтеріс және грамоң бактериялардың вегетативті түрлеріне, сондай-ақ ашытқыларға, дерматофиттер мен липофильді вирустарға қатысты белсенді, бактерия спораларына тек жоғары температурада әсер етеді. Теріні зақымдануын туындатпай, тазалайды және дезинфекциялайды.
Қолданылуы
-жыныстық қатынас ауруларының (мерез, соз, трихомониаз, хламидиоз, гениталий герпесі) жанасудан кейінгі профилактикасында.
- гинекологияда және акушерліктегі антисептикалық дәрілер.
Қолдану тәсілі және дозалары
Жанасудан кейінгі профилактика үшін хлоргексидин биглюконатын несепті шығарыпжәне гениталийді сабынсыз жылы сумен жуғаннан соң жыныстық қатынастан кейін 2 сағаттан кеш қалдырмай қолдану керек. Құты ішіндегінің 2-3 мл инесі жоқ шприцтің көмегімен ерлердің несеп шығару өзегіне, әйелдерге 1-2 мл және 2-3 минутқа қынапқа 5-10 мл енгізу керек. Сондай-ақ сан, қасаға, жыныс мүшелері ішкі беткейлерінің терісін өңдеу қажет. Ем-шарадан кейін 2 сағат ішінде несеп шығарудың болмағаны жөн.
Әйелдерде қынапты шаю үшін медициналық қызметкер қатысуымен 2-3 минут құтының түбін басу жолымен 5-10 мл ерітіндіні бүрку керек.
Жағымсыз әсерлері
- терінің құрғауы, қышыну
- дерматит
- қол терісінің жабысқақтығы
- аллергиялық реакциялар
- фотосенсибилизация
Қолдануға болмайтын жағдайлар
- хлоргексидинге жоғары сезімталдық
- дерматиттер
Балалық жаста, жүктілікте, лактация кезеңінде сақ болу керек.
Дәрілермен өзара әрекеттесуі
Бейтарап ортада қолданылады: рН 5-8 кезінде белсенділігіндегі айырмашылығы көп емес, рН 8-ден асқанда шөгінді түзіледі. Йод препараттарымен бір мезгілде қолданған кезде дерматиттер дамуы мүмкін. Сабынмен, сілтілермен фармацевтикалық үйлесімсіз. Этанол препараттың тиімділігін күшейтеді.
Хлорамфениколға, канамицинге, неомицинге, цефалоспориндерге бактериялардың сезімталдығын жоғарылатады. Құрамында катион тобы (бензалконий хлориді, цетримоний бромиді) бар препараттармен үйлесімді.
Айрықша нұсқаулар
Конъюнктиваны өңдеу үшін және дене қуыстарын шаю, терең жараларды, күйіктерді шаю үшін хлоргексидин ерітіндісін пайдаланбаған дұрыс. Көздің шырышты қабығына түскен жағдайда, оны тез арада сумен мұқият жуу керек. Ерітіндінің температурасы жоғарылауымен бірге бактерицидтік әсері күшейеді. Препарат 100°С-ден жоғары температурада ішінара бұзылады.
Жүктілік және лактация кезеңі
Аллергиялық реакциялардың даму қаупіне байланысты бала емізетін аналар мен жүкті әйелдерге сақтықпен қолдану керек!
Қолдану тәжірибесі болмауына байланысты балаларға қолдану ұсынылмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат көлік құралдарын немесе қауіптілігі зор механизмдерді басқару қабілетіне әсер етпейді.
Артық дозалануы
Симптомдары: препаратпен артық дозалану жөнінде деректер жоқ.
Емі: кездейсоқ ішке түссе, сіңірілмейді, мұндай жағдайда сүтті, шикі жұмыртқаны, желатинді немесе судың көп мөлшерін пайдалана отырып асқазанды шаю және адсорбенттер қабылдау керек: 10-20 таблетка белсендірілген көмір. Қажет болғанда симптоматикалық ем жүргізу керек.
Шығарылу түрі және қаптамасы
100 және 50 мл-ден бұрандалы полиэтилен қақпағы бар полиэтилен тамшылатқыш-құтыларда. 100 құтыдан медициналық қолдану жөніндегі мемлекеттік және орыс тілдеріндегі нұсқаулықтың тиісінше мөлшерімен гофрланған қораптарға салынады.
Сақтау шарттары
Жарықтан қорғалған жерде, 25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Босатылу шарттары
Рецептісіз
Өндіруші
«Шаншаров-Фарм» ЖШС Қазақстан Республикасы, Алматы қ., Б.Бұлқышев к-сі, 4е.
Тіркеу куәлігінің иесі
«Шаншаров-Фарм» ЖШС, Қазақстан Республикасы
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«Шаншаров-Фарм» ЖШС, Алматы қ., Б.Бұлқышев к-сі, 4е
тел./факс +7727233-27-58
E-mail: farm-4@mail.ru
