Таблетки от кашля №10, табл.

Сипаттама

Дәрілік затты медициналық қолдану

жөніндегі нұсқаулық

Жөтелге қарсы таблеткалар

Саудалық атауы

Жөтелге қарсы таблеткалар

Халықаралық патенттелмеген атауы

Жоқ

Дәрілік түрі

Таблеткалар

Бір таблетканың құрамында:

белсенді заттар: улы термопсис шөбінің ұнтағы 0,0067 г,

натрий гидрокарбонаты 0,2500 г

қосымша заттар: картоп крахмалы, тальк.

Сипаттамасы

Ойығы бар тегіс цилиндр пішінді жасыл-сұр түсті таблеткалар. Қара теңбілдердің болуына жол беріледі.

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда. Қақырық түсіретін препараттар. Қақырық түсіретін препараттар біріктірілімі.

АТХ коды R05СА10

Фармакологиялық қасиеттері

Фармакокинетикасы

Препараттың компоненттері асқазан-ішек жолында жақсы сіңеді. Ең жоғары әсері ішке қабылдағаннан кейін 30-60 минуттан кейін басталады және 2-6 сағат бойы созылады. Организмнен бүйрекпен, тыныс алу жолдарының шырышты қабығы және бронх бездері арқылы шығарылады

Фармакодинамика

Құрамында термопсис шөбі мен натрий гидрокарбонаты бар біріктірілген препарат.

Термопсис шөбі асқазан шырышты қабығының рецепторларына қалыпты тітіркендіретін әсер ете отырып, бронх бездерінің секрециясын рефлекторлы түрде жоғарылатады, қақырық түсіретін қасиетті иеленген.

Термопсис шөбінің құрамындағы алкалоидтар (цитизин, метилцитизин, пахикарпин, анагирин, термопсин, термопсидин) тыныс алу және жоғары дозаларда құсу орталықтарына қоздыратын әсер етеді.

Натрий гидрокарбонаты бронх бездерінің секрециясын көтермелейді, қақырық тұтқырлығының төмендеуіне көмектеседі.

Қолданылуы

Бөлінуі қиын қақырығы бар (трахеит, бронхит) жөтелмен қатарласып жүретін тыныс алу жолдарының ауруларында - кешенді ем құрамында.

Қолдану тәсілі және дозалары

Қолдану тәсілі: ішке. Ересектерге 3-5 күн ішінде 1 таблеткадан күніне 3 рет тағайындайды. 12 жастан асқан балаларға - 3-5 күн ішінде 1 таблеткадан күніне 3 рет.

Емнің ұзақтығы дәрігердің ұсынысы бойынша.

Жағымсыз әсерлері

Аллергиялық реакциялар, жүрек айнуы болуы мүмкін.

Қолдануға болмайтын жағдайлар

Препараттың компонеттеріне жоғары сезімталдық, асқазанның және он екі елі ішектің ойық жаралы ауруы (асқыну фазасында), балалар (12 жасқа дейін).

Қан қақыруға бейімділігі бар өкпе аурулары кезінде препаратты тағайындауға болмайды (қан кетумен обыр және өкпе туберкулезінде).

Дәрілермен өзара әрекеттесуі

Адсорбенттер, тұтқыр және бүркеуіш дәрілер термопсис шөбінің құрамына кіретін алкалоидтардың асқазан-ішек жолына сіңірілуін төмендетуі мүмкін.

Жөтелге қарсы таблеткаларды кодеин және басқа жөтелге қарсы дәрілік заттардан тұратын препараттармен бір уақытта қолдануға болмайды, себебі ол қақырықтың жөтелмен шығуын қиындатады.

Айрықша нұсқаулар

Қақырықтың сұйылуын және бөлінуін жақсарту үшін молынан жылы сұйықтық ішу тағайындалған.

Препаратты қолдану жоғары назар салуды және психомоторлық реакциялардың (автокөлікті басқару, қозғалатын механизмдермен жұмыс, диспетчер және оператор жұмысы) тездігін талап ететін қызметтердің барлық қауіпті түрлерін орындауға әсер етпейді.

Жүктілік, лактация кезеңі

Жөтелге қарсы таблеткаларды жүктілік және емшек емізу кезеңінде қолдануға болмайды.

Артық дозалануы

Симптомдары: жүрек айну, құсу.

Емі: симптоматикалық ем.

Шығарылу түрі және қаптамасы

10 таблеткадан полиэтиленмен қапталған қағаздан жасалған пішінді ұяшықсыз қаптамада.

Пішінді ұяшықсыз қаптама қолданылуы жөніндегі нұсқаулықтардың тең санымен бірге топтық қаптамаға салынған.

Сақтау шарттары

Құрғақ, жарықтан қорғалған жерде, 25°C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл.

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз.

Өндіруші

«ДАЛЬХИМФАРМ» ААҚ, 680001, Ресей Федерациясы,

Хабаровск өлкесі, Хабаровск қ., Ташкентская к-сі, 22, т/ф (4212) 53-91-86.

Тіркеу куәлігінің ұстаушысы

«ДАЛЬХИМФАРМ» ААҚ, 680001, Ресей Федерациясы,

Хабаровск өлкесі, Хабаровск қ., Ташкентская к-сі, 22, т/ф (4212) 53-91-86.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«МедЛайн Фармацевтика» ЖШС

Қазақстан Республикасы, 050054, Алматы қ., Сүйінбай даңғылы, 162 А,

тел. 8 (727) 225 00 37.

Дәріханалар