Сипаттама
Дәрілік затты медициналық қолдану
жөніндегі нұсқаулық
ВИЗОПТИН
Саудалықатауы
Визоптин
Халықаралық патенттелмеген атауы
Тетризолин
Дәрілік түрі
Көзге тамызатын дәрі, 0.05 %, 15 мл
Құрамы
1 млпрепараттың құрамында
белсендi зат - 0.5 мг тетризолин гидрохлориді,
қосымша заттар: бор қышқылы, натрий тетраборатының декагидраты, динатрий эдетатының дигидраты, бензалконий хлориді, тазартылғансу.
Сипаттамасы
Мөлдір түссіз ерітінді.
Фармакотерапиялық тобы
Сезім мүшелері. Офтальмологиялық препараттар. Деконгестанттар және аллергияға қарсы препараттар. Деконгестанттар ретінде қолданылатын симпатомиметиктер. Тетризолин.
АТХ коды S01GA02
Фармакологиялық қасиеттері
Фармакокинетикасы
Тамызғаннан кейін тамыр тарылтатын әсері бірнеше минуттан кейін дамиды және 4-6 сағатқа созылады. Жергіліктіқолданғанда жүйелі сіңірілуі төмен.
Фармакодинамикасы
Визоптин - симпатикалық жүйке жүйесінің альфа-адренорецепторларын көтермелейтін симпатомиметикалық препарат, бірақ бета-адренорецепторларына әсер етпейді немесе әсері әлсіз. Симпатомиметикалықаминбола отырып, тетризолинніңтамыр тарылтатын әсері бар және тіндердің ісінуін азайтады. Жергілікті қолданғанда конъюнктива ісінуін, ашыту сезімін, көздің шырышты қабығының ауыруын, көзден жас ағуын азайтады. Тетризолинді қолданғанда іс жүзінде қарашық диаметрі, аккомодация және көзішілік қысым өзгермейді.
Қолданылуы
- инфекциялық емес конъюнктивитте
Қолдану тәсiлi және дозалары
Офтальмологиялық қолдануға арналған.
Ересектер, жасөспірімдер және 8 жастан асқан балалар
1-2 тамшыдан зақымданған көздің төменгі конъюнктивалық қалтасына (зақымданған көздердің) тәулігіне 2-3 рет тамызады.
Емдеу ұзақтығы әдетте 7 күннен аспауы тиіс. Егер 3 күн қолданғаннан кейін клиникалық көріністерінің жақсаруы болмаса, дәрігермен кеңесу қажет.
Жағымсызәсерлері
Жиі
- көз шырышты қабығының тітіркенуі (ауыруы, шаншуы, ашытуы), көрудің бұзылуы.
Белгісіз
- көзден жас ағудың артуы, көз қарашығының кеңеюі, енгізген жердегі реакциялар (көздегі және көз айналасы аймағының ашуын, қызаруын, тітіркенуін, ісінуін, ауыруын және қышынуын қоса).
Жоғарыда аталған белгілер пайда болғанда дәрігерге қаралу қажет.
Қолдануға болмайтын жағдайлар
- препарат компоненттеріне жоғары сезімталдық
- жабық бұрышты глаукома және мөлдір қабықтың эндотелиальді-эпителиальді дистрофиясы
- «құрғақ көз» синдромы
- бактериялық инфекциялар немесе бөгде зат болуына байланысты көздің тітіркенуі
- 8 жасқа дейінгі балалар
Дәрілермен өзара әрекеттесуі
Препаратты МАО тежегіштерімен (фенелзин, ниаламид, ипрониазид және т.б.) бір мезгілде және оларды қабылдауды тоқтатқаннан кейінгі 10 күн ішінде қолдануға болмайды.
Аритмия дамуының жоғары қаупі жүрек гликозидтерін, хинидин немесе трициклді антидепрессанттарды қабылдаған пациенттерде болуы мүмкін.
Айрықша нұсқаулар
Препаратты ауыр жүрек-қантамыр аурулары (соның ішінде ЖИА (жүректің ишемиялық ауруы), аритмия, жүрек аневризмасы, артериялық гипертензия), гипертиреозы, қант диабеті, феохромоцитомасы, қуық асты безінің қатерсіз гипертрофиясы, глаукомасы бар пациенттерде, АҚ жоғарылататын дәрілік заттармен емдеу кезеңінде сақтықпен қолдану керек.
Бұл препаратты дұрыс пайдаланбау көздің қабынуын және көз гиперемиясын туындатуы мүмкін, ұзақ емдеу үшін көзішілік қысымды үнемі бақылап отыру ұсынылады.
Тетризолинді көзге тамызатын дәрі түрінде тек көздің жеңіл тітіркенуінде қолдану тиімді. Егер конъюнктиваның тітіркенуі мен гиперемиясы жұқпалы аурумен, көздегі бөгде затпен немесе мөлдір қабықтыңхимиялық күйігі болуымен байланысты болса, көз дәрігерінің кеңесі қажет.
Егер көзге тамызатын дәрісін қолданудан кейінгі 48 сағат ішінде ауру симптомдары сақталса, барынша айқындала бастаса немесе жағымсыз әсері байқалса, препаратты қолдануды тоқтатқан және көз дәрігерімен кеңескен жөн.
Көзде қарқынды ауыру, бас ауыруы, көрудің бұзылуы пайда болғанда, кенеттен көз алдында жүзіп жүрген дақтар пайда болғанда, жарық әсер еткенде көздердің қызаруы, ауыруынемесе көзге қосарланып көрінген кезде, дереу дәрігерге қаралу керек.
Препарат құрамына бензалконий хлориді, жұмсақ жанаспалы линзалардың сіңіруі мүмкін микробқа қарсы консервант кіреді.
Сондықтан препаратты жанаспалы линза (жұмсақ) киген уақытта қолдануға болмайды. Линзаны препаратты қолдануға дейін алып тастау қажет және оларды тамызғаннан кейін 15 минут өткеннен соң ғана киюге болады.
Препаратты басқа да офтальмологиялық тамшылармен үйлесімде қолданған кезде тамызулар арасында кем дегенде 15 минут аралықты сақтау қажет.
Аса жоғары сезімталдық туындаған жағдайда емдеу тоқтатылуы тиіс.
Қысқа уақыт аралығында қайталап қолдану әсерінің (тахифилаксия)төмендеуіне әкеледі.
Жүйелік сіңуіне байланысты балаларда қозу қаупі болады.
Құтының ұшын қандай болсын беткейлерге тигізуге болмайды.
Қолданғаннан кейін тамшылатқыш-құтының қақпағын тығыздап бұрапжабу керек.
Жүктілік және лактация кезеңі
Жалпы реакциялар қаупін ескере отырып, жүктілік және лактация кезінде, егер дәрігердің пікірінше, анасы үшін болжанатын пайдасы ұрық пен нәрестеге төнетін ықтимал қауіптен асып түсетін болса ғана, қолдануға болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Визоптинді қолданудан кейін сирек жағдайларда қарашықтың ұлғаюы туындайды және көрудің бұлыңғырлануы байқалады, бұл автомобиль мен механизмдерді басқару қабілетіне әсер етуі мүмкін.
Артық дозалануы
Препаратты кездейсоқ немесе әдейі ішке қабылдағанда немесе көзге шамадан тыс тамызғанда, артық дозаланудың жүйелік симптомдары дамуы мүмкін.
Симптомдары: қарашықтың ұлғаюы, жүрек айну, цианоз, қызба, құрысулар, тахикардия/брадикардия, артериялық гипертензия, бас айналу, гипотензиямен және брадикардиямен шок тәрізді синдром.
Балаларда артық дозалану ұйқышылдықпен, шамадан тыс тершеңдікпен, шокқа дейін баратын айқын гипотензиямен қатар жүретін ОЖЖ бәсеңдеуімен байқалуы мүмкін.
Емі: көзді көп мөлшердегі жылы сумен жуу. Белсендірілген көмір, асқазан шаю, симптоматикалық ем (оттегі ингаляциясы, қызуды басатын, құрысуға қарсы дәрілерді қолдану) тағайындау.
Тетризолинге арнайы антидоты белгісіз.
Шығарылу түрі және қаптамасы
15.15 г ± 10 % (15 мл) тамышылатқыш-тығыны және қорғаныш сақинасымен бұрандалы қақпағы бар, сыйымдылығы 15 мл полиэтиленнен жасалған мөлдір емес құтыда.
Бір құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау шарттары
15 0С-ден25 0С-ге дейінгі температурада, түпнұсқалық қаптамада сақтау керек.
Балалардың қолы жетпейтін жерде сақтау керек!
Сақтау мерзiмi
5 жыл
Құтыны ашқаннан кейін қолдану мерзімін 4 аптадан асыруға болмайды.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндiрушi
Ромфарм Компани С.Р.Л.,
Ероилор к-сі №1А, Отопень қ., Румыния
тел. +40 21 3504640,факс: +40 21 350 4641
Тіркеу куәлігінің ұстаушысы
Ромфарм Компани С.Р.Л.,
Ероилор к-сі №1А, Отопень қ., Румыния
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«ROMPHARM COMPANY» СРЛ («РОМФАРМ КОМПАНИ» СРЛ) коммерциялық қоғамының Қазақстан Республикасындағы өкілдігі,
050013, Алматы қ., Бұхар жырау бульвары, 33 үй, «Жеңіс» БО, 41 кеңсе,
телефон:8 (727) 247-07-85, факс: 8 (727) 376-35-88,
электронды пошта: amangul-62@mail.ru
