Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Ларнамин®
Халықаралық патенттелмеген атауы
Жоқ
Дәрілік түрі, дозалануы
Инфузия үшін ерітінді дайындауға арналған концентрат, 500 мг/мл
Фармакотерапиялық тобы
Ас қорыту жолы және зат алмасу. Бауыр және өт шығару жолдары ауруларын емдеуге арналған препараттар. Бауыр ауруларын емдеуге арналған препараттар, липотропты дәрілік заттар. Бауыр ауруларын емдеуге арналған препараттар.
АТХ коды А05ВА
Қолданылуы
- бауыр энцефалопатиясында (жасырын және айқын)
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- L-орнитин-L-аспартатына аса жоғары сезімталдық
- ауыр бүйрек жеткіліксіздігі (3 мг/100 мл жоғары креатинин клиренсі болжамды шама ретінде қарастырылады)
- 18 жасқа дейінгі балалар мен жасөспірімдер
- жүктілік және лактация кезеңі
Қолдану кезіндегі қажетті сақтандыру шаралары
Бауыр функциясы айтарлықтай бұзылғанда жүрек айну мен құсуды болдырмас үшін инфузияның жылдамдығын науқастың өзіндік жай-күйіне сәйкес үйлестіріп отыру қажет.
Басқа дәрілік препараттармен өзара әрекеттесуі
Өзара әрекеттесуі бойынша зерттеулер жүргізілмеген. Деректер жоқ.
Үйлесімсіздік туралы зерттеулер жүргізілмегенімен, бұл препаратты басқа дәрілік заттармен араластыруға болмайды.
Ларнамин® препаратын әдеттегі инфузиялық ерітінділермен араластыруға болады. Алайда 500 мл инфузиялық ерітіндіде 6 ампуладан артық ерітудің қажеті жоқ.
Арнайы ескертулер
Ларнамин®, инфузия үшін ерітінді дайындауға арналған концентрат препаратын артерияға енгізуге болмайды.
Ларнамин® препаратының жоғары дозаларын енгізген кезде қан плазмасы мен несептегі мочевина деңгейін бақылап отыру қажет.
Педиатрияда қолданылуы
Балаларға қолдану тәжірибесі шектеулі, сондықтан препаратты педиатриялық тәжірибеде қолданбайды.
Жүктілік немесе лактация кезінде
Ларнамин® препаратын жүктілік кезінде қолдану туралы мәліметтер жоқ. Сондықтан Ларнамин® препаратын жүктілік кезінде қолданудан аулақ болу керек.
Алайда, егер жүктілік кезінде Ларнамин® препаратымен емдеу денсаулыққа байланысты маңызды болса, дәрігер ұрыққа/балаға мүмкін болатын қауіптің қатынасын - ана үшін күтілетін пайдасын мұқият өлшеуі керек.
Ларнамин® препараты емшек сүтіне енетіні белгісіз, сондықтан бала емізіп жүрген кезінде препаратты қолданудан аулақ болу керек.
Препараттың көлік құралдарын және әлеуетті қауіпті механизмдерді басқару қабілетіне әсер ету ерекшеліктері
Ауру салдарынан автокөлікті басқару немесе басқа механизмдермен жұмыс істеу қабілеті Ларнамин® препаратымен емдеу кезінде нашарлауы мүмкін, сондықтан емдеу кезеңінде мұндай қызмет түрінен аулақ болған жөн.
Қолдану жөніндегі нұсқаулар
Дозалау режимі
Вена ішіне тәулігіне 4 ампулаға дейін (40 мл) енгізеді.
Кома алды немесе кома жағдайында жай-күйдің ауырлығына қарай 24 сағат ішінде 8 ампулаға дейін (80 мл) енгізеді.
Енгізу әдісі және жолы
Вена ішіне қолданылады.
Енгізер алдында ампула ішіндегісін 500 мл инфузиялық ерітіндісіне қосады, бірақ 500 мл инфузиялық ерітіндіде 6 ампуладан артық ерітуге болмайды.
Ларнамин® препаратын енгізудің ең жоғары жылдамдығы сағатына 5 г құрайды (1 ампула ішіндегісіне сәйкес келеді).
Инфузиялық ерітінді ретінде изотониялық ерітінді, глюкоза ерітіндісі немесе Рингер ерітіндісі пайдаланылады.
Емдеу ұзақтығы
Емдеу курсы науқастың клиникалық жағдайымен регламенттеледі.
Артық дозалану жағдайында қабылдау қажет болатын шаралар
L-орнитин-L-аспартаттың артық озалануы салдарынан болған уыттану белгілері қазіргі кезге дейін байқалмаған. Жағымсыз әсерлері күшеюі мүмкін. Артық дозаланған жағдайда симптоматикалық ем ұсынылады.
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар
Сұрақтар туындаған кезінде дәрілік препаратты қолдану тәсілін түсіндіру үшін медицина қызметкерінің кеңесіне жүгіну керек.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)
Жағымсыз реакциялардың пайда болуын бағалау үшін келесі жиіліліктер қолданылады: өте жиі (≥ 1/10), жиі (≥ 1/100 - <1/10), жиі емес (≥ 1/1000 - <1/100), сирек (≥ 1/10000 - <1/1000), өте сирек (<1/10000), жиілілік белгісіз (қолда бар деректер бойынша жиілілікті анықтау мүмкін емес).
Асқазан-ішек жолы тарапынан
Жиі емес:
- жүрек айнуы
- құсу
- жоғары сезімталдық реакциялары, анафилактикалық реакцияларды қоса.
Сирек:
Бұл асқазан-ішек жолы тарапынан жағымсыз реакциялар әдетте қысқа мерзімді және препаратты қабылдауды тоқтатуды талап етпейді. Олар дозаны немесе инфузия жылдамдығын азайтқанда жоғалады.
Иммун жүйесі тарапынан:
Белгісіз:
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препарат құрамы
Бір мл препараттың құрамында
белсенді зат - 100 % затқа шаққанда L-орнитин-L-аспартаты 500 мг,
қосымша зат - инъекцияға арналған су.
Сыртқы түрінің, иісінің, дәмінің сипаттамасы
Түссізден ақшыл-сары түске дейінгі мөлдір ерітінді.
Шығарылу түрі және қаптамасы
10 мл-ден сындыру сақинасы немесе сындыру нүктесі бар күңгірт шыныдан жасалған ампулада. Ампулаларға өздігінен желімделетін заттаңба жапсырылады.
5 немесе 10 ампуладан медициналық қолдану жөніндегі нұсқаулықпен бірге қазақ және орыс тілдерінде гофрланған қосымшасы бар картон қорапшаға салынған.
Немесе 5 ампуладан полимер үлбірден жасалған пішінді ұяшықты қаптамаға салады. Ампулалары бар 1 немесе 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.
Сақтау мерзімі
2 жыл.
Жарамдылық мерзімі өткеннен кейін қолдануға болмайды!
Сақтау шарттары
25 ºС-ден аспайтын температурада сақтау керек. Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
«Фармак» АҚ, Украина, 04080, Киев қ., Кирилловская к-сі, 74.
Тел.: +38 (044) 496 87 87, электронды поштасы: info@farmak.ua
Тіркеу куәлігінің ұстаушысы
«Фармак» АҚ, Украина, 04080, Киев қ., Кирилловская к-сі, 63.
Тел.: +38 (044) 496 87 87, факс: +38 (044) 239 19 40
электронды поштасы: info@farmak.ua
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Фармак» АҚ Қазақстан Республикасындағы өкілдігі
Қазақстан Республикасы, Алматы қ., индексі 050051, Фонвизин к-сі, 22. Тел./факс: +7 (727) 339 86 91, электронды поштасы: а.aspetova@farmak.kz
